കണ്ണൂർ സർവകലാശാല വിദൂര വിദ്യാഭ്യാസ വിഭാഗത്തിന് കീഴിൽ ജിപിഎം കോളജ് മഞ്ചേശ്വരം, ഗവ. കോളജ് കാസർഗോഡ് എന്നീ പരീക്ഷാകേന്ദ്രങ്ങൾ തെരഞ്ഞെടുത്ത് 2021 മാർച്ച് മൂന്നാം വർഷ ബിരുദ (റഗുലർ /സപ്ലിമെന്ററി /ഇംപ്രൂവ്മെന്റ് ) പരീക്ഷ എഴുതിയ വിദ്യാർഥികളുടെ ഗ്രേഡ് കാർഡ് ഡിസംബർ ഒന്നിന് രാവിലെ 10.30 മുതൽ ഉച്ചകഴിഞ്ഞ് 2.30 വരെ കാസർഗോഡ് ചാലയിലെ കണ്ണൂർ യൂണിവേഴ്സിറ്റി കാമ്പസിൽ വിതരണം ചെയ്യും. വിദ്യാർഥികൾ നിർബന്ധമായും ഹാൾ ടിക്കറ്റ്/യൂണിവേഴ്സിറ്റി നൽകിയ തിരിച്ചറിയൽ രേഖ എന്നിവ ഹാജരാക്കണം.
കണ്ണൂർ സർവകലാശാല സ്പോർട്സ് കലണ്ടർ കണ്ണൂർ: കണ്ണൂർ സർവകലാശാലയുടെ 202122 വർഷത്തെ സ്പോർട്സ് കലണ്ടർ പ്രസിദ്ധീകരിച്ചു. സർവകലാശാലയിൽ അഫിലിയേറ്റ് ചെയ്തിട്ടുള്ള കോളജുകളിലെ കായികാധ്യാപകരുടെ നേതൃത്വത്തിൽ നടന്ന ഫിക്സ്ചർ മീറ്റിംഗിലാണ് 2021 22 വർഷത്തെ ഇന്റർ കോളജ് മത്സരങ്ങളുള്ള സ്ഥലവും തീയതിയും നിശ്ചയിച്ചത്. മാങ്ങാട്ടുപറമ്പ് സ്പോർട്സ് കോംപ്ലക്സിൽ നടന്ന ഫിക്സ്ച്ചർ മീറ്റിംഗ് സർവകലാശാല മുൻ രജിസ്ട്രാർ ഇൻചാർജ് ഡോ. ആർ.അനിൽ ഉദ്ഘാടനംചെയ്തു. കായിക വിഭാഗം മേധാവി ഡോ. കെ.പി. മനോജ്, അക്കാദമിക് കൗൺസിൽ അംഗം പി.രഘുനാഥ്, ഡോ. കെ.വി. അനൂപ് എന്നിവർ പ്രസംഗിച്ചു.
പുരുഷ വനിതാ വിഭാഗങ്ങളിൽ 22 കായിക ഇനങ്ങളിലാണ് മത്സരങ്ങൾ നടക്കുന്നത്. അഖിലേന്ത്യാ, അന്തർസർവകലാശാല മത്സരങ്ങൾക്കുള്ള സർവകലാശാല ടീമിനെയും ഇവിടെനിന്ന് തെരഞ്ഞെടുക്കും. ഈ വർഷത്തെ ആദ്യ ചാമ്പ്യൻഷിപ്പായ ബാഡ്മിന്റൺ ടൂർണമെന്റ് തളിപ്പറമ്പ് കേയീ സാഹിബ് ട്രെയിനിംഗ് കോളജിൽ 29ന് ദ്രോണാചാര്യ അവാർഡ് ജേതാവ് കെ.സി. ലേഖ ഉദ്ഘാടനം ചെയ്യും. ഫുട്ബോൾ (പുരുഷ വിഭാഗം ), അത്ലറ്റിക്സ് (പുരുഷവനിതാ വിഭാഗങ്ങൾ) മത്സരങ്ങളിൽ പങ്കെടുക്കുന്ന കോളജുകൾ പ്രിൻസിപ്പൽ സാക്ഷ്യപ്പെടുത്തിയ എൻട്രി ഫോം
[email protected] എന്ന ഇമെയിൽ വിലാസത്തിൽ ഡിസംബർ എട്ടിന് മുന്പായി സമർപ്പിക്കണം. കൂടുതൽ വിവരങ്ങൾക്ക് www.kannuruniversitydpe.com എന്ന വെബ്സൈറ്റ് സന്ദർശിക്കുക.
പരീക്ഷ പുനഃക്രമീകരിച്ചു ഡിസംബർ ഒന്ന്, രണ്ട് തീയതികളിൽ നടത്താൻ നിശ്ചയിച്ചിരുന്ന രണ്ടാം വർഷ വിദൂരവിദ്യാഭ്യാസ എംഎ ഇംഗ്ലീഷ് പരീക്ഷയുടെ Twentieth Century British Literature I, Twentieth Century British Literature II പേപ്പറുകൾ യഥാക്രമം ഡിസംബർ 13,14 തീയതികളിൽ നടക്കുന്ന രീതിയിൽ പുനഃക്രമീകരിച്ചു.
പുനർമൂല്യനിർണയഫലം രണ്ടാം വർഷ വിദൂരവിദ്യാഭ്യാസ ബികോം (ഏപ്രിൽ 2020) പരീക്ഷകളുടെ പുനർമൂല്യനിർണയഫലം സർവകലാശാല വെബ്സൈറ്റിൽ ലഭ്യമാണ്.
പ്രായോഗിക പരീക്ഷകൾ നാലാം സെമസ്റ്റർ ബിഎ, ബിഎസ്സി ഡിഗ്രി (റഗുലർ/സപ്ലിമെന്ററി) ഏപ്രിൽ 2021 പ്രായോഗിക പരീക്ഷകൾ അതത് കേന്ദ്രങ്ങളിൽ നടക്കും.
1. ബിഎസ്സി മൈക്രോബയോളജി, ബോട്ടണി, പ്ലാന്റ് സയൻസ്, ഫിസിക്സ്, ബയോഇൻഫമാറ്റിക്സ്, ബയോടെക്നോളജി 29 മുതൽ
2. ഇക്കണോമിക്സ് /ഡെവലപ്മെന്റ് 30
രണ്ടാം സെമസ്റ്റർ എംഎ/എംഎസ്സി ഡിഗ്രി (റഗുലർ/സപ്ലിമെന്ററി) ഏപ്രിൽ 2021 പ്രായോഗിക പരീക്ഷകൾ ചുവടെ സൂചിപ്പിച്ച തീയതികളിൽ അതത് കേന്ദ്രങ്ങളിൽ ആരംഭിക്കും: എംഎസ്സി ഫിസിക്സ്ഡിസംബർ 6, എംഎസ്സി ബോട്ടണിഡിസംബർ 9, എംഎ ഭരതനാട്യംഡിസംബർ 2.
ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്. രജിസ്റ്റർ ചെയ്ത വിദ്യാർഥികൾ അതത് കോളജുമായി ബന്ധപ്പെടണം.