കുസാറ്റിൽ ശാസ്ത്ര വീഡിയോ മത്സരം
കളമശേരി: കുസാറ്റ് സാമൂഹ്യശാസ്ത്ര കേന്ദ്രവും കേരള ശാസ്ത്ര പരിഷത്തിന്റെ ഓണ്ലൈന് സയന്സ് പോര്ട്ടലായ ലൂക്കയും ചേര്ന്ന് കേരളത്തിലെ അംഗീകൃത പ്രൈമറി/ ഹൈസ്കൂള്/ ഹയർ സെക്കൻഡറി സ്കൂള് അധ്യാപകര്ക്കായി (വൊക്കേഷണല്, ടെക്നിക്കല് സ്കൂളുകള് ഉള്പ്പെടെ) സംസ്ഥാനതല ശാസ്ത്ര വീഡിയോ ഓണ്ലൈന് മത്സരം സംഘടിപ്പിക്കുന്നു.
പ്രൈമറി, ഹൈസ്കൂള്, ഹയര് സെക്കൻഡറി സ്കൂളുകളിലെ ശാസ്ത്ര, ഗണിത വിഷയങ്ങളുടെ സിലബസ് അടിസ്ഥാനമാക്കി 2021 ജനുവരി ഒന്നിനു ശേഷം പൂര്ത്തിയാക്കിയ പരമാവധി 10 മിനുട്ട് ദൈര്ഘ്യമുള്ള വീഡിയോകളാണ് മത്സരത്തിനു പരിഗണിക്കുക. താത്പര്യമുള്ളവര് ഈ മാസം 28ന് മുന്പ് www.csis.org, www.luca.co.in രജിസ്റ്റര് ചെയ്യണം. അവസാന തീയതി മാർച്ച് 10.