പിജി എസ്സി, എസ്ടി രണ്ടാം സ്പെഷൽ അലോട്മെന്റ് പ്രസിദ്ധീകരിച്ചു
പിജി പ്രവേശനത്തിന് എസ്സി, എസ്ടി വിഭാഗക്കാർക്കുള്ള രണ്ടാം സ്പെഷൽ അലോട്മെന്റ് പ്രസിദ്ധീകരിച്ചു. 28ന് വൈകുന്നേരം നാലിനകം അലോട്ട്മെന്റ് ലഭിച്ച കോളജിൽ പ്രവേശനം നേടണം. 28നകം ഫീസടയ്ക്കാത്തവരുടെയും ഫീസടച്ച ശേഷം പ്രവേശനം നേടാത്തവരുടെയും അലോട്ട്മെന്റ് റദ്ദാക്കും. താത്കാലിക പ്രവേശനം അനുവദിക്കില്ല.
പരീക്ഷാതീയതി
ഒന്നും രണ്ടും മൂന്നും സെമസ്റ്റർ എംടെക് (2014 അഡ്മിഷൻ സപ്ലിമെന്ററി) സ്ട്രക്ചറൽ സ്റ്റെബിലിറ്റി എന്ന വിഷയത്തിന്റെ പരീക്ഷ ജൂലൈ മൂന്നിനു രാവിലെ 9.30 മുതൽ 12.30 വരെ നടക്കും.
പ്രാക്ടിക്കൽ
2019 മേയിലെ നാലാം സെമസ്റ്റർ എംഎ മ്യൂസിക് വയലിൻ, കഥകളി സംഗീതം, മൃദംഗം സിഎസ്എസ് (2017 അഡ്മിഷൻ റഗുലർ, 2014, 2015, 2016 അഡ്മിഷൻ സപ്ലിമെന്ററി, 2012, 2013 അഡ്മിഷൻ മേഴ്സി ചാൻസ്) പരീക്ഷയുടെ പ്രാക്ടിക്കൽ ജൂലൈ രണ്ടു മുതൽ 12 വരെ തൃപ്പൂണിത്തുറ ആർഎൽവി കോളജിൽ നടക്കും. ടൈംടേബിൾ വെബ്സൈറ്റിൽ.
റാങ്ക് ലിസ്റ്റ്
സ്കൂൾ ഓഫ് ഇന്ത്യൻ ലീഗൽ തോട്ടിലെ പഞ്ചവത്സര ബിബിഎ എൽഎൽബി പ്രവേശനത്തിനായുള്ള പ്രൊവിഷണൽ റാങ്ക് ലിസ്റ്റ് പ്രസിദ്ധീകരിച്ചു. വിശദവിവരം വെബ്സൈറ്റിൽ. ഫോൺ: 04812310165.
സീറ്റൊഴിവ്
പ്യുവർ ആൻഡ് അപ്ലൈഡ് ഫിസിക്സിൽ എംഎസ്സി പ്രോഗ്രാമിൽ ഒഎച്ച് വിഭാഗത്തിൽ ഒരു സീറ്റൊഴിവുണ്ട്. പരീക്ഷയെഴുതിയവരിൽ താല്പര്യമുള്ളവർ 28നു വൈകുന്നേരം നാലിനകം സ്കൂൾ ഓഫീസിൽ റിപ്പോർട്ട് ചെയ്യണം. ഫോൺ: 0481 2731043.
സ്കൂൾ ഓഫ് ഇന്ത്യൻ ലീഗൽ തോട്ടിലെ ഒരു വർഷ എൽഎൽഎം പ്രോഗ്രാമിൽ എസ്ടി വിഭാഗത്തിൽ ഒരു സീറ്റൊഴിവുണ്ട്. 28ന് രാവിലെ 10ന് സ്കൂൾ ഓഫീസിൽ എത്തണം. ഫോൺ: 04812310165.
സ്കൂൾ ഓഫ് ബിഹേവിയറൽ സയൻസസിൽ എംഎസ്സി സൈക്കോളജിയിൽ പട്ടികവർഗ വിഭാഗത്തിൽ ഒരു സീറ്റൊഴിവുണ്ട്. 28ന് രാവിലെ 10ന് വകുപ്പ് മേധാവി മുന്പാകെ എത്തണം. ഫോൺ: 04812731034.
എംകോം സൂക്ഷ്മപരിശോധന
രണ്ടാം സെമസ്റ്റർ എംകോം (സിഎസ്എസ് റഗുലർ) ജൂണ് 2018 പരീക്ഷയുടെ സൂക്ഷ്മപരിശോധനയ്ക്ക് അപേക്ഷിച്ച വിദ്യാർഥികൾ ജൂലൈ രണ്ടു മുതൽ അഞ്ചുവരെ സിൽവർ ജൂബിലി പരീക്ഷഭവനിലെ സിഎസ്പിവി സെക്ഷനിൽ (റൂം നന്പർ 226) ഹാൾടിക്കറ്റ് , ഫോട്ടോ പതിച്ച തിരിച്ചറിയൽ രേഖയുമായി എത്തണം.
പരീക്ഷാഫലം
2019 ഫെബ്രുവരിയിൽ എറണാകുളം ഗവണ്മെന്റ് ലോ കോളജിൽ നടന്ന ഒന്ന്, രണ്ട്, മൂന്ന്, നാല് സെമസ്റ്റർ ബിഎഎൽഎൽബി (പഞ്ചവത്സരംസപ്ലിമെന്ററി/ മേഴ്സി ചാൻസ്2011ന് മുന്പുള്ള അഡ്മിഷൻ) പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജൂലൈ ഒൻപതുവരെ അപേക്ഷിക്കാം.
സമ്മേളനം 29ന്
നാഷണൽ സർവീസ് സ്കീം പ്രോഗ്രാം ഓഫീസർമാരുടെ വർഷാരംഭ സമ്മേളനം ജൂണ് 29ന് രാവിലെ 10.30ന് സർവകലാശാല അസംബ്ലി ഹാളിൽ നടക്കും.
ബാങ്ക് പരിശീലനം
ബികോം (കോഓപ്പറേഷൻ), ജെഡിസി, എച്ച്ഡിസി യോഗ്യതയുള്ളവർക്ക് സഹകരണ സംഘങ്ങളിലെ ജൂനിയർ ക്ലർക്ക് തസ്തികയിലേക്ക് കോഓപ്പറേറ്റീവ് സർവീസ് എക്സാമിനേഷൻ ബോർഡ് നടത്തുന്ന പരീക്ഷയ്ക്കായി സംഘടിപ്പിക്കുന്ന തീവ്രപരിശീലന പരിപാടി ഇന്നു തുടങ്ങും. ഫോൺ: 04812731025