Cinema
ഇ​ര​ട്ടച്ച​ങ്കു​ള്ള ലി​ല്ലി
Friday, September 28, 2018 2:51 PM IST
അ​തി​ജീ​വ​ന​ത്തി​ന്‍റെ പു​തി​യ​ മു​ഖ​മാ​ണ് ലി​ല്ലി. ഒ​രു പൂർണ ഗ​ർ​ഭി​ണി ഇ​ത്ര​യൊ​ക്കെ കാ​ര്യ​ങ്ങ​ൾ ഒ​റ്റ​യ്ക്ക് ചെ​യ്യു​മോ? ഈ ​ഒ​രു ചിന്ത സിനിമ കണ്ടുതീരുന്ന സമയത്തോളം പ്രേ​ക്ഷ​ക​രെ അ​ല​ട്ടി​ക്കൊ​ണ്ടേ​യി​രി​ക്കും. പി​ന്നെ സി​നി​മ​യ​ല്ലേ ഇ​ത​ല്ല, ഇ​തി​ന​പ്പു​റം സം​ഭ​വി​ക്കു​മെ​ന്ന ബോധ്യമുണ്ടായാൽ ലി​ല്ലി സ​മ്മാ​നി​ച്ച അ​തി​ജീ​വ​ന​ത്തി​ന്‍റെ ശുഭാപ്തി വിശ്വാസവുമായി മടങ്ങാം.

സം​യു​ക്ത മേ​നോ​ന്‍റെ പ്ര​ക​ട​ന​മാ​ണ് ലി​ല്ലി​യെ കാ​ണാ​ൻ പാ​ക​ത്തി​നു​ള്ള ഒ​രു റി​വ​ഞ്ച് ത്രി​ല്ല​റാ​ക്കി മാ​റ്റു​ന്ന​ത്. അസാധാരണ പ്രടനമാണ് അരങ്ങേറ്റ ചിത്രത്തിൽ സംയുക്ത പുറത്തെടുത്തിരിക്കുന്നത്. നല്ലപോലെ പാ​ടു​പെട്ടിട്ടു​ണ്ടാ​വ​ണം സം​യു​ക്ത ലി​ല്ലി​യു​ടെ മാ​ന​സി​കാ​വ​സ്ഥ​യി​ലേ​ക്ക് എ​ത്താൻ.

തു​ട​ക്ക​ക്കാ​ര​ന്‍റെ പ​ത​ർ​ച്ച ല​വ​ലേ​ശ​മി​ല്ലാ​തെ പുതുമ വേണ്ടുവോളം നിറച്ച് ത​ന്‍റെ മ​ന​സി​ലു​ള്ള ക​ഥാ​പാ​ത്ര​ങ്ങ​ളെ സ്ക്രീ​നി​ലേ​ക്ക് പ​റി​ച്ചു നടുകയായിരുന്നു സംവിധായകൻ പ്രശോഭ് വിജയ്. ലി​ല്ലി ഇ​തു​വ​രെ കാ​ണാ​ത്ത ഒ​രു കാ​ഴ്ചാ​നു​ഭ​വ​മാ​യി​രി​ക്കും മ​ല​യാ​ളി​ക​ൾ​ക്ക് സ​മ്മാ​നി​ക്കു​ക. പ​രി​മി​തി​ക്കു​ള്ളി​ൽ നി​ന്നു​ള്ള തു​ട​ക്കക്കാരു​ടെ ഈ ​മു​ന്നേ​റ്റ​ത്തെ കൈ​യ​ടി​ച്ച് ത​ന്നെ വ​ര​വേ​ൽ​ക്കാം.



ഒ​ന്നൊ​ന്ന​ര ഗ​ർ​ഭി​ണി

തു​ട​ക്കം ഇ​തെ​ങ്ങോ​ട്ടാണെ​ന്നെ​ല്ലാം തോ​ന്നാ​മെ​ങ്കി​ലും എ​ന്താ​ണ് സം​ഭ​വി​ച്ച​തെ​ന്ന് അ​റി​യാ​നു​ള്ള കൗ​തു​കം സ്ക്രീ​നി​ൽ നി​ന്നു ക​ണ്ണെ​ടു​ക്കാ​ൻ പ്രേ​ക്ഷ​ക​നെ അ​നു​വ​ദി​ക്കി​ല്ല. ഓ​രോ രം​ഗ​ങ്ങ​ളും മാ​റിമ​റി​ഞ്ഞു വ​രു​ന്പോ​ഴും എ​ന്തോ വ​ലി​യ അ​പ​ക​ടം വ​രാ​നി​രി​ക്കു​ന്നു​വെ​ന്ന തോ​ന്ന​ൽ പ​ശ്ചാ​ത്ത​ല സം​ഗീ​ത​ത്തി​ന്‍റെ അ​ക​ന്പ​ടി​യോ​ടെ മ​ന​സി​ലേ​ക്ക് പാ​ഞ്ഞ​ടു​ക്കും. അ​ജി​ത്തിന്‍റെ (​ആ​ര്യ​ൻ കൃ​ഷ്ണ മേ​നോ​ൻ)​ ഭാ​വ​മാ​റ്റ​ങ്ങ​ൾ പ്രേ​ക്ഷ​ക​രെ ശ​രി​ക്കും ഞെ​ട്ടി​ക്കും. അ​തു​കൊ​ണ്ട് പു​ള്ളി​യെക്കുറി​ച്ച് കൂ​ടു​ത​ലൊന്നും പ​റ​യു​ന്നി​ല്ല. ക​ണ്ടു​ത​ന്നെ അ​റി​യു​ക.

ഗ​ർ​ഭി​ണി​യാ​യ ലി​ല്ലി​യു​ടെ ചലനങ്ങളെല്ലാം സൂ​ക്ഷ്മ​ത​യോ​ടെ ത​ന്നെ​യാ​യി​രു​ന്നു. ത​ന്‍റെ കു​ഞ്ഞി​നാ​യു​ള്ള കാ​ത്തി​രി​പ്പി​നി​ടെ അ​വ​ൾ​ക്ക് നേ​രി​ടേ​ണ്ടി വ​രു​ന്ന വ​ലി​യ വി​പ​ത്താ​ണ് സി​നി​മ​യെ കൂ​ടു​ത​ൽ ആ​കാം​ക്ഷാ​ഭ​രി​ത​മാ​ക്കു​ന്ന​ത്. ആ​ദ്യപ​കു​തി​യി​ൽ മൂ​ന്നു വി​ല്ലന്മാ​രു​ടെ ന​ടു​വി​ൽ നി​ന്നു​കൊ​ണ്ടു​ള്ള ലി​ല്ലി​യു​ടെ ക​ര​ച്ചി​ലും പി​ന്നെ ര​ക്ഷ​പ്പെ​ടാ​നു​ള്ള ശ്ര​മ​ങ്ങ​ളു​മെ​ല്ലാം ഒ​ടു​വി​ൽ ചെ​ന്നുനി​ൽ​ക്കു​ന്ന​ത് ആ​രും പ്ര​തീ​ക്ഷി​ക്കാ​ത്ത ഒ​രി​ട​ത്താ​ണ്. അ​പ്പോ​ൾ ആ​രു​മൊ​ന്നു പ​റ​ഞ്ഞു പോ​കും ഇ​തൊ​രു ഒ​ന്നൊ​ന്ന​ര ഗ​ർ​ഭി​ണി​യാ​ണെ​ന്ന്.



ഹൊറർ ത്രില്ലറിന് പറ്റിയ പശ്ചാത്തല സംഗീതം

സുഷിൻ ശ്യാം ​മ​ന​സ​റി​ഞ്ഞ് ന​ൽ​കി​യ പ​ശ്ചാ​ത്ത​ല സം​ഗീ​ത​ത്തി​ന് ലി​ല്ലി​യു​ടെ അ​ണി​യ​റ പ്ര​വ​ർ​ത്ത​ക​ർ എ​ത്ര ന​ന്ദി പ​റ​ഞ്ഞാ​ലും മതിയാകില്ല. ലില്ലി എന്ന ഹൊറർ ത്രില്ലറിന്‍റെ നെടുതൂണാണ് പശ്ചാത്തല സംഗീതം. അതില്ലെങ്കിൽ ലില്ലിയില്ല എന്നതാണ് വസ്തുത. ലില്ലിയുടെ ഓരോ അതിജീവന നീക്കവും പ്രേ​ക്ഷ​ക​രെ ആ​കാംക്ഷയു​ടെ മു​ൾ​മു​ന​യി​ൽ നി​ർ​ത്തും.



കൈ​വി​ട്ടുപോ​യി എ​ന്നു​ള്ള തോ​ന്ന​ൽ ഇ​ട​യ്ക്കി​ടെ വ​രു​ന്ന നി​മി​ഷ​ങ്ങ​ളി​ലെ​ല്ലാം ലി​ല്ലി ത​ന്‍റെ പ്ര​ക​ട​നംകൊ​ണ്ട് പ്രേ​ക്ഷ​ക​രെ പിടിച്ചിരുത്തുകയായിരുന്നു. ര​ണ്ടാം പ​കു​തി​യി​ൽ വ​യ​ല​ൻ​സി​ന്‍റെ ക​ട​ന്നുക​യ​റ്റം പ്രേ​ക്ഷ​ക​രെ ഒ​രു പ്ര​ത്യേ​ക അ​വ​സ്ഥ​യി​ൽ എത്തിക്കുമെന്ന കാ​ര്യം ഉ​റ​പ്പാ​ണ്. ശ്രീ​രാ​ജ് ര​വീ​ന്ദ്ര​ന്‍റെ കാ​മ​റക്കണ്ണു​ക​ൾ ചിത്രത്തെ കൂ​ടു​ത​ൽ ഉ​ദ്വേ​ഗ​ഭ​രി​ത​മാ​ക്കാ​ൻ ഏ​റെ സ​ഹാ​യി​ച്ചി​ട്ടു​ണ്ട്. ക​ണ്ടി​റ​ങ്ങി​യാ​ൽ ഓ​ർ​മ​യി​ൽ നി​ൽ​ക്കു​ന്ന നി​ര​വ​ധി ഫ്രെ​യി​മു​ക​ൾ ഛായാഗ്രാഹകൻ പ്രേ​ക്ഷ​ക​ർ​ക്ക് സ​മ്മാ​നി​ക്കു​ന്നു​ണ്ട്.



ട്വി​സ്റ്റ് പൊ​ളി​ച്ചു

ആ​രും പ്ര​തീ​ക്ഷി​ക്കാ​ത്ത ട്വി​സ്റ്റു​മാ​യി എ​ത്തി​യാ​ണ് സം​വി​ധാ​യ​ക​ൻ ചി​ത്ര​ത്തെ താ​ങ്ങിനി​ർ​ത്തു​ന്ന​ത്. ഇ​ല്ലാ​യിരുന്നെ​ങ്കി​ൽ ചി​ല​പ്പോ​ൾ ലി​ല്ലിയുടെ ബാലൻസ് തെറ്റിപ്പോയേനെ. ക​ഥ​യു​ടെ വ​ഴി ഫ്ലാഷ് ബാ​ക്കി​ലേ​ക്കും പി​ന്നെ ട്വി​സ്റ്റി​ലേ​ക്കും തി​രി​യു​ന്ന​തി​നി​ടെ ലി​ല്ലി ആ​കെ ക്ഷീ​ണി​ത​യാ​യി​രു​ന്നു. എ​ന്നി​ട്ടും അ​വ​ൾ​ക്ക് അ​തി​ജീ​വി​ക്കാ​നു​ള്ള വെ​ന്പ​ൽ കൂ​ടിക്കൂടി വ​ന്നുകൊ​ണ്ടേ​യി​രു​ന്നു.



ക​ണ്ണ​ൻ നാ​യ​രും സം​ഘ​വും വേ​റി​ട്ട പ്ര​ക​ട​ന​മാ​ണ് ചി​ത്ര​ത്തി​ൽ പു​റ​ത്തെ​ടു​ത്തി​രി​ക്കു​ന്ന​ത്. നാ​യി​കാ പ്രാ​ധാ​ന്യ​മു​ള്ള ചി​ത്ര​ത്തി​ൽ ആ​ണ്‍ സാ​ന്നി​ധ്യ​ങ്ങ​ൾ ചു​മ്മാ പേ​രി​നുവേ​ണ്ടി ആ​യി​രു​ന്നി​ല്ലാ​യെ​ന്ന് ലി​ല്ലി സാ​ക്ഷ്യം പ​റ​യു​ന്നു. ക​ഥ ഇ​നി​യു​മു​ണ്ടെ​ന്നു​ള്ള തോ​ന്ന​ൽ നി​ല​നി​ൽ​ക്കേ കാ​ര്യ​ങ്ങ​ളെ​ല്ലാം സം​വി​ധാ​യ​ക​ൻ മാ​റ്റിമ​റി​ക്കു​ക​യാ​ണ്. ലി​ല്ലി​യു​ടെ വി​ശേ​ഷ​ങ്ങ​ൾ തു​ട​രു​മെ​ന്ന് ഉ​റ​പ്പു ന​ൽ​കി​യാ​ണ് ഒ​ന്ന​ര​മ​ണി​ക്കൂ​ർ നീ​ണ്ട കാ​ഴ്ച​ക​ൾ​ക്ക് സം​വി​ധാ​യ​ക​ൻ ക​ട്ട് പ​റ​യു​ന്ന​ത്.

(സം​യു​ക്ത മേ​നോ​ൻ ഒ​രു ര​ക്ഷ​യു​മി​ല്ല... മ​ന​സ​റി​ഞ്ഞ് ചെ​യ്തി​ട്ടു​ണ്ട്.)

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.