വിദൂര വിദ്യാഭ്യാസ വിഭാഗം 2019 ജൂലൈ 10, 11 തീയതികളിൽ നടത്താൻ നിശ്ചയിച്ചിരുന്ന രണ്ടാം സെമസ്റ്റർ ബിഎൽഐഎസ്സി (LISB 47 Information Technology)പ്രാക്ടിക്കൽ യഥാക്രമം 29, 30 തീയതികളിലേക്ക് പുനഃക്രമീകരിച്ചു. പരീക്ഷാകേന്ദ്രത്തിനോ സമയത്തിനോ മാറ്റമില്ല.
സ്പോട്ട് അഡ്മിഷൻ
സർവകലാശാലയുടെ കീഴിലുളള അഫിലിയേറ്റഡ് ഗവണ്മെന്റ്/എയ്ഡഡ്/സ്വാശ്രയ ട്രെയിനിംഗ് കോളജുകളിലേക്ക് 201921 അധ്യയന വർഷത്തിലേക്കുളള എംഎഡ് സ്പോട്ട് അഡ്മിഷൻ 10 ന് അതാത് കോളജുകളിൽ നടത്തും. അഡ്മിഷൻ ആഗ്രഹിക്കുന്ന വിദ്യാർഥികൾ കോളജുകളിൽ അന്നേ ദിവസം ഹാജരാകണം. വിശദവിവരങ്ങൾ വെബ്സൈറ്റിൽ.
പരീക്ഷാഫലങ്ങൾ
എട്ടാം സെമസ്റ്റർ ബിടെക് ബിരുദം (2013 സ്കീം) ഡിസംബർ 2018 സപ്ലിമെന്ററി പരീക്ഷയുടെ മെക്കാനിക്കൽ, പ്രൊഡക്ഷൻ, ആട്ടോമൊബൈൽ, ഇൻഡസ്ട്രിയൽ, ബയോടെക്, എയറോനോട്ടിക്കൽ, ഇലക്ട്രിക്കൽ ആൻഡ് ഇലക്ട്രോണിക്സ്, ഇലക്ട്രോണിക്സ് ആൻഡ് കമ്മ്യൂണിക്കേഷൻ, അപ്ലൈഡ് എൻജിനിയറിംഗ് ബ്രാഞ്ചുകളുടെ പരീക്ഷാഫലങ്ങൾ പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്ലൈനായി ജൂലൈ 18 വരെ അപേക്ഷിക്കാം. കരട് മാർക്ക്ലിസ്റ്റ് വെബ്സൈറ്റിൽ.
സീറ്റ് ഒഴിവ്
കാര്യവട്ടം കാന്പസിൽ ഹിസ്റ്ററി പഠനവകുപ്പിൽ ഒന്നാം വർഷ എംഎ ഹിസ്റ്ററി (സിഎസ്എസ്) 201920 പ്രോഗാമിൽ എസ്സി വിഭാഗത്തിൽ ഒരു സീറ്റ് ഒഴിവുണ്ട്. അർഹരായിട്ടുള്ളവർ അസൽ രേഖകളുമായി 12നു രാവിലെ 10 ന് ഡിപ്പാർട്ട്മെന്റ് ഓഫീസിൽ ഹാജരാകണം. വിശദവിവരങ്ങൾക്ക്: 04712308839, 09446533386