2019 ഏപ്രിലിൽ നടത്തിയ ബിഎ അഫ്സൽ ഉൽ ഉലമ (ആന്വൽ സ്കീം) 2018 സെപ്റ്റംബർ സെഷൻ പാർട്ട് ഒന്നും രണ്ടും പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 18വരെ അപേക്ഷിക്കാം. 2019 ജനുവരിയിൽ നടത്തിയ മൂന്നാം സെമസ്റ്റർ കരിയർ റിലേറ്റഡ് ബിപിഎ (വോക്കൽ/വീണ/വയലിൻ/മൃദംഗം/ഡാൻസ്) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 15 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
പ്രാക്ടിക്കൽ 2019 മേയിൽ നടത്തിയ രണ്ടാം സെമസ്റ്റർ ബിപിഎ (മൃദംഗം) പരീക്ഷയുടെ പ്രാക്ടിക്കൽ 16 മുതൽ 18 വരെയും ബിപിഎ (വോക്കൽ) പരീക്ഷയുടെ പ്രാക്ടിക്കൽ 15 മുതലും ശ്രീ.സ്വാതി തിരുനാൾ സംഗീത കോളജിൽ നടത്തും. വിശദവിവരങ്ങൾ വെബ്സൈറ്റിൽ.
പരീക്ഷാഫീസ് 2019 ഓഗസ്റ്റ് 14 മുതൽ നടക്കുന്ന നാലാം സെമസ്റ്റർ എംബിഎ (ഫുൾടൈം/റെഗുലർ (ഈവനിംഗ്)/യുഐഎം/ട്രാവൽ ആൻഡ് ടൂറിസം) പരീക്ഷയ്ക്ക് 18 വരെയും 50 രൂപ പിഴയോടെ 22വരെയും 125 രൂപ പിഴയോടെ 24 വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
മൂന്നാം സെമസ്റ്റർ എംഎഫ്എ (പെയിന്‍റിംഗ് & സ്കൾപ്പ്ച്ചർ) പരീക്ഷകൾ 24 ന് ആരംഭിക്കും. പിഴ കൂടാതെ 12 വരെയും 50 രൂപ പിഴയോടെ 15 വരെയും 125 രൂപ പിഴയോടെ 17 വരെയും അപേക്ഷിക്കാം.
യൂണിറ്ററി (ത്രിവത്സരം) എൽഎൽബി മേഴ്സിചാൻസ് (2011 അഡ്മിഷൻ) 22ന് ആരംഭിക്കുന്ന ആറാം സെമസ്റ്റർ പരീക്ഷകൾക്ക് 12 വരെയും 50 രൂപ പിഴയോടെ 15 വരെയും 125 രൂപ പിഴയോടെ 16വരെയും ഓഗസ്റ്റ് അഞ്ചിന് ആരംഭിക്കുന്ന മൂന്നാം സെമസ്റ്റർ പരീക്ഷകൾക്ക് 15 വരെയും 50 രൂപ പിഴയോടെ 17 വരെയും 125 രൂപ പിഴയോടെ 19 വരെയും ഓഫ്ലൈനായി അപേക്ഷിക്കാം.
സന്പർക്ക ക്ലാസ് കൊല്ലം സെന്‍ററിലെ രണ്ടാം സെമസ്റ്റർ എംഎസ്‌സി മാത്തമാറ്റിക്സ്, എംഎ മലയാളം, സോഷ്യോളജി, ഇംഗ്ലീഷ്, ഹിസ്റ്ററി, ബികോം, ബിഎ മലയാളം, ഹിസ്റ്ററി, സോഷ്യോളജി, ഇംഗ്ലീഷ് 2018 ബാച്ച് ക്ലാസുകൾ 13ന് ആരംഭിക്കും. തിരുവനന്തപുരം സെന്‍ററിൽ 13, 14 തീയതികളിൽ രണ്ടാം സെമസ്റ്റർ എംഎസ്‌സി മാത്തമാറ്റിക്സ് ക്ലാസുകൾ ഉണ്ടായിരിക്കുന്നതല്ല.
ശിൽപ്പശാല ഗവേഷക വിദ്യാർഥികൾക്കായി സർവകലാശാല ഗവേഷക വിദ്യാർഥി യൂണിയനും ഐക്യുഎസിയും സംയുക്തമായി സംഘടിപ്പിക്കുന്ന റിസർച്ച് മെത്തഡോളജി (ഗവേഷണ രീതിശാസ്ത്രം) ശിൽപ്പശാല 19, 20 തീയതികളിൽ കാര്യവട്ടം കാന്പസിൽ നടക്കും. വിശദവിവരങ്ങൾക്ക്: അരുണ്‍ സി. അപ്പുക്കുട്ടൻ 9446035844, കെ. മായ 9048054508 Mail id:
[email protected] പി.ജി. പ്രവേശനം ഒന്നാം സപ്ലിമെന്‍ററി അലോട്ട്മെന്റ് പ്രസിദ്ധപ്പെടുത്തി;
കോളജ് തല പ്രവേശനം 10, 11, 12 തീയതികളിൽ സർവകലാശാലയുടെ 201920 അധ്യയന വർഷത്തെ ബിരുദാനന്തര ബിരുദ പ്രവേശനത്തിനുള്ള ഒന്നാം സപ്ലിമെന്‍ററി അലോട്ട്മെന്റ് വെബ്സൈറ്റിൽ പ്രസിദ്ധപ്പെടുത്തി
(
). അപേക്ഷകർക്ക് ആപ്ലിക്കേഷൻ നന്പറും പാസ്വേർഡും ഉപയോഗിച്ച് ലോഗിൻ ചെയ്ത് തങ്ങളുടെ അലോട്ട്മെന്റ് പരിശോധിക്കാം. അലോട്ട്മെന്റ് ലഭിച്ച വിദ്യാർഥികൾ 10, 11, 12 തീയതികളിൽ കോളജുകളിൽ പ്രവേശനം നേടണം.
കേന്ദ്രീകൃത അലോട്ട്മെന്റ് സംവിധാനത്തിലൂടെ ഇതു വരെയും ഒരു കോളജുകളിലും പ്രവേശനം ലഭിക്കാത്തതും എന്നാൽ ഈ അലോട്ട്മെന്റിൽ പുതുതായി അലോട്ട്മെന്റ് ലഭിക്കുകയും ചെയ്തവർ യൂണിവേഴ്സിറ്റി ഫീസ് ഓണ്‍ലൈനായി ഒടുക്കണം. ഇപ്രകാരം യൂണിവേഴ്സിറ്റി ഫീസ് അടച്ചവർ അലോട്ട്മെന്റ് മെമ്മോ പ്രിന്‍റെടുക്കേണ്ടതും മെമ്മോയിൽ പറഞ്ഞിരിക്കുന്ന കോളജിൽ പ്രവേശനം നേടേണ്ടതുമാണ്.
രണ്ടാം ഘട്ട അലോട്ട്മെന്റിന് ശേഷം കോളജിൽ പ്രവേശനം നേടിയവർ തങ്ങളുടെ ഹയർ ഓപ്ഷനുകളിലേയ്ക്ക് ഒന്നാം സപ്ലിമെന്‍ററി അലോട്ട്മെന്റ് പ്രകാരം അലോട്ട്മെന്റ് ലഭിച്ചാൽ വീണ്ടും ലോഗിൻ ചെയ്ത് അലോട്ട്മെന്റ് മെമ്മോ ഡൗണ്ലോഡ് ചെയ്യണം. അലോട്ട്മെന്റ് ലഭിച്ച കോളജ്, കോഴ്സ്, കാറ്റഗറി, അഡ്മിഷൻ തീയതി എന്നിവ അലോട്ട്മെന്റ് മെമ്മോയിൽ രേഖപ്പെടുത്തിയിരിക്കും. അങ്ങനെയുള്ളവർ നിർബന്ധമായും ഇപ്പോൾ പ്രവേശനം നേടിയിരിക്കുന്ന കോളജിൽ നിന്ന് ടി.സി. വാങ്ങി പുതുതായി അലോട്ട്മെന്റ് ലഭിച്ച കോളജുകളിൽ പ്രവേശനം നേടേണ്ടതാണ്. ഇങ്ങനെയുള്ളവർ വീണ്ടും യൂണിവേഴ്സിറ്റി ഫീസ് അടയ്ക്കേണ്ടതില്ല.
യോഗ്യത തെളിയിക്കുന്ന സർട്ടിഫിക്കറ്റുകൾ (അസൽ) സഹിതം മെമ്മോയിൽ പറഞ്ഞിരിക്കുന്ന ദിവസം കോളജിൽ ഹാജരായി അഡ്മിഷൻ എടുക്കേണ്ടതാണ്. നിശ്ചിത സമയത്തിനുള്ളിൽ അതത് കോളജുകളിൽ അഡ്മിഷൻ എടുക്കാത്ത അപേക്ഷകരുടെ അലോട്ട്മെന്റ് റദ്ദാകുന്നതും അവരെ യാതൊരു കാരണവശാലും തുടർന്നുള്ള അലോട്ട്മെന്റുകളിലേയ്ക്ക് പരിഗണിക്കുന്നതുമല്ല
യു.ജി/പി.ജി പ്രവേശനം 2019; സ്പോർട്സ് ക്വാട്ട പ്രവേശനം
സർവകലാശാലയോട് അഫിലിയേറ്റ് ചെയ്തിട്ടുള്ള കോളജുകളിലെ ബിരുദ, ബിരുദാനന്തര ബിരുദ കോഴ്സുകളിലേയ്ക്കുള്ള സ്പോർട്സ് ക്വാട്ട പ്രവേശനത്തിന് ഓണ്‍ലൈനായി അപേക്ഷ സമർപ്പിച്ചിട്ടുള്ള വിദ്യാർഥികളുടെ സർട്ടിഫിക്കറ്റ് വെരിഫിക്കേഷൻ പൂർത്തിയായി. വിദ്യാർഥികൾക്ക് തങ്ങളുടെ പ്രൊഫൈലിൽ ലോഗിൻ ചെയ്ത് വെരിഫിക്കേഷൻ സ്റ്റാറ്റസ് നോക്കാം. ഇതുമായി ബന്ധപ്പെട്ട് പരാതിയുള്ളവർ 11.07.2019 നകം രേഖാമൂലം പരാതി നൽകണം.