കണ്ണൂർ സർവകലാശാല സ്കൂൾ ഓഫ് ബിഹേവിയറൽ സയൻസസ് പഠനവകുപ്പിലെ രണ്ടാം സെമസ്റ്റർ എംഎസ്സി ക്ലിനിക്കൽ ആൻഡ് കൗൺസലിംഗ് സൈക്കോളജി (സിസിഎസ്എസ് 2015 സിലബസ്) സപ്ലിമെന്ററി (മേഴ്സി ചാൻസ് ഉൾപ്പെടെ), മേയ് 2021 പരീക്ഷാഫലം വെബ്സൈറ്റിൽ ലഭ്യമാണ്. പുനർമൂല്യനിർണയം, സൂക്ഷ്മ പരിശോധന, ഫോട്ടോകോപ്പി എന്നിവയ്ക്ക് 13ന് വൈകുന്നേരം അഞ്ചുവരെ അപേക്ഷിക്കാം.
പുനർ മൂല്യനിർണയ ഫലം
അഫിലിയേറ്റഡ് കോളജുകളിലെ മൂന്നാം സെമസ്റ്റർ എംഎസ്ഡബ്ല്യു (ഒക്ടോബർ 2021 )പരീക്ഷകളുടെ പുനർ മൂല്യനിർണയ ഫലം സർവകലാശാല വെബ്സൈറ്റിൽ പ്രസിദ്ധീകരിച്ചു.
പ്രായോഗിക പരീക്ഷകൾ
അഞ്ചും മൂന്നും സെമസ്റ്റർ ബിഎ ഭരതനാട്യം (സിബിസിഎസ്എസ്റഗുലർ/സപ്ലിമെന്ററി) നവംബർ 2022 പ്രായോഗിക പരീക്ഷകൾ ആറ്, ഏഴ് തീയതികളിൽ പിലാത്തറ ലാസ്യ കോളജ് ഓഫ് ഫൈൻ ആർട്സിൽ നടക്കും. വിശദമായ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്. രജിസ്റ്റർ ചെയ്ത വിദ്യാർഥികൾ പരീക്ഷാകേന്ദ്രവുമായി ബന്ധപ്പെടണം.
ഹാൾടിക്കറ്റ്
സർവകലാശാല സ്കൂൾ ഓഫ് പെഡഗോഗിക്കൽ സയൻസസിലെ നാലാം സെമസ്റ്റർ എംഎഡ് റഗുലർ മേയ് 2022 പരീക്ഷയുടെ ഹാൾടിക്കറ്റ് വെബ്സൈറ്റിൽ ലഭ്യമാണ്.
ശില്പശാല ഇന്ന്
കണ്ണൂർ സർവകലാശാലയുടെ കലോത്സവ മാന്വൽ പരിഷ്കരണ ശില്പശാല ഇന്നു രാവിലെ മാങ്ങാട്ടുപറമ്പിൽ നടക്കും. ജില്ലാപഞ്ചായത്ത് പ്രസിഡന്റ് പി.പി. ദിവ്യ ഉദ്ഘാടനം ചെയ്യും. വൈസ് ചാൻസലർ പ്രഫ. ഗോപിനാഥ് രവീന്ദ്രൻ പങ്കെടുക്കും. സർവകലാശാലയിലെ എല്ലാ കോളജുകളിലെയും ഫൈൻ ആർട്സ് സെക്രട്ടറിമാരും യൂണിയൻ അഡ്വൈസർമാരും പങ്കെടുക്കണം.