ഒന്നാം സെമസ്റ്റർ എംഎച്ച്ആർഎം പരീക്ഷകൾക്ക് ഇന്നു മുതൽ രജിസ്റ്റർ ചെയ്യാം
എംഎച്ച്ആർഎം പരീക്ഷ
ഒന്നാം സെമസ്റ്റർ എംഎച്ച്ആർഎം (2019 അഡ്മിഷൻ റഗുലർ) പരീക്ഷകൾക്ക് ഇന്നു മുതൽ ഒന്പതുവരെ ഇപേയ്മെന്റ് വഴി ഫീസടച്ചു രജിസ്റ്റർ ചെയ്യാം. വിശദവിവരം വെബ്സൈറ്റിൽ.
പരീക്ഷാതീയതി
ബിഎസ്സി സൈബർ ഫോറൻസിക് അഞ്ചാം സെമസ്റ്റർ സിബിസിഎസ്എസ് (പരാജയപ്പെട്ട വിദ്യാർഥികൾക്കായി) പരീക്ഷകൾ നാളെ മുതൽ നടക്കും. ടൈംടേബിൾ വെബ്സൈറ്റിൽ.
പ്രാക്ടിക്കൽ
2019 നവംബറിലെ ഒന്നാം സെമസ്റ്റർ ബിഎസ്സി കംപ്യൂട്ടർ സയൻസ് (സിബിസിഎസ് 2019 അഡ്മിഷൻ റഗുലർ, 201718 അഡ്മിഷൻ സപ്ലിമെന്ററി, സിബിസിഎസ്എസ് 20132016 അഡ്മിഷൻ സപ്ലിമെന്ററി) പരീക്ഷയുടെ പ്രാക്ടിക്കൽ10 മുതൽ തുടങ്ങും.
ടൈംടേബിൾ വെബ്സൈറ്റിൽ.
സംവരണ സീറ്റൊഴിവ്
സ്കൂൾ ഓഫ് കെമിക്കൽ സയൻസസിൽ 201920 എം.ഫിൽ കെമിസ്ട്രിയിൽ പട്ടികവർഗ വിഭാഗത്തിൽ രണ്ട് സീറ്റൊഴിവുണ്ട്. താല്പര്യമുള്ളവർ യോഗ്യത തെളിയിക്കുന്ന അസൽ രേഖകളുമായി 12നു രാവിലെ 10ന് സ്കൂൾ ഓഫീസിൽ എത്തണം. ഫോൺ: 04812731036.
സർവകലാശാല സ്കൂൾ ഓഫ് പ്യുവർ ആൻഡ് അപ്ലൈഡ് ഫിസിക്സ് വകുപ്പിൽ എംഫിൽ ഫിസിക്സ് ബാച്ചിൽ എസ്സി, എസ്ടി, മുസ്ലിം വിഭാഗത്തിൽ ഓരോ സീറ്റൊഴിവുണ്ട്.
അർഹരായവർ യോഗ്യത തെളിയിക്കുന്ന രേഖകളുമായി ഒന്പതിനു വൈകുന്നേരം അഞ്ചിന് മുന്പായി പഠനവകുപ്പിൽ എത്തണം.
ഫോൺ: 04812731043.
ഉത്തരക്കടലാസ്
2019 നവംബറിലെ ഒന്നാം സെമസ്റ്റർ സിബിസിഎസ്, സിബിസിഎസ്എസ് പരീക്ഷകളുടെ മൂല്യനിർണയം (ഹോം വാല്യുവേഷൻ സ്പെഷൽ സ്കീം) എട്ട് മേഖലാ ക്യാന്പുകളിലായി ക്രമീകരിച്ചു. ഒന്പതിനു ബികോം, 10നു കോമണ് വിഷയങ്ങൾ, 11ന് ബിഎ, ന്യൂ ജനറേഷൻ കോഴ്സുകൾ (ബിബിഎ, ബിസിഎ മുതലായവ), 12ന് ബിഎസ്സി. 2019 ഡിസംബറിലെ അഞ്ച്, മൂന്ന് സെമസ്റ്റർ സിബിസിഎസ്, സിബിസിഎസ്എസ് പരീക്ഷ മൂല്യനിർണയ ക്യാന്പിൽ പങ്കെടുത്ത എല്ലാ അധ്യാപകരും ആലുവ, ചങ്ങനാശേരി, കോട്ടയം, കട്ടപ്പന, മൂവാറ്റുപുഴ, പാലാ, കോഴഞ്ചേരി, തൃപ്പൂണിത്തുറ മേഖലാ ക്യാന്പുകളിൽ അതതു ദിവസം രാവിലെ 9.30ന് എത്തി ഉത്തരക്കടലാസ് കൈപ്പറ്റണം.
പരീക്ഷാഫലം
2019 മാർച്ചിലെ ഒന്നാം സെമസ്റ്റർ എംഎസ്സി ഫിഷറി ബയോളജി ആൻഡ് അക്വാകൾച്ചർ (റെഗുലർ) പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് 18 വരെ അപേക്ഷിക്കാം.