Cinema
മേക്കപ്പിടാൻ മിറ്റയുമുണ്ട്
Sunday, September 10, 2017 12:57 AM IST
മ​ല​യാ​ള സി​നി​മ​യു​ടെ മേ​ക്ക​പ്പ് മേ​ഖ​ല ഇ​തു​വ​രെ പു​രു​ഷ​ൻ​മാ​രു​ടെ കൈ​ക​ളി​ലാ​യി​രു​ന്നു​വെ​ങ്കി​ൽ അ​വ​ർ​ക്കി​ട​യി​ലേ​ക്ക് ഒ​രു സ്ത്രീ ​ക​ട​ന്നു​വ​രു​ന്നു. കൊ​ച്ചി സ്വ​ദേ​ശി​നി​യാ​യ മി​റ്റ ആ​ന്‍റ​ണി​യാ​ണ് മ​ല​യാ​ള സി​നി​മ​യു​ടെ മേ​ക്ക​പ്പ് മേ​ഖ​ല​യി​ലെ സ്ത്രീ ​സാ​ന്നി​ധ്യ​മാ​യി മാ​റു​ന്ന​ത്. 2011ൽ ​കൊ​ച്ചി​യി​ലെ പ​ട്ട​ണം റ​ഷീ​ദ് ഇ​ൻ​സ്റ്റി​റ്റ്യൂ​ട്ടി​ൽ​നി​ന്ന് പ​ഠി​ച്ചി​റ​ങ്ങി​യ മി​റ്റ ഈ ​വ​ർ​ഷം മു​ത​ലാ​ണ് മ​ല​യാ​ള ചി​ത്ര​ങ്ങ​ളു​ടെ ഭാ​ഗ​മാ​യി​ത്തു​ട​ങ്ങി​യ​ത്.

‘ഫോ​ട്ടോ​ഗ്രാ​ഫ​ർ’ എ​ന്ന മോ​ഹ​ൻ​ലാ​ൽ ചി​ത്ര​ത്തി​ലൂ​ടെ ബാ​ല​താ​ര​ത്തി​നു​ള്ള സം​സ്ഥാ​ന അ​വാ​ർ​ഡ് നേ​ടി​യ ആ​ദി​വാ​സി ബാ​ല​ൻ മ​ണി കേ​ന്ദ്ര​ക​ഥാ​പാ​ത്ര​മാ​യി അ​ഭി​ന​യി​ച്ച് ഉ​ട​ൻ പ്ര​ദ​ർ​ശ​ന​ത്തി​നെ​ത്തു​ന്ന ഉ​ട​ലാ​ഴ​മാ​ണ് മി​റ്റ മേ​ക്ക​പ്പ് ആ​ർ​ട്ടി​സ്റ്റാ​യ ഏ​റ്റ​വും പു​തി​യ ചി​ത്രം.

മേ​ക്ക​പ്പ് ക​ല​യോ​ട് ചെ​റു​പ്പം മു​ത​ലേ തോ​ന്നി​യൊ​രു ഇ​ഷ്ടം. വ​ള​ർ​ന്ന​പ്പോ​ൾ ആ ​ഇ​ഷ്ട​വും വ​ള​ർ​ന്നു. അ​ങ്ങ​നെ​യാ​ണ് കൊ​ച്ചി​യി​ലെ പ​ട്ട​ണം റ​ഷീ​ദ് ഇ​ൻ​സ്റ്റി​റ്റ്യൂ​ട്ടി​ൽ മേ​ക്ക​പ്പ് ക​ല​യെ​ക്കു​റി​ച്ച് കൂ​ടു​ത​ലാ​യി പ​ഠി​ക്കാ​ൻ ചേ​ർ​ന്ന​ത്. പ​ക്ഷേ കോ​ഴ്സ് പ​ഠി​ച്ച് പു​റ​ത്തി​റ​ങ്ങി​യ​തോ​ടെ എ​നി​ക്ക് മ​ല​യാ​ള സി​നി​മ​യി​ൽ​നി​ന്ന് വേ​ണ്ട​ത്ര അ​വ​സ​ര​ങ്ങ​ൾ ല​ഭി​ച്ചി​ല്ല.



ഒ​രു സ്ത്രീ ​ത​ങ്ങ​ളു​ടെ ചി​ത്ര​ത്തി​ൽ മേ​ക്ക​പ്പ് ആ​ർ​ട്ടി​സ്റ്റാ​യി ജോ​ലി ചെ​യ്താ​ൽ അ​തു വേ​ണ്ട​ത്ര രീ​തി​യി​ൽ ഫ​ല​പ്ര​ദ​മാ​കു​മോ​യെ​ന്ന ആ​ശ​ങ്ക​യാ​യി​രി​ക്കാം അ​വ​സ​ര​ങ്ങ​ൾ കു​റ​യാ​നു​ള്ള കാ​ര​ണം. അ​വ​സ​ര​ങ്ങ​ൾ കു​റ​വാ​യ​തോ​ടെ ആ​ൽ​ബ​ങ്ങ​ൾ, പ​ര​സ്യ​ങ്ങ​ൾ, ഹ്രസ്വ ചി​ത്ര​ങ്ങ​ൾ, ഡോ​ക്യു​മെ​ന്‍റ​റി​ക​ൾ, ഫാ​ഷ​ൻ ഷോ​ക​ൾ, ചാ​ന​ൽ ഷോ​ക​ൾ, നാ​ട​ക​ങ്ങ​ൾ, സീ​രി​യ​ലുകൾ തു​ട​ങ്ങി​യ​വ​യു​ടെ മേ​ക്ക​പ്പ് മേ​ഖ​ല​യി​ൽ പ്ര​വ​ർ​ത്തി​ച്ചു​വ​രി​ക​യാ​യി​രു​ന്നു.

അ​വ​സ​ര​ങ്ങ​ൾ ല​ഭി​ച്ചു​തു​ട​ങ്ങി​യി​ട്ടു​ണ്ട്

മ​ല​യാ​ള സി​നി​മ​യി​ൽ അ​വ​സ​ര​ങ്ങ​ൾ കു​റ​ഞ്ഞ​തി​നു കാ​ര​ണം ബോ​ധ​പൂ​ർ​വ​മാ​യ അ​വ​ഗ​ണ​ന​യൊ​ന്നു​മ​ല്ല. ന​മ്മു​ടെ ക​ഴി​വു തെ​ളി​യി​ക്കാ​ൻ ആ​ദ്യം ഒ​ര​വ​സ​രം കി​ട്ട​ണ​മ​ല്ലോ. അ​തു​കി​ട്ടാ​ൻ വൈ​കി​യെ​ന്ന​തു നേ​രാ​ണ്. എ​ങ്കി​ലും ഈ ​വ​ർ​ഷം ത​ന്നെ മൂ​ന്നു മ​ല​യാ​ളം ചി​ത്ര​ങ്ങ​ളി​ൽ വ​ർ​ക്ക് ചെ​യ്യാ​നാ​യി എ​ന്ന​ത് പോ​സി​റ്റീ​വാ​യി കാ​ണു​ന്നു. ത​മി​ഴി​ൽ ഇ​മൈ എ​ന്നൊ​രു ചി​ത്രം ചെ​യ്തു. അ​തും ഉ​ട​ൻ പ്ര​ദ​ർ​ശ​ന​ത്തി​നെ​ത്തും. ഇ​പ്പോ​ൾ ക​ഴി​വ് തെ​ളി​യി​ക്കാ​ൻ

എ​നി​ക്ക് അ​വ​സ​ര​ങ്ങ​ൾ ല​ഭി​ച്ചു​തു​ട​ങ്ങി​യി​ട്ടു​ണ്ട്. തീ​ർ​ച്ച​യാ​യും മ​ല​യാ​ള​ത്തി​ലു​ൾ​പ്പെ​ടെ​യു​ള്ള മു​ഖ്യ​ധാ​ര സി​നി​മ​ക​ളി​ൽ എ​നി​ക്ക് കൂ​ടു​ത​ൽ അ​വ​സ​ര​ങ്ങ​ൾ ല​ഭി​ക്കു​മെ​ന്നു ത​ന്നെ​യാ​ണ് പ്ര​തീ​ക്ഷ.



ആ​ദ്യ​കാ​ല​ത്ത് സ്ത്രീ​ക​ളെ മാ​റ്റി​നി​ർ​ത്തി​യി​രു​ന്നു

മു​ന്പ് ഒ​രു സ്ത്രീ​ക്ക് സി​നി​മ​യി​ൽ മേ​ക്ക​പ്പ് ആ​ർ​ട്ടി​സ്റ്റാ​വാ​ൻ പ​രി​മി​തി​ക​ൾ ധാ​രാ​ള​മു​ണ്ടാ​യി​രു​ന്നു. ദ​ശ​ക​ങ്ങ​ളാ​യി ഇ​ന്ത്യ​യി​ൽ മേ​ക്ക​പ്പ് ആ​ർ​ട്ടി​സ്റ്റ്മാ​രാ​യ സ്ത്രീ ​തൊ​ഴി​ലാ​ളി​ക​ളെ സി​നി​മ​യി​ൽ​നി​ന്ന് മാ​റ്റി​നി​ർ​ത്തു​ന്ന അ​വ​സ്ഥ​യു​ണ്ടാ​യി​രു​ന്നു. പു​രു​ഷ​ന്മാ​രാ​ണ് എ​ല്ലാ ജോ​ലി​ക​ളും മു​ന്നോ​ട്ടു​കൊ​ണ്ടു​പോ​യ​ത്. ഹെ​യ​ർ സ്റ്റൈ​ലി​സ്റ്റ് എ​ന്ന നി​ല​യി​ൽ മാ​ത്ര​മാ​ണ് സ്ത്രീ​ക​ളെ പ്ര​വ​ർ​ത്തി​ക്കാ​ൻ അ​നു​വ​ദി​ച്ചി​രു​ന്ന​ത്. എ​ന്നാ​ൽ ഈ ​അ​വ​സ്ഥ​യ്ക്ക് ഇ​പ്പോ​ൾ ബോ​ളി​വു​ഡി​ൽ അ​ട​ക്കം മാ​റ്റം വ​ന്നു.

2013ൽ ​ഒ​ന്പ​ത് സ്ത്രീ​ക​ൾ മേ​ക്ക​പ്പ് ആ​ർ​ട്ടി​സ്റ്റു​ക​ളാ​യി ത​ങ്ങ​ളെ സി​നി​മാ മേ​ഖ​ല അം​ഗീ​ക​രി​ക്കു​ന്നി​ല്ലാ​യെ​ന്നു പ​റ​ഞ്ഞു സു​പ്രീം കോ​ട​തി​യി​ൽ കേ​സ് ന​ൽ​കി​യി​രു​ന്നു. നി​യ​മ​പോ​രാ​ട്ട​ത്തി​നൊ​ടു​വി​ൽ 2014 ന​വം​ബ​റി​ൽ സു​പ്രീം​കോ​ട​തി​യി​ൽ​നി​ന്ന് ഇ​വ​ർ​ക്ക് അ​നു​കൂ​ല വി​ധി വ​ന്നു.



സി​നി​മാ വ്യ​വ​സാ​യ​ത്തി​ൽ​നി​ന്ന് സ്ത്രീ​ക​ളെ മാ​റ്റി​നി​ർ​ത്തു​ന്ന​ത് ഭ​ര​ണ​ഘ​ട​നാ വി​രു​ദ്ധ​വും നി​യ​മ​വി​രു​ദ്ധ​വും ലിം​ഗ വി​വേ​ച​ന​ത്തി​ന്‍റെ ഏ​റ്റ​വും മോ​ശ​പ്പെ​ട്ട രീ​തി​യു​മാ​ണെ​ന്ന് സു​പ്രീം​കോ​ട​തി നി​രീ​ക്ഷി​ച്ചു. സ്ത്രീ​ക​ൾ​ക്ക് എ​ന്തു​കൊ​ണ്ട് മേ​ക്ക​പ്പ് ആ​ർ​ട്ടി​സ്റ്റാ​യി​ക്കൂ​ടാ​യെ​ന്നും കോ​ട​തി ചോ​ദി​ച്ചു. സ്ത്രീ ​മേ​ക്ക​പ്പ് ആ​ർ​ട്ടി​സ്റ്റു​ക​ൾ​ക്കെ​തി​രെ​യു​ള്ള വി​വേ​ച​നം എ​ത്ര​യും പെ​ട്ടെ​ന്ന് എ​ടു​ത്തു​ക​ള​യ​ണ​മെ​ന്നും സു​പ്രീം​കോ​ട​തി നി​ർ​ദേശി​ച്ചി​രു​ന്നു.

മേ​ക്ക​പ്പ് ആ​ർ​ട്ടി​സ്റ്റു​ക​ൾ​ക്ക് യൂ​ണി​യ​നു​ക​ളി​ൽ അം​ഗ​ത്വം ന​ൽ​ക​ണ​മെ​ന്നും അ​തി​നു പ്രാ​യ​പ​രി​ധി ഇ​ല്ലെ​ന്നും തൊ​ഴി​ൽ​പ​ര​മാ​യി ഇ​വ​ർ​ക്ക് എ​ല്ലാ അ​വ​കാ​ശ​ങ്ങ​ളു​മു​ണ്ടെ​ന്നും വി​ധി​യി​ൽ വി​ശ​ദ​മാ​യി വ്യ​ക്ത​മാ​ക്കി​യി​ട്ടു​ണ്ട്. ഈ ​വി​ധി ഇ​റ​ങ്ങി​യ​ശേ​ഷം കേ​സ് ന​ട​ത്തി​യ​വ​ർ ബോ​ളി​വു​ഡി​ലെ ഏ​റ്റ​വും വ​ലി​യ യൂ​ണി​യ​നാ​യ മ​ഹാ​രാ​ഷ്ട്ര​യി​ലെ സി​നി കോ​സ്റ്റ്യൂം മേ​ക്ക​പ്പ് ആ​ർ​ട്ടി​സ്റ്റ് ആ​ൻഡ് ഹെ​യ​ർ ഡ്ര​സ്സേ​ഴ്സ് അ​സോ​സി​യേ​ഷ​നി​ൽ ചേ​ർ​ന്നു. എ​നി​ക്കി​പ്പോ​ൾ ​ആ സം​ഘ​ട​ന​യി​ൽ അം​ഗ​ത്വ​മു​ണ്ട്.



ചെ​യ്ത ചി​ത്ര​ങ്ങ​ൾ

ബോ​ളി​വു​ഡി​ൽ ചെ​യ്ത​ത് ര​ണ്ടു സി​നി​മ​ക​ളാ​ണ്. (ബ്ലാ​ക് ഒൗ​ട്ട്, റി​ഫ്ള​ക്ഷ​ൻ) ര​ണ്ടും ചെ​റി​യ സി​നി​മ​ക​ളാ​ണ്. ബോ​ജ്പു​രി​യി​ൽ ജാ​ട് ജ​ടി​ൻ എ​ന്ന ഒ​രു സി​നി​മ ചെ​യ്തു. ത​മി​ഴി​ൽ ഉ​ട​ൻ പ്ര​ദ​ർ​ശ​ന​ത്തി​നെ​ത്തു​ന്ന ഇ​മൈ എ​ന്ന ചി​ത്രം.

ഈ ​വ​ർ​ഷ​മാ​ണ് മ​ല​യാ​ള​ത്തി​ൽ ചെ​യ്തി​രി​ക്കു​ന്ന​ത്. ഒ​ന്ന് ഇ​ൻ​ഡോ-​അ​മേ​രി​ക്ക​ൻ മൂ​വി​യാ​യ എ​ക്രോ​സ് ദി ​ഓ​ഷി​യ​ൻ, ഉ​ട​ലാ​ഴ​മാ​ണ് ര​ണ്ടാ​മ​ത് ചെ​യ്ത​ത്. പി​ക്സ്ഏ​ലി​യ എ​ന്ന ഗ്രാ​ഫി​ക് ചി​ത്ര​ത്തി​ലാ​ണ് ഇ​പ്പോ​ൾ വ​ർ​ക്ക് ചെ​യ്യു​ന്ന​ത്.

വേ​ദ​നി​പ്പി​ക്കു​ന്ന അ​നു​ഭ​വ​ങ്ങ​ളു​മു​ണ്ട്

വേ​ദ​നി​പ്പി​ക്കു​ന്ന അ​നു​ഭ​വ​ങ്ങ​ൾ എ​ന്നു പ​റ​യാ​ൻ ഒ​രു സം​ഭ​വം മാ​ത്ര​മേ​യു​ള്ളൂ. അ​ടു​ത്തി​ടെ ഒ​രു മ​ല​യാ​ള ചി​ത്ര​ത്തി​ൽ വ​ർ​ക്ക് ചെ​യ്യാ​ൻ വി​ളി​ച്ചി​രു​ന്നു. പ​ക്ഷേ അ​വി​ടെ​നി​ന്ന് മോ​ശ​മാ​യ അ​നു​ഭ​വ​മാ​ണ് ഉ​ണ്ടാ​യ​ത്. ഇ​ത്ര​യും മോ​ശ​മാ​യൊ​രു ചു​റ്റു​പാ​ടി​ൽ ഞാ​ൻ ഇ​തു​വ​രെ വ​ർ​ക്ക് ചെ​യ്തി​ട്ടി​ല്ല. ദി​വ​സ​വും അ​വ​രെ​ന്നെ അ​പ​മാ​നി​ക്കു​മാ​യി​രു​ന്നു. ഒ​രു പ​രി​ഗ​ണ​ന​യും അ​വ​ർ ന​ൽ​കി​യി​ല്ല. ഒ​രു സ്ത്രീ​യാ​യ​തി​ന്‍റെ പേ​രി​ൽ മാ​ത്ര​മാ​ണ് അ​വ​ർ എ​ന്നെ ബു​ദ്ധി​മു​ട്ടി​ച്ച​ത്. 18 ദി​വ​സം ആ ​ടീ​മി​നൊ​പ്പം വ​ർ​ക്ക് ചെ​യ്തു. പി​ന്നീ​ട് മു​ന്നോ​ട്ട് പോ​കാ​ൻ ക​ഴി​യാ​തെ വ​ന്ന​തോ​ടെ ഞാ​ൻ ആ ​സി​നി​മ​യി​ൽ​നി​ന്ന് പി​ൻ​മാ​റി. പോ​കു​ന്പോ​ൾ അ​വ​രെ​നി​ക്ക് വേ​ത​ന​മെ​ഴു​തി ഒ​രു ചെ​ക്ക് ത​ന്നു. അ​തു ബൗ​ണ്‍​സ് ആ​യി. ആ ​സി​നി​മ​യു​ടെ ചി​ത്രീ​ക​ര​ണം മു​ട​ങ്ങി​യ​താ​യി​ട്ട് അ​റി​യു​ന്നു.

ഈ ​ദു​ര​നു​ഭ​വ​ത്തോ​ടെ ഇ​നി മ​ല​യാ​ളം പ​ടം ചെ​യ്യ​ണോ വേ​ണ്ട​യോ എ​ന്ന ചി​ന്ത​യി​ൽ​പ്പോ​ലും ഞാ​നെ​ത്തി. കാ​ര​ണം ഇ​ത്ര​യും മോ​ശ​മാ​യൊ​രു അ​നു​ഭ​വം എ​നി​ക്കി​നി കി​ട്ടാ​നി​ല്ല. സി​നി​മ​യി​ൽ മേ​ക്ക​പ്പ് അ​സി​സ്റ്റ​ന്‍റി​നു​വ​രെ ദി​വ​സം 1000 രൂ​പ മി​നി​മം ശ​ന്പ​ളം ന​ൽ​കു​ന്പോ​ൾ മേ​ക്ക​പ്പ് ഹെ​ഡ് ആ​യി ജോ​ലി ചെ​യ്യു​ന്ന എ​ന്നോ​ട് ദി​വ​സം 500 രൂ​പ​യ്ക്കു ജോ​ലി ചെ​യ്യാ​മോ​യെ​ന്നു​വ​രെ അ​വ​ർ ചോ​ദി​ച്ചു. അ​തൊ​ക്കെ മാ​ന​സി​ക​മാ​യി വി​ഷ​മി​പ്പി​ച്ചു.



പ​ട്ട​ണം റ​ഷീ​ദി​ന്‍റെ സ​ഹാ​യി​യാ​യി പ്ര​വ​ർ​ത്തി​ച്ചി​ട്ടു​ണ്ട്

ഉ​ണ്ട്. പ​ട്ട​ണം റ​ഷീ​ദ് സാ​റി​ന്‍റെ കൂ​ടെ മാ​ത്ര​മേ ഞാ​ൻ അ​സി​സ്റ്റ​ന്‍റ് ആ​യി വ​ർ​ക്ക് ചെ​യ്തി​ട്ടു​ള്ളൂ. പ​ഠി​ക്കു​ന്ന സ​മ​യ​ത്താ​യി​രു​ന്നു അ​ത്. പ​ഠ​ന​ത്തി​ന്‍റെ ഭാ​ഗ​മാ​യി​ട്ടാ​യി​രു​ന്നു റ​ഷീ​ദ് സാ​റി​ന്‍റെ കൂ​ടെ വ​ർ​ക്ക് ചെ​യ്ത​ത്. പ​ഠ​ന​ശേ​ഷം സ്വ​ന്ത​മാ​യി മേ​ക്ക​പ്പ് മേ​ഖ​ല​യി​ൽ നി​ൽ​ക്കു​ന്നു.

ന്യൂ ​ജ​ന​റേ​ഷ​ൻ സി​നി​മ​ക​ൾ മേ​ക്ക​പ്പി​നെ ഉ​പേ​ക്ഷി​ക്കു​ന്നി​ല്ല

ന്യൂ​ജ​ന​റേ​ഷ​ൻ സി​നി​മ​ക​ളി​ൽ മേ​ക്ക​പ്പ് തീ​രെ ഇ​ല്ലാ​തെ​യാ​യി​ട്ടി​ല്ല. കൂ​ടു​ത​ലും ന്യൂ​ജെ​ൻ സി​നി​മ​ക​ളി​ൽ നാ​ച്ചു​റ​ലാ​യി​ട്ടു​ള്ള മേ​ക്ക​പ്പാ​ണ് അ​വ​ർ സ്വീ​ക​രി​ക്കു​ന്ന​ത്. മേ​ക്ക​പ്പ് ചെ​യ്താ​ലും മേ​ക്ക​പ്പ് ചെ​യ്തു​വെ​ന്ന് തോ​ന്നാ​ത്ത രീ​തി​യി​ലു​ള്ള മേ​ക്ക​പ്പ് ആ​യി​രി​ക്കും. അ​തു​കൊ​ണ്ട് മേ​ക്ക​പ്പി​നെ അ​വ​ർ ഉ​പേ​ക്ഷി​ക്കു​ന്നി​ല്ല. മേ​ക്ക​പ്പ് വ്യ​ത്യ​സ്ത​മാ​യി ചെ​യ്യു​ന്നു​വെ​ന്ന​താ​ണ് സ​ത്യം.

നിയാസ് മുസ്തഫ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.