ജൂലൈ എട്ടിന് ആരംഭിക്കുന്ന പത്താം സെമസ്റ്റർ ഇന്റഗ്രേറ്റഡ് പഞ്ചവത്സര ബിഎഎൽഎൽബി/ബികോം എൽഎൽബി/ബിബിഎ എൽഎൽബി പരീക്ഷകളുടേയും ജൂലൈ 17 ന് ആരംഭിക്കുന്ന അഞ്ചാം സെമസ്റ്റർ ഇന്റഗ്രേറ്റഡ് പഞ്ചവത്സര ബിഎ എൽഎൽബി/ബികോം എൽഎൽബി/ബിബിഎ എൽഎൽബി പരീക്ഷകളുടേയും ടൈംടേബിൾ വെബ്സൈറ്റിൽ.
വൈവ
ഫെബ്രുവരിയിൽ നടത്തിയ മൂന്നാം സെമസ്റ്റർ എംഎസ്സി ഹോം സയൻസ് (ന്യൂട്രീഷ്യൻ ആൻഡ് ഡയറ്ററ്റിക്സ്) പരീക്ഷയുടെ വൈവ 21ന് ആലപ്പുഴ സെന്റ് ജോസഫ്സ് കോളജ് ഫോർ വിമനിൽ നടത്തും. വിശദമായ ടൈംടേബിൽ വെബ്സൈറ്റിൽ.
പുതുക്കിയ പരീക്ഷാതീയതി
വിദൂര വിദ്യാഭ്യാസ വിഭാഗം 20, 25, 26 തീയതികളിൽ നടത്താൻ നിശ്ചിയിച്ചിരുന്ന ഒന്നും രണ്ടും സെമസ്റ്റർ ബിഎൽ ഐഎസ്സി ഡിഗ്രി പരീക്ഷകൾ (2017 അഡ്മിഷൻ) യഥാക്രമം ജൂലൈ ഒന്ന്, മൂന്ന്, അഞ്ച് എന്നീ തീയതികളിലേയ്ക്ക് പുഃനക്രമീകരിച്ചിരിക്കുന്നു. പരീക്ഷാസെന്ററിനോ സമയക്രമത്തിലോ മാറ്റമില്ല.
19ന് നടത്താനിരുന്ന രണ്ടാം സെമസ്റ്റർ ബിഎ/ബിഎസ്സി/ബികോം (സിബിസിഎസ്എസ്) ഡിഗ്രി പരീക്ഷകളും, രണ്ടാം സെമസ്റ്റർ ബിഎ/ബിഎസ്സി/ബികോം/ബിബിഎ/ബിസിഎ/ബിഎംഎസ്/ബിഎസ്ഡബ്ല്യൂ/ബിവോക് (കരിയർ റിലേറ്റഡ് സിബിസിഎസ്എസ്) ഡിഗ്രി പരീക്ഷകളും 24 ലേയ്ക്ക് മാറ്റിവച്ചു. പരീക്ഷാകേന്ദ്രങ്ങൾക്കും സമയക്രമത്തിനും മാറ്റമില്ല.
20ന് നടത്താൻ നിശ്ചയിച്ചിരുന്ന സിബിസിഎസ് ബിഎസ്സി രണ്ടാം സെമസ്റ്റർ (ജൂണ് 2019) തെർമൽ ഫിസിക്സ് (പോളിമർ കെമിസ്ട്രി) (2018 അഡ്മിഷൻ) പിവൈ 1231.7 പരീക്ഷ 21 ന് ഉച്ചകഴിഞ്ഞ് രണ്ടിന് നടത്തും. പുതിയ ടൈംടേബിൾ വെബ്സൈറ്റിൽ.
സൂക്ഷ്മപരിശോധന
2019 ഡിസംബറിൽ നടത്തിയ എൽഎൽബി യൂണിറ്ററി ഒന്നാം സെമസ്റ്റർ (2011 സ്കീം) പരീക്ഷയുടെ സൂക്ഷ്മപരിശോധനയ്ക്ക് അപേക്ഷിച്ചിട്ടുള്ള വിദ്യാർഥികൾ ഫോട്ടോ പതിച്ച ഐഡി കാർഡും ഹാൾടിക്കറ്റുമായി റീവാല്യുവേഷൻ സെക്ഷനിൽ 19 മുതൽ 22 വരെയുളള പ്രവൃത്തി ദിനങ്ങളിൽ ഹാജരാകണം.
പരീക്ഷാഫലം
ജനുവരിയിൽ നടന്ന ഒന്നാം സെമസ്റ്റർ എംഎ മലയാളം, എംഎസ്സി ബോട്ടണി, മാത്തമാറ്റിക്സ് പരീക്ഷകളുടെ ഫലം വെബ്സൈറ്റിൽ.
തീയതി നീട്ടി
2019 21 അക്കാഡമിക് വർഷത്തിലെ എംഎഡ് വിദ്യാർഥികൾക്ക് കോളജുകളിൽ അപേക്ഷ സമർപ്പിക്കാനുളള അവസാന തീയതി 20 വരെ നീട്ടി.
പരീക്ഷാഫീസ്
നാലാം സെമസ്റ്റർ സിബിസിഎസ്എസ് (കരിയർ റിലേറ്റഡ്) ബിഎ/ബിഎസ്സി/ബികോം/ബിപിഎ/ബിബിഎ/ബിസിഎ/ബിഎംഎഡ്/ബിഎസ്ഡബ്ല്യൂ/ബിവോക് ജൂലൈ 2019 പരീക്ഷയ്ക്കുളള ഓണ്ലൈൻ രജിസ്ട്രേഷൻ ആരംഭിച്ചു. പിഴ കൂടാതെ 25 വരെയും 50 രൂപ പിഴയോടെ 27 വരെയും 125 രൂപ പിഴയോടെ 29 വരെയും ഫീസ് അടയ്ക്കാം. ഓണ്ലൈൻ അപേക്ഷകൾ മാത്രമാണ് സ്വീകരിക്കുന്നത്. പരീക്ഷാകണ്ട്രോളറുടെ പ്രത്യേക അനുമതി നേടാതെ സമർപ്പിക്കുന്ന ഓഫ്ലൈൻ അപേക്ഷകൾ നിരസിക്കും. വിശദവിവരങ്ങൾ വെബ്സൈറ്റിൽ ലഭ്യമാണ്.
2019 ജൂണിൽ ആരംഭിക്കുന്ന ബിഎസ്സി കന്പ്യൂട്ടർ സയൻസ് (ഹിയറിംഗ് ഇംപയേർഡ്) & ബികോം (ഹിയറിംഗ് ഇംപയേർഡ്) ഡിഗ്രി കോഴ്സുകളുടെ നാല്, ആറ്, എട്ട് സെമസ്റ്റർ പരീക്ഷകൾക്ക് ബിഎസ്സി കന്പ്യൂട്ടർ സയൻസ് (HI) ഓണ്ലൈൻ മുഖേനയും, ബികോം (HI) നാല്, ആറ് എന്നീ സെമസ്റ്ററുകൾ ഓണ്ലൈൻ മുഖേനയും എട്ടാം സെമസ്റ്റർ നേരിട്ടും അപേക്ഷിക്കണം. പിഴകൂടാതെ ജൂണ് 22 വരെയും 50 രൂപ പിഴയോടെ ജൂണ് 25 വരെയും 125 രൂപ പിഴയോടെ ജൂണ് 27 വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
സെഷണൽ ഇംപ്രൂവ്മെന്റ്
നാലാം സെമസ്റ്റർ ബിടെക് (2013 സ്കീം) ജൂലൈ 2019 പരീക്ഷയുടെ സെഷണൽ ഇംപ്രൂവ്മെന്റ് വിദ്യാർഥികൾക്ക് അവരുടെ നിർദിഷ്ട തിയറി പരീക്ഷകൾക്ക് 25 വരെയും 50 രൂപ പിഴയോടെ 27 വരെയും 125 രൂപ പിഴയോടെ 29 വരെയും നേരിട്ട് അപേക്ഷിക്കാം. സെഷണൽ ഇംപ്രൂവ്മെന്റ് ചെയ്ത വിഷയങ്ങളുടെ നിർദിഷ്ട തിയറി പരീക്ഷകൾക്ക് നാൽപതിൽ കുറവ് മാർക്ക് ലഭിച്ചിട്ടുള്ള വിദ്യാർഥികൾ അപേക്ഷിച്ചാൽ മതിയാകും. വിശദവിവരങ്ങൾ വെബ്സൈറ്റിൽ.
സെമിനാർ & ഡിസ്ക്കഷൻ
വിദൂര വിദ്യാഭ്യാസ കേന്ദ്രം നടത്തുന്ന ബിബിഎ ഒന്നും രണ്ടും സെമസ്റ്റർ സെമിനാറും ഡിസ്ക്കഷനും 23 മുതൽ കാര്യവട്ടം കാന്പസിൽ ആരംഭിക്കും. വിശദവിവരങ്ങൾ www.ideku.net എന്ന വൈബ്സൈറ്റിൽ.
കേരള സർവകലാശാല യുജി/പിജി സ്പോർട്സ് ക്വാട്ട പ്രവേശനം 2019
യുജി/പിജി സ്പോർട്സ് ക്വാട്ട പ്രവേശനത്തിന് ഓണ്ലൈനായി രജിസ്റ്റർ ചെയ്യാം.
സ്പോർട്സ് യെസ് ’ എന്നു നൽകിയിട്ടുള്ള വിദ്യാർഥികൾക്ക് തങ്ങളുടെ സ്പോർട്സ് സർട്ടിഫിക്കറ്റുകൾ (അവസാന 2 വർഷം /+1, +2 തലത്തിൽ ഉള്ളതു മാത്രം) സ്കാൻ ചെയ്ത് അപ്ലോഡ് ചെയ്യാം. ഏറ്റവും ഉയർന്നതലത്തിലുള്ളത് ആദ്യം നൽകുക. വിദ്യർഥികൾ തങ്ങളുടെ അപേക്ഷ നന്പരും പാസ്വേർഡും ഉപയോഗിച്ച് ലോഗിൻ ചെയ്ത ശേഷമാണ് സർട്ടിഫിക്കറ്റുകൾ സ്കാൻ ചെയ്ത് അപ്ലോഡ് ചെയ്യേണ്ടത്. നിലവിൽ രജിസ്ട്രേഷൻ ഉള്ളവർക്കും സ്പോർട്സ് ’യെസ്’ എന്നു നൽകിയവർക്കും മാത്രം അപേക്ഷ സമർപ്പിക്കാം. ഓണ്ലൈൻ രജിസ്ട്രേഷനിൽ നൽകിയിട്ടുള്ള കോളേജുകളും ഓപ്ഷനുകളും മാത്രമേ പരിഗണിക്കുകയുള്ളു. സ്പോർട്സ് ക്വാട്ടക്ക് വേണ്ടി പുതിയ രജിസ്ട്രേഷൻ നടത്താൻ കഴിയില്ല. നിശ്ചിത സമയം കഴിഞ്ഞ് രജിസ്ട്രേഷൻ നടത്താൻ കഴിയുന്നതല്ല.
കേരള സർവകലാശാല യു.ജി/പി.ജി കമ്മ്യൂണിറ്റി ക്വാട്ട പ്രവേശനം
എയ്ഡഡ് കോളജുകളിലെ കമ്മ്യൂണിറ്റി ക്വാട്ട സീറ്റുകളിലേയ്ക്ക് ബന്ധപ്പെട്ട സമുദായത്തിലെ വിദ്യാർഥികൾക്ക് അപേക്ഷിക്കാം. മെറിറ്റ് അടിസ്ഥാനത്തിൽ റാങ്ക് പട്ടിക തയാറാക്കുന്നതാണ്. ലോഗിൻ ചെയ്ത ശേഷം വിദ്യാർഥികൾക്ക് താത്പര്യമുള്ള വിഷയങ്ങൾ / കോളജുകൾ ഓപ്ഷനായി നൽകാം. ഓപ്ഷനുകൾ നൽകിയതിനു ശേഷം സേവ് ചെയ്ത് അതിന്റെ പ്രിന്റൗട്ടെടുത്ത് തുടർ ആവശ്യങ്ങൾക്കായി സൂക്ഷിക്കുക. പ്രിന്റൗട്ടിന്റെ പകർപ്പ് കോളജുകളിലൊ സർവകലാശാലയിലൊ സമർപ്പിക്കേണ്ടതില്ല. കമ്മ്യൂണിറ്റി ക്വാട്ടക്കു മാത്രമായി പുതിയ രജിസ്ട്രേഷൻ അനുവദിക്കുന്നതല്ല. നിലവിൽ രജിസ്ട്രേഷനുള്ളവർക്ക് മാത്രം അപേക്ഷ സമർപ്പിക്കാം. നിശ്ചിത സമയം കഴിഞ്ഞ് രജിസ്ട്രേഷൻ നടത്താൻ കഴിയുന്നതല്ല.