സർവകലാശാലയിലേക്കുള്ള പെയ്മെന്റുകൾ 20 മുതൽ ഓണ്ലൈനായി മാത്രം
കാലിക്കട്ട് സർവകലാശാലയിലേക്കുള്ള എല്ലാ പെയ്മെന്റുകളും 20 മുതൽ ഓണ്ലൈനായിട്ട് മാത്രമേ സ്വീകരിക്കുകയുള്ളൂ. അതിനായി എസ്ബിഎ ഓണ്ലൈൻ, എസ്ബിഎ ഇചലാൻ, ഫ്രണ്ട്സ്/ അക്ഷയ, പോസ്റ്റ് ഓഫീസ് എന്നീ മാർഗങ്ങൾ സ്വീകരിക്കാം. ഈ രീതിയിൽ അല്ലാതെ പണം അടച്ചാൽ സേവനങ്ങൾ സർവകലാശാലയിൽ നിന്നും ലഭ്യമാവുന്നതല്ല.
എംഎഡ് പ്രവേശന റാങ്ക് ലിസ്റ്റ് പ്രസിദ്ധീകരിച്ചു
എംഎഡ് പ്രവേശന റാങ്ക് ലിസ്റ്റ് ((www.cuonline.ac.in) പ്രസിദ്ധീകരിച്ചു. ജനറൽ മെറിറ്റിലേക്ക് 25നും, റിസർവേഷൻ കാറ്റഗറിയിൽ 26നും, മാനേജ്മെന്റ്, എയ്ഡഡ് കോളജുകളിലെ കമ്മ്യൂണിറ്റി സീറ്റുകളിലേക്ക് 27നും പ്രവേശനം നടത്തും. അപേക്ഷകരോ അവരുടെ പ്രതിനിധികളോ സർട്ടിഫിക്കറ്റുകളുടെ പകർപ്പുകൾ സഹിതം അന്നേ ദിവസം 11നകം പ്രവേശനത്തിന് സർവകലാശാലാ പഠനവകുപ്പ്/ കോളജുകളിൽ ഹാജരാകണം. ഫോണ്: 0494 2407016, 2407017.
എംഎ ഫോക്ലോർ ബിപിഎൽ സീറ്റ് ഒഴിവ്
സ്കൂൾ ഓഫ് ഫോക്ലോർ സ്റ്റഡീസിൽ എം.എ ഫോക്ലോറിന് ബിപിഎൽ വിഭാഗത്തിൽ രണ്ട് സീറ്റുകൾ ഒഴിവുണ്ട്. റാങ്ക് ലിസ്റ്റിൽ ഉൾപ്പെട്ട 50 മാർക്കിന് മുകളിലുള്ള ബിപിഎൽ വിഭാഗക്കാർ (മുന്നാക്കം) എല്ലാ സർട്ടിഫിക്കറ്റുകളും സഹിതം 22നകം അഡ്മിഷൻ എടുക്കണം. 22ന് ശേഷം ഒഴിവുവരുന്ന പക്ഷം സീറ്റുകൾ ജനറൽ വിഭാഗത്തിന് മാറ്റും.
പരീക്ഷ
ആറാം സെമസ്റ്റർ ബിഐഡി റഗുലർ/ സപ്ലിമെന്ററി/ ഇംപ്രൂവ്മെന്റ് പരീക്ഷ ജൂലൈ രണ്ടിന് ആരംഭിക്കും.
ഒന്ന്, രണ്ട് സെമസ്റ്റർ ബിആർക് റഗുലർ/ സപ്ലിമെന്ററി/ ഇംപ്രൂവ്മെന്റ് പരീക്ഷ 28ന് ആരംഭിക്കും.
പരീക്ഷാഫലം
രണ്ടാം സെമസ്റ്റർ ബി.എഡ് സ്പെഷൽ എഡ്യുക്കേഷൻ ഏപ്രിൽ 2018 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ജൂലൈ അഞ്ച് വരെ അപേക്ഷിക്കാം.
പുനർമൂല്യനിർണയഫലം
അഞ്ച്, ഏഴ് സെമസ്റ്റർ ബിബിഎഎൽഎൽബി, ഒന്ന്, മൂന്ന് സെമസ്റ്റർ എൽഎൽബി (യൂണിറ്ററി), അഞ്ച്, ഏഴ് സെമസ്റ്റർ എൽഎൽബി (പഞ്ചവത്സരം) ഏപ്രിൽ 2018 പരീക്ഷയുടെ പുനർമൂല്യനിർണയഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടുക.