Cinema
ലൂ​ക്ക മു​ത്താ​ണ്..!
Friday, June 28, 2019 8:09 PM IST
മ​ന​സി​ലി​ട്ട് താ​ലോ​ലി​ക്കാ​നൊ​രു ഒ​രു പ്ര​ണ​യ​കാ​വ്യം, അ​താ​ണ് മ​ല​യാ​ള സി​നി​മ​യ്ക്ക് "ലൂ​ക്ക’. നീ ​ഇ​ള​കി​മ​റി​യു​ക​യാ​ണ് ലൂ​ക്ക, വ​ര​യു​ടെ വി​രി​വ​ഴ​കു​പോ​ലെ... സം​ഗീ​ത​ത്തി​ലെ താ​ളം​തു​ള്ള​ൽ പോ​ലെ... നീ​ഹാ​രി​ക, നി​ന്‍റെ പ്ര​ണ​യ​മാ​യി​രി​ക്കും ഇ​നി കേ​ര​ളം ച​ർ​ച്ച ചെ​യ്യു​ക... നി​ന്‍റെ എ​ഴു​ത്തി​ലെ സ്നേ​ഹം അ​ത്ര​യും അ​റി​യി​ച്ച് നീ ​ലൂ​ക്ക​യെ വീ​ണ്ടും വീ​ണ്ടും സ്നേ​ഹി​ച്ച​പ്പോ​ൾ പ്രേ​ക്ഷ​ക​രും നി​ന്നോ​ടൊ​പ്പം കൂ​ടി.

ദു​രൂ​ഹ​ത​ക​ൾ നി​റ​ഞ്ഞൊ​രു ക​ഥ പ്ര​ണ​യ​പ​ര​വ​ശ​ത​യോ​ടെ ക​ണ്ടി​രി​ക്കേ​ണ്ടി വ​രു​ക, അ​ത്ത​ര​മൊ​രു അ​വ​സ്ഥ​യി​ലേ​ക്കാ​ണ് സം​വി​ധാ​യ​ക​ൻ അ​രു​ണ്‍ ബോ​സ് പ്രേ​ക്ഷ​ക​രെ ത​ള്ളി​യി​ടു​ന്ന​ത്. ഒ​രു വ​ശ​ത്ത് ര​ണ്ട് മ​ര​ണ​ങ്ങ​ൾ ദു​രൂ​ഹ​ത​ക​ൾ നി​റ​യ്ക്കു​ന്പോ​ൾ മ​റു​വ​ശ​ത്ത് ഡ​യ​റിക്കുറിപ്പു​ക​ൾ ര​ണ്ട് ഇ​ണ​ക്കു​രു​വി​ക​ളെ പ​രി​ച​യ​പ്പെ​ടു​ത്തു​ക​യാ​ണ്. മ​ര​ണ​ത്തി​ൽ നി​ന്നും പ്ര​ണ​യ​ത്തി​ലേ​ക്ക് പ്രേ​ക്ഷ​ക​രെ പി​ടി​ച്ചുകൊണ്ടുപോകുക​യെ​ന്ന ദൗ​ത്യ​മാ​ണ് സം​വി​ധാ​യ​ക​ൻ ഇ​വി​ടെ വി​ജ​യ​ക​ര​മാ​യി പൂ​ർ​ത്തി​യാ​ക്കി​യി​രി​ക്കു​ന്ന​ത്.



ചോ​ദ്യ​ങ്ങ​ളേ​റെ​യു​ള്ള തു​ട​ക്കം

ഒ​രു​പാ​ട് ചോ​ദ്യ​ങ്ങ​ൾ മു​ന്നി​ൽ കൊ​ണ്ടി​ട്ടാണ് ക​ഥ യാ​ത്ര തു​ട​ങ്ങു​ന്ന​ത്. ആ ​ചോ​ദ്യ​ങ്ങ​ൾ​ക്കെ​ല്ലാ​മു​ള്ള അ​നു​മാ​ന​ങ്ങ​ൾ ഉ​ണ്ടെ​ങ്കി​ലും കൃ​ത്യ​മാ​യ ഉ​ത്ത​ര​ത്തി​ലേ​ക്കെ​ത്താ​ൻ പ​റ്റാ​തെ വരും. തി​ര​ക്ക​ഥാ​കൃ​ത്തു​ക്ക​ൾ​ക്ക് ന​ന്നേ പ​ണി​യു​ണ്ടാ​യി​രു​ന്നു​വെ​ന്ന് ഉ​റ​പ്പ്.

എ​വി​ടെ വേ​ണ​മെ​ങ്കി​ലും പാ​ളം തെ​റ്റാ​വു​ന്ന വ​ണ്ടി​യെ ശ​രി​യാ​യ വ​ഴി​ക്ക് കൊ​ണ്ടുപോ​കാ​ൻ ആ​ദ്യപ​കു​തി​യി​ൽ സം​വി​ധാ​യ​ക​ൻ ഒ​ന്ന് പ​ക​യ്ക്കു​ന്നു​ണ്ട്. പി​ന്നീ​ട് ആ ​വ​ണ്ടി​യു​ടെ സ്പീ​ഡ് കൂ​ടു​ക​യും കു​റ​യു​ക​യും ചെ​യ്ത​ത​ല്ലാ​തെ പ​ക​ച്ചു നി​ന്നി​ല്ല. ലൂ​ക്ക​യു​ടെ​യും നീ​ഹാ​രി​ക​യു​ടെ​യും പ്ര​ണ​യം ഒ​ഴു​കിയൊഴു​കി പ്രേ​ക്ഷ​ക​രു​ടെ മ​ന​സി​ലേ​ക്ക് വ​ന്നുപ​തി​ക്കുകയാണ്.

അ​ഹാ​ന കൃ​ഷ്ണ നീ​ഹാ​രി​ക​യാ​യി ജീ​വി​ക്കു​ക​യാ​യി​രു​ന്നു. ടൊ​വി​നോ-അ​ഹാ​ന കോ​ന്പി​നേ​ഷ​ൻ രം​ഗ​ങ്ങ​ളി​ൽ പ്ര​ണ​യം അ​ണ​പൊട്ടി ഒ​ഴു​കി​യ​പ്പോ​ൾ കാ​ഴ്ച​ക്കാ​ർ​ക്ക് ഒ​രു വീ​ർ​പ്പു​മു​ട്ട​ൽ ഉ​ണ്ടാ​വു​ക സ്വ​ഭാ​വി​കം. ആ​ർ​ട്ടി​സ്റ്റാ​യ ലൂ​ക്ക​യു​ടെ കു​രു​പൊട്ട​ലും സ​ന്തോ​ഷ​വും സ​ങ്ക​ട​വു​മെ​ല്ലാ​മാ​ണ് ചി​ത്ര​ത്തെ മു​ന്നോ​ട്ടു കൊ​ണ്ടു​പോ​കു​ന്ന​ത്.



പ്ര​ണ​യവ​ഴി​യി​ലൂ​ടെ​യു​ള്ള യാ​ത്ര

ടോ​വി​നോ പ​തി​വുപോ​ലെ മി​ക​ച്ച പ്ര​ക​ട​ന​മാ​ണ് ചി​ത്ര​ത്തി​ൽ പു​റ​ത്തെ​ടു​ത്തി​രി​ക്കു​ന്ന​ത്. ആ​ർ​ട്ടി​സ്റ്റി​ന്‍റെ മാ​ന​റി​സ​ങ്ങ​ളും മ​നോ​ഭാ​വ​ങ്ങ​ളു​മെ​ല്ലാം ടോവി​നോ​യി​ൽ ഭ​ദ്രം. ഏ​ത് ക​ഥാ​പാ​ത്ര​ത്തി​നും പ്രാ​പ്ത​നാ​യൊ​രു അ​ഭി​നേ​താ​വാ​ണെ​ന്ന് ടോ​വി​നോ ലൂ​ക്ക​യി​ലൂ​ടെ വീ​ണ്ടും തെ​ളി​യി​ക്കു​ക​യാ​ണ്.

പോ​ലീ​സ് അ​ന്വേ​ഷ​ണ​ത്തി​ന്‍റെ വ​ഴി​യേ പ്ര​ണ​യം തെ​ളി​ഞ്ഞു​വ​രു​ന്ന​തോ​ടെ അ​ന്വേ​ഷ​ണ​ത്തി​ന്‍റെ ത്രി​ല്ലും പ്ര​ണ​യ​ത്തി​ന്‍റെ ത്രി​ല്ലും ഒ​രേ പാ​ത​യി​ൽ സ​ഞ്ച​രി​ച്ചു തു​ട​ങ്ങു​ക​യാ​ണ്. പ്ര​ണ​യം ഒ​രു വ​ശ​ത്തു​കൂ​ടെ ഒ​ഴു​കു​ന്പോ​ൾ അ​ന്വേ​ഷ​ണ​ത്തി​ന്‍റെ നൂ​ലാ​മാ​ല​ക​ൾ മു​റു​കി​യും അ​യ​ഞ്ഞും പോ​യ്ക്കൊ​ണ്ടേ​യി​രു​ന്നു.

പോ​ലീ​സ് ഓ​ഫീ​സ​റാ​യി എ​ത്തി​യ അ​ക്ബ​റും (നി​തി​ൻ ജോ​ർ​ജ്) ഭാ​ര്യ ഫാ​ത്തി​മ​യും (​വി​നി​ത കോ​ശി) പ​ക്വ​മാ​യ പ്ര​ക​ട​ന​മാ​ണ് ചി​ത്ര​ത്തി​ൽ കാ​ഴ്ച​വച്ചി​രി​ക്കു​ന്ന​ത്. മ​ന​സി​ലാ​ക്ക​ലു​ക​ളു​ടെ ഒ​രു​പാ​ട് വ​ശ​ങ്ങ​ൾ ഇ​വ​രി​ലൂ​ടെ​യാ​ണ് സം​വി​ധാ​യ​ക​ൻ പ്രേ​ക്ഷ​ക​ർ​ക്ക് കാ​ട്ടിക്കൊടു​ക്കു​ന്ന​ത്.



ക്ലൈ​മാ​ക്സി​ലാ​ണെ​ല്ലാം...

ക​ഥ എ​ങ്ങോ​ട്ടാ​ണെ​ന്ന് മ​ന​സി​ലാ​യെ​ന്നു​ള്ള ഭാ​വം പ്രേ​ക്ഷ​ക​രി​ൽ ഉ​ട​ലെ​ടു​ക്കു​ന്പോഴെ​ല്ലാം സം​വി​ധാ​യ​ക​ൻ ചി​രി​ച്ചി​ട്ടു​ണ്ടാ​വ​ണം. മുഷിപ്പു​ണ്ടാ​കാ​തെ ക​ഥ​യെ ആ​വി​ഷ്ക​രി​ച്ചെ​ടു​ക്കാ​ൻ സാ​ധി​ച്ചി​ട​ത്താ​ണ് സം​വി​ധാ​യ​ക​ൻ വി​ജ​യി​ക്കു​ന്ന​ത്. കാ​മ​റക്കണ്ണു​ക​ൾ കൊ​ണ്ട് ക​ഥ​യെ ക​ള​ർ​ഫു​ള്ളാ​ക്കി ഛായാ​ഗ്രാ​ഹ​ക​ൻ നി​മി​ഷ് ര​വി ഫ്രെ​യി​മു​ക​ൾ കൊ​ണ്ടു​ള്ള നോ​വും സ​ന്തോ​ഷ​വു​മെ​ല്ലാം പ്രേ​ക്ഷ​ക​ർ​ക്ക് സ​മ്മാ​നി​ക്കു​ന്നു​ണ്ട്. സൂ​ര​ജ് എ​സ്. കു​റു​പ്പി​ന്‍റെ സം​ഗീ​തം ക​ഥ​യോ​ട് അ​ലി​ഞ്ഞ് ചേ​ർ​ന്നു.

ഊഹാ​പോ​ഹ​ങ്ങ​ളെ അ​സ്ഥാ​ന​ത്താ​ക്കി ഊ​രാ​ക്കു​ടു​ക്കാ​യ ഉ​ത്ത​രം അ​ന്വേ​ഷ​ണ ഉ​ദ്യോ​ഗ​സ്ഥ​ന് മു​ന്നി​ൽ പ​ത്തി​വി​ട​ർ​ത്തി ആ​ടു​ന്പോ​ൾ പ്രേ​ക്ഷ​ക​നും ഒ​ന്ന് വ്യാ​കു​ല​പ്പെ​ടും. പ​ക്ഷേ സം​വി​ധാ​യ​ക​ൻ അ​തി​വി​ദ​ഗ്ധ​മാ​യി, അ​തി​മ​നോ​ഹ​ര​മാ​യി ആ ​ഉ​ത്ത​രം മു​ന്നി​ലേ​ക്കി​ടു​ന്പോ​ൾ ഉ​ള്ളി​ലൊ​രു ത​രി​പ്പും... നോ​വും... പി​ന്നെ വി​ങ്ങ​ലു​മെ​ല്ലാം ഒ​റ്റ നി​മി​ഷം കൊ​ണ്ട് എ​വി​ടെ നി​ന്നോ മ​ന​സി​ലേ​ക്ക് പാ​ഞ്ഞ​ടു​ക്കും. ആ ​വി​ങ്ങ​ൽ ത​ന്നെ​യാ​ണ് ലൂ​ക്ക​യു​ടെ വി​ജ​യം.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.