ബിഎസ്സി നഴ്സിംഗ്; അപേക്ഷ 26 വരെ
ഒന്നും രണ്ടും മൂന്നും വർഷ ബിഎസ്്സി നഴ്സിംഗ് (20112015 അഡ്മിഷൻ സപ്ലിമെന്ററി) പരീക്ഷകൾ ജൂലൈ 10 മുതൽ ആരംഭിക്കും. 26 വരെയും 500 രൂപ പിഴയോടെ 27 വരെയും 1000 രൂപ സൂപ്പർഫൈനോടെ 29 വരെയും അപേക്ഷിക്കാം. റെഗുലർ വിദ്യാർഥികൾ 200 രൂപയും വീണ്ടുമെഴുതുന്നവർ പേപ്പറൊന്നിന് 30 രൂപ വീതവും സിവി ക്യാന്പ് ഫീസായി പരീക്ഷഫീസിനു പുറമെ അടയ്ക്കണം.
പ്രാക്ടിക്കൽ
2019 മേയിലെ നാലാം സെമസ്റ്റർ എംഎ ഭരതനാട്യം സിഎസ്എസ് (2017 അഡ്മിഷൻ റെഗുലർ, 2014, 2015, 2016 അഡ്മിഷൻ സപ്ലിമെന്ററി, 2012, 2013 അഡ്മിഷൻ മേഴ്സി ചാൻസ്) പരീക്ഷയുടെ പ്രാക്ടിക്കൽ 25 മുതൽ 27 വരെ തൃപ്പൂണിത്തുറ ആർഎൽവി കോളജിൽ നടക്കും. ടൈംടേബിൾ വെബ്സൈറ്റിൽ.
വൈവാവോസി
നാലാം സെമസ്റ്റർ എംഎസ്സി സൈക്കോളജി (സിഎസ്എസ് റെഗുലർ, ഇംപ്രൂവ്മെന്റ്, സപ്ലിമെന്ററി) മേയ് 2019 പരീക്ഷയുടെ വൈവാവോസി ജൂലൈ നാലു മുതൽ വിവിധ കേന്ദ്രങ്ങളിൽ നടക്കും. ടൈംടേബിൾ വെബ്സൈറ്റിൽ.
സർട്ടിഫിക്കറ്റ് ഹാജരാക്കണം
2019ലെ ബിരുദാനന്തര ബിരുദത്തിനു പ്രവേശനം നേടിയിട്ടുള്ള വിദ്യാർഥികളുടെ യോഗ്യത സർട്ടിഫിക്കറ്റ് കോളജ് പ്രിൻസിപ്പൽമാർ ജൂലൈ 15ന് മുന്പായി ബന്ധപ്പെട്ട ടാബുലേഷൻ സെക്ഷനുകളിൽ പരിശോധനയ്ക്കു ഹാജരാക്കണം.
ഇന്റർവ്യൂ നാളെ
സ്കൂൾ ഓഫ് ഇന്റർനാഷണൽ റിലേഷൻസ് ആൻഡ് പൊളിറ്റിക്സിലെ എംഎ പൊളിറ്റിക്സ് ആൻഡ് ഇന്റർനാഷണൽ റിലേഷൻസ് പ്രോഗ്രാമിൽ എസ്ടി വിഭാഗത്തിനായി ഒഴിവുള്ള ഒരു സീറ്റിലേക്ക് സ്പോട്ട് അഡ്മിഷനുള്ള ഇന്റർവ്യൂ നാളെ നടക്കും. രാവിലെ 10ന് സ്കൂൾ ഓഫ് ഇന്റർനാഷണൽ റിലേഷൻസ് ആൻഡ് പൊളിറ്റിക്സ് ഡയറക്ടറുടെ ഓഫീസിൽ നടക്കുന്ന ഇന്റർവ്യൂവിൽ താല്പര്യമുള്ളവർ യോഗ്യത തെളിയിക്കുന്ന രേഖകളുമായി എത്തണം.
സീറ്റൊഴിവ്
സ്കൂൾ ഓഫ് കംപ്യൂട്ടർ സയൻസസിൽ എംഎസ്സി കംപ്യൂട്ടർ സയൻസ് പ്രോഗ്രാമിൽ എസ്സി വിഭാഗത്തിൽ നാലും എസ്ടി വിഭാഗത്തിൽ ഒന്നും സീറ്റൊഴിവുണ്ട്. നാളെ രാവിലെ 10ന് നേരിട്ട് എത്തണം. ഫോൺ: 04812731037.
സ്കൂൾ ഓഫ് ഇന്ത്യൻ ലീഗൽ തോട്ടിലെ ഒരു വർഷ എൽഎൽഎം കോഴ്സിന് എസ്ടി വിഭാഗത്തിൽ ഒരു സീറ്റൊഴിവുണ്ട്. നാളെ രാവിലെ 10ന് സ്കൂൾ ഓഫീസിൽ എത്തണം. ഫോൺ: 04812310165.
സ്പോട്ട് അഡ്മിഷൻ
സ്കൂൾ ഓഫ് ഗാന്ധിയൻ തോട്ട് ആൻഡ് ഡെവലപ്മെന്റ് സ്റ്റഡീസ് ഡിപ്പാർട്ട്മെന്റിൽ എംഎ ഗാന്ധിയൻ സ്റ്റഡീസ്, ഡെവലപ്മെന്റ് സ്റ്റഡീസ് എന്നീ വിഷയങ്ങളിൽ ഒഴിവുള്ള ഏതാനും സീറ്റുകളിലേക്ക് 28ന് സ്പോട്ട് അഡ്മിഷൻ നടത്തും. വൈകുന്നേരം അഞ്ചിനകം ഓഫീസിൽ രജിസ്ട്രേഷൻ നടത്തണം. ഫോൺ: 04812731039.
വാക് ഇൻ ഇന്റർവ്യൂ
സർവകലാശാല സിവിൽ സർവീസ് ഇൻസ്റ്റിറ്റ്യൂട്ടിൽ അസിസ്റ്റന്റ് കം ലൈബ്രേറിയനെ ദിവസവേതന അടിസ്ഥാനത്തിൽ നിയമിക്കാൻ നാളെ വാക്ഇൻഇന്റർവ്യൂ നടക്കും. രാവിലെ 11നാണ് ഇന്റർവ്യൂ. രേഖകളുമായി രാവിലെ 8.30ന് ഡിപ്പാർട്ട്മെന്റ് ഓഫ് ലൈഫ്ലോംഗ് ലേണിംഗ് ആൻഡ് എക്സ്റ്റൻഷനിൽ എത്തണം.
സീറ്റ് വർധന അപേക്ഷ
സർക്കാർഎയ്ഡഡ് കോളജുകളിൽ സംസ്ഥാന സർക്കാർ അനുവദിച്ച മാർജിനൽ ഇൻക്രീസ് യുജി, പിജി സീറ്റുകൾ ലഭ്യമാകുന്നതിന് കോളജുകൾ 26നകം നിശ്ചിത ഫീസടച്ച് സർവകലാശാല സ്റ്റാറ്റിയൂട്ട് പ്രകാരം അപേക്ഷ സമർപ്പിക്കണമെന്ന് വൈസ് ചാൻസലർ അറിയിച്ചു. സ്വാശ്രയ കോളജുകൾ സ്ഥിരമായ യുജി, പിജി സീറ്റ് വർധനയ്ക്കുള്ള നിശ്ചിത ഫോമിലുള്ള അപേക്ഷ നിശ്ചിത ഫീസടച്ച് 26നകം സമർപ്പിക്കണം.