പിജി ഏകജാലകം: മൂന്നാം ഘട്ട അലോട്ട്മെന്റിനുള്ള ഓപ്ഷനുകൾ പുനഃക്രമീകരിക്കാം
ഏകജാലകം വഴിയുള്ള ബിരുദാനന്തര ബിരുദ പ്രവേശനത്തിനുള്ള മൂന്നാം ഘട്ട അലോട്ടുമെന്റിന് പരിഗണിക്കുന്നതിനായി അപേക്ഷകർക്ക് ഓപ്ഷനുകൾ പുനഃക്രമീകരിക്കുവാൻ ഇന്ന് വൈകുന്നേരം അഞ്ചുവരെ സൗകര്യം ലഭിക്കും. ആപ്ലിക്കേഷൻ നന്പർ, പാസ് വേഡ് എന്നിവ ഉപയോഗിച്ച് ലോഗിൻ ചെയ്ത് ഓപ്ഷനുകളിൽ ആവശ്യമായ പുനഃക്രമീകരണം നടത്താം. പുതുതായി കോളജുകളോ, പ്രോഗ്രാമുകളോ കൂട്ടിച്ചേർക്കുവാൻ ഈ ഘട്ടത്തിൽ സാധിക്കില്ല. ഒന്നും രണ്ടും അലോട്മെന്റ് വഴി താത്കാലിക പ്രവേശനം ലഭിച്ച വിദ്യാർഥികൾ നിലവിൽ ലഭിച്ച അലോട്ടുമെന്റിൽ തൃപ്തരാണെങ്കിൽ അവശേഷിക്കുന്ന ഹയർ ഓപ്ഷനുകൾ റദ്ദാക്കണം. ഉയർന്ന ഓപ്ഷനുകൾ നിലനിർത്തിയാൽ തുടർന്നുള്ള അലോട്ടുമെന്റിൽ മാറ്റം വരാം. ഇങ്ങനെ മാറ്റം ലഭിച്ചാൽ പുതിയ അലോട്ടുമെന്റ് നിർബന്ധമായും സ്വീകരിക്കണം. ആദ്യ അലോട്ട്മെന്റ് നഷ്ടപ്പെടും. സ്ഥിരപ്രവേശനം എടുത്ത വിദ്യാർഥികൾ ഹയർ ഓപ്ഷനുകൾ ’ഡിലീറ്റ്’ ചെയ്യേണ്ടതില്ല.
പുതുക്കിയ പരീക്ഷാ തീയതി
പിഎച്ച്ഡി പരീക്ഷയിൽ മാറ്റിവച്ച സോഷ്യോളജി, ജേർണലിസം, ഗാന്ധിയൻ സ്റ്റഡീസ്, ഡെവലപ്മെന്‍റ് സ്റ്റഡീസ് എന്നീ വിഷയങ്ങളുടെ പരീക്ഷകൾ 19ന് രാവിലെ 10 മുതൽ ഉച്ചകഴിഞ്ഞ് ഒന്നു വരെ സർവകലാശാല കാന്പസിലെ സ്കൂൾ ഓഫ് കെമിക്കൽ സയൻസസിൽ നടക്കും.
ഒന്നാം വർഷ പിജി 17ന് ആരംഭിക്കും
ആർട്സ് ആൻഡ് സയൻസ് കോളജുകളിലെ ഒന്നാം വർഷ പിജി ക്ലാസുകൾ 17ന് ആരംഭിക്കും. എല്ലാ പ്രിൻസിപ്പൽമാരും ഇതനുസരിച്ച് ക്രമീകരണങ്ങൾ നടത്തണം.
എംഎ ഹിസ്റ്ററി, ആന്ത്രോപോളജി:17ന് ആരംഭിക്കും
പുല്ലരിക്കുന്ന് സ്കൂൾ ഓഫ് സോഷ്യൽ സയൻസസിലെ 201920 വർഷത്തെ എംഎ ഹിസ്റ്ററി, ആന്ത്രോപോളജി ക്ലാസുകൾ 17ന് രാവിലെ 10ന് ആരംഭിക്കും. പ്രവേശനം ലഭിച്ചവർ രാവിലെ 10ന് മുന്പായി പഠനവകുപ്പിൽ എത്തണം.
പ്രാക്‌ടിക്കൽ
2019 മാർച്ച്മേയ് മാസങ്ങളിൽ നടന്ന നാലാം സെമസ്റ്റർ ബിഎസ്‌സി ബയോടെക്നോളജി (റെഗുലർ, സപ്ലിമെന്‍ററി) പരീക്ഷയുടെ പ്രാക്‌ടിക്കൽ 18 മുതൽ ജൂലൈ മൂന്നുവരെ അതതു കോളജുകളിൽ നടക്കും. ടൈംടേബിൾ സർവകലാശാല വെബ്സൈറ്റിൽ.
നാലാം സെമസ്റ്റർ ബിസിഎ (20132016 അഡ്മിഷൻ റീഅപ്പിയറൻസ്) മാർച്ച് 2019 യുജി പരീക്ഷയുടെ പ്രാക്‌ടിക്കൽ ജൂണ്‍ 20ന് മാറന്പള്ളി എംഇഎസ് കോളജ്, എരുമേലി എംഇഎസ് കോളജ് എന്നിവിടങ്ങളിൽ നടക്കും. ടൈംടേബിൾ സർവകലാശാല വെബ്സൈറ്റിൽ.
ഒന്നാം സെമസ്റ്റർ ബിഎസ്‌സി കംപ്യൂട്ടർ സയൻസ് (2018 അഡ്മിഷൻ റഗുലർ, 2017 അഡ്മിഷൻ റീഅപ്പിയറൻസ്, 20132016 അഡ്മിഷൻ സിബിസിഎസ്എസ് റീഅപ്പിയറൻസ്) ഡിസംബർ 2018 പരീക്ഷയുടെ പ്രാക്‌ടിക്കൽ 19നും ഒന്നാം സെമസ്റ്റർ ബിഎസ്‌സി മാത്തമാറ്റിക്സ് (വൊക്കേഷണൽ മോഡൽ രണ്ട് കംപ്യൂട്ടർ സയൻസ്) ജൂണ്‍ 2019 പരീക്ഷയുടെ പ്രാക്‌ടിക്കൽ 20നും നടക്കും.
ടൈംടേബിൾ സർവകലാശാല വെബ്സൈറ്റിൽ
ഒന്നാം സെമസ്റ്റർ എംസിഎ ഏപ്രിൽ 2019 പരീക്ഷയുടെ പ്രാക്‌ടിക്കൽ 20, 21 തീയതികളിൽ വിവിധ കേന്ദ്രങ്ങളിൽ നടക്കും. ടൈംടേബിൾ സർവകലാശാല വെബ്സൈറ്റിൽ.
എംടിടിഎം; സംവരണ സീറ്റൊഴിവ്
സ്കൂൾ ഓഫ് ടൂറിസം സ്റ്റഡീസിൽ എംടിടിഎം (മാസ്റ്റർ ഓഫ് ടൂറിസം ആൻഡ് ട്രാവൽ മാനേജ്മെന്‍റ്) പ്രോഗ്രാമിൽ 201920 അധ്യയന വർഷത്തിൽ എസ്‌സി/എസ്ടി വിഭാഗത്തിൽ സീറ്റൊഴിവുണ്ട്. ഏതെങ്കിലും വിഷയത്തിലുള്ള ബിരുദമാണ് യോഗ്യത. താല്പര്യമുള്ളവർ അസൽ രേഖകളുമായി 17ന് രാവിലെ 10ന് പഠനവകുപ്പിൽ എത്തണം. 04812732922.
എംഎസ്‌സി കംപ്യൂട്ടർ സയൻസ്: സംവരണ സീറ്റ്
സ്കൂൾ ഓഫ് കംപ്യൂട്ടർ സയൻസസിൽ എംഎസ്‌സി കംപ്യൂട്ടർ സയൻസ് കോഴ്സിൽ എസ്‌സി, വിഭാഗത്തിൽ മൂന്നും എസ്ടി വിഭാഗത്തിൽ രണ്ടും സീറ്റൊഴിവുണ്ട്. സർവകലാശാലയുടെ അംഗീകാരമുള്ള ബിഎസ്‌സി കംപ്യൂട്ടർ സയൻസ്, കംപ്യൂട്ടർ ആപ്ലിക്കേഷൻ, ഐടി, ബിസിഎ, കംപ്യൂട്ടർ സയൻസ് മുഖ്യവിഷയമായുള്ള ബിരുദം എന്നിവയാണ് യോഗ്യത. താല്പര്യമുള്ളവർ അസൽ രേഖകളുമായി 19ന് രാവിലെ 10ന് നേരിട്ട് എത്തണം. 04812731037.
എംഎ ഹിസ്റ്ററി, ആന്ത്രോപോളജി: സംവരണ സീറ്റൊഴിവ്
പുല്ലരിക്കുന്ന് സ്കൂൾ ഓഫ് സോഷ്യൽ സയൻസസിലെ 201920 വർഷത്തെ എംഎ ഹിസ്റ്ററി, ആന്ത്രോപോളജി വിഷയങ്ങളിലേക്ക് എസ്‌സി, എസ്ടി വിഭാഗത്തിൽ രണ്ടുവീതം സീറ്റൊഴിവുണ്ട്. യോഗ്യരായവർ അസൽ രേഖകളുമായി എത്തണം. 04812392383,
എംഎ ഇംഗ്ലീഷ്: സംവരണ സീറ്റൊഴിവ്
സ്കൂൾ ഓഫ് ലെറ്റേഴ്സിൽ 201920 ബാച്ചിൽ എംഎ ഇംഗ്ലീഷ് പ്രോഗ്രാമിൽ പട്ടികവർഗ വിഭാഗത്തിൽ ഒരു സീറ്റൊഴിവുണ്ട്. യോഗ്യരായവർ അസൽ സർട്ടിഫിക്കറ്റുകളുമായി 18ന് രാവിലെ 11ന് പഠനവകുപ്പിൽ എത്തണം. 04812731041.
പരീക്ഷഫലം
2019 ഏപ്രിൽ മൂന്ന്, നാല് തീയതികളിൽ നടന്ന എംബിഎ ഓഫ് കാന്പസ് (സപ്ലിമെന്‍ററി, മേഴ്സി ചാൻസ്) സ്പെഷൽ വൈവാവോസി, പ്രോജക്ട് ആൻഡ് കോംപ്രഹെൻസീവ് വൈവാവോസി പരീക്ഷയുടെ ഫലം പ്രസിദ്ധീകരിച്ചു.
2019 ഏപ്രിലിൽ നടന്ന നാലാം സെമസ്റ്റർ ബിഎഡ് (റെഗുലർ, ഇംപ്രൂവ്മെന്‍റ്, സപ്ലിമെന്‍ററി) പരീക്ഷയുടെ ഫലം പ്രസിദ്ധീകരിച്ചു.