പിജി ഒഴിവുള്ള സീറ്റുകളിലേക്ക് ഓണ്‍ലൈന്‍ അപേക്ഷ ക്ഷണിച്ചു
തേഞ്ഞിപ്പലം: കാലിക്കട്ട് സര്‍വകലാശാല പഠനവകുപ്പുകളിലും സെന്‍ററുകളിലും അഫിലിയേറ്റഡ് കോളജുകളിലും എന്‍ട്രന്‍സ് പരീക്ഷ വഴി പ്രവേശനം നല്‍കിയിരുന്ന എംഎസ് സി കംപ്യൂട്ടര്‍ സയന്‍സ്, എംഎസ്ഡബ്ല്യു, എംസിഎ, എംഎ ജേണലിസം ആൻഡ് മാസ് കമ്യൂണിക്കേഷന്‍, എംഎ സംസ്‌കൃതം, എംഎസ്‌സി ജനറല്‍ ബയോടെക്‌നോളജി, എംഎസ്‌സി ഹെല്‍ത്ത് ആൻഡ് യോഗ തെറാപ്പി, എംഎസ്‌സി ഹ്യൂമന്‍ ഫിസിയോളജി, എംഎസ്‌സി ഫുഡ് സയന്‍സ് ആൻഡ് ടെക്‌നോളജി, ബിഎച്ച്എം, എംഎസ്‌സി ബയോടെക്‌നോളജി എന്നീ കോഴ്‌സുകളില്‍ ഒഴിവുള്ള സീറ്റുകളിലേക്ക് ഓണ്‍ലൈനായി അപേക്ഷിക്കാം. എസ്‌സി, എസ്ടി 440 രൂപയും മറ്റുള്ളവര്‍ 650 രൂപയും ഫീസടച്ച് 26ന് വൈകീട്ട് അഞ്ചുവരെ അപേക്ഷ സമര്‍പ്പിക്കാം. അപേക്ഷയുടെ രണ്ടു ഘട്ടങ്ങളും പൂര്‍ത്തീകരിച്ച് പ്രിന്‍റ്ഔട്ട് എടുത്തു സൂക്ഷിക്കേണ്ടതാണ്. പ്രിന്‍റ്ഔട്ട് സര്‍വകലാശാലയിലേക്ക് അയക്കേണ്ടതില്ല. കൂടുതല്‍ വിവരങ്ങള്‍ക്ക് 2407016, 2407017.
അസി. പ്രഫസര്‍ നിയമനം
ഹിസ്റ്ററി, മാത്തമറ്റിക്‌സ്, മലയാളം ആൻഡ് കേരള സ്റ്റഡീസ്, സംസ്‌കൃതം പഠനവിഭാഗങ്ങളിലേക്ക് അസിസ്റ്റന്‍റ് പ്രഫസര്‍ നിയമനത്തിന് അപേക്ഷിച്ചവരില്‍ ഇന്‍റര്‍വ്യൂവിന് തെരഞ്ഞെടുക്കപ്പെട്ടവരുടെ ഷോര്‍ട് ലിസ്റ്റ് 31ന് സര്‍വകലാശാല വെബ്‌സൈറ്റില്‍ പ്രസിദ്ധീകരിച്ചിട്ടുണ്ട്.
പരീക്ഷാഫലം
സിസിഎസ്എസ് നാലാം സെമസ്റ്റര്‍ എംഎ അറബിക് ഏപ്രില്‍ 2020 പരീക്ഷയുടേയും 2019 പ്രവേശനം ഒന്നാം സെമസ്റ്റര്‍ എംഫില്‍ ജേണലിസം ആൻഡ് മാസ് കമ്യൂണിക്കേഷന്‍ നവംബര്‍ 2019 പരീക്ഷയുടേയും 2009, 2014 സ്‌കീം എട്ടാം സെമസ്റ്റര്‍ ബിടെക്, പാര്‍ട്ട് ടൈം ബിടെക് കംപ്യൂട്ടര്‍ സയന്‍സ് ആൻഡ് എൻജിനിയറിംഗ്, ഇലക്ട്രോണിക്സ് ആൻഡ് കമ്യൂണിക്കേഷന്‍ എൻജിനിയറിംഗ്, സിവില്‍ എൻജിനിയറിംഗ്, ഇന്‍സ്ട്രുമെന്‍റേഷന്‍ ആൻഡ് കണ്ട്രോള് എൻജിനിയറിംഗ്, പ്രിന്‍റിംഗ് ടെക്‌നോളജി നവംബര്‍ 2019 സപ്ലിമെന്‍ററി പരീക്ഷകളുടേയും 2009 സ്‌കീം ഏഴാം സെമസ്റ്റര്‍ ബിടെക് ഇന്‍സ്ട്രുമെന്‍റഷന്‍ ആന്‍റ കണ്ട്രോള് എൻജിനിയറിംഗ് ഏപ്രില്‍ 2019 സപ്ലിമെന്‍ററി പരീക്ഷയുടേയും ഫലം പ്രസിദ്ധീകരിച്ചു.
പരീക്ഷ
ഒന്നാം സെമസ്റ്റര്‍ ബിവോക് ബ്രോഡ്കാസ്റ്റിംഗ് ആൻഡ് ജേണലിസം, മള്‍ട്ടിമീഡിയ, ഡിജിറ്റല്‍ ഫിലിം പ്രൊഡക്ഷന് പ്രാക്ടിക്കല്‍ പരീക്ഷ പുതുക്കിയ ടൈംടേബിള്‍ പ്രകാരം 28ന് ആരംഭിക്കും.
2019 പ്രവേശനം രണ്ടാം സെമസ്റ്റര്‍ ബിവോക് ഏപ്രില്‍ 2020 റഗുലര്‍ പരീക്ഷ ജനുവരി ഏഴി ആരംഭിക്കും. 2014 മുതലുള്ള പ്രവേശനം രണ്ടാം സെമസ്റ്റര്‍ ബിവോക്. ഏപ്രില്‍ 2019 റഗുലര്‍, സപ്ലിമെന്‍ററി, ഇംപ്രൂവ്‌മെന്‍റ് പരീക്ഷകള്‍ ജനുവരി ഏഴിന് ആരംഭിക്കും.
ഓണ്‍ലൈന്‍ രജിസ്‌ട്രേഷന്‍
വിദൂര വിദ്യാഭ്യാസ വിഭാഗം 2019 സ്‌കീം, 2019 പ്രവേശനം എസ്ഡിഇസിബിസിഎസ്എസ് എംഎ, എംഎസ് സി, എംകോം ഏപ്രില്‍, മെയ് 2020 റഗുലര്‍ പരീക്ഷയ്ക്കു പിഴ കൂടാതെ ജനുവരി നാലു വരേയും 170 രൂപ പിഴയോടെ ജനുവരി ഏഴു വരേയും ഫീസടച്ച് ജനുവരി 11 വരെ രജിസ്റ്റര്‍ ചെയ്യാം.