Cinema
‘ഓ​റ​ഞ്ചു​മ​ര​ങ്ങ​ളു​ടെ വീ​ട് ’ ത​ല​മു​റ​ക​ളു​ടെ, യാ​ത്ര​യു​ടെ സി​നി​മ: ഡോ. ബിജു
Sunday, January 3, 2021 2:43 PM IST
നെ​ടു​മു​ടി വേ​ണു​വി​നെ കേ​ന്ദ്ര​ക​ഥാ​പാ​ത്ര​മാ​ക്കി ഡോ. ​ബി​ജു സം​വി​ധാ​നം ചെ​യ്ത ‘ഓ​റ​ഞ്ച്മ​ര​ങ്ങ​ളു​ടെ വീ​ട് ’ റി​ലീ​സി​നൊ​രു​ങ്ങി. “ഇ​തു ത​ല​മു​റ​ക​ളു​ടെ ഒ​രു ക​ഥ​യാ​ണ്. മു​ത്ത​ച്ഛ​നും മ​ക​നും കൊ​ച്ചു​മ​ക​നും ത​മ്മി​ലു​ള്ള ബ​ന്ധ​ങ്ങ​ളും മു​ത്ത​ച്ഛ​നും കൊ​ച്ചു​മ​ക​നും കൂ​ടി​യു​ള്ള ഒ​രു യാ​ത്ര​യു​മൊ​ക്കെ​യാ​ണു പ​റ​യു​ന്ന​ത്.

ന​ഗ​ര​ത്തി​ൽ നി​ന്ന് വ​ള​രെ ഉ​ള്ളി​ലു​ള്ള ഒ​രു സ്ഥ​ല​ത്ത് ഓ​റ​ഞ്ചു​മ​ര​ങ്ങ​ൾ​ക്കു ന​ടു​വി​ലു​ള്ള അ​വ​രു​ടെ കു​ടും​ബ​വീ​ടു കാ​ണാ​നാ​ണു യാ​ത്ര. ആ ​വീ​ട് ഓ​റ​ഞ്ചു​തോ​ട്ട​ത്തി​നു ന​ടു​വി​ലാ​യ​തു​കൊ​ണ്ടാ​ണ് സി​നി​മ​യ്ക്ക് ഈ ​പേ​രു ന​ല്കി​യ​ത്.” - ഡോ. ​ബി​ജു സം​സാ​രി​ക്കു​ന്നു.



ഈ ​സി​നി​മ​യു​ടെ രാഷ്‌ട്രീയം എ​ന്താ​ണ്..?

ഈ ​സി​നി​മ പ്ര​ത്യേ​ക രാ​ഷ്‌ട്രീ​യ​മൊ​ന്നും പ​റ​യു​ന്നി​ല്ല. അ​പ്പൂ​പ്പ​നും കൊ​ച്ചു​മ​ക​നും ത​മ്മി​ലു​ള്ള ബ​ന്ധ​ത്തി​ന്‍റെ അ​ടി​ത്ത​റ​യി​ൽ നി​ന്നാ​ണ് ഈ ​ക​ഥ പ​റ​യു​ന്ന​ത്. കു​ടും​ബ​ബ​ന്ധ​ങ്ങ​ൾ​ക്കു ത​ന്നെ​യാ​ണു പ്രാ​ധാ​ന്യം. അ​തു​മാ​യി ബ​ന്ധ​പ്പെ​ട്ട ഒ​രു ക​ഥ​യും പി​ന്നെ ഒ​രു യാ​ത്ര​യു​ടെ കൗ​തു​ക​വു​മൊ​ക്കെ​യാ​ണ് ഈ ​സി​നി​മ പ​ങ്കു​വ​യ്ക്കു​ന്ന​ത്.

വ​ള​രെ സിം​പി​ളാ​യ ഒ​രു ട്രാ​വ​ലിം​ഗ് സ്റ്റോ​റി​യാ​ണി​ത്. കു​റ​ച്ചു​നാ​ൾ മു​ന്പേ റെ​ഡി​യാ​ക്കി​വ​ച്ചി​രു​ന്ന സ്ക്രി​പ്റ്റാ​ണി​ത്. വെ​യി​ൽ​മ​ര​ങ്ങ​ൾ​ക്കു ശേ​ഷ​മാ​ണ് ഫു​ൾ സ്ക്രി​പ്റ്റ് ചെ​യ്ത​ത്.



റോ​ഡ് മൂ​വി​യാ​ണോ ഓ​റ​ഞ്ച്മ​ര​ങ്ങ​ളു​ടെ വീ​ട്..?

മു​ത്ത​ച്ഛ​നും കൊ​ച്ചു​മ​ക​നും കൂ​ടി​യു​ള്ളൊ​രു യാ​ത്ര. ആ ​യാ​ത്ര​യ്ക്കി​ടെ​യു​ണ്ടാ​കു​ന്ന കു​റ​ച്ചു കാ​ര്യ​ങ്ങ​ളും അ​വ​രു​ടെ അ​ടു​പ്പ​വു​മൊ​ക്കെ പ​റ​യു​ന്ന യാ​ത്ര​യു​ടെ സി​നി​മ​യാ​ണി​ത്. സി​നി​മ മൊ​ത്തം യാ​ത്ര​ക​ള​ല്ല. യാ​ത്ര​യും അ​വ​രു​മാ​യി ബ​ന്ധ​പ്പെ​ട്ട ചി​ല സം​ഭ​വ​ങ്ങ​ളു​മൊ​ക്കെ​യാ​ണ്.

അ​പ്പൂ​പ്പ​നാ​യി നെ​ടു​മു​ടി വേ​ണു​വും മ​ക​നാ​യി പ്ര​കാ​ശ് ബാ​രെ​യും കൊ​ച്ചു​മ​ക​നാ​യി ഗോ​വ​ർ​ധ​നും വേ​ഷ​മി​ടു​ന്നു. പി.​ബാ​ല​ച​ന്ദ്ര​ൻ, ജ​യ​പ്ര​കാ​ശ് കു​ളൂ​ർ, അ​നൂ​പ് ച​ന്ദ്ര​ൻ, കൃ​ഷ്ണ​ൻ ബാ​ല​കൃ​ഷ്ണ​ൻ തു​ട​ങ്ങി​യ​വ​രാ​ണു മ​റ്റു വേ​ഷ​ങ്ങ​ളി​ൽ.



നെ​ടു​മു​ടി വേ​ണു​വി​ലേ​ക്ക് എ​ത്തി​യ​ത്..?

അ​പ്പൂ​പ്പ​ൻ വേ​ഷ​മാ​യ​തു​കൊ​ണ്ടു ത​ന്നെ​യാ​ണ് നെ​ടു​മു​ടി വേ​ണു​വി​ലേ​ക്ക് എ​ത്തി​യ​ത്. ആ ​ക​ഥാ​പാ​ത്ര​ത്തെ ചു​റ്റി​പ്പ​റ്റി​യാ​ണു ക​ഥ പ​റ​യു​ന്ന​ത്. നെ​ടു​മു​ടി വേ​ണു​വു​മൊ​ത്തു ചെ​യ്യു​ന്ന അ​ഞ്ചാ​മ​ത്തെ സി​നി​മ​യാ​ണി​ത്. സൈ​റ, ആ​കാ​ശ​ത്തി​ന്‍റെ നി​റം, വ​ലി​യ ചി​റ​കു​ള്ള പ​ക്ഷി​ക​ൾ, പേ​ര​റി​യാ​ത്ത​വ​ർ എ​ന്നി​വ​യ്ക്കു ശേ​ഷ​മു​ള്ള സി​നി​മ.

ന​മു​ക്ക് കം​ഫ​ർ​ട്ടാ​യ ആ​ളു​ക​ളു​മാ​യാ​ണ് വീ​ണ്ടും വീ​ണ്ടും സി​നി​മ​ക​ൾ ചെ​യ്യു​ന്ന​ത്. വേ​ണു​ച്ചേ​ട്ട​നു​മാ​യി അ​ങ്ങ​നെ വ​ലി​യൊ​രു ബ​ന്ധ​മു​ണ്ട്. അ​ഞ്ചു പ​ടം ഒ​ന്നി​ച്ചു ചെ​യ്തു എ​ന്നു പ​റ​യു​ന്പോ​ൾ​ത്ത​ന്നെ വ​ള​രെ വ​ലി​യ അ​ടു​ത്ത ബ​ന്ധ​മാ​ണ​ല്ലോ ഞ​ങ്ങ​ൾ ത​മ്മി​ൽ. ഒ​ന്നി​ച്ചു സി​നി​മ ചെ​യ്യാ​ൻ ഇ​ഷ്ട​പ്പെ​ടു​ന്ന ആ​ളു​ക​ളാ​ണു ​ഞ​ങ്ങ​ൾ. ഒ​ന്നി​ച്ചു വ​ർ​ക്ക് ചെ​യ്യാ​ൻ വ​ള​രെ കം​ഫ​ർ​ട്ടാ​ണ്. അ​ദ്ദേ​ഹ​ത്തി​നു മാ​ത്രം ചെ​യ്യാ​ൻ പ​റ്റു​ന്ന കു​റേ ക​ഥാ​പാ​ത്ര​ങ്ങ​ളു​ണ്ട്.



മ​ല​യാ​ള സി​നി​മ നെടുമുടി വേണുവിനെ വേ​ണ്ട​രീ​തി​യി​ൽ ഉ​പ​യോ​ഗി​ച്ചെ​ന്നു പ​റ​യാ​നാ​കു​മോ...?

പ​ണ്ടൊ​ക്കെ അ​ദ്ദേ​ഹ​ത്തി​നു പ്രാ​ധാ​ന്യ​മു​ള്ള ഒ​ത്തി​രി സി​നി​മ​ക​ൾ വ​ന്നി​ട്ടു​ണ്ട്.

സ്ക്രി​പ്റ്റ് എ​ഴു​തു​ന്പോ​ൾ​ത്ത​ന്നെ നെ​ടു​മു​ടി വേ​ണു മ​ന​സി​ലു​ണ്ടാ​യി​രു​ന്നോ..?

എ​ല്ലാ​യ്പ്പോ​ഴും സി​നി​മ എ​ഴു​തി​ക്ക​ഴി​ഞ്ഞാ​ണ് അ​തി​ലെ ക​ഥാ​പാ​ത്ര​ത്തി​നു പ​റ്റി​യ​ത് ആ​രാ​ണെ​ന്ന് ആ​ലോ​ചി​ക്കു​ന്ന​ത്.



പി.ബാലചന്ദ്രനുമൊത്തുള്ള അനുഭവങ്ങൾ..?

ബാ​ലേ​ട്ട​ൻ ആ​ദ്യ​മാ​യാ​ണ് എ​ന്‍റെ പ​ട​ത്തി​ൽ വേ​ഷ​മി​ടു​ന്ന​ത്. കു​റേ​ക്കാ​ല​മാ​യി അ​ദ്ദേ​ഹ​വു​മാ​യി ഒ​ന്നി​ച്ചു വ​ർ​ക്ക് ചെ​യ്യ​ണ​മെ​ന്നു വി​ചാ​രി​ച്ചി​രു​ന്ന​താ​ണ്. അ​ദ്ദേ​ഹ​ത്തി​നു യോ​ജി​ച്ച ഒ​രു വേ​ഷ​മു​ണ്ടാ​യ​ത് ഇ​പ്പോ​ഴാ​ണ്. ഏ​റെ ര​സ​ക​ര​മാ​യ ന​ട​നാ​നു​ഭ​വ​മാ​ണ​ത്.

ഛായാഗ്രഹണത്തിൽ എം.​ജെ. രാ​ധാ​കൃ​ഷ്ണ​ന്‍റെ മകൻ യ​ദു രാ​ധാ​കൃ​ഷ്ണ​നി​ലേ​ക്ക് എ​ത്തു​ന്പോ​ൾ..?

പ​തി​ന​ഞ്ചോ​ളം സി​നി​മ​ക​ളി​ൽ എം​ജെ ചേ​ട്ട​നൊ​പ്പം യ​ദു അ​സി​സ്റ്റ​ന്‍റാ​യി വ​ർ​ക്ക് ചെ​യ്തി​ട്ടു​ണ്ട്. ഞ​ങ്ങ​ൾ​ക്കൊ​പ്പം സൗ​ണ്ട് ഓ​ഫ് സൈ​ല​ൻ​സ് മു​ത​ലു​ള്ള എ​ല്ലാ സി​നി​മ​ക​ളി​ലും യ​ദു​വും അ​ച്ഛ​നൊ​പ്പം അ​സോ​സി​യേ​റ്റാ​യി വ​ർ​ക്ക് ചെ​യ്തി​ട്ടു​ണ്ട്.

അ​തു​കൊ​ണ്ടു​ത​ന്നെ യ​ദു​വി​ന്‍റെ ടാ​ല​ന്‍റ് വ​ള​രെ കൃ​ത്യ​മാ​യി അ​റി​യാം. അ​ങ്ങ​നെ​യാ​ണ് യ​ദു സ്വ​ത​ന്ത്ര ഛായാ​ഗ്രാ​ഹ​ക​നാ​കു​ന്ന ആ​ദ്യ​ചി​ത്രം ഇ​താ​വ​ട്ടെ എ​ന്നു​റ​പ്പി​ച്ച​ത്.



ചി​ത്രീ​ക​ര​ണ​ത്തെ​ക്കു​റി​ച്ച്..?

കോ​വി​ഡി​നു മു​ന്നേ ത​ന്നെ ഷൂ​ട്ടിം​ഗ് പൂ​ർ​ത്തി​യാ​ക്കി​യി​രു​ന്നു. തി​രു​വ​ന​ന്ത​പു​രം, ആ​ല​പ്പു​ഴ, വാ​ഗ​മ​ണ്‍, നാ​ഗ്പൂ​ർ എ​ന്നി​വി​ട​ങ്ങ​ളി​ലാ​യി​രു​ന്നു ഷൂ​ട്ടിം​ഗ്. ക​ഥ​യ്ക്ക് പ​റ്റി​യ ലൊ​ക്കേ​ഷ​നു​ക​ൾ ക​ണ്ടു​പി​ടി​ച്ചു ഷൂ​ട്ട് ചെ​യ്യു​ക​യാ​യി​രു​ന്നു.

ഓ​റ​ഞ്ചു​മ​ര​ങ്ങ​ളു​ടെ വീ​ടിന്‍റെ പി​ന്ന​ണി​യി​ൽ..?

എ​ഡി​റ്റിം​ഗ് ഡേ​വി​സ് മാ​നു​വ​ൽ. സൗ​ണ്ട് മി​ക്സിം​ഗ് പ്ര​മോ​ദ് തോ​മ​സ്. ലൊ​ക്കേ​ഷ​ൻ സി​ങ്ക് സൗ​ണ്ട്, സൗ​ണ്ട് ഡി​സൈ​ൻ സ്മി​ജി​ത്കു​മാ​ർ പി.​ബി. മേ​ക്ക​പ്പ് പ​ട്ട​ണം ഷാ. ​കോ​സ്റ്റ്യൂം അ​ര​വി​ന്ദ് കെ. ​ആ​ർ. സ്റ്റി​ൽ​സ് ധ​നു​ജ് എ​സ്.​എ​ൽ. പോ​സ്റ്റ​ർ ഡി​സൈ​ൻ ദി​ലീ​പ് ദാ​സ്. കലാസംവിധാനം അജയൻ വി. കാട്ടുങ്കൽ. സംഗീതം സന്തോഷ് ചന്ദ്രൻ. നിർമാണം സിറാജ് ഷാ, വിജയശ്രീ ബിജു കുമാർ, ഉഷാദേവി ബി.എസ്. എക്സിക്യൂട്ടീവ് പ്രൊഡ്യൂസർ എം.ജി. രാധാകൃഷ്ണൻ ഉണ്ണിത്താൻ.



കോ​വി​ഡ്കാ​ലം താ​ങ്ക​ളു​ടെ എ​ഴു​ത്തി​നെ​യും ഇ​നി ചെ​യ്യു​ന്ന സി​നി​മ​ക​ളെ​യും എ​ങ്ങ​നെ​യാ​ണു സ്വാ​ധീ​നി​ക്കു​ന്ന​ത്..?

കോ​വി​ഡ്കാ​ലം സി​നി​മ​യു​മാ​യി ബ​ന്ധ​പ്പെ​ട്ട് എ​ന്നെ സ്വാ​ധീ​നി​ച്ചി​ട്ടി​ല്ല. കോ​വി​ഡ്കാ​ലം പ​ശ്ചാ​ത്ത​ല​മാ​കു​ന്ന സി​നി​മ​യൊ​ന്നും ആ​ലോ​ചി​ച്ചി​ട്ടി​ല്ല. സി​നി​മ​യാ​ക്കാ​ൻ നേ​ര​ത്തേ ത​ന്നെ ഉ​ദ്ദേ​ശി​ച്ചി​രു​ന്ന ആ​ശ​യ​ങ്ങ​ളെ​ല്ലാം സ്ക്രി​പ്റ്റാ​ക്കി എ​ഴു​തി​വ​ച്ചു.

കോ​വി​ഡ്കാ​ല​ത്ത് യാ​ത്ര​ക​ൾ കു​റ​വാ​യി​രു​ന്ന​തി​നാ​ൽ കു​റേ സ​മ​യം കി​ട്ടി. നാ​ല​ഞ്ചു സ്ക്രി​പ്റ്റു​ക​ൾ എ​ഴു​താ​നാ​യി. അ​തി​ൽ ഏ​താ​ണ് അ​ടു​ത്തു ചെ​യ്യു​ക എ​ന്നു തീ​രു​മാ​നി​ച്ചി​ട്ടി​ല്ല.



കോ​വി​ഡ്കാ​ല പ​രി​മി​തി​ക​ൾ ചി​ത്രീ​ക​ര​ണ​ത്തെ ബാ​ധി​ക്കു​മെ​ന്ന് ആ​ശ​ങ്ക​യു​ണ്ടോ..?

ന​മ്മു​ടെ സി​നി​മ​യ്ക്ക് ആ​വ​ശ്യ​മാ​യ കാ​ര്യ​ങ്ങ​ൾ ക്രി​യേ​റ്റ് ചെ​യ്യാ​മ​ല്ലോ. ഇ​പ്പോ​ൾ ആ​ൾ​ക്കൂ​ട്ടം ചി​ത്രീ​ക​രി​ക്കാ​ൻ പ​റ്റി​ല്ലാ എ​ന്നേ​യു​ള്ളൂ. ഇ​പ്പോ​ൾ എ​ഴു​തി​യ സ്ക്രി​പ്റ്റു​ക​ൾ ഷൂ​ട്ട് ചെ​യ്യു​ന്ന​ത് അ​ടു​ത്ത വ​ർ​ഷ​ങ്ങ​ളി​ലൊ​ക്കെ​യ​ല്ലേ.

കോ​വി​ഡി​ന്‍റെ അ​വ​സ്ഥ​ക​ൾ മാ​റി​യെ​ങ്കി​ലേ അ​തൊ​ക്കെ ആ​ലോ​ചി​ക്കു​ക​യു​ള്ളൂ. പ്രൊ​ഡ്യൂ​സ​റൊ​ക്കെ ആ​യാ​ൽ ഇ​പ്പോ​ൾ വേ​ണ​മെ​ങ്കി​ലും ചെ​യ്യാ​വു​ന്ന​തേ​യു​ള്ളൂ. ഇ​പ്പോ​ൾ എ​ല്ലാ​യി​ട​ത്തും സി​നി​മ ചെ​യ്തു തു​ട​ങ്ങി​യ​ല്ലോ.



കോ​വി​ഡ്കാ​ല​ത്ത് ജ​നം ലോ​ക​സി​നി​മ​ക​ൾ ക​ണ്ട് ച​ല​ച്ചി​ത്രാ​വ​ബോ​ധം ഉ​യ​ർ​ത്തി​യ​താ​യും അ​തി​നാ​ൽ ച​ല​ച്ചി​ത്ര​കാ​ര​ൻ കൂ​ടു​ത​ൽ ജാ​ഗ്ര​ത പു​ല​ർ​ത്തേ​ണ്ട​താ​ണെ​ന്നും ക​രു​തു​ന്നു​ണ്ടോ..?

ന​മ്മ​ൾ മു​ന്പും അ​ത്ത​ര​ത്തി​ലു​ള്ള ക​രു​ത​ലോ​ടെ​യാ​ണു സി​നി​മ ചെ​യ്യു​ന്ന​ത്. ന​മ്മ​ൾ ലോ​ക​സി​നി​മ​ക​ളു​മാ​യ​ല്ലേ മ​ത്സ​രി​ക്കാ​ൻ പോ​കു​ന്ന​ത്. അ​തി​നാ​ൽ വ​ള​രെ ശ്ര​ദ്ധാ​പൂ​ർ​വം ത​ന്നെ​യാ​ണു സി​നി​മ ചെ​യ്യേ​ണ്ടി​യി​രി​ക്കു​ന്ന​ത്.

മ​റ്റു രാ​ജ്യ​ങ്ങ​ളി​ൽ നി​ന്നു വ​രു​ന്ന​വ​രു​മാ​യാ​ണ് ന​മ്മ​ൾ മ​ത്സ​രി​ക്കു​ന്ന​ത്. അ​തു​കൊ​ണ്ട് സി​നി​മ​ക​ൾ ഗൗ​ര​വ​മാ​യി ഉ​ണ്ടാ​ക്കി​യി​ല്ലെ​ങ്കി​ൽ ന​മ്മ​ൾ പു​റ​കോ​ട്ടു പോ​വു​ക​യേ​യു​ള്ളൂ.



അ​ട​ച്ചി​രു​പ്പു​കാ​ല​ത്ത് ആ​ളു​ക​ൾ കൂ​ടു​ത​ലാ​യി ക്ലാ​സി​ക് ചി​ത്ര​ങ്ങ​ൾ ആ​സ്വ​ദി​ച്ചി​ട്ടു​ണ്ടാ​വാം..?

എ​ത്ത​രം സി​നി​മ​ക​ളാ​ണ് ആ​ളു​ക​ൾ കാ​ണു​ന്ന​ത് എ​ന്ന​തി​നെ​പ്പ​റ്റി ന​മു​ക്കു ധാ​ര​ണ​യി​ല്ല​ല്ലോ. ഒ​ടി​ടി​യി​ൽ ക്ലാ​സി​ക്കു​ക​ൾ മാ​ത്ര​മ​ല്ല​ല്ലോ. ത്രി​ല്ല​റു​ക​ൾ, കൊ​റി​യ​ൻ ത്രി​ല്ല​റു​ക​ൾ...​അ​ങ്ങ​നെ​യു​ള്ള എ​ന്‍റ​ർ​ടെ​യ്ൻ​മെ​ന്‍റു​ക​ൾ ഇ​ഷ്ടം​പോ​ലെ ഉ​ണ്ട​ല്ലോ.

ആ​ളു​ക​ളു​ടെ ആ​സ്വാ​ദ​ന നി​ല​വാ​രം ഉ​യ​ർ​ന്നു എ​ന്നൊ​ന്നും പ​റ​യാ​നാ​വി​ല്ല. അ​ങ്ങ​നെ​യാ​യി​രു​ന്നു​വെ​ങ്കി​ൽ കേ​ര​ള ച​ല​ച്ചി​ത്രമേ​ള കൊ​ണ്ടു ത​ന്നെ ആ​ളു​ക​ളു​ടെ ച​ല​ച്ചി​ത്രാ​വ​ബോ​ധം എ​ന്നേ ഉ​യ​രേ​ണ്ട​താ​യി​രു​ന്നു. അ​ങ്ങ​നെ​യൊ​ന്നും സം​ഭ​വി​ച്ചി​ട്ടി​ല്ല​ല്ലോ.

താ​ങ്ക​ളു​ടെ സി​നി​മ​ക​ൾ സം​സ്ഥാ​ന​ത​ല​ത്തി​ൽ ത​ഴ​യ​പ്പെ​ടു​ന്നു. അ​തേ​സ​മ​യം, ദേ​ശീ​യ അ​ന്ത​ർ​ദേ​ശീ​യ ത​ല​ങ്ങ​ളി​ൽ അം​ഗീ​ക​രി​ക്ക​പ്പെ​ടു​ന്നു. എ​ന്താ​ണ് അ​ങ്ങ​നെ സം​ഭ​വി​ക്കു​ന്ന​ത്..?

കേ​ര​ള​ത്തി​ലെ ജൂ​റി​യു​ടെ നി​ല​വാ​ര​ത്തി​നും അ​വ​രു​ടെ കോ​ണ്‍​സ​പ്റ്റി​നും അ​നു​സ​രി​ച്ചു​ള്ള സി​നി​മ​ക​ളാ​വി​ല്ല ന​മ്മു​ടേ​ത് എ​ന്നു തോ​ന്നു​ന്നു! അ​വ​ർ​ക്കു ന​മ്മു​ടെ സി​നി​മ​ക​ൾ പൊ​തു​വേ നി​ല​വാ​ര​മി​ല്ലാ​ത്ത​താ​യി തോ​ന്നു​ന്നു​ണ്ടാ​വാം! സം​സ്ഥാ​നം ആ​രു ഭ​രി​ക്കു​ന്നു എ​ന്ന​ത് ഇ​തി​ൽ ഒ​രു വി​ഷ​യ​മേ അ​ല്ല.

ച​ല​ച്ചി​ത്ര അ​ക്കാ​ദ​മി​യി​ൽ എ​പ്പോ​ഴും ഒ​രേ സം​ഘ​ങ്ങ​ളും ആ​ളു​ക​ളു​മൊ​ക്കെ​ത്ത​ന്നെ​യാ​ണ്. ആ​രു മാ​റി​യാ​ലും ച​ല​ച്ചി​ത്ര അ​ക്കാ​ദ​മി​യു​ടെ പ്ര​ധാ​ന​പ്പെ​ട്ട ആ​ളു​ക​ളൊ​ന്നും മാ​റു​ന്നി​ല്ല​ല്ലോ. അ​വി​ടെ എ​പ്പോ​ഴും മു​ഖ്യ​ധാ​രാ​സി​നി​മ​ക​ളു​ടെ ആ​ളു​ക​ളാ​ണു വ​രു​ന്ന​ത്.

അ​പ്പോ​ൾ സ്വാ​ഭാ​വി​ക​മാ​യും മു​ഖ്യ​ധാ​രാ​സി​നി​മ​ക​ളോ​ടാ​വും അ​വ​ർ​ക്കു താ​ത്പ​ര്യം. അ​ല്ലാ​തെ​യു​ള്ള വി​ഷ​യ​ങ്ങ​ൾ പ​റ​യു​ന്ന സി​നി​മ​ക​ളോ രാ​ഷ്‌ട്രീ​യ​സി​നി​മ​ക​ളോ താ​ത്പ​ര്യ​മു​ള്ള ആ​ളു​ക​ള​ല്ല അ​വി​ടെ​യു​ള്ള​ത്. അ​തി​ന്‍റെ പ്ര​ശ്ന​മാ​ണ്.



ഇ​ട​തു​ഭ​ര​ണ​ത്തി​ലും സ​മാ​ന്ത​ര​സി​നി​മ​ക​ളോ​ട് ഇ​ത്ത​രം സ​മീ​പ​നം നി​ല​നി​ല​ൽ​ക്കു​ന്ന​തു ഭം​ഗി​കേ​ട​ല്ലേ..?

എ​ൽ​ഡി​എ​ഫ് വ​രു​ന്പോ​ൾ യു​ഡി​എ​ഫി​ലും മോ​ശ​മാ​യ രീ​തി​യി​ലാ​ണു പ​ല​പ്പോ​ഴും സം​ഭ​വി​ച്ചി​ട്ടു​ള്ള​ത്. കു​റ​ച്ചെ​ങ്കി​ലും വ്യ​ത്യാ​സം വ​ന്ന​ത് രാ​ജ്മോ​ഹ​ൻ ഉ​ണ്ണി​ത്താ​ൻ കെഎസ്എ​ഫ്ഡി​സി ചെ​യ​ർ​മാ​ൻ ആ​യ സ​മ​യ​ത്താ​ണ്. അ​ന്നാ​ണ് ഇ​ത്ത​രം സി​നി​മ​ക​ൾ​ക്കു തി​യ​റ്റ​ർ കൊ​ടു​ക്കാ​നു​ള്ള നി​ർ​ദേ​ശ​മെ​ങ്കി​ലു​മു​ണ്ടാ​യ​ത്. എ​ൽ​ഡി​എ​ഫ് ഭ​രി​ച്ചു​കൊ​ണ്ടി​രു​ന്ന​പ്പോ​ൾ അ​ത്ത​രം കാ​ര്യ​ങ്ങ​ളൊ​ന്നും ത​ന്നെ ഉ​ണ്ടാ​യി​ട്ടി​ല്ല.

പ്രോ​ഗ്ര​സീ​വാ​യി സി​നി​മ​യെ സം​ബ​ന്ധി​ച്ച ഒ​രു കാ​ര്യ​ത്തി​ലും യു​ഡി​എ​ഫും എ​ൽ​ഡി​എ​ഫു​മൊ​ന്നും ഇ​ട​പെ​ടാ​റി​ല്ല. അ​ത്ത​രം കാ​ഴ്ച​പ്പാ​ടു​ക​ളു​ള്ള ആ​ളു​ക​ള​ല്ല പ​ല​പ്പോ​ഴും ത​ല​പ്പ​ത്തു വ​രു​ന്ന​ത്. പി​ന്നെ, അ​ക്കാ​ദ​മി​യു​ടെ ഒ​ഫീ​ഷ്യ​ൽ ത​ല​പ്പ​ത്ത് എ​ന്നും ഒ​രേ ആ​ളു​ക​ൾ ത​ന്നെ​യാ​ണ്.

ക​ഴി​ഞ്ഞ കു​റേ വ​ർ​ഷ​ങ്ങ​ളാ​യി ചെ​യ​ർ​മാ​ൻ​മാ​രാ​യും എ​ക്സി​ക്യൂ​ട്ടീ​വ് അം​ഗ​ങ്ങ​ളാ​യും വ​രു​ന്ന​തും മു​ഖ്യ​ധാ​രാ സി​നി​മ​ക​ളു​ടെ ആ​ളു​ക​ളാ​ണ്. സ്വാ​ഭാ​വി​ക​മാ​യും അ​ത്ത​രം സി​നി​മ​ക​ളോ​ടു​ള്ള താ​ത്പ​ര്യം മാ​ത്ര​മേ അ​വ​ർ​ക്കു​ണ്ടാ​വൂ.



മ​ല​യാ​ള​സി​നി​മ​ക​ൾ ഓ​സ്ക​റി​ലേ​ക്കു പോ​കു​ന്ന​കാ​ലം. ആ ​നി​ല​വാ​ര​ത്തി​ലേ​ക്ക് മ​ല​യാ​ള സി​നി​മ എ​ത്തി​യി​ട്ടു​ണ്ടോ..?

മു​ന്പും പോ​യി​ട്ടു​ണ്ട​ല്ലോ മ​ല​യാ​ള​സി​നി​മ​ക​ൾ. ഇ​തു മൂ​ന്നാ​മ​ത്തെ ത​വ​ണ​യ​ല്ലേ. ഓ​സ്ക​റി​നു വി​ദേ​ശ ഭാ​ഷ​ക​ളു​ടെ കാ​റ്റ​ഗ​റി​യി​ലേ​ക്കാ​ണ​ല്ലോ പോ​കു​ന്ന​ത്. എ​ല്ലാ രാ​ജ്യ​ങ്ങ​ൾ​ക്കും ഓ​രോ പ​ടം അ​യ​യ്ക്കാം. പ​ല​പ്പോ​ഴും ഇ​വി​ടു​ന്നു ഹി​ന്ദി​പ​ട​ങ്ങ​ളാ​ണ് അ​യ​ച്ചു​കൊ​ണ്ടി​രു​ന്ന​ത്. വ​ള​രെ അ​പൂ​ർ​വ​മാ​യാ​ണ് മ​ല​യാ​ളം വ​രു​ന്ന​ത്.

ഗ​വ​ണ്‍​മെ​ന്‍റ​ല്ല, ഫി​ലിം ഫെ​ഡ​റേ​ഷ​ൻ ഓ​ഫ് ഇ​ന്ത്യ എ​ന്ന സ്വ​കാ​ര്യ ഏ​ജ​ൻ​സി​യാ​ണ് അ​തു തെ​ര​ഞ്ഞെ​ടു​ക്കു​ന്ന​ത്. 85,000 രൂ​പ കൊ​ടു​ത്ത് അ​പേ​ക്ഷി​ക്കു​ന്ന ഏ​തു പ​ട​വും അ​വ​ർ പ​രി​ഗ​ണി​ക്കും. ഫെ​സ്റ്റി​വ​ലു​ക​ളി​ൽ പോ​യി​ട്ടു​ള്ള പ​ട​മാ​ണെ​ങ്കി​ലും 85,000 കൊ​ടു​ത്ത് അ​പേ​ക്ഷി​ച്ചി​ല്ലെ​ങ്കി​ൽ അ​വ​ർ പ​രി​ഗ​ണി​ക്കി​ല്ല.

വെ​യി​ൽ​മ​ര​ങ്ങ​ൾ അ​പേ​ക്ഷി​ച്ചി​രു​ന്നി​ല്ല. സ​മാ​ന്ത​ര സി​നി​മ​ക​ൾ​ക്കു താ​ങ്ങാ​നാ​വാ​ത്ത ഫീ​സ​ല്ലേ അ​ത്. പ​ല​പ്പോ​വും അ​ത്ത​രം സി​നി​മ​ക​ൾ അ​പേ​ക്ഷി​ക്കാ​റേ​യി​ല്ല. സാ​ധാ​ര​ണ 20-25 പ​ട​ങ്ങ​ളേ ക​മ്മി​റ്റി​ക്കു മു​ന്നി​ൽ വ​രാ​റു​ള്ളൂ. അ​തി​ൽ അ​വ​ർ​ക്ക് ഇ​ഷ്ട​പ്പെ​ടു​ന്ന ഒ​രു സി​നി​മ​യാ​ണ് ഇ​ന്ത്യ​യു​ടെ എ​ൻ​ട്രി​യാ​യി അ​യ​യ്ക്കു​ന്ന​ത്. അ​വ​രു​ടെ ഒ​രു തെ​ര​ഞ്ഞെ​ടു​പ്പാ​ണ​ത്.

ഇ​ന്ത്യ​യി​ൽ റീ​ലീ​സ് ചെ​യ്യു​ന്ന എ​ല്ലാ പ​ട​ങ്ങ​ളി​ൽ നി​ന്നൊ​ന്നു​മ​ല്ല അ​ത്. വാ​സ്ത​വ​ത്തി​ൽ ഓ​സ്ക​ർ എ​ൻ​ട്രി സെ​ല​ക്‌ഷ​ൻ കാ​ര്യ​ങ്ങ​ൾ ഗ​വ​ണ്‍​മെ​ന്‍റ് ഏ​റ്റെ​ടു​ക്കേ​ണ്ട​താ​ണ്.

ഫ്രാ​ൻ​സി​ന്‍റെ പ​ങ്കാ​ളി​ത്ത​ത്തി​ൽ ചെ​യ്യു​ന്ന ഫ്ര​ഞ്ച് സി​നി​മ​യെ​ക്കു​റി​ച്ച്..?

അ​തി​ന്‍റെ സ്ക്രി​പ്റ്റിം​ഗ് ക​ഴി​ഞ്ഞ​താ​ണ്. കോ​വി​ഡ് തു​ട​ങ്ങു​ന്ന​തി​ന് ഒ​രാ​ഴ്ച മു​ന്പ് ആ ​സി​നി​മ​യു​ടെ ലൊ​ക്കേ​ഷ​ൻ നോ​ക്കാ​നും മ​റ്റു കാ​ര്യ​ങ്ങ​ൾ​ക്കു​മാ​യി ഫ്രാ​ൻ​സി​ൽ പോ​യി​രു​ന്നു. കോ​വി​ഡ് സാ​ഹ​ച​ര്യ​ങ്ങ​ൾ മാ​റി​യാ​ലേ ആ ​സി​നി​മ​യി​ലേ​ക്കു ക​ട​ക്കാ​നാ​കൂ.



ഓ​റ​ഞ്ച് മ​ര​ങ്ങ​ളു​ടെ വീ​ടി​ന്‍റെ റി​ലീ​സ്..?

കൊ​ൽ​ക്ക​ത്ത, ധാ​ക്ക ഫെ​സ്റ്റി​വ​ലു​ക​ളി​ലേ​ക്കു സെ​ല​ക്‌ഷ​ൻ ആ​യി​ട്ടു​ണ്ട്. തിയറ്റർ റിലീസ് ഫെസ്റ്റിവലുകൾക്കുശേഷം ആലോചിക്കുന്നു. 2021 മേയ് മാസത്തോടെ റിലീസ് ഉദ്ദേശിക്കുന്നു. ഒടിടിയും പരിഗണനയിലുണ്ട്.

ടി.​ജി.​ബൈ​ജു​നാ​ഥ്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.