സർവകലാശാല പഠന വിഭാഗങ്ങളിൽ (സിഎസ്എസ്) 16 ന് നടത്താനിരുന്ന മൂന്നാം സെമസ്റ്റർ പരീക്ഷകളിൽ എംബിഎ, ജർമൻ ലാംഗ്വേജ് ആന്ഡ് ലിറ്ററേച്ചർ എന്നിവ ഒഴികെയുളള എല്ലാ പിജി പരീക്ഷകളും ജനുവരി മൂന്നിലേക്ക് മാറ്റി.
ഇന്റേണൽ മാർക്ക് മെച്ചപ്പെടുത്താം
നിയമ ബിരുദ കോഴ്സുകളുടെ എല്ലാ സെമസ്റ്ററുകളുടേയും ഇന്റേണൽ മാർക്ക് മെച്ചപ്പെടുത്തുന്നതിന് ത്രിവത്സര നിയമ വിദ്യാർഥികൾ (2015 അഡ്മിഷൻ), പഞ്ചവത്സര നിയമ വിദ്യാർഥികൾ (2013 അഡ്മിഷൻ) കോഴ്സ് പൂർത്തിയാക്കി ഒരു വർഷം കഴിഞ്ഞവരും ഇന്റേണൽ മാർക്ക് 10 ൽ കുറവുളളവരും അപേക്ഷിക്കാവുന്നതാണ്. ഒരു സെമസ്റ്ററിലേക്ക് ഒരു പ്രാവശ്യം മാത്രമേ അപേക്ഷിക്കാൻ പാടുളളൂ.
ഒരു പേപ്പറിന് 525/ രൂപ നിരക്കിൽ ഒരു സെമസ്റ്ററിന് പരമാവധി 2100/ രൂപ അടയ്ക്കേണ്ട താണ്. ഇതിൽ 105/ രൂപ സർവകലാശാല ഫണ്ടിൽ (കെയുഎഫ്) അടയ്ക്കേണ്ട താണ്അപേക്ഷ ജനുവരി 10 നകം സമർപ്പിക്കണം. അപേക്ഷയുടെ പകർപ്പും വിശദവിവരങ്ങളും വെബ്സൈറ്റിൽ ലഭ്യമാണ്.
പരീക്ഷാഫലം
ഒക്ടോബറിൽ നടത്തിയ എംടെക് കന്പ്യൂട്ടർ സയൻസ് വിത്ത് സ്പെഷലൈസേഷൻ ഇൻ ഡിജിറ്റൽ ഇമേജ് കന്പ്യൂട്ടിംഗ് (2017 2019), 2019 നവംബറിൽ നടത്തിയ എംഫിൽ ഹിസ്റ്ററി (2018 2019 ബാച്ച്) (സിഎസ്എസ്) പരീക്ഷാഫലം പ്രസിദ്ധീകരിച്ചു.
സൂക്ഷ്മപരിശോധന
ആറാം സെമസ്റ്റർ ബിടെക് റെഗുലർ (യൂണിവേഴ്സിറ്റി കോളജ് ഓഫ് എൻജിനിയറിംഗ്, കാര്യവട്ടം) ജൂലൈ 2019 (2013 സ്കീം), മൂന്നാം സെമസ്റ്റർ ബിടെക് സപ്ലിമെന്ററി ഫെബ്രുവരി 2019 (2013 സ്കീം) എന്നീ ബിടെക് പരീക്ഷകളുടെ സൂക്ഷ്മപരിശോധനയ്ക്ക് അപേക്ഷിച്ചിട്ടുളള വിദ്യാർഥികൾ ഫോട്ടോ പതിച്ച ഐ.ഡി കാർഡും ഹാൾടിക്കറ്റുമായി റീവാല്യുവേഷൻ സെക്ഷനിൽ 16 മുതൽ 19 വരെയുളള പ്രവൃത്തി ദിനങ്ങളിൽ ഹാജരാകേണ്ട താണ്.