പിജി /എംടെക് - തീയതി നീട്ടി
സർവകലാശാലയുടെ വിവിധ പഠനവകുപ്പുകളിലേക്ക് (സിഎസ്എസ്) പിജി/എംടെക് അഡ്മിഷനുവേണ്ടിയുളള പ്രവേശന പരീക്ഷയ്ക്ക് ഓണ്ലൈനായി അപേക്ഷിക്കാനുള്ള അവസാന തീയതി 20 വരെ നീട്ടി. വിശദവിവരങ്ങൾ www.admissions.keralauniversity.ac.in എന്ന വെബ്സൈറ്റിൽ ലഭ്യമാണ്.
പുതുക്കിയ പരീക്ഷാതീയതി
മാർച്ച് 31, ഏപ്രിൽ രണ്ട് തീയതികളിൽ ആരംഭിക്കാനിരുന്ന ബിഎ (ആന്വൽ സ്കീം) പാർട്ട് മൂന്ന് രണ്ടും, ഒന്നും വർഷ മെയിൻ പരീക്ഷകൾ യഥാക്രമം ഏപ്രിൽ രണ്ട്,ഏഴ് എന്നീ തീയതികളിൽ നടത്തും. 2020 ഏപ്രിൽ ഏഴിലെ സബ്സിഡിയറി പരീക്ഷകൾ ഏപ്രിൽ 27 ന് നടത്തും.
പരീക്ഷാകേന്ദ്രം
മാർച്ച്/ഏപ്രിലിൽ നടത്തുന്ന ഒന്നാം സെമസ്റ്റർ എംഎ/എംഎസ്സി/എംകോം മേഴ്സിചാൻസ് പരീക്ഷയുടെ ടൈംടേബിൾ പ്രസിദ്ധീകരിച്ചു. ഹാൾടിക്കറ്റുകൾ അതതു പരീക്ഷാകേന്ദ്രങ്ങളിൽ നിന്നും കൈപ്പറ്റി, ജില്ലകളിൽ നിശ്ചയിക്കപ്പെട്ട കേന്ദ്രങ്ങളിൽ പരീക്ഷയ്ക്ക് ഹാജരാകണം. തിരുവനന്തപുരം ജില്ലയിലെ കോളജുകൾ പരീക്ഷാകേന്ദ്രമായി തെരഞ്ഞെടുത്ത വിദ്യാർഥികൾ എംജി കോളജ്, തിരുവനന്തപുരത്തും, കൊല്ലംപത്തനംതിട്ട ജില്ലകളിലെ വിദ്യാർഥികൾ ടികെഎംആർട്സ് ആൻഡ് സയൻസ് കോളജ്, കൊല്ലത്തും ആലപ്പുഴ ജില്ലയിലെ വിദ്യാർഥികൾ എസ്ഡി കോളജ്, ആലപ്പുഴയിലും പരീക്ഷ എഴുതണം. വിശദവിവരങ്ങൾ വെബ്സൈറ്റിൽ.
പരീക്ഷാഫലം
2019 ജൂണിൽ നടത്തിയ നാലാം സെമസ്റ്റർ ബിഎ എസ്എൽപി (സിബിസിഎസ്എസ് സ്ട്രീം) ഡിഗ്രി പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 23 വരെ അപേക്ഷിക്കാം.
2019 നവംബറിൽ നടത്തിയ രണ്ടാം സെമസ്റ്റർ സിബിസിഎസ്എസ് ബിഎ ബിരുദം (2013 ന് മുൻപുളള സ്കീം) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 21 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.