Cinema
പ​വി​യേ​ട്ട​ന്‍റെ പൊ​ട്ടി​യ ചൂ​ര​ൽ
Friday, December 7, 2018 5:19 PM IST
ഒഴുക്കില്ലാത്ത നദിയിൽ അകപെട്ട പോലെയാണ് "പവിയേട്ടന്‍റെ ചൂരൽ'. എങ്ങോട്ടൊക്കയോ ഒഴുകി പോകണമെന്നുണ്ട്. പക്ഷേ, ഉ​പ​ദേ​ശ​ങ്ങ​ളു​ടെ​യും ശാ​സ​ന​ക​ളു​ടെ​യും പി​ടി​യി​ൽ നി​ന്നും കു​ത​റി മാ​റാ​ൻ കഴിയാതെ പലയിടത്തായി തങ്ങി നിൽക്കുകയാണ്. ഈ ചൂരൽ കഥ കാണാൻ തീയറ്ററിൽ കയറിയ പ്രേക്ഷകനും ശരിക്കും പെട്ടുപോവുകയായിരുന്നു.

തി​ര​ക്ക​ഥ, സം​ഭാ​ഷ​ണം എന്നിവയ്ക്ക് പുറമേ നാ​യ​ക​നും ശ്രീ​നി​വാ​സ​ൻ ത​ന്നെ. ഈ ​ഒ​രു പ്ര​തീ​ക്ഷ​യി​ൽ ടി​ക്ക​റ്റെ​ടു​ത്ത ഓ​രോ പ്രേ​ക്ഷ​ക​നും നി​രാ​ശ സ​മ്മാ​നി​ക്കാ​ൻ മാ​ത്ര​മാ​ണ് ന​വാ​ഗ​ത സം​വി​ധാ​യ​ക​ൻ ശ്രീ​കൃ​ഷ്ണ​ന് ക​ഴി​ഞ്ഞ​ത്. ശ്രീ​നി​വാ​സ​ൻ ഒ​രു​ക്കി​യ തി​ര​ക്ക​ഥ​യി​ൽ പു​തി​യൊ​രു സം​വി​ധാ​യ​ക​ൻ കൂ​ടി സി​നി​മാ ലോ​ക​ത്തേ​ക്ക് ചു​വ​ടു​വ​ച്ചു എ​ന്ന​തു​ മാ​ത്ര​മാ​ണ് പ​വി​യേ​ട്ട​ന്‍റെ മ​ധു​ര​ച്ചൂ​ര​ലി​ന്‍റെ ആ​കെയു​ള്ള പ്ര​ത്യേ​ക​ത.



പ്ര​ണ​യം, ഒ​ളി​ച്ചോ​ട്ടം, ജീ​വി​ക്കാ​നു​ള്ള പോ​രാ​ട്ടം ഇജ്ജാദി സം​ഗ​തി​ക​ളെ​ല്ലാം നി​ര​നി​ര​യാ​യി ക​ഥ​യി​ൽ സ്ഥാ​നം പി​ടി​ച്ച​പ്പോ​ൾ ആ​വ​ശ്യ​ത്തി​ലേ​റെ നന്മ​യും ക​ഥ​യി​ൽ ക​യ​റിക്കൂ​ടി. പി​ന്നെ ട്വി​സ്റ്റി​ല്ലാ​തെ പി​ടി​ച്ചു നി​ൽ​ക്കാ​ൻ പ​റ്റാ​ത്ത​തുകൊ​ണ്ടോ എ​ന്തോ കി​ടി​ലോ​ൽ കി​ടി​ല​ൻ ട്വി​സ്റ്റും തി​ര​ക്ക​ഥ​യി​ൽ ഉ​ൾ​പ്പെ​ടു​ത്തി​യി​ട്ടു​ണ്ട്. പ​ക്ഷേ, ഒ​ന്നി​ലും പു​തു​മ​യു​ടെ അം​ശം ക​ട​ന്നുവ​ന്നി​ല്ലാ​യെ​ന്നു മാ​ത്രം.

ശ്രീ​നി​വാ​സ​നും ലെ​ന​യും കേ​ന്ദ്ര​ക​ഥാ​പാ​ത്ര​ങ്ങ​ളാ​യി എ​ത്തി​യ ചി​ത്ര​ത്തി​ന്‍റെ തു​ട​ക്ക​ത്തി​ൽ ഇ​രു​വ​രു​ടെ​യും കെ​മി​സ്ട്രി ശരിയായെങ്കിലും പിന്നീട് കുളമായി. ജീവനില്ലാത്ത തിരക്കഥയിലെ രം​ഗ​ങ്ങ​ൾ അ​തേ​പ​ടി പകർത്താനുള്ള സം​വി​ധാ​യ​ക​ന്‍റെ വ്യ​ഗ്ര​ത ചി​ത്ര​ത്തി​ന്‍റെ ബാ​ല​ൻ​സിം​ഗ് മു​ഴു​വ​ൻ തെ​റ്റി​ക്കു​ക​യാ​യി​രു​ന്നു. ജൈ​വ​കൃ​ഷി​യു​ടെ പ്രാ​ധാ​ന്യ​വും പി​ന്നെ വ്യാ​ജ പാ​ലി​ൽ നി​ന്നു​ള്ള മോ​ച​ന​വു​മെ​ല്ലാം എ​ന്തി​നോ വേ​ണ്ടി തി​ള​ച്ച സാ​ന്പാ​ർ പോ​ലെ സി​നി​മ​യു​ടെ ദൈ​ർ​ഘ്യം കൂ​ട്ടാ​നാ​യി മാ​ത്രം ചി​ത്ര​ത്തി​ൽ ക​ട​ന്നുവ​രു​ന്നു​ണ്ട്.



പ്രേ​ക്ഷ​ക​രെ ചി​രി​പ്പി​ക്കാ​ൻ ഏ​റെ പ്ര​യാ​സ​പ്പെ​ടു​ന്ന ശ്രീ​നി​വാ​സ​നെ​യും ഹ​രി​ശ്രീ അ​ശോ​ക​നെ​യു​മെ​ല്ലാം ചി​ത്ര​ത്തി​ൽ കാ​ണാ​നാ​വും. ന​ല്ലൊ​രു പേ​ര് ചി​ത്ര​ത്തി​ന് ചാ​ർ​ത്തിക്കൊടു​ക്കാ​നാ​യെ​ങ്കി​ലും ആ ​പേ​രി​നെ കാ​ത്തു​സൂ​ക്ഷി​ക്കാ​ൻ പോ​കു​ന്ന ഘ​ട​ക​ങ്ങ​ളെ കോ​ർ​ത്തി​ണ​ക്കാ​ൻ സം​വി​ധാ​യ​ക​നും തി​ര​ക്ക​ഥാ​കൃ​ത്തും അ​ന്പേ പ​രാ​ജ​യ​പ്പെ​ട്ടു​വെ​ന്നു ത​ന്നെ പ​റ​യാം. അ​ധ്യാ​പ​ക ദ​ന്പ​തി​മാ​രു​ടെ ക​ഥ​യി​ലെ നാ​ട​കീ​യ രം​ഗ​ങ്ങ​ളെ അ​തി​നാ​ട​കീ​യ​തോ​ടെ ആ​വി​ഷ്ക​രി​ക്കു​ക​യാ​ണ് സം​വി​ധാ​യ​ക​ൻ ചെ​യ്തി​രി​ക്കു​ന്ന​ത്.

ആ​ദ്യ പ​കു​തി നന്മ​വി​ത​റു​ന്ന കാ​ഴ്ച​ക​ളാ​ൽ സ​ന്പ​ന്ന​മാ​ണെ​ങ്കി​ൽ ര​ണ്ടാം പ​കു​തി മ​റ്റൊ​രു ത​ല​ത്തി​ലേ​ക്ക് എ​ത്തി​ക്കാ​നാ​ണ് സം​വി​ധാ​യ​ക​ൻ ശ്ര​മി​ച്ചത്. ഇ​തി​നി​ട​യി​ൽ ക​ഥ​യി​ൽ ചോ​ദ്യം പാ​ടി​ല്ലെന്ന തരത്തിൽ ക​ട​ന്നുവ​ന്ന രം​ഗ​ങ്ങ​ളെ​ല്ലാം പ്രേക്ഷകന് കല്ലുകടി മാത്രമാണ് സമ്മാനിച്ചത്. ര​ണ്ടാം പ​കു​തി​യി​ലെ വ​ലി​ച്ചുനീ​ട്ട​ലു​ക​ളു​ടെ ഇ​ട​യി​ലൂ​ടെ ക​ട​ന്നുവ​ന്ന സെ​ന്‍റി​മെ​ൻ​സ് രം​ഗ​ങ്ങ​ൾ അ​ത്ര​യും കു​ടും​ബ​പ്രേ​ക്ഷ​ക​രെ പി​ടി​ച്ചി​രു​ത്താ​നു​ള്ള തി​ര​ക്ക​ഥാ​കൃ​ത്തി​ന്‍റെ അ​തി​ബു​ദ്ധി​യാ​യി​രു​ന്നു. പ​ക്ഷേ, അതൊന്നും പ്രേക്ഷകനെ പിടിച്ചിരുത്താൻ പാകത്തിനുള്ളവയായിരുന്നില്ല.



വലിച്ചു നീട്ടലുകളത്രയും ഒ​രു സംഭവം അവസാനം വെ​ളി​പ്പെ​ടു​ത്താ​നാ​യി​രു​ന്നു. ക​ഥ​യി​ലെ ട്വി​സ്റ്റെ​ന്നോ സ​സ്പെ​ൻ​സെ​ന്നോ പ്രേക്ഷകന് സൗകര്യമുള്ളതുപോലെ അ​തി​നെ വി​ളി​ക്കാം. അ​തു​പ​ക്ഷേ നായികയുടെ വെറും കരച്ചിൽ രംഗമായി മാത്രമാകും പ്രേക്ഷകന് തീയറ്ററിൽ അനുഭവപ്പെടുക.

ശ്രീ​നി​വാ​സ​ന്‍റെ ഏ​റ്റ​വും മോ​ശം തി​ര​ക്ക​ഥ​യി​ൽ ഒ​ന്നാ​ണ് പ​വി​യേ​ട്ട​ന്‍റെ മ​ധു​ര​ച്ചൂ​ര​ലെ​ന്ന് നി​സം​ശ​യം പ​റ​യാം. ആ ​തി​ര​ക്ക​ഥ ത​ന്നെ​യാ​ണ് ഈ ​ചി​ത്ര​ത്തി​ന്‍റെ ന​ട്ടെ​ല്ലൊ​ടി​ച്ച​തും.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.