എംജി: പുതുക്കിയ പരീക്ഷാ തീയതി
നാളെ നടത്താനിരുന്ന ആറാം സെമസ്റ്റർ ബിടെക് (2010 അഡ്മിഷൻ മുതൽ സപ്ലിമെന്ററി, മേഴ്സി ചാൻസ്) മാസ് ട്രാൻസ്ഫർ ഓപ്പറേഷൻസ്രണ്ട് (സിഎച്ച് 010 601) എന്ന പേപ്പറിന്റെ പരീക്ഷ ഫെബ്രുവരി 25ന് നടത്തുന്നതിന് പുതുക്കി നിശ്ചയിച്ചു. പരീക്ഷാ സമയത്തിനും കേന്ദ്രത്തിനും മാറ്റമില്ല.
ബികോം (പ്രൈവറ്റ്) പരീക്ഷാ കേന്ദ്രം പുനഃക്രമീകരിച്ചു
നാളെ ആരംഭിക്കുന്ന ഒന്നും രണ്ടും സെമസ്റ്റർ ബികോം പ്രൈവറ്റ് രജിസ്ട്രേഷൻ പരീക്ഷകൾക്ക് പരുമല ഡിബി പന്പ കോളജ് പരീക്ഷാകേന്ദ്രമായി അപേക്ഷിച്ച വിദ്യാർഥികൾക്ക് ഈ കോളജ്തന്നെ പരീക്ഷാകേന്ദ്രമായി പുനഃക്രമീകരിച്ചു. ഉപകേന്ദ്രങ്ങൾ ഉണ്ടായിരിക്കില്ല.
കഴിഞ്ഞ 22ന് നടത്താനിരുന്ന എട്ടാം സെമസ്റ്റർ എൽഎൽബി (പഞ്ചവത്സരം) പരീക്ഷകൾ ഫെബ്രുവരി നാലിന് ഉച്ചകഴിഞ്ഞ് 1.30 മുതൽ 4.30 വരെ നടക്കും. പരീക്ഷാകേന്ദ്രത്തിന് മാറ്റമില്ല.
പ്രാക്ടിക്കൽ
2020 ജനുവരിയിൽ നടന്ന മൂന്നാം പ്രഫഷണൽ എംബിബിഎസ് പാർട്ട് ഒന്ന് മേഴ്സി ചാൻസ് പരീക്ഷയുടെ പ്രാക്ടിക്കൽ ഫെബ്രുവരി ആറുമുതൽ നടക്കും. വിശദമായ ടൈംടേബിൾ സർവകലാശാല വെബ്സൈറ്റിൽ.
രക്തസാക്ഷിത്വ ദിനം: മൗനാചരണം നടക്കും
ഇന്ത്യൻ സ്വാതന്ത്ര്യസമരത്തിൽ പങ്കെടുത്ത് വീരമൃത്യു വരിച്ചവരുടെ സ്മരണാർഥം ഇന്ന് എംജി സർവകലാശാലയിൽ മൗനാചരണം നടക്കും. രാവിലെ 11 മുതൽ രണ്ടുമിനിറ്റാണ് മൗനാചരണം നടക്കുക.