2018 ഡിസംബറിൽ നടത്തിയ എംഎസ്സി കന്പ്യൂട്ടർ സയൻസ് ഒന്ന്, രണ്ട് സെമസ്റ്റർ (2017 അഡ്മിഷൻ, വിദൂര വിദ്യാഭ്യാസം) പരീക്ഷാഫലം വെബ്സൈറ്റിൽ.
ഇന്റേണൽ മാർക്ക് മെച്ചപ്പെടുത്താം
ബിടെക് ഡിഗ്രി കോഴ്സ് (2013 അഡ്മിഷൻ) അഡ്മിഷൻ നേടി അഞ്ച് വർഷം പൂർത്തിയാക്കിയ പരാജയപ്പെട്ട വിദ്യാർഥികൾക്ക് ഓഡ് (odd) സെമസ്റ്ററുകളുടെ ഇന്റേണൽ മാർക്ക് മെച്ചപ്പെടുത്തുന്നതിന് അവസരം നൽകും. ബിടെക് സപ്ലിമെന്ററി പരീക്ഷകളിൽ നാൽപതോ അതിനുമുകളിലോ മാർക്ക് നേടാത്ത വിദ്യാർഥികൾക്ക് അപേക്ഷിക്കാം. സർവകലാശാലയുടെ കീഴിൽ റെഗുലർ കോഴ്സ് ഇല്ലാത്തതിനാൽ പഠിച്ച കോളജിലെ പ്രിൻസിപ്പൽ റെഗുലർ ഫാക്കൽറ്റിയെ ഇതിനായി വിനിയോഗിച്ച് കോഴ്സിലെ ആവശ്യകത അനുസരിച്ച് ഇന്റേണൽ മാർക്ക് മെച്ചപ്പെടുത്താം. ഒരു സെമസ്റ്ററിൽ ഒരു പ്രാവശ്യം മാത്രമേ അപേക്ഷ നൽകാൻ സാധിക്കുകയുളളൂ. അപേക്ഷയോടൊപ്പം 735 രൂപ ഫീസ് ഓരോ സെമസ്റ്ററിനും അടയ്ക്കണം. അപേക്ഷ നൽകാനുളള അവസാന തീയതി സെപ്റ്റംബർ 30. നിശ്ചിത തീയതിയ്ക്ക് ശേഷം ലഭിക്കുന്ന അപേക്ഷകൾ നിരസിക്കും. അപേക്ഷയുടെ പകർപ്പും വിശദവിവരങ്ങളും വെബ്സൈറ്റിൽ ലഭ്യമാണ്.
പരീക്ഷാഫീസ്
വിദൂര വിദ്യാഭ്യാസ പഠന കേന്ദ്രം നടത്താനിരിക്കുന്ന ഒന്നും രണ്ടും സെമസ്റ്റർ എംബിഎ (2009 സ്കീം) മേഴ്സിചാൻസ് പരീക്ഷകൾക്ക് 31 വരെ, 150 രൂപ പിഴയോടെ സെപ്റ്റംബർ നാലുവരെ, 400 പിഴയോടെ സെപ്റ്റംബർ ആറ്വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
2019 സെപ്റ്റംബർ 20 മുതൽ ആരംഭിക്കുന്ന മൂന്നാം സെമസ്റ്റർ എൽഎൽഎം പരീക്ഷകൾക്കുള്ള സപ്ലിമെന്ററി വിദ്യാർഥികൾക്ക് 27 വരെയും 150 രൂപ പിഴയോടെ 30 വരെയും 400 രൂപ പിഴയോടെ സെപ്റ്റംബർ രണ്ടുവരെയും പരീക്ഷാഫീസ് ഒടുക്കി സർവകലാശാലയിൽ സമർപ്പിക്കണം.
വിദൂര വിദ്യാഭ്യാസ കേന്ദ്രം 2019 സെപ്റ്റംബറിൽ നടത്തുന്ന മൂന്നും നാലും സെമസ്റ്റർ എംഎ/ എംഎസ്സി/ എംകോം (2017 അഡ്മിഷൻ) പരീക്ഷയ്ക്ക് ഓൺലൈനായി പിഴകൂടാതെ അപേക്ഷിക്കാനുള്ള അവസാന തീയതി 24 വരെയും,150 രൂപ പിഴയോടെ 29 വരെയും 400 രൂപ പിഴയോടെ 31 വരെയും ദീർഘിപ്പിച്ചിരിക്കുന്നു. വിശദവിവരം വെബ്സൈറ്റിൽ.