പിജി മൂന്നാം ഫൈനൽ ഓപ്ഷൻ രജിസ്ട്രേഷൻ 26 വരെ
പിജി പ്രവേശനനത്തിനുള്ള മൂന്നാം ഫൈനൽ ഓപ്ഷൻ രജിസ്ട്രേഷൻ/ഓണ്ലൈൻ രജിസ്ട്രേഷൻ 26 വൈകുന്നേരം മൂന്നുവരെ നടത്താം. റാങ്ക് ലിസ്റ്റ് പ്രകാരം പ്രവേശനം 27നു വൈകുന്നേരം നാലുവരെ ബന്ധപ്പെട്ട കോളജുകളിൽ നടത്തും. റാങ്ക് ലിസ്റ്റിൽ ഉൾപ്പെട്ടവർ 27നു കോളജുകളുമായി ബന്ധപ്പെട്ട് പ്രവേശന സാധ്യത മനസിലാക്കി കോളജുകൾ നിഷ്കർഷിക്കുന്ന സമയത്തിനു മുന്പായി പ്രവേശനം നേടണം. സമയത്ത് ഹാജരാകാത്തവരുടെ പ്രവേശനം റദ്ദാക്കും തുടർ റാങ്കിലുള്ളവരെ പ്രവേശനത്തിനു പരിഗണിക്കുന്നതുമായിരിക്കും. പിജി പ്രോഗ്രാമുകളിലെ പ്രവേശനം 27നു പൂർത്തീകരിക്കും.
പുതുക്കിയ പരീക്ഷാതീയതി
20ന് നടത്താനിരുന്ന രണ്ടാം സെമസ്റ്റർ എംഎൽഐബിഐഎസ്സി (2019 അഡ്മിഷൻ റെഗുലർ അഫിലിയേറ്റഡ് കോളജുകൾ), രണ്ടാം സെമസ്റ്റർ ബിവോക് (2018 അഡ്മിഷൻ റെഗുലർ പുതിയ സ്കീം) പരീക്ഷകൾ യഥാക്രമം 22, മാർച്ച് ഒന്ന് തീയതികളിൽ നടക്കും. പരീക്ഷകേന്ദ്രത്തിനും സമയത്തിനും മാറ്റമില്ല.
പരീക്ഷാതീയതി
നാലാം വർഷ ബിപിടി (2008 അഡ്മിഷൻ മുതൽ) റെഗുലർ/സപ്ലിമെന്ററി പരീക്ഷകൾ മാർച്ച് 17 മുതൽ ആരംഭിക്കും. 24 വരെയും 525 രൂപ പിഴയോടെ 25 വരെയും 1050 രൂപ സൂപ്പർഫൈനോടെ 26 വരെയും അപേക്ഷിക്കാം. റെഗുലർ വിദ്യാർഥികൾ 210 രൂപയും വീണ്ടുമെഴുതുന്നവർ പേപ്പറൊന്നിന് 35 രൂപ വീതവും (പരമാവധി 210 രൂപ) സിവി ക്യാന്പ് ഫീസായി പരീക്ഷഫീസിനു പുറമെ അടയ്ക്കണം.
സ്കൂൾ ഓഫ് ലെറ്റേഴ്സിൽ നടന്ന രണ്ടാം സെമസ്റ്റർ എംഫിൽ മലയാളം (ലാംഗ്വേജ് ആൻഡ് ലിറ്ററേച്ചർ), എംഫിൽ ഇംഗ്ലീഷ് (ലാംഗ്വേജ് ആൻഡ് ലിറ്ററേച്ചർ), എംഫിൽ തിയേറ്റർ ആർട്സ് (ഫൈൻ ആർട്സ്) (സിഎസ്എസ്) പരീക്ഷകളുടെ ഫലം പ്രസിദ്ധീകരിച്ചു.
സ്റ്റോർകീപ്പർ/മാർക്കർ (ഗ്രൗണ്ട്സ്മാൻ) ഇന്റർവ്യൂ
സ്കൂൾ ഓഫ് ഫിസിക്കൽ എഡ്യൂക്കേഷൻ ആൻഡ് സ്പോർട്സ് സയൻസസിൽ സ്റ്റോർ കീപ്പർ/മാർക്കർ (ഗ്രൗണ്ട്സ്മാൻ) തസ്തികയിൽ ദിവസവേതനാടിസ്ഥാനത്തിൽ നിയമനത്തിനുള്ള വോക്ഇൻഇന്റർവ്യൂ 24നു വൈകുന്നേരം മൂന്നിന് നടക്കും. താല്പര്യമുള്ളവർ അസൽ രേഖകൾ സഹിതം സ്കൂൾ ഓഫ് ഫിസിക്കൽ എഡ്യൂക്കേഷൻ ആൻഡ് സ്പോർട്സ് സയൻസസ് ഓഫീസിൽ എത്തണം. ഫോണ്: 9447006946.