കണ്ണൂർ സർവകലാശാല മാങ്ങാട്ടുപറമ്പ് കാമ്പസിൽ എംഎസ്സി വുഡ് സയൻസ് ആൻഡ് ടെക്നോളജി (ഇൻഡസ്ട്രി ലിങ്ക്ഡ്) കോഴ്സിൽ എസ്ഇബിസി വിഭാഗത്തിൽ ഏതാനും സീറ്റുകൾ ഒഴിവുണ്ട്. ബിഎസ്സി ഫിസിക്സ്, കെമിസ്ട്രി, ഫോറസ്ട്രി, ബോട്ടണി അല്ലെങ്കിൽ ഏതെങ്കിലും സയൻസ് ബിരുദം ഉള്ളവർ അസൽ സർട്ടിഫിക്കറ്റുകൾ സഹിതം 16ന് രാവിലെ 10.30 ന് നേരിട്ട് ഹാജരാകണം. ഫോൺ: 9496353817.
പാലയാട് ഡോ. ജാനകി അമ്മാൾ കാമ്പസിൽ ഒന്നാംവർഷ എംഎസ്സി കംപ്യൂട്ടേഷണൽ ബയോളജി പ്രോഗ്രാമിൽ ഏതാനും സീറ്റുകൾ ഒഴിവുണ്ട്. ബിഎസ്സി ലൈഫ് സയൻസ് വിഷയങ്ങൾ /കെമിസ്ട്രി /ഫിസിക്സ് /കംപ്യൂട്ടർ സയൻസ് /മാത്തമാറ്റിക്സ് യോഗ്യതയുള്ളവർ അസൽ സർട്ടിഫിക്കറ്റുകൾ സഹിതം ബയോടെക്നോളജി ആൻഡ് മൈക്രോബയോളജി വകുപ്പിൽ 16ന് രാവിലെ 11 ന് മുന്പായി ഹാജരാകണം. യോഗ്യതാപരീക്ഷയിലെ ഭാഷാഇതര വിഷയങ്ങളിൽ ലഭിച്ച മാർക്കിന്റെ അടിസ്ഥാനത്തിലായിരിക്കും പ്രവേശനം. ഫോൺ:9110468045
മാങ്ങാട്ടുപറമ്പ് കാമ്പസിൽ പ്രവർത്തിക്കുന്ന ഇൻഫർമേഷൻ ടെക്നോളജി പഠനവകുപ്പിലെ എംസിഎ പ്രോഗ്രാമിൽ എസ്സി, എസ്ടി വിഭാഗങ്ങളിൽ ഓരോ സീറ്റ് വീതവും എംഎസ്സി കംപ്യൂട്ടർ സയൻസ് പ്രോഗ്രാമിൽ എസ്സി വിഭാഗത്തിൽ ഒരു സീറ്റും ഒഴിവുണ്ട്. യോഗ്യരായവർ 16ന് രാവിലെ 10.30ന് അസൽ സർട്ടിഫിക്കറ്റുകളുമായി പഠനവകുപ്പിൽ ഹാജരാകണം.
പാലയാട് ഡോ.ജാനകി അമ്മാൾ കാമ്പസിൽ പ്രവർത്തിക്കുന്ന ഐടി എഡ്യുക്കേഷൻ സെന്ററിലെ എംസിഎ പ്രോഗ്രാമിൽ എസ്സി, എസ്ടി വിഭാഗക്കാർക്കായി സംവരണം ചെയ്ത ഏതാനും സീറ്റുകൾ ഒഴിവുണ്ട്. യോഗ്യരായവർ 16ന് രാവിലെ 10 .30ന് അസൽ സർട്ടിഫിക്കറ്റുകളുമായി മാങ്ങാട്ടുപറമ്പ് കാമ്പസിലെ ഇൻഫർമേഷൻ ടെക്നോളജി പഠനവകുപ്പിൽ ഹാജരാകണം.
മാങ്ങാട്ടുപറമ്പ് കാന്പസിലുള്ള സ്റ്റാറ്റിസ്റ്റിക്കൽ സയൻസസ് പഠനവകുപ്പിലെ എംഎസ്സി സ്റ്റാറ്റിസ്റ്റിക്സ് കോഴ്സിലേക്ക് എസ്സി വിഭാഗത്തിൽ നാലും എസ്ടി വിഭാഗത്തിൽ ഒന്നും സീറ്റുകൾ ഒഴിവുണ്ട്. യോഗ്യരായ വിദ്യാർഥികൾ രേഖകൾ സഹിതം 16ന് രാവിലെ 10.30ന് പഠനവകുപ്പിൽ ഹാജരാകണം.
പിജി ഡിപ്ലോമ ഇൻ ഡാറ്റാ സയൻസ് ആൻഡ് അനലിറ്റിക്സ്
മാങ്ങാട്ടുപറമ്പ് കാമ്പസിൽ പ്രവർത്തിക്കുന്ന ഇൻഫർമേഷൻ ടെക്നോളജി പഠനവകുപ്പിൽ പിജി ഡിപ്ലോമ ഇൻ ഡാറ്റാ സയൻസ് ആൻഡ് അനലിറ്റിക്സ് കോഴ്സിന് 16വരെ അപേക്ഷിക്കാം. വ്യാവസായിക മേഖലയിലും വിവരസാങ്കേതിക മേഖലയിലും ഒട്ടനവധി തൊഴിലവസരങ്ങൾ ഉണ്ടെന്നതാണ് ഈ കോഴ്സിന്റെ പ്രത്യേകത. വിദ്യാർഥികൾക്ക് മെച്ചപ്പെട്ട പരിശീലനത്തിനായി വിവിധ വ്യവസായ സ്ഥാപനങ്ങളുമായി സഹകരിച്ചുകൊണ്ടാണ് ഈ കോഴ്സ് നടത്തുന്നത്. മികച്ച അധ്യാപകർ, മെച്ചപ്പെട്ട ലാബ് സൗകര്യം, കരിയർ ഗൈഡൻസ് എന്നിവ ഈ കോഴ്സിന്റെ പ്രത്യേകതയാണ്. ആദ്യബാച്ചിലെ ഭൂരിഭാഗം വിദ്യാർഥികളും ഇതിനോടകം പ്രമുഖ സ്ഥാപനങ്ങളിൽ ജോലിയിൽ പ്രവേശിച്ചുകഴിഞ്ഞു. അപേക്ഷയുടെ വിശദാംശങ്ങൾ www.kannuruniversity.ac.in എന്ന വെബ്സൈറ്റിൽ ലഭ്യമാണ്. ഫോൺ : 04972784535 .
പിജി പ്രവേശനം
202223 അധ്യയനവർഷത്തിലെ അഫിലിയേറ്റഡ് കോളജുകളിലെ പിജി പ്രവേശനത്തിനുള്ള മൂന്നാം അലോട്ട്മെന്റ് കഴിഞ്ഞ പത്തിന് പ്രസിദ്ധീകരിച്ചിട്ടുണ്ട്. മൂന്നാം അലോട്ട്മെന്റിനുശേഷം വിദ്യാർഥികൾ അലോട്ട്മെന്റ് ലഭിച്ച കോളജുകളിൽ സ്ഥിരപ്രവേശനം നേടേണ്ടതാണ്.
പിജി രണ്ടാം അലോട്ട്മെന്റിനുശേഷം താത്കാലിക പ്രവേശനം നേടിയ വിദ്യാർഥികൾ മൂന്നാം അലോട്ട്മെന്റിൽ ഹയർ ഓപ്ഷനുകളിലേക്ക് മാറിയിട്ടില്ലെങ്കിൽ അതത് കോളജുകളിൽ സ്ഥിര പ്രവേശനം നേടേണ്ടതാണ്. കൂടാതെ മൂന്നാം അലോട്ട്മെന്റിൽ ഹയർ ഓപ്ഷൻ ലഭിച്ചവർ ഹയർ ഓപ്ഷൻ ലഭിച്ച കോളജിൽ നിർബന്ധമായും സ്ഥിരപ്രവേശനം നേടേണ്ടതാണ്. അലോട്ട്മെന്റ് ലഭിച്ചതിനുശേഷം കോളജുകളിൽ പ്രവേശനം നേടാത്തവർ അഡ്മിഷൻ പ്രക്രിയയിൽനിന്ന് പുറത്താകും.