കണ്ണൂർ സർവകലാശാലയുടെ ഓഗസ്റ്റ് ആറിന് ആരംഭിക്കുന്ന ഒന്നും രണ്ടും കംബൈൻഡ് സെമസ്റ്റർ ബിടെക് (ജനുവരി 2020) പരീക്ഷാ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്. 2007 മുതൽ 2010 വരെ അഡ്മിഷൻ നേടിയ വിദ്യാർഥികൾക്ക് (പാർട്ട് ടൈം ഉൾപ്പെടെ) ഇത് അവസാന അവസരമാണ്. പരീക്ഷ രാവിലെ പത്തിന് ആരംഭിക്കും.
ഓഗസ്റ്റ് പത്തിന് ആരംഭിക്കുന്ന അഞ്ചാം സെമസ്റ്റർ ബിഎ എൽഎൽബി (റഗുലർ/സപ്ലിമെന്ററി 2016 സിലബസ്), നവംബർ 2020 പരീക്ഷാ ടൈംടേബിൾ സർവകലാശാല വെബ്സൈറ്റിൽ പ്രസിദ്ധീകരിച്ചു. ഇതോടൊപ്പം നടക്കുന്ന 2009 സിലബസ് സപ്ലിമെന്ററി പരീക്ഷകളുടെയും കോവിഡ് സ്പെഷൽ പരീക്ഷകളുടെയും ടൈംടേബിൾ പിന്നീട് പ്രസിദ്ധീകരിക്കും.
പരീക്ഷാഫലം
മൂന്നാം സെമസ്റ്റർ ബികോം (സപ്ലിമെന്ററി/ഇംപ്രൂവ്മെന്റ്) നവംബർ 2020 പരീക്ഷാഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും വെബ്സൈറ്റിൽനിന്നു ഡൗൺലോഡ് ചെയ്ത ഗ്രേഡ് കാർഡിന്റെ സ്വയം സാക്ഷ്യപ്പെടുത്തിയ പകർപ്പിനൊപ്പം ഓഗസ്റ്റ് പത്തിന് വൈകുന്നേരം അഞ്ചുവരെ ഓൺലൈനായി അപേക്ഷിക്കാം.
സർവകലാശാല പഠനവകുപ്പിലെ മൂന്നാം സെമസ്റ്റർ എംഎ ഇംഗ്ലീഷ് (റഗുലർ/സപ്ലിമെന്ററി) നബംബർ 2020 പരീക്ഷാഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും ഓഗസ്റ്റ് ഒൻപതിന് വൈകുന്നേരം അഞ്ചുവരെ അപേക്ഷിക്കാം.