സർവകലാശാലാ/കോളജ് അധ്യാപകർക്ക് പരിശീലനം
അധ്യാപക പരിശീലന കേന്ദ്രത്തിൽ സർവകലാശാലാ/കോളജ് ശാസ്ത്രസാമൂഹിക ശാസ്ത്ര വിഭാഗം അധ്യാപകർക്ക് ഇകണ്ടന്റ് ഡവലപ്മെന്റ് എന്ന വിഷയത്തിൽ 26ന് തുടങ്ങുന്ന ഒരാഴ്ചത്തെ പരിശീലന കോഴ്സിന് അപേക്ഷ ക്ഷണിച്ചു. അവസാന തിയതി 20. വിജ്ഞാപനവും അപേക്ഷാ ഫോമും വെബ്സൈറ്റിൽ. വിവരങ്ങൾക്ക്: 9495657594, 9446244359.
എംഎസ് സി ഫോറൻസിക് സയൻസ് കോഴ്സ് പ്രവേശനത്തിന് അപേക്ഷിക്കാനുള്ള തിയതി നീട്ടി
കാലിക്കട്ട് സർവകലാശാലയ്ക്ക് കീഴിൽ പുതുതായി ആരംഭിക്കുന്ന എംഎസ് സി ഫോറൻസിക് സയൻസ് കോഴ്സ് പ്രവേശനത്തിന് ഓണ്ലൈനായി അപേക്ഷിക്കാനുള്ള തിയതി 19 വരെ നീട്ടി. പ്രവേശന പരീക്ഷ 24ന് 10.30 മുതൽ 12.30 വരെ നടക്കും. പരീക്ഷാ കേന്ദ്രം പിന്നീട് അറിയിക്കും. പ്രവേശന പരീക്ഷക്ക് ഹാൾടിക്കറ്റ് ഉണ്ടായിരിക്കുന്നതല്ല. ഓണ്ലൈൻ പ്രിന്റൗട്ടും തിരിച്ചറിയൽ രേഖയും സഹിതം പരീക്ഷക്ക് ഹാജരാകണം.
ബിവോക് പരീക്ഷ
ബിവോക് (2015 പ്രവേശനം) സപ്ലിമെന്ററി/ഇംപ്രൂവ്മെന്റ് ഫാർമസ്യൂട്ടിക്കൽ കെമിസ്ട്രി രണ്ടാം സെമസ്റ്റർ പരീക്ഷ 22നും, മൂന്നാം സെമസ്റ്റർ 27നും, നാലാം സെമസ്റ്റർ പരീക്ഷ സെപ്തംബർ നാലിന് ആരംഭിക്കും. മൂന്നാം സെമസ്റ്റർ ടൂറിസം ആൻഡ് ഹോസ്പിറ്റാലിറ്റി പരീക്ഷ 21നും ആരംഭിക്കും.
പരീക്ഷാഫലം
ഏപ്രിലിൽ നടത്തിയ രണ്ടാം സെമസ്റ്റർ എംഎസ് സി ഫിസിക്സ് (സിസിഎസ്എസ്) പരീക്ഷാഫലം വെബ്സൈറ്റിൽ.