Cinema
ഒടിയൻ കൊള്ളാം; അമിത പ്രതീക്ഷ വേണ്ട
Friday, December 14, 2018 6:22 PM IST
പ്ര​തീ​ക്ഷ​ക​ൾ​ക്ക് തീ​യ​റ്റ​റി​ന് പു​റ​ത്ത് ഇ​രി​പ്പി​ടം കൊ​ടു​ത്ത ശേ​ഷം "ഒടിയൻ' കാ​ണാ​ൻ ക​യ​റി​യാ​ൽ കേ​ട്ടുമാ​ത്രം പ​രി​ച​യ​മു​ള്ള ഒടിവി​ദ്യ​ക​ൾ പ​ല​തും നന്നായി ആ​സ്വ​ദി​ക്കാ​ൻ പ​റ്റും.​ പാ​ല​ക്കാ​ട്ടു​കാ​ർ​ക്ക് പ​രി​ചി​ത​നും മ​റ്റ് നാ​ട്ടു​കാ​ർ​ക്ക് അ​പ​രി​ചി​ത​നു​മാ​യ ഒ​ടി​യ​നാ​ണ് സം​വി​ധാ​യ​ക​ൻ ശ്രീ​കു​മാ​ർ മേ​നോ​ൻ അ​മാ​നു​ഷി​ക പ​രി​വേ​ഷം കൊ​ടു​ക്കു​ന്ന​ത്.

ഒ​ടി​യ​ൻ മാ​ണി​ക്യ​നാ​യി മോ​ഹ​ൻ​ലാ​ൽ നിറഞ്ഞാടുന്ന ചി​ത്ര​ത്തി​ലെ ഓ​രോ രം​ഗ​ങ്ങ​ളും നി​ഗൂ​ഢ​ത​ക​ൾ ഒ​ളി​പ്പി​ച്ചുകൊണ്ടാ​ണ് ക​ട​ന്നുപോ​കു​ന്ന​ത്. ഫ്രെ​യി​മു​ക​ളി​ൽ ത​ളം കെ​ട്ടി​നി​ൽ​ക്കു​ന്ന നി​റ​ങ്ങ​ളി​ൽ പോ​ലും ര​ഹ​സ്യ​ങ്ങ​ൾ ഒ​ളി​ഞ്ഞി​രി​പ്പു​ണ്ടാ​യി​രു​ന്നു.

എന്നാൽ ഒ​ടി​യ​ൻ മാ​ണി​ക്യ​ന് കി​ടി​ല​ൻ ഇ​ൻ​ട്രോ കൊ​ടു​ക്കാ​നു​ള്ള ശ്രമം മുതൽ ചി​ത്ര​ത്തി​ൽ നാ​ട​കീ​യ​ത നി​ഴ​ലി​ച്ച് തു​ട​ങ്ങും. വർഷങ്ങൾ പഴക്കമുള്ള പ്രതികാരത്തിനായി വാ​ര​ണ​സി​യി​ൽ നി​ന്നും പാ​ല​ക്കാ​ട്ടേക്ക് ഒ​ടി​യ​ൻ മാ​ണി​ക്യ​ൻ എ​ത്തു​ന്ന​തോ​ടെയാണ് ക​ഥ​ക​ളു​ടെ കെട്ടഴിഞ്ഞു തുടങ്ങിയത്.



സി​ദ്ദി​ഖ് അ​മി​താ​ഭി​ന​യം കൊ​ണ്ട് മുഷിപ്പി​ക്കു​ന്പോ​ൾ ഇ​ന്ന​സെ​ന്‍റ് പ്ര​ത്യേ​കി​ച്ച് ഒ​ന്നും ചെ​യ്യാ​നി​ല്ലാ​തെ ചി​ത്ര​ത്തി​ൽ ഇ​ട​യ്ക്കി​ടെ വ​ന്നു പോ​കു​ന്നു​ണ്ട്. മോ​ഹ​ൻ​ലാ​ൽ എ​ന്ന അ​ഭി​ന​യ പ്ര​തി​ഭ​യി​ൽ മാ​ത്രം പ്ര​തീ​ക്ഷയ​ർ​പ്പി​ച്ച് മ​റ്റു​ള്ള​വ​ർ ത​ര​ക്കേ​ടി​ല്ലാ​തെ അ​ഭി​ന​യി​ച്ചാ​ൽ മ​തി​യെ​ന്നു​ള്ള സം​വി​ധാ​യ​ക​ന്‍റെ അ​ല​സ​മാ​യ നി​ല​പാ​ട് പ​ല​ രം​ഗ​ങ്ങ​ളെ​യും ശ​രാ​ശ​രി​യി​ലും താ​ഴ​ത്തേ​ക്ക് ത​ള്ളി​യി​ടു​ന്നു​ണ്ട്.

അ​തുകൊ​ണ്ടു ത​ന്നെ മോ​ഹ​ൻ​ലാ​ൽ തി​ള​ങ്ങു​ക​യും മ​റ്റു​ള്ള​വ​ർ മ​ങ്ങി​യ വി​ള​ക്കാ​യി മാ​റു​കയും ചെയ്യുന്ന കാ​ഴ്ച ചി​ത്ര​ത്തി​ൽ ഉ​ട​നീ​ളം കാ​ണാ​ൻ ക​ഴി​യും. ഒ​ടി​യ​ന്‍റെ പ​ഴ​യ​കാ​ല​ത്തെ നോ​ണ്‍​ലീ​നി​യ​ർ ആ​ഖ്യാ​ന​രീ​തി​യി​ലൂ​ടെ പു​റ​ത്തേ​ക്ക് കൊ​ണ്ടു​വ​രു​ക​യാ​ണ് സം​വി​ധാ​യ​ക​ൻ.



പ്ര​ഭ​യാ​യി എ​ത്തി​യ മ​ഞ്ജു വാ​ര്യ​ർ നാ​യ​ക​ന്‍റെ നി​ഴ​ലാ​യി ഒ​തു​ങ്ങിപ്പോകു​ന്നു​ണ്ടെ​ങ്കി​ലും ഗാ​ന​രം​ഗ​ങ്ങ​ളി​ൽ മി​ക​വു​റ്റ പ്ര​ക​ട​ന​മാ​ണ് പു​റ​ത്തെ​ടു​ത്തി​രി​ക്കു​ന്ന​ത്. ഒ​ടി​യ​നെക്കു​റി​ച്ചു​ള്ള പു​തി​യ ത​ല​മു​റ​യു​ടെ അ​ന്വേ​ഷ​ണം ഒ​ടി​വി​ദ്യ​യു​ടെ മാ​യാ​ലോ​ക​ത്തേ​ക്കാ​ണ് പ്രേ​ക്ഷ​ക​രെ കൊ​ണ്ടെ​ത്തി​ക്കു​ന്ന​ത്.

മ​നം​മ​യ​ക്കു​ന്ന ഫ്രെ​യി​മു​ക​ളാ​ൽ ഛായാ​ഗ്രാ​ഹ​ക​ൻ ഷാ​ജി​കു​മാ​ർ ഒ​രു മാ​യി​ക വ​ല​യം ഒ​രു​ക്കി​യി​ട്ടു​ണ്ട്.​ അ​ഭി​നേ​താ​ക്കാ​ളു​ടെ മ​ടു​പ്പ​ൻ പ്രകടനം ഒ​രു​വ​ശ​ത്ത് ചി​ത്ര​ത്തെ പി​ന്നോ​ട്ടടിക്കുമ്പോൾ മ​ന​സി​ൽ ഉ​ട​ക്കു​ന്ന ഫ്രെ​യി​മു​ക​ൾ ഒ​ടി​യ​നി​ലേ​ക്ക് പ്രേ​ക്ഷ​ക​രെ കൂ​ടു​ത​ൽ അ​ടി​പ്പി​ച്ചുകൊ​ണ്ടേ​യി​രി​ക്കും.



ഒ​ടി​യ​ൻ മാ​ണി​ക്യ​നാ​കാ​നു​ള്ള മോ​ഹ​ൻ​ലാ​ലി​ന്‍റെ ക​ഷ്ട​പ്പാ​ടു​ക​ളൊ​ന്നും വെ​റു​തെയായിട്ടില്ല. ആ വേഷം ലാൽ എന്ന നടനിൽ ഭദ്രമായിരുന്നു. പ​ക്ഷേ, ഒ​രാ​ളി​ൽ ഒ​തുങ്ങു​ന്ന​ത​ല്ല​ല്ലോ ഒ​രു ചി​ത്ര​ത്തി​ന്‍റെ കെ​ട്ടു​റ​പ്പ്. ആ ​ഉറപ്പില്ലായ്മ ഒടിയനിൽ ഇഴച്ചിലുകൾ സമ്മാനിക്കുന്നുണ്ട്.

ആ​ദ്യപ​കു​തി ഒ​ടി​യ​ൻ ക​ഥ​ക​ളാ​ൽ സ​ന്പ​ന്ന​മാ​ണെ​ങ്കി​ൽ ര​ണ്ടാം പ​കു​തി​യി​ലേ​ക്ക് ക​ട​ക്കു​ന്ന​തോ​ടെ ചി​ത്ര​ത്തി​ൽ മെ​ലോ​ഡ്രാ​മ സ്ഥാ​നംപി​ടി​ക്കും. എ​ല്ലാ​റ്റിലുമുപ​രി ഒ​ടി​യ​ൻ മാ​ണി​ക്യ​നും എ​ല്ലാ വി​കാ​ര​ങ്ങ​ളു​മു​ള്ള മ​നു​ഷ്യ​നാ​ണെ​ന്ന് കാ​ണി​ക്കാ​ൻ സം​വി​ധാ​യ​ക​ൻ ന​ന്നേ പാ​ടു​പെടു​ന്നു​ണ്ട്.

പീ​റ്റ​ർ ഹെ​യ്ൻ ഒ​രു​ക്കി​യ ആ​ക്ഷ​ൻ രം​ഗ​ങ്ങ​ൾ ചി​ത്ര​ത്തി​ന്‍റെ പ്ര​ധാ​ന ആ​ക​ർ​ഷ​ണ​ങ്ങ​ളി​ൽ ഒ​ന്നാ​ണ്. എന്നാൽ പുലിമുരുകനോളം പ്രേക്ഷകർ അത് പ്രതീക്ഷിക്കരുത്. വി​ല്ല​നാ​യി എ​ത്തി​യ പ്ര​കാ​ശ് രാ​ജ് എ​ന്തൊ​ക്കെ​യോ കാ​ട്ടി​ക്കൂ​ട്ടാ​ൻ ശ്ര​മി​ച്ചി​ട്ടു​ണ്ട്. കേ​ൾ​ക്കാ​ൻ സു​ഖ​മു​ള്ള പാ​ട്ടു​ക​ൾ​ക്ക് കാ​ണാ​ൻ ര​സ​മു​ള്ള കാ​ഴ്ചക​ൾ അ​ക​ന്പ​ടി സേ​വി​ച്ച​തോ​ടെ സം​ഗീ​ത വി​ഭാ​ഗം പ്രേ​ക്ഷ​ക​രെ തൃ​പ്തി​പ്പെ​ടു​ത്തി​യെ​ന്നു ത​ന്നെ പ​റ​യാം.



ഒടിയൻ ഒരു സാധാരണ സിനിമയാണ്. ഒ​രു സാ​ധാ​ര​ണ ക​ഥ​യെ അ​സാ​ധാ​ര​ണ ത​ല​ത്തി​ലേ​ക്ക് ഉ​യ​ർ​ത്തിക്കൊണ്ടു​വ​രാ​ൻ സം​വി​ധാ​യ​ക​ൻ അ​ങ്ങി​ങ്ങ് വി​ജ​യി​ച്ചിട്ടുണ്ട്. വാനോളം പ്രതീക്ഷകൾ നൽകിയ ഒടിയനെ അത്തരത്തിലേക്ക് ക​യ​റ്റിക്കൊ​ണ്ടു​വ​രാ​ൻ ഒ​രു ന​ട​നെക്കൊണ്ട് ആ​കാ​വു​ന്ന​തെ​ല്ലാം മോ​ഹ​ൻ​ലാ​ലും ചെ​യ്തി​ട്ടു​ണ്ട്. പ​ക്ഷേ, ആ​വി​ഷ്ക​ര​ണ​ത്തി​ലെ പാ​ളി​ച്ച​ക​ൾകൊ​ണ്ട് ചി​ത്രം ശ​രാ​ശ​രി​യി​ലേ​ക്ക് ഒ​തു​ങ്ങി നി​ന്ന​പ്പോ​ൾ മൊ​ത്ത​ത്തി​ലൊ​രു തൃ​പ്തി​യി​ല്ലാ​യ്മ ഒ​ടി​യ​നെ ആകെമൊത്തം ബാ​ധി​ച്ചു.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.