21 ന് നടത്താനിരുന്ന നാലാം വർഷ ബിഫാം സപ്ലിമെന്ററി, ഡിസംബർ 2020 പ്രാക്ടിക്കൽ/വൈവ പേപ്പർ ഇ ഫാർമക്കോഗ്ണോസി III ജൂലൈ 23 ലേക്ക് പുനഃക്രമീകരിച്ചു.
പ്രാക്ടിക്കൽ
ആറാം സെമസ്റ്റർ ബിടെക് (2008 സ്കീം) സെപ്റ്റംബർ 2020 പരീക്ഷയുടെ മെക്കാനിക്കൽ എൻജിനിയറിംഗ് ബ്രാഞ്ചിന്റെ 08607 CAD Analysis Lab, 08408 Machine Tools Lab എന്നീ വിഷയങ്ങളുടെ പ്രാക്ടിക്കൽ പരീക്ഷകൾ 23ന് തിരുവനന്തപുരം കോളജ് ഓഫ് എൻജിനിയറിംഗിൽ നടക്കും. വിശദവിവരങ്ങൾ വെബ്സൈറ്റിൽ.
ഏഴാം സെമസ്റ്റർ (സെപ്റ്റംബർ 2020) 2008 സ്കീം സിവിൽ എൻജിനിയറിംഗ് ബ്രാഞ്ചിന്റെ “ജിയോടെക്നിക്കൽ എൻജിനിയറിംഗ് ലാബ്”, 2013 സ്കീം സിവിൽ എൻജിനിയറിംഗ് ബ്രാഞ്ചിന്റെ “ജിയോടെക്നിക്കൽ എൻജിനിയറിംഗ് ലാബ് (13707)”, “എൻവയോണ്മെന്റൽ എൻജിനിയറിംഗ് ലാബ് (13706)” എന്നീ പ്രാക്ടിക്കൽ പരീക്ഷകൾ 30ന് തിരുവനന്തപുരം കോളജ് ഓഫ് എൻജിനിയറിംഗിൽ നടത്തും. വിശദവിവരങ്ങൾ വെബ്സൈറ്റിൽ.
ടൈംടേബിൾ
എട്ടാം സെമസ്റ്റർ ബിഡെസ്. ((B.Des) പരീക്ഷകൾ ഓഗസ്റ്റ് 31 ന് ആരംഭിക്കും. വിശദമായ ടൈംടേബിൾ വെബ്സൈറ്റിൽ.
പരീക്ഷാഫലം
2020 ഒക്ടോബറിൽ നടത്തിയ മൂന്നാം സെമസ്റ്റർ ഇന്റഗ്രേറ്റഡ് പഞ്ചവത്സര ബിഎ എൽഎൽബി/ബികോം എൽഎൽബി/ ബിബിഎ എൽഎൽബി പരീക്ഷാഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനും 31 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
മൂന്നാം സെമസ്റ്റർ ബിടെക് പാർട്ട് ടൈം റീസ്ട്രക്ച്ചേർഡ് 2008 സ്കീം പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 30 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
2021 ഫെബ്രുവരിയിൽ നടത്തിയ ഒന്നും രണ്ടും സെമസ്റ്റർ ബിഎൽഐസി (എസ്ഡിഇ 2019 അഡ്മിഷൻ റെഗുലർ, 2017 & 2018 അഡ്മിഷൻ സപ്ലിമെന്ററി) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്പരിശോധനയ്ക്കും ഓഗസ്റ്റ് നാലുവരെ അപേക്ഷിക്കാം.
പരീക്ഷാഫീസ്
2021 സെപ്റ്റംബർ ആറിന് ആരംഭിക്കുന്ന ഒന്നാം സെമസ്റ്റർ ബിഡെസ് ((B.Des) പരീക്ഷകൾക്ക് 30 വരെയും 150 രൂപ പിഴയോടെ ഓഗസ്റ്റ് നാലുവരെയും 400 രൂപ പിഴയോടെ ഓഗസ്റ്റ് ആറുവരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
പുതുക്കിയ പരീക്ഷാകേന്ദ്രം
വിദൂരവിദ്യാഭ്യാസകേന്ദ്രം 23, ഓഗസ്റ്റ് ഒന്പത് തീയതികളിൽ ആരംഭിക്കുന്ന ഒന്ന്, രണ്ട് സെമസ്റ്റർ എംഎ/എംഎസ്സി/എംകോം (റെഗുലർ, ഇംപ്രൂവ്മെന്റ് ആൻഡ് സപ്ലിമെന്ററി ) ജൂലൈ 2021 പരീക്ഷയ്ക്ക് വാഴിച്ചൽ ഇമ്മാനുവൽ കോളജ് പരീക്ഷാകേന്ദ്രം അനുവദിച്ചുകിട്ടിയവരെ പട്ടം ഗവ.ഗേൾസ് മോഡൽ ഹയർ സെക്കൻഡറി സ്കൂൾ, ധനുവച്ചപുരം വിടിഎംഎൻഎസ്എസ് കോളജ് എന്നീ പരീക്ഷാകേന്ദ്രത്തിലേക്ക് മാറ്റിയിരിക്കുന്നു. പ്രസ്തുത വിദ്യാർഥികൾ ഹാൾടിക്കറ്റ് ഡൗണ്ലോഡ് ചെയ്ത് പുതിയതായി അനുവദിച്ചിട്ടുള്ള പരീക്ഷാകേന്ദ്രത്തിൽ ഹാജരാകണം.
അഡ്വാൻസ്ഡ് പോസ്റ്റ് ഗ്രാജുവേറ്റ് ഡിപ്ലോമ ഇൻ ഇംഗ്ലീഷ് ഫോർ കമ്മ്യൂണിക്കേഷൻ അപേക്ഷ ക്ഷണിച്ചു
ഇംഗ്ലീഷ് പഠനവവിഭാഗം നടത്തുന്ന “APGDEC (അഡ്വാൻസ്ഡ് പോസ്റ്റ് ഗ്രാജുവേറ്റ് ഡിപ്ലോമ ഇൻ ഇംഗ്ലീഷ് ഫോർ കമ്മ്യൂണിക്കേഷൻ)” എന്ന പാർട്ട് ടൈം സായാഹ്ന കോഴ്സിലേക്ക് (റീനോട്ടിഫിക്കേഷൻ) അപേക്ഷ ക്ഷണിച്ചു. യോഗ്യത: അംഗീകൃത സർവകലാശാലയിൽ നിന്ന് ഏതെങ്കിലും വിഷയത്തിലുളള ബിരുദം. ഫീസ്: 8175/ & പരീക്ഷാഫീസ്, കാലയളവ്: ഒരു വർഷം (തിങ്കൾ മുതൽ വെള്ളിവരെ 5.30 പിഎം. 7.30 പിഎം). സർവകലാശാല കാഷ് കൗണ്ടറിലോ ഓണ്ലൈനായോ 30 രൂപ ഒടുക്കിയ ചെലാൻ ഇംഗീഷ് പഠനവകുപ്പിൽ സമർപ്പിച്ച് അപേക്ഷാഫോം കൈപ്പറ്റാം. അപേക്ഷകൾ 26 വരെ ഇംഗ്ലീഷ് പഠനവകുപ്പിൽ സ്വീകരിക്കും.
ഫാക്കൽറ്റി ഡെവലപ്പ്മെന്റ് പ്രോഗ്രാം
കേരളസർവകലാശാല വാണിജ്യ വിഭാഗവും ഓൾ ഇന്ത്യ കൗണ്സിൽ ഫോർ ടെക്നിക്കൽ എജ്യൂക്കേഷന്റെയും (എഐസിടിഇ) സംയുക്താഭിമുഖ്യത്തിൽ ഓഗസ്റ്റ് രണ്ടു മുതൽ ആറുവരെ ബേസിക് അപ്ലൈഡ് ഇക്കണോമെട്രിക്സ് ആൻഡ് ബിസിനസ് അനലെടിക്സ് ഫോർ റിസർച്ച് എന്ന വിഷയത്തെ അധികരിച്ച് എഐസിടിഇ ട്രെയിനിംഗ് ആൻഡ് ലേണിംഗ് അക്കാദമി ഫാക്കൽറ്റി ഡെവലപ്പ്മെന്റ് പ്രോഗ്രാം സംഘടിപ്പിക്കുന്നു. വെബക്സ് ഓണ്ലൈൻ മാധ്യമത്തിലൂടെ നടത്തുന്ന വർക്ഷോപ്പിൽ ഇന്ത്യയിലെ പ്രമുഖരായ ഗവേഷക വിദഗ്ദ്ധൻമാർ ക്ലാസുകൾ കൈകാര്യം ചെയ്യും. ഓഗസ്റ്റ് രണ്ടിന് രാവിലെ 10ന് സർവകലാശാല പ്രോവൈസ് ചാൻസലർ പ്രഫ.ഡോ.പി.പി.അജയകുമാർ ഉദ്ഘാടനം ചെയ്യുന്ന പരിപാടിയിൽ വകുപ്പ് മേധാവി പ്രഫ. ഗബ്രിയേൽ സൈമണ് തട്ടിൽ, എഐസിടിഇ പ്രതിനിധികൾ, മുൻ വകുപ്പ് മേധാവി പ്രഫ.ജി.രാജു, ഡീൻ പ്രഫ.റസിയ ബീഗം, പ്രഫ.പി.എൻ.ഹരികുമാർ, ഡോ.ബിജു ടി., പ്രോഗ്രാം കോഓർഡിനേറ്റർ ഡോ.എ.വി.ബിജു തുടങ്ങിയവർ സംബന്ധിക്കും. ഇന്ത്യയിലെ വിവിധ സർവകലാശാലകളിൽ നിന്നുമായി തെരഞ്ഞെടുത്ത 200 അക്കാദമിക് പ്രതിനിധികൾ പങ്കെടുക്കും.