Cinema
ചോരമരവിക്കും കഥ പറയാൻ കെജിഎഫ്
Wednesday, November 14, 2018 1:11 PM IST
തെ​ന്നി​ന്ത്യ​ൻ സി​നി​മ ലോ​ക​ത്തി​ൽ നി​ന്നും ബാ​ഹു​ബ​ലി​ക്കു ശേ​ഷം മ​റ്റൊ​രു ബ്ര​ഹ്മാ​ണ്ഡ സി​നി​മ എ​ത്തു​ന്നു. 80 കോ​ടി മു​ത​ൽ മു​ട​ക്കി​ൽ ക​ന്ന​ട സൂ​പ്പ​ർ​സ്റ്റാ​ർ യ​ഷ് നാ​യ​ക​നാ​യി എ​ത്തു​ന്ന കെജിഎഫ്: ചാ​പ്റ്റ​ർ 1. ചി​ത്രം സം​വി​ധാ​നം ചെ​യ്തി​രി​ക്കു​ന്ന​ത് പ്ര​ശാ​ന്ത് നീ​ലാ​ണ്.

കോ​ലാ​ർ സ്വ​ർ​ണ ഖ​നി​ക​ളി​ൽ 1960-70 കാ​ല​ഘ​ട്ട​ത്തി​ലൂ​ടെ സ​ഞ്ച​രി​ക്കു​ന്ന ചി​ത്ര​ത്തി​ൽ റോ​ക്കി എ​ന്ന ക​ഥാ​പാ​ത്ര​മാ​യാ​ണ് യ​ഷ് എ​ത്തു​ന്ന​ത്. ഖ​നി​ത്തൊ​ഴി​ലാ​ളി​ക​ളു​ടെ അ​ടി​മ​ത്ത ജീ​വി​ത​വും അ​തി​ജീ​വ​ന​വും അ​വി​ടെ നി​ന്നും അ​ധോ​ലോ​ക​നേ​താ​വാ​യു​ള്ള നാ​യ​ക​ന്‍റെ വ​ള​ർ​ച്ച​യു​മൊ​ക്കെ​യാ​ണ് ചി​ത്ര​ത്തി​ൽ ദൃ​ശ്യ​വ​ൽ​ക്ക​രി​ച്ചി​രി​ക്കു​ന്ന​ത്.



ഹോ​ളി​വു​ഡ് മേ​ക്കിം​ഗ് സ്റ്റൈ​ലി​ൽ ഒ​രൂ​ക്കി​യി​രി​ക്കു​ന്ന ചി​ത്രം ര​ണ്ടു ഭാ​ഗ​മാ​യാ​ണ് ഒ​രു​ങ്ങു​ന്ന​ത്. അ​തി​ൽ ആ​ദ്യ​ത്തേ​താ​ണ് കെജിഎഫ്: ചാ​പ്റ്റ​ർ 1. ശ്രി​നി​ധി ഷെ​ട്ടി​യാ​ണ് ചി​ത്ര​ത്തി​ൽ നാ​യി​ക​യാ​കു​ന്ന​ത്. വ​ന്പ​ൻ താ​ര​നി​ര​യി​ലൊ​രു​ങ്ങു​ന്ന ചി​ത്ര​ത്തി​ൽ തെ​ന്നി​ന്ത്യ​ൻ നാ​യി​ക ത​മ​ന്ന ഒ​രു പാ​ട്ടി​ൽ അ​തി​ഥി താ​ര​മാ​യി എ​ത്തു​ന്നു​ണ്ട്.

ക​ന്ന​ട​ത്തി​നു പു​റ​മേ മ​ല​യാ​ളം, ത​മി​ഴ്, തെ​ലു​ങ്ക്, ഹി​ന്ദി ഭാ​ഷ​ക​ളി​ലും ചൈ​നീ​സ്, ജാ​പ്പ​നീ​സ് ഭാ​ഷ​ക​ളി​ലു​മാ​യാ​ണ് ചി​ത്രം റി​ലീ​സ് ചെ​യ്യു​ന്ന​ത്. സ​ജി​ത് കു​മാ​ർ, പ​ല്ല​വി ഇ​ന്‍റ​ർ​നാ​ഷ​ണ​ലാ​ണ് കെജിഎഫ് കേ​ര​ള​ത്തി​ലെ​ത്തി​ക്കു​ന്ന​ത്. ന​ട​ൻ വി​ശാ​ലാ​ണ് ചി​ത്ര​ത്തി​ന്‍റെ ത​മി​ഴ് വി​ത​ര​ണാ​വ​കാ​ശം വാ​ങ്ങി​യി​രി​ക്കു​ന്ന​ത്. ഹി​ന്ദി​യി​ൽ ന​ട​ൻ ഫ​ർ​ഹാ​ൻ അ​ക്ത​റാ​ണ് അ​വ​ത​രി​പ്പി​ക്കു​ന്ന​ത്.



വി​വി​ധ ഭാ​ഷ​ക​ളി​ലാ​യി റീ​ലി​സ് ചെ​യ്ത ചി​ത്ര​ത്തി​ന്‍റെ ട്രെ​യി​ല​റി​നു മി​ക​ച്ച പ്ര​ത​ക​ര​ണ​മാ​ണ് ഇ​തി​നോ​ട​കം കി​ട്ടി​യി​രി​ക്കു​ന്ന​ത്. മാ​സ് ഡ​യ​ലോ​ഗു​ക​ളും വ​ന്പ​ൻ സെ​റ്റും ഒ​രു​ക്കി ബാ​ഹു​ബ​ലി​ക്കു ശേ​ഷം തെ​ന്നി​ന്ത്യ​ൻ സി​നി​മ ലോ​ക​ത്തു നി​ന്നും രാ​ജ്യം കീ​ഴ​ട​ക്കാ​നെ​ത്തു​ക​യാ​ണ് കെജിഎഫ്: ചാ​പ്റ്റ​ർ 1.

ഹോം​ബേ​ൽ ഫി​ലിം​സി​ന്‍റെ ബാ​ന​റി​ൽ വി​ജ​യ് കി​ര​ഗ​ണ്ടൂ​ർ നി​ർ​മി​ക്കു​ന്ന ചി​ത്രം ഡി​സം​ബ​ർ 21 -ന് ​വേ​ൾ​ഡ് വൈ​ഡ് റി​ലീ​സ് ചെ​യ്യും. ഭു​വ​ൻ ഗൗ​ഡ ഛായാ​ഗ്ര​ഹ​ണ​വും ര​വി ബ​സ്റൂ​ർ സം​ഗീ​ത സം​വി​ധാ​ന​വും നി​ർ​വ​ഹി​ച്ചി​രി​ക്കു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.


Copyright @ 2022 , Rashtra Deepika Ltd.