നാലാംവർഷ ബിഎസ്സി നഴ്സിംഗ് ഡിഗ്രി സപ്ലിമെന്ററി പരീക്ഷ, രണ്ടാംവർഷ പോസ്റ്റ് ബേസിക് ബിഎസ്സി നഴ്സിംഗ് ഡിഗ്രി സപ്ലിമെന്ററി പരീക്ഷ എന്നിവ 28ന് ആരംഭിക്കും. കോവിഡ് സാഹചര്യത്തിൽ, പരീക്ഷകൾക്ക് രജിസ്റ്റർ ചെയ്തിട്ടുള്ള വിദ്യാർത്ഥികൾക്കു പരീക്ഷാകേന്ദ്രം മാറ്റത്തിനു സർവകലാശാലയെയും മാതൃസ്ഥാപനത്തെയും രേഖാമൂലം അറിയിക്കണം.
മാർക്ക് ലിസ്റ്റ് വിതരണം
രണ്ടാം വർഷ ബിഎസ്സി നഴ്സിംഗ് ഡിഗ്രി റെഗുലർ/സപ്ലിമെന്ററി പരീക്ഷയുടെ മാർക്ക് ലിസ്റ്റുകൾ അതാതു നഴ്സിംഗ് കോളജുകളിലേക്ക് അയച്ചിട്ടുണ്ട്. വിദ്യാർത്ഥികൾ കൈപ്പറ്റേണ്ടതാണ്.
സപ്ലിമെന്ററി പരീക്ഷാഫലം
രണ്ടാംവർഷ എംപിടി ഡിഗ്രി സപ്ലിമെന്ററി പരീക്ഷാഫലം പ്രസിദ്ധീകരിച്ചു. റീടോട്ടലിംഗ്, ഉത്തരക്കടലാസുകളുടെയും സ്കോർഷീറ്റിന്റെയും ഫോട്ടോകോപ്പി എന്നിവയ്ക്ക് അപേക്ഷിക്കുന്നവർ നിശ്ചിത ഫീസടച്ച് കോളജ് പ്രിൻസിപ്പൽമാർ മുഖേന ഓൺലൈനായി 17നകം അപേക്ഷിക്കണം.