നാലാം സെമസ്റ്റർ ബിടെക് ഡിഗ്രി (2013 സ്കീം) പരീക്ഷ 14 ലേയ്ക്ക് മാറ്റി
12 ന് നടത്താനിരുന്ന നാലാം സെമസ്റ്റർ ബിടെക് ഡിഗ്രി (2013 സ്കീം) പരീക്ഷ 14 ലേയ്ക്ക് മാറ്റി.
ക്ലാസ് ഇല്ല
തുടർ വിദ്യാഭ്യാസ വ്യാപന കേന്ദ്രം നടത്തുന്ന എല്ലാ കോഴ്സുകൾക്കും 10, 11 തീയതികളിൽ ക്ലാസുകൾ ഉണ്ടായിരിക്കുന്നതല്ല.
പരീക്ഷാഫലം
2019 മാർച്ചിൽ നടത്തിയ നാലാം സെമസ്റ്റർ ഇന്റഗ്രേറ്റഡ് പഞ്ചവത്സര ബിഎവ എൽഎൽബി/ബികോം എൽഎൽബി/ബിബിഎ എൽഎൽബി പരീക്ഷാഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും 19 വരെ അപേക്ഷിക്കാം. 2019 മാർച്ചിൽ നടത്തിയ രണ്ടാം സെമസ്റ്റർ എംഎഡ് (2018 സ്കീം) ഡിഗ്രി പരീക്ഷാഫലം വെബ്സൈറ്റിൽ. വിദൂര വിദ്യാഭ്യാസ പഠനകേന്ദ്രം 2018 ഡിസംബറിൽ നടത്തിയ ഒന്നും രണ്ടും സെമസ്റ്റർ എംഎ മലയാളം, എംഎ ഇക്കണോമിക്സ്, ഹിന്ദി എന്നീ പരീക്ഷാഫലങ്ങൾ വെബ്സൈറ്റിൽ. 2019 ജൂണിൽ നടത്തിയ എംഎ ഹിസ്റ്ററി 2017 2019 ബാച്ച് (സിഎസ്എസ്) പരീക്ഷാഫലം പ്രസിദ്ധീകരിച്ചു.
അസൈൻമെന്റ്/കേസ് അനാലിസിസ്
വിദൂര വിദ്യാഭ്യാസ വിഭാഗം എംഎ/എംഎസ്സി/എംകോം കോഴ്സുകളുടെ മൂന്നും നാലും സെമസ്റ്റർ അസൈൻമെന്റ്/കേസ് അനാലിസിസ് സമർപ്പിക്കേണ്ട തീയതി 13.
ഒന്നാം വർഷ ബിരുദ പ്രവേശനം 2019; എസ്സി/എസ്ടി സ്പോട്ട് അലോട്ട്മെന്റ്
201920ലെ ഒന്നാം വർഷ ബിരുദ പ്രവേശനവുമായി ബന്ധപ്പെട്ട് ഒഴിവുള്ള എസ്സി/എസ്ടി സീറ്റുകളിലേയ്ക്ക് മേഖലാതലത്തിൽ സ്പോട്ട് അലോട്ട്മെന്റ് നടത്തുന്നു. ആലപ്പുഴ മേഖലയിലുള്ള കോളജുകളിൽ പ്രവേശനം നേടാൻ ആഗ്രഹിക്കുന്ന വിദ്യാർഥികൾ ആലപ്പുഴ എസ്ഡി കോളജിൽ ഒന്പതിന് ഹാജരാകണം. ഓരോ മേഖലയിലും ഉൾപ്പെടുത്തിയിരിക്കുന്ന കോളജുകളുടെ വിശദവിവരം സർവകലാശാല വെബ്സൈറ്റിൽ പ്രസിദ്ധീകരിച്ചിട്ടുണ്ട്.
പ്രവേശന പരീക്ഷ
കാര്യവട്ടം സ്പോർട്സ് അഥോറിറ്റി ഓഫ് ഇന്ത്യ, ലക്ഷ്മീഭായി നാഷണൽ കോളജ് ഓഫ് ഫിസിക്കൽ എഡ്യൂക്കേഷൻ, (സായി എൽഎൻസിപിഇ) 2019 20 അധ്യയന വർഷത്തെ ബാച്ചിലർ ഓഫ് ഫിസിക്കൽ എഡ്യൂക്കേഷൻ (ബിപിഎഡ് 2 വർഷം) കോഴ്സിന് എസ്സി/എസ്ടി വിഭാഗത്തിന് വേണ്ടി മാറ്റിവയ്ക്കപ്പെട്ട ആറ് ഒഴിവുകളിലേയ്ക്ക് (പെണ്കുട്ടികൾ 5 & ആണ്കുട്ടികൾ 1) നിശ്ചിത യോഗ്യതയുളള എസ്സി/എസ്ടി വിഭാഗത്തിൽപ്പെട്ട ഉദ്യോഗാർഥികളിൽ നിന്നും പ്രവേശന പരീക്ഷയ്ക്ക് അപേക്ഷ ക്ഷണിക്കുന്നു. യോഗ്യത: എതെങ്കിലും വിഷയത്തിൽ ബിരുദം. താത്പര്യമുള്ള ഉദ്യോഗാർഥികൾ യോഗ്യത തെളിയിക്കുന്ന സർട്ടിഫിക്കറ്റുകൾ സഹിതം (അസ്സൽ) 14ന് രാവിലെ എട്ടിന് കോളജിൽ ഹാജരാകണം. ഈ കോഴ്സിലേയ്ക്ക് 2019 20 അധ്യയന വർഷം പ്രവേശന പരീക്ഷയ്ക്ക് ഹാജരായവർ അപേക്ഷിക്കാൻ യോഗ്യരല്ല. വിശദവിവരങ്ങൾക്ക് www.lncpe.gov.in എന്ന വെബ്സൈറ്റ് സന്ദർശിക്കുക.