എംബിബിഎസ് പരീക്ഷ പുനഃക്രമീകരണം
മേയ് 17നു തുടങ്ങാനിരുന്ന മൂന്നാം പ്രഫഷണൽ എംബിബിഎസ് പാർട്ട് ഒന്ന് ഡിഗ്രി റെഗുലർ/സപ്ലിമെന്ററി മേയ് 2021 പരീക്ഷ ജൂൺ ഒന്നിലേക്കും, മേയ് 24നു തുടങ്ങാനിരുന്ന രണ്ടാം പ്രഫഷണൽ എം ബിബിഎസ് ഡിഗ്രി റെഗുലർ/സപ്ലിമെന്ററി പരീക്ഷ ജൂൺ പതിനഞ്ചിലേക്കും മാറ്റി. പരീക്ഷയ്ക്കുള്ള രജിസ്ട്രേഷൻ വിജ്ഞാപനപ്രകാരമുള്ള തീയതികളിൽതന്നെ പൂർത്തീകരിക്കേണ്ടതാണ്.
എംഡി & എംഎസ് പരീക്ഷ
മേയ് മൂന്നു മുതൽ നടത്താൻ നിശ്ചയിച്ചിരുന്ന മെഡിക്കൽ പോസ്റ്റ് ഗ്രാജ്വേറ്റ് ഡിഗ്രി (എംഡി & എംഎസ്) റെഗുലർ/സപ്ലിമെന്ററി പരീക്ഷ ജൂൺ ഒന്നിലേക്കു മാറ്റിവച്ചു. പരീക്ഷയ്ക്കുള്ള അപേക്ഷകൾ ഇനിയും സമർപ്പിച്ചിട്ടില്ലാത്തവർക്ക്, പേപ്പറൊന്നിനു 110 രൂപ ഫൈനോടുകൂടി മേയ് പതിനൊന്നുവരെ ഓൺലൈനായി രജിസ്റ്റർ ചെയ്യാം. പേപ്പറൊന്നിനു 335 രൂപ സൂപ്പർ ഫൈനോടുകൂടി മേയ് 20 വരെയും ഓൺലൈൻ രജിസ്ട്രേഷൻ നടത്താം. പരീക്ഷയ്ക്ക് രജിസ്ട്രേഷൻ നടത്തിയിട്ടുള്ളവർ വീണ്ടും രജിസ്റ്റർ ചെയ്യേണ്ടതില്ല.
ഡിപ്ലോമ റെഗുലർ/സപ്ലിമെന്ററി പരീക്ഷ
മേയ് നാലുമുതൽ നടത്താൻ നിശ്ചയിച്ചിരുന്ന മെഡിക്കൽ പോസ്റ്റ് ഗ്രാജ്വേറ്റ് ഡിപ്ലോമ റെഗുലർ/സപ്ലിമെന്ററി പരീക്ഷ ജൂൺ രണ്ടിലേക്കു മാറ്റിവച്ചു. പരീക്ഷയ്ക്കുള്ള അപേക്ഷകൾ ഇനിയും സമർപ്പിച്ചിട്ടില്ലാത്തവർക്ക്, പേപ്പറൊന്നിനു 110 രൂപ ഫൈനോടുകൂടി മേയ് പതിനൊന്നുവരെ ഓൺലൈനായി രജിസ്റ്റർ ചെയ്യാം. പേപ്പറൊന്നിനു 335 രൂപ സൂപ്പർ ഫൈനോടുകൂടി മേയ് ഇരുപതുവരെയും ഓൺലൈൻ രജിസ്ട്രേഷൻ നടത്താം. പരീക്ഷയ്ക്കു രജിസ്ട്രേഷൻ നടത്തിയിട്ടുള്ളവർ വീണ്ടും രജിസ്റ്റർ ചെയ്യേണ്ടതില്ല.
എം ഡി ഹോമിയോപ്പതി ഡിഗ്രി പരീക്ഷ
മേയ് 24ന് ആരംഭിക്കുന്ന എം ഡി ഹോമിയോപ്പതി ഡിഗ്രി പാർട്ട് ഒന്ന് റെഗുലർ/സപ്ലിമെന്ററി (2016 സ്കീം, 2019 & 2018 പ്രവേശനം), എം ഡി ഹോമിയോപ്പതി ഡിഗ്രി പാർട്ട് രണ്ട് സപ്ലിമെന്ററി (2016 സ്കീം) എന്നീ പരീക്ഷകൾക്ക് മേയ് ഏഴുവരെ ഓൺലൈനായി രജിസ്റ്റർ ചെയ്യാം. പേപ്പറൊന്നിനു 110 രൂപ ഫൈനോടുകൂടി മേയ് പതിനൊന്നു വരെയും, 335 രൂപ സൂപ്പർ ഫൈനോടുകൂടി മേയ് പന്ത്രണ്ടുവരെയും ഓൺലൈൻ രജിസ്ട്രേഷൻ നടത്താം.
ബിഎസ്സ് സി നഴ്സിംഗ് ഡിഗ്രി പരീക്ഷ
മേയ് അഞ്ചുമുതൽ പതിനേഴുവരെയുള്ള തീയതികളിലായി നടത്തുന്ന നാലാംവർഷ ബിഎസ്സി നഴ്സിംഗ് ഡിഗ്രി റെഗുലർ/സപ്ലിമെന്ററി (2010 & 2016 സ്കീം) തിയറി പരീക്ഷാ ടൈംടേബിൾ പുനഃക്രമീകരിച്ചു.
എംഫാം ഡിഗ്രി പ്രാക്ടിക്കൽ
മേയ് നാലു മുതലാരംഭിക്കുന്ന മൂന്നാം സെമസ്റ്റർ എംഫാം ഡിഗ്രി റെഗുലർ (2019 സ്കീം) പ്രാക്ടിക്കൽ പരീക്ഷ ടൈംടേബിൾ പ്രസിദ്ധീകരിച്ചു.