കോഴിക്കോട് ജില്ലയിലെ കോളജുകൾക്ക് ഇന്ന് പ്രവൃത്തിദിനം
സർവകലാശാലയ്ക്ക് കീഴിലെ കോഴിക്കോട് ജില്ലയിലെ എല്ലാ കോളജുകൾക്കും സർവകലാശാലാ സെന്ററുകൾക്കും ഇന്ന് പ്രവൃത്തി ദിനമായിരിക്കും. മഴക്കെടുതിയെ തുടർന്ന് കോഴിക്കോട് ജില്ലയിലെ കോളജുകൾക്ക് 2019 ജൂലൈ 22ന് അവധി നൽകിയതിന് പകരമാണിത്.
ഡിഗ്രി പഠനസാമഗ്രികൾ വെബ്സൈറ്റിൽ
വിദൂരവിദ്യാഭ്യാസം ബിഎ ഇംഗ്ളീഷ്, ബിഎ മലയാളം, ബിഎ പൊളിറ്റിക്കൽ സയൻസ്, ബിഎ ഹിസ്റ്ററി, ബിബിഎ, ബികോം (2019 പ്രവേശനം) വിഷയങ്ങളുടെ പഠനസാമഗ്രികൾ www.sdeuoc.ac.in വെബ്സൈറ്റിൽ ലഭ്യമാണ്. മറ്റ് വിഷയങ്ങളുടേത് ഉടനെ അപ്ലോഡ് ചെയ്യും.
എട്ടാം സെമസ്റ്റർ ബിടെക് പരീക്ഷാ കേന്ദ്രം
ജനുവരി പത്തിന് ആരംഭിക്കുന്ന എട്ടാം സെമസ്റ്റർ ബിടെക്/പാർട്ട്ടൈം ബിടെക് (09, 2014 സ്കീം) തിയറി പരീക്ഷയ്ക്ക് (നവംബർ 2019) താഴെ കൊടുത്ത ജില്ലകളിലെ കോളജുകളിൽ അപേക്ഷിച്ചവർ ബ്രാക്കറ്റിൽ കാണുന്ന കേന്ദ്രത്തിൽ ഹാജരാകണം. സെമിനാർ, പ്രോജക്ട്, വൈവ എന്നിവക്ക് വിദ്യാർഥികൾ പഠിച്ച കോളേജുകളിൽ ഹാജരാകണം. പാലക്കാട് ജില്ല (പാലക്കാട് എൻഎസ്എസ് കോളജ്), തൃശൂർ ജില്ല (തൃശൂർ ഗവണ്മെന്റ് എൻജിനിയറിംഗ് കോളജ്), മലപ്പുറം ജില്ല (കോഹിനൂർ സിയുഐഇടി), കോഴിക്കോട് ജില്ല (കോഴിക്കോട് ഗവണ്മെന്റ് എൻജിനിയറിംഗ് കോളജ്).
യുജി ആറാം സെമസ്റ്ററിൽ പുനഃപ്രവേശനത്തിന് അപേക്ഷിക്കാം
വിദൂരവിദ്യാഭ്യാസ വിഭാഗത്തിന് കീഴിൽ ബിഎ, ബികോം, ബിഎസ് സി (മാത്തമാറ്റിക്സ്)/ബിബിഎ (സിയുസിബിസിഎസ്എസ്) പ്രോഗ്രാമുകൾക്ക് 2014 മുതൽ 2016 വരെയുള്ള വർഷങ്ങളിൽ പ്രവേശനം നേടി ഒന്ന് മുതൽ അഞ്ച് വരെ സെമസ്റ്റർ പരീക്ഷകൾക്ക് അപേക്ഷിച്ച ശേഷം തുടർപഠനം നടത്താനാവാത്ത എസ്ഡിഇ വിദ്യാർഥികൾക്ക് ആറാം സെമസ്റ്ററിലേക്ക് പുനഃപ്രവേശനത്തിന് ഓണ്ലൈനായി ജനുവരി 18 വരെയും നൂറ് രൂപ പിഴയോടെ ജനുവരി 25 വരെയും അപേക്ഷിക്കാം. ഗസറ്റഡ് ഓഫീസർ സാക്ഷ്യപ്പെടുത്തിയ അപേക്ഷയുടെ പ്രിന്റൗട്ട്, ചലാൻ, നാലാം സെമസ്റ്റർ പരീക്ഷയുടെ ഹാൾടിക്കറ്റിന്റെ പകർപ്പ്, എസ്.ഡി.ഇ ഐഡി/ടി.സി സഹിതം വിദൂരവിദ്യാഭ്യാസ വിഭാഗത്തിൽ 25നകം ലഭിക്കണം. ഫോണ് : 0494 2407494.
പരീക്ഷാ അപേക്ഷ
മൂന്നാം സെമസ്റ്റർ ബിടെക്/ പാർട്ട്ടൈം ബിടെക്, മൂന്നാം സെമസ്റ്റർ ബിആർക് പരീക്ഷയ്ക്ക് പിഴകൂടാതെ 14 വരെയും 170 രൂപ പിഴയോടെ 16 വരെയും ഫീസടച്ച് 20 വരെ രജിസ്റ്റർ ചെയ്യാം. വിജ്ഞാപനം പരിശോധിച്ച് മാത്രം അപേക്ഷിക്കുക.
നാലാം സെമസ്റ്റർ എംടെക് പവർ ഇലക്ട്രോണിക്സ് ആൻഡ് അപ്ലൈഡ് ഇലക്ട്രോണിക്സ് ആൻഡ് കമ്യൂണിക്കേഷൻ എൻജിനിയറിംഗ് റഗുലർ പരീക്ഷയ്ക്ക് പിഴകൂടാതെ പത്ത് വരെയും 170 രൂപ പിഴയോടെ 13 വരെയും ഫീസടച്ച് ജനുവരി 16 വരെ രജിസ്റ്റർ ചെയ്യാം.
പുനർമൂല്യനിർണയ ഫലം
വിദൂരവിദ്യാഭ്യാസം മൂന്നാം സെമസ്റ്റർ ബിഎ/ ബിഎ അഫ്സൽഉൽഉലമ/ ബിഎസ് സി/ ബികോം/ ബിബിഎ (സിയുസിബിസിഎസ്എസ്) നവംബർ 2018 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ.
പരീക്ഷാഫലം
2019 ഏപ്രിലിൽ നടത്തിയ രണ്ടാം സെമസ്റ്റർ എംടിഎ (സിസിഎസ്എസ്) പരീക്ഷാഫലം വെബ്സൈറ്റിൽ.
2019 ജൂണിൽ നടത്തിയ രണ്ടാം സെമസ്റ്റർ എം.ഫിൽ ഹിസ്റ്ററി പരീക്ഷാഫലം വെബ്സൈറ്റിൽ.