കോളജ് മാറ്റത്തിന് അപേക്ഷിക്കാം
സർവകലാശാലയുടെ കീഴിലുള്ള കോളജുകളിൽ അഞ്ചാം സെമസ്റ്റർ ബിരുദ വിദ്യാർഥികൾക്ക് (സിബിസിഎസ്എസ്) 2019 20 അധ്യയന വർഷത്തിൽ കോളജ് മാറ്റത്തിനായി അപേക്ഷിക്കാം. വിദ്യാർഥികൾ നാലാം സെമസ്റ്റർ പരീക്ഷയ്ക്ക് രജിസ്റ്റർ ചെയ്തിരിക്കണം. കോളജ് മാറ്റം ഗവണ്മെന്റ്/എയ്ഡഡ് കോളജുകൾ തമ്മിലും, സ്വാശ്രയ കോളജുകൾ തമ്മിലും അനുവദിക്കും.
പൂരിപ്പിച്ച അപേക്ഷയോടെപ്പം +2 അല്ലെങ്കിൽ തത്തുല്യ പരീക്ഷകളുടെ മാർക്ക് ലിസ്റ്റ് സഹിതം പഠിക്കുന്ന കോളജിലെ പ്രിൻസിപ്പലിന്റെ ശിപാർശയോടെ 1050/ രൂപ ഫീസ് അടച്ച് ചേരാൻ ഉദ്ദേശിക്കുന്ന കോളജിൽ 12നു മുന്പായി സമർപ്പിക്കണം. തെരഞ്ഞെടുക്കപ്പെടുകയാണെങ്കിൽ 1575/ രൂപ കൂടി അടക്കണം.
അപേക്ഷ സർവകലാശാല രജിസ്ട്രാർ തപാലിൽ ലഭിക്കേണ്ട അവസാന തീയതി ജൂലൈ 20 ആണ്. വിശദവിവരങ്ങൾ സർവകലാശാല വെബ്സൈറ്റിൽ (www.keralauniversity.ac.in )ലഭ്യമാണ്. നിശ്ചിത തീയതിയ്ക്ക് ശേഷം ലഭിക്കുന്ന അപേക്ഷകൾ നിരസിക്കും.
ടൈംടേബിൾ
ജൂലൈ മൂന്നിന് ആരംഭിക്കുന്ന ആറാം സെമസ്റ്റർ ബിടെക് ഡിഗ്രി (2008 സ്കീം) ജൂലൈ 2019 സപ്ലിമെന്ററി, പാർട്ട് ടൈം, 2007 അഡ്മിഷൻ വരെയുളള മേഴ്സിചാൻസ് പരീക്ഷയുടെ ടൈംടേബിൾ വെബ്സൈറ്റിൽ.
മൂല്യനിർണയ ക്യാന്പ്
2019 ൽ നടന്ന വിവിധ എൽഎൽബി പരീക്ഷകളുടെ ഉത്തരക്കടലാസുകളുടെ മൂല്യനിർണയം സർവകലാശാലയിൽ അഫിലിയേറ്റ് ചെയ്തിരിക്കുന്ന എല്ലാ ലോ കോളജുകളിലേയും റെഗുലർ ക്ലാസുകൾ റദ്ദ് ചെയ്തുകൊണ്ട് 20 മുതൽ 28 വരെ സർവകലാശാലയിലെ അമിനിറ്റി സെന്റർ കെട്ടിടത്തിലെ മൂല്യനിർണയ കേന്ദ്രത്തിൽ ആരംഭിക്കും. 24, 26 തീയതികളിൽ നടക്കുന്ന രണ്ടാം സെമസ്റ്റർ യൂണിറ്ററി എൽഎൽബി പരീക്ഷകൾ മാറ്റമില്ലാതെ നടക്കും.
ഓണ്ലൈൻ രജിസ്ട്രേഷൻ
ജൂലൈ 26ന് ആരംഭിക്കുന്ന രണ്ടാം സെമസ്റ്റർ എംഎ/എംഎസ്സി/എംകോം/എംഎസ്ഡബ്ല്യൂ/എംഎഎച്ച്ആർഎം/എംപിഎ/എംഎംസിജെ പരീക്ഷകളുടെ ഓണ്ലൈൻ രജിസ്ട്രേഷൻ ആരംഭിച്ചു. വിശദവിവരങ്ങൾ വെബ്സൈറ്റിൽ.
യൂണിവേഴ്സിറ്റി കോളജ് ഓഫ് എൻജിനിയറിംഗ്, കാര്യവട്ടം ആറാം സെമസ്റ്റർ ബിടെക് ഡിഗ്രി (റെഗുലർ 2016 അഡ്മിഷൻ) ജൂലൈ 2019 പരീക്ഷയുടെ ഓണ്ലൈൻ രജിസ്ട്രേഷൻ ഇന്ന് ആരംഭിക്കും. പിഴ കൂടാതെ ജൂലൈ ഒന്നു വരെയും 50 രൂപ പിഴയോടെ ജൂലൈ നാലുവരെയും 125 രൂപ പിഴയോടെ ജൂലൈ എട്ടുവരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
സീറ്റ് ഒഴിവ്
സർവകലാശാലയുടെ കാര്യവട്ടം കാന്പസിൽ ഹിസ്റ്ററി പഠനവകുപ്പിൽ ഒന്നാം വർഷ എംഎ ഹിസ്റ്ററി (സിഎസ്എസ്) 201920 പ്രോഗാമിൽ എസ്ടി വിഭാഗത്തിൽ ഒരു സീറ്റ് ഒഴിവുണ്ട്. അർഹരായിട്ടുള്ളവർ അസൽ രേഖകളുമായി ഇന്നു രാവിലെ 10 മണിക്ക് ഡിപ്പാർട്ട്മെന്റ് ഓഫീസിൽ ഹാജരാകണം. കൂടുതൽ വിവരങ്ങൾക്ക് 04712308839, 9446533386 എന്നീ നന്പരുകളിൽ ബന്ധപ്പെടുക.