ഇ-മൊഡ്യൂൾ നിർമാണം: അധ്യാപകർക്ക് അപേക്ഷിക്കാം
അധ്യാപക പരിശീലന കേന്ദ്രത്തിൽ സർവകലാശാലാ/കോളജ് ശാസ്ത്രസാമൂഹിക വിഭാഗം അധ്യാപകർക്ക് ഇമൊഡ്യൂൾ നിർമാണം എന്ന വിഷയത്തിൽ ഓഗസ്റ്റ് 12 മുതൽ 14 വരെ നടത്തുന്ന ദ്വിദിന പരിശീലന കോഴ്സിന് അപേക്ഷ ക്ഷണിച്ചു. ഇലക്ട്രോണിക് അധിഷ്ഠിത പാഠ്യഭാഗങ്ങൾ തയാറാക്കുന്നതിൽ പങ്കെടുക്കാൻ താത്പര്യമുള്ളവർക്ക് അപേക്ഷിക്കാം. അവസാന തിയതി ഓഗസ്റ്റ് അഞ്ച്. വിജ്ഞാപനവും അപേക്ഷാ ഫോമും വെബ്സൈറ്റിൽ. വിവരങ്ങൾക്ക്: 9495657594, 9446244359.
സ്കൂൾ ഓഫ് ഡ്രാമയിലേക്കുള്ള ടെക്നീഷൻ അഭിമുഖം
ജോണ് മത്തായി സെന്ററിലെ സ്കൂൾ ഓഫ് ഡ്രാമ ആൻഡ് ഫൈൻ ആർട്സിൽ ടെക്നീഷൻ (ലൈറ്റിംഗ്) തസ്തികയിൽ കരാർ നിയമനത്തിന് അപേക്ഷിച്ചവർക്കുള്ള അഭിമുഖം 30ന് 1.30ന് സർവകലാശാലാ ഭരണവിഭാഗത്തിൽ നടക്കും. യോഗ്യരായവരുടെ വിവരങ്ങൾ വെബ്സൈറ്റിൽ.
ബയോകെമിസ്ട്രി, ഹ്യൂമൻ ഫിസിയോളജി: ബിപിഎൽ ഒഴിവ്
ലൈഫ് സയൻസ് പഠനവകുപ്പിൽ എംഎസ്സി ബയോകെമിസ്ട്രി, എംഎസ് സി ഹ്യൂമൻ ഫിസിയോളജി കോഴ്സുകൾക്ക് ബിപിഎൽ വിഭാഗത്തിൽ ഓരോ സീറ്റ് വീതം ഒഴിവുണ്ട്. റാങ്ക് ലിസ്റ്റിൽ ഉൾപ്പെട്ട ബിപിഎൽ (മുന്നാക്ക വിഭാഗം) വിഭാക്കാർ 30ന് 11ന് രേഖകൾ സഹിതം പഠനവകുപ്പിൽ ഹാജരാകണം.
ബിപിഎഡ് ഒഴിവുള്ള സീറ്റുകളിലേക്കുള്ള അപേക്ഷ
ബിപിഎഡ് (ദ്വിവത്സരം) കോഴ്സിന് ഒഴിവുള്ള സീറ്റുകളിലേക്ക് അപേക്ഷ ഓണ്ലൈനായി സമർപ്പിക്കാനുള്ള തിയതി ഓഗസ്റ്റ് മൂന്ന് വരെ നീട്ടി. ഒഴിവ് വിവരങ്ങൾ വെബ്സൈറ്റിൽ. അപേക്ഷാ ഫീ ജനറൽ 650 രൂപ, എസ് സി/ എസ്ടി 440 രൂപ. പരീക്ഷ, ഫിസിക്കൽ ഫിറ്റ്നസ് ടെസ്റ്റ്, ഗെയിം പ്രൊഫിഷൻസി ടെസ്റ്റ് എന്നിവ ഓഗസ്റ്റ് എട്ടിന് രാവിലെ ഒന്പത് സെന്റർ ഫോർ ഫിസിക്കൽ എഡ്യുക്കേഷനിൽ നടക്കും. ഫോണ്: 0494 2407016, 2407017.
ബിരുദ പ്രവേശനം
ബിരുദ പ്രവേശനത്തിൽ ഗവണ്മെന്റ്, എയ്ഡഡ്, സ്വാശ്രയ കോളജുകളിൽ 24ന് ശേഷം നിലനിൽക്കുന്ന എസ് സി/ എസ്ടി ഉൾപ്പെടെയുള്ള ഒഴിവുകൾ നികത്തുന്നതിന് ഓരോ കോഴ്സിനും അപേക്ഷിച്ചവരുടെ ലിസ്റ്റ് (പരമാവധി 2000 പേരുടേത്) അതത് കോളജുകളിലേക്ക് അയച്ചിട്ടുണ്ട്. ഓരോ കോളജിലും നിലനിൽക്കുന്ന ഒഴിവുകൾ വെബ്സൈറ്റിൽ പ്രസിദ്ധീകരിച്ചിട്ടുണ്ട്.
ഗവൺമെന്റ് എയ്ഡഡ് കോളജുകളിലേക്കുളള അഡ്മിഷൻ
ഓരോ കോളജിലും ഓരോ കോഴ്സിലും ഓപ്പണിലും അവരവരുടെ കാറ്റഗറിയിലും നിലനിൽക്കുന്ന ഒഴിവുകൾ വെരിഫൈ ചെയ്തു 29ന് രാവിലെ പത്തിന് അഡ്മിഷൻ ആഗ്രഹിക്കുന്ന ഗവണ്മെന്റ്, എയ്ഡഡ് കോളജുകളിൽ റിപ്പോർട്ട് ചെയ്യണം. റിപ്പോർട്ട് ചെയ്യുന്നവരിൽ നിന്ന് അന്ന് പകൽ 12 മണിക്ക് കോളജിൽ റാങ്ക് ലിസ്റ്റ് തയാറാക്കി 29, 30 തിയതികളിൽ അഡ്മിഷൻ നടത്തും. 16ന് തയാറാക്കിയ റാങ്ക് ലിസ്റ്റ് നിലവിലുണ്ടെങ്കിൽ അതിന് മുൻഗണന നൽകും.
സ്വാശ്രയ കോളജുകളിലേക്കുളള അഡ്മിഷൻ
ഓരോ കോളജിലും ഓരോ കോഴ്സിലും ഓപ്പണിലും അവരവരുടെ കാറ്റഗറിയിലും നിലനിൽക്കുന്ന ഒഴിവുകൾ വെരിഫൈ ചെയ്തു ഓഗസ്റ്റ് ഒന്നിന് രാവിലെ പത്തിന് അഡ്മിഷൻ ആഗ്രഹിക്കുന്ന സ്വാശ്രയ കോളജുകളിൽ റിപ്പോർട്ട് ചെയ്യണം. റിപ്പോർട്ട് ചെയ്യുന്നവരിൽ നിന്ന് അന്ന് പകൽ 12ന് കോളജിൽ റാങ്ക് ലിസ്റ്റ് തയാറാക്കുന്നതും ഓഗസ്റ്റ്, ഒന്ന്, രണ്ട് തിയതികളിൽ അഡ്മിഷൻ നടത്തുന്നതുമാണ്. 16ന് തയാറാക്കിയ റാങ്ക് ലിസ്റ്റ് നിലവിലുണ്ടെങ്കിൽ അതിന് മുൻഗണന നൽകും.
തിരുത്തലുകൾ
വിദ്യാർഥികളുടെ ഓണ്ലൈൻ രജിസ്ട്രേഷൻ വിശദാംശങ്ങളിൽ എന്തെങ്കിലും തിരുത്തലുകൾ (ഫോട്ടോ ഉൾപ്പെടെ) ആവശ്യമുണ്ടെങ്കിൽ നോഡൽ ഓഫീസർമാരുമായി ബന്ധപ്പെടേണ്ടതാണ്. തിരുത്തലുകൾ വരുത്തുന്നതിന് സർവകലാശാലയിലേക്ക് വരേണ്ടതില്ല.
പിഎച്ച്ഡി പിക്യൂഇ പരീക്ഷാ അപേക്ഷ
അറബിക്, ബോട്ടണി, ബയോകെമിസ്ട്രി, ബയോടെക്നോളജി, കെമിസ്ട്രി, കോമേഴ്സ്, ഇക്കണോമിക്സ്, എഡ്യൂക്കേഷൻ, ഇംഗ്ളീഷ്, ജിയോളജി, ഹിന്ദി, ഹിസ്റ്ററി, മാത്തമാറ്റിക്സ്, മലയാളം, ഫിസിക്സ്, സൈക്കോളജി, വിമണ് സ്റ്റഡീസ്, സുവോളജി പിഎച്ച്ഡി പ്രിലിമിനറി ക്വാളിഫയിംഗ്/കോഴ്സ് വർക്ക് (പിക്യുഇ) പരീക്ഷയ്ക്ക് പിഴകൂടാതെ ഓഗസ്റ്റ് ഒന്പത് വരെയും പിഴയോടെ 12 വരെയും അപേക്ഷിക്കാം. പരീക്ഷ പേപ്പർ ഒന്ന് ഓഗസ്റ്റ് 27നും, പേപ്പർ രണ്ട് 29നും രാവിലെ പത്ത് മുതൽ ഒന്ന് വരെ അതത് പഠനവകുപ്പുകളിൽ നടക്കും.
യുജി അഞ്ചാം സെമസ്റ്ററിൽ തുടർ പഠനം
അഫിലിയേറ്റഡ് കോളജുകളിൽ 2014 മുതൽ 2017 വരെയുള്ള വർഷങ്ങളിൽ ബിഎ/ ബികോം/ ബിഎസ് സി മാത്സ്/ ബിബിഎ (സിയുസിബിസിഎസ്എസ്) കോഴ്സുകൾക്ക് ചേർന്ന് ഒന്ന് മുതൽ നാല് സെമസ്റ്റർ വരെയുള്ള പരീക്ഷകൾ എഴുതിയ ശേഷം തുടർപഠനം നടത്താനാവാത്തവർക്ക് വിദൂരവിദ്യാഭ്യാസം വഴി അഞ്ചാം സെമസ്റ്ററിൽ ചേർന്ന് പഠനം തുടരാം. അവസാന തിയതി ഓഗസ്റ്റ് 24. വിവരങ്ങൾ വെബ്സൈറ്റിൽ. ഫോണ്: 0494 2407494, 2407357.
എംഎസ് സി മാത്തമാറ്റിക്സ് മാർക്ക് ലിസ്റ്റ്
വിദൂരവിദ്യാഭ്യാസം എംഎസ്.സി മാത്തമാറ്റിക്സ് പ്രീവിയസ് മേയ് 2018 പരീക്ഷയുടെ മാർക്ക് ലിസ്റ്റുകൾ പരീക്ഷയ്ക്ക് രജിസ്റ്റർ ചെയ്ത മെയിൻ കേന്ദ്രത്തിൽ ലഭിക്കും.
പരീക്ഷ
അദീബെ ഫാസിൽ പ്രിലിമിനറി രണ്ടാം വർഷ (സിലബസ് വർഷം 2016, ദ്വിവത്സരം) റഗുലർ പരീക്ഷ ഓഗസ്റ്റ് 16ന് ആരംഭിക്കും.
പരീക്ഷാ അപേക്ഷ
നാലാം സെമസ്റ്റർ എംഎസ് സി ഫുഡ് സയൻസ് ആൻഡ് ടെക്നോളജി റഗുലർ/ സപ്ലിമെന്ററി/ ഇംപ്രൂവ്മെന്റ് പരീക്ഷയ്ക്ക് പിഴകൂടാതെ ഓഗസ്റ്റ് അഞ്ച് വരെയും 170 രൂപ പിഴയോടെ ഏഴ് വരെയും ഫീസടച്ച് ഒന്പത് വരെ രജിസ്റ്റർ ചെയ്യാം.
പരീക്ഷാകേന്ദ്രത്തിൽ മാറ്റം
29ന് ആരംഭിക്കുന്ന വിദൂരവിദ്യാഭ്യസം രണ്ടാം സെമസ്റ്റർ ബികോം/ ബിബിഎ (സിയുസിബിസിഎസ്എസ്) പരീക്ഷയ്ക്ക് കൊടുങ്ങല്ലൂർ, കോതപ്പറന്പ് ഹിന്ദി പ്രചാരകേന്ദ്ര ടീച്ചർ എഡ്യൂക്കേഷൻ പരീക്ഷാ കേന്ദ്രമായി ഹാൾടിക്കറ്റ് ലഭിച്ചവർ അതേ ഹാൾടിക്കറ്റുമായി പൊയ്യ ഹിന്ദി പ്രചാരകേന്ദ്ര ടീച്ചർ എഡ്യൂക്കേഷനിൽ പരീക്ഷയ്ക്ക് ഹാജരാകണം.