16, 17 തീയതികളിൽ വർക്കല എസ്എൻ കോളജിൽ നടത്താനിരുന്ന ആറാം സെമസ്റ്റർ ബിഎസ്സി ജിയോളജിയുടെ പ്രാക്ടിക്കൽ പരീക്ഷകൾ യഥാക്രമം 26, 27 തീയതികളിൽ അതേ കോളജിൽ നടത്തും.
മാർച്ച് 2021 ൽ നടത്തിയ ആറാം സെമസ്റ്റർ കരിയർ റിലേറ്റഡ് സിബിസിഎസ്എസ് ബിഎസ്സി ഇലക്ട്രോണിക്സ് കോഴ്സിന്റെ പ്രാക്ടിക്കൽ പരീക്ഷകൾ 22, 23 തീയതികളിൽ അതാത് കോളജുകളിൽ നടത്തും. വിശദവിവരങ്ങൾ വെബ്സൈറ്റിൽ.
ആറാം സെമസ്റ്റർ ബിഎസ്സി ബയോകെമിസ്ട്രി ആൻഡ് ഇൻഡസ്ട്രിയൽ മൈക്രോബയോളജി കോഴ്സിന്റെ 21, 22 തീയതികളിൽ നടത്താനിരുന്ന പ്രാക്ടിക്കൽ പരീക്ഷകൾ (കോർ ബയോകെമിസ്ട്രി, വൊക്കേഷണൽ മൈക്രോബയോളജി) 22, 23 തീയതികളിലും, ആറാം സെമസ്റ്റർ ബിവോക്ക് സോഫ്റ്റ്വേർ ഡെവലപ്പ്മെന്റ് കോഴ്സിന്റെ 21ന് നടത്താനിരുന്ന പ്രാക്ടിക്കൽ പരീക്ഷ 24നും നടത്തും. മറ്റു പരീക്ഷകൾ മാറ്റമില്ലാതെ നടക്കും.
പ്രോജക്ട്/വൈവ
ആറാം സെമസ്റ്റർ സിബിസിഎസ്എസ് ബിഎസ്സി (2018 അഡ്മിഷൻ റെഗുലർ, 2015, 2016, 2017 അഡ്മിഷൻ സപ്ലിമെന്ററി) മാർച്ച് 2021 പരീക്ഷയുടെ മാത്തമാറ്റിക്സ് പ്രോജക്ട് വൈവ പരീക്ഷ 23, 26 തീയതികളിൽ അതാത് കോളജുകളിൽ നടത്തും. വിശദവിവരങ്ങൾ വെബ്സൈറ്റിൽ.
പുതുക്കിയ ടൈംടേബിൾ/ഹാൾടിക്കറ്റ്
വിദൂരവിദ്യാഭ്യാസകേന്ദ്രം 23, ഓഗസ്റ്റ് ഒന്പത് തീയതികളിൽ ആരംഭിക്കുന്ന യഥാക്രമം ഒന്ന്, രണ്ട് സെമസ്റ്റർ എംഎ ഹിസ്റ്ററി (റെഗുലർ, ഇംപ്രൂവ്മെന്റ് ആൻഡ് സപ്ലിമെന്ററി) പരീക്ഷകളുടെ പുതുക്കിയ ടൈംടേബിൾ വെബ്സൈറ്റിൽ. 23, ഓഗസ്റ്റ് ഒന്പത് തീയതികളിൽ ആരംഭിക്കുന്ന യഥാക്രമം ഒന്ന്, രണ്ട് സെമസ്റ്റർ എംഎ/എംഎസ്സി/എംകോം (റെഗുലർ, ഇംപ്രൂവ്മെന്റ് ആൻഡ് സപ്ലിമെന്ററി) പരീക്ഷകളുടെ ഹാൾടിക്കറ്റുകൾ വിദ്യാർഥികളുടെ പ്രൊഫൈലിൽ ലഭ്യമാണ്.
സൂക്ഷ്മപരിശോധന
2020 നവംബറിൽ നടത്തിയ എട്ടാം സെമസ്റ്റർ ഇന്റഗ്രേറ്റഡ് എൽഎൽബി (ബിഎ/ബിബിഎ/ബികോം) പരീക്ഷയുടെ സൂക്ഷ്മപരിശോധനയ്ക്ക് അപേക്ഷിച്ചിട്ടുള്ള വിദ്യാർഥികൾ ഫോട്ടോ പതിച്ച തിരിച്ചറിയൽ കാർഡും ഹാൾടിക്കറ്റുമായി 22, 23, 26 തീയതികളിൽ ഇ.ജെ.ത (പത്ത്) സെക്ഷനിൽ ഹാജരാകണം.
റിസർച്ച് പോർട്ടൽ നവീകരണം ഗവേഷക അധ്യാപക വിവരശേഖരണം തീയതി നീട്ടി
റിസർച്ച് പോർട്ടൽ നവീകരിക്കുന്നതിന്റെ ഭാഗമായി സർവകലാശാല അധ്യാപകന വകുപ്പ് മേധാവികൾക്കും, അംഗീകൃത ഗവേഷണ കേന്ദ്രങ്ങളുടെ തലവൻമാർക്കും അവരുടെ കീഴിലുളള ഫെസിലിറ്റി സെന്ററിൽ ഗവേഷക അധ്യാപകരായി തുടരുന്നവരുടെ പേരുവിവരങ്ങൾ ഓണ്ലൈനായി സമർപ്പിക്കുവാൻ അവസരം നൽകിയിരുന്നു. പ്രസ്തുത വിവരങ്ങൾ ഇനിയും നൽകിയിട്ടില്ലാത്ത സർവകലാശാല വകുപ്പ് മേധാവികളും, ഗവേഷണ കേന്ദ്രങ്ങളുടെ തലവൻമാരും അവ 23ന് മുൻപായി ഓണ്ലൈനായി സമർപ്പിക്കണം.
അഡ്വാൻസ്ഡ് പോസ്റ്റ് ഗ്രാജുവേറ്റ് ഡിപ്ലോമ ഇൻ ഇംഗ്ലീഷ് ഫോർ കമ്മ്യൂണിക്കേഷൻ അപേക്ഷ ക്ഷണിച്ചു
ഇംഗ്ലീഷ് പഠനവവിഭാഗം നടത്തുന്ന “APGDEC (അഡ്വാൻസ്ഡ് പോസ്റ്റ് ഗ്രാജുവേറ്റ് ഡിപ്ലോമ ഇൻ ഇംഗ്ലീഷ് ഫോർ കമ്മ്യൂണിക്കേഷൻ)” എന്ന പാർട്ട് ടൈം സായാഹ്ന കോഴ്സിലേക്ക് (റീനോട്ടിഫിക്കേഷൻ) അപേക്ഷ ക്ഷണിച്ചു. യോഗ്യത: അംഗീകൃത സർവകലാശാലയിൽ നിന്ന് ഏതെങ്കിലും വിഷയത്തിലുളള ബിരുദം. ഫീസ്: 8175/ ആൻഡ് പരീക്ഷാഫീസ്, കാലയളവ്: ഒരു വർഷം (തിങ്കൾ മുതൽ വെള്ളിവരെ 5.30 7.30). സർവകലാശാല കാഷ് കൗണ്ടറിലോ ഓണ്ലൈനായോ 30 രൂപ ഒടുക്കിയ ചെലാൻ ഇംഗീഷ് പഠനവകുപ്പിൽ സമർപ്പിച്ച് അപേക്ഷാഫോം കൈപ്പറ്റാം. അപേക്ഷകൾ 26വരെ ഇംഗ്ലീഷ് പഠനവകുപ്പിൽ സ്വീകരിക്കും.