ഒന്നാം വർഷ ബിരുദ പ്രവേശനം 2021-22 ഓണ്ലൈൻ രജിസ്ട്രേഷൻ ആരംഭിച്ചു
ഗവ./എയ്ഡഡ്/സ്വാശ്രയ ആർട്സ് ആന്ഡ് സയൻസ് കോളജുകളിലും, യുഐടി, ഐഎച്ച്ആർഡി കേന്ദ്രങ്ങളിലും ഒന്നാംവർഷ ബിരുദ പ്രോഗ്രാമുകളിലേയ്ക്കുളള പ്രവേശനത്തിന് ഓണ്ലൈൻ രജിസ്ട്രേഷൻ ആരംഭിച്ചു.
എല്ലാ കോളജുകളിലേയും മെരിറ്റ് സീറ്റുകളിലേക്കും എസ്സി/എസ്ടി/എസ്ഇബിസി സംവരണ സീറ്റുകളിലേക്കും ഏകജാലക സംവിധാനം വഴിയായിരിക്കും അലോട്ട്മെന്റ്. കേരളസർവകലാശാലയുടെ കീഴിൽ ബിരുദ പ്രവേശനം ആഗ്രഹിക്കുന്ന എല്ലാ വിദ്യാർഥികളും (മാനേജ്മെന്റ്ക്വാട്ട, കമ്യൂണിറ്റിക്വാട്ട, സ്പോർട്സ്ക്വാട്ട, ഭിന്നശേഷിയുള്ളവർ, തമിഴ് ഭാഷ ന്യൂനപക്ഷ വിഭാഗങ്ങൾ ലക്ഷദ്വീപ് നിവാസികൾ ഉൾപ്പടെ) ഏകജാലകസംവിധാനം വഴി അപേക്ഷ സമർപ്പിക്കണം.
രജിസ്ട്രേഷൻ സമയത്ത് നൽകുന്ന മൊബൈൽഫോണ് നന്പറുകൾ പ്രവേശന നടപടികൾ അവസാനിക്കുന്നത് വരെ ഒരു കാരണവശാലും മാറ്റരുത്.
സ്പോർട്ട്സ്ക്വാട്ട പ്രവേശനത്തിനായുള്ള രജിസ്ട്രേഷൻ ഓണ്ലൈനായി നടത്തുന്നതാണ്. കോളജുകളിൽ അപേക്ഷ സമർപ്പിക്കേണ്ട. കമ്യൂണിറ്റി ക്വാട്ട പ്രവേശനം സംബന്ധിച്ച മാർഗനിർദ്ദേശങ്ങൾ സർവകലാശാല പിന്നീട് പ്രസിദ്ധീകരിക്കും.
സ്പോർട്ട്സ്ക്വാട്ട
സ്പോർട്ട്സ്ക്വാട്ടയിൽ പ്രവേശനം ആഗ്രഹിക്കുന്ന വിദ്യാർഥികൾ ഓണ്ലൈൻ അപേക്ഷയിലെ സ്പോർട്ട്സ് കോളത്തിന് നേരെ "യെസ്’ എന്ന് രേഖപ്പെടുത്തണം. സ്പോർട്ട്സ് ഇനം, ഏതു തലത്തിലെ നേട്ടമാണ് എന്നിവ സെലക്ട് ചെയ്തിരിക്കണം. സ്പോർട്ട്സ് നേട്ടങ്ങളുടെ സർട്ടിഫിക്കറ്റുകൾ സ്കാൻ ചെയ്ത് അപ്ലോഡ് ചെയ്യേണ്ട താണ്. ഓണ്ലൈൻ രജിസ്ട്രേഷനിൽ നൽകിയിട്ടുള്ള കോളജുകളും ഓപ്ഷനുകളും മാത്രമേ പരിഗണിക്കുകയുള്ളു.
സ്പോർട്സ് സർട്ടിഫിക്കറ്റുകൾ സ്കാൻ ചെയ്ത് അപ്ലോഡ് ചെയ്ത എല്ലാ വിദ്യാർഥികളും വെബ്സൈറ്റിൽ നിന്നും ഡൗണ്ലോഡ് ചെയ്ത പ്രൊഫോർമയുടെ പകർപ്പ് അപേക്ഷയിൽ ഓപ്ഷൻ നൽകിയിട്ടുള്ള കോളജുകളിൽ (പ്രവേശനത്തിന് താൽപര്യമുള്ള കോളജുകളിൽ മാത്രം) രജിസ്ട്രേഷൻ അവസാനിക്കുന്ന തീയതിക്കുള്ളിൽ നേരിട്ടോ, പ്രതിനിധി മുഖേനയോ ഇമെയിൽ മുഖേനയോ സമർപ്പിക്കേണ്ട താണ്. ഒരു കോളജിലെ ഒന്നിലധികം കോഴ്സുകളിലേയ്ക്കുള്ള സ്പോർട്സ്ക്വാട്ട സീറ്റുകളിലേയ്ക്ക് അപേക്ഷിച്ചിട്ടുണ്ടെ ങ്കിലും അവയ്ക്കെല്ലാം പരിഗണിക്കുന്നതിനായി ഒരു കോളജിൽ ഒരു പ്രൊഫോർമ സമർപ്പിച്ചാൽ മതി.
ഏകജാലക സംവിധാനത്തിലുള്ള എല്ലാ ഫീസുകളും ഓണ്ലൈൻ വഴി മാത്രം അടയ്ക്കേണ്ട താണ്. ഡിമാന്ഡ് ഡ്രാഫ്റ്റ്, ചെക്ക് എന്നിവ സ്വീകരിക്കുന്നതല്ല.
സംശയനിവാരണത്തിന് എല്ലാ പ്രവർത്തി ദിവസങ്ങളിലും 8281883052, 8281883053 എന്നീ ഹെൽപ്പ്ലൈൻ നന്പരുകളിലും, 9188524610 എന്ന നന്പരിലേക്ക് വാട്സാപ്പ് മുഖേനയും (മെസ്സേജ് മാത്രം) ബന്ധപ്പെടാം. ഓണ്ലൈൻ അപേക്ഷയുടെ പ്രിന്റൗട്ട് സർവകലാശാല ആസ്ഥാനത്തേയ്ക്ക് അയയ്ക്കേണ്ട. പ്രവേശന സമയത്ത് അതത് കോളേജുകളിൽ ഹാജരാക്കിയാൽ മതിയാകും. പ്രോസ്പെക്ടസ് വായിച്ചതിന് ശേഷം മാത്രം ഓണ്ലൈൻ രജിസ്ട്രേഷൻ നടത്തുക.
ടൈംടേബിൾ
സെപ്റ്റംബർ ഒന്നു മുതൽ ആരംഭിക്കുന്ന ഒന്നും രണ്ടും സെമസ്റ്റർ ബിഎസ്സി കന്പ്യൂട്ടർ സയൻസ്/ബിസിഎ വിദൂരവിദ്യാഭ്യാസവിഭാഗം (2019 അഡ്മിഷൻ റെഗുലർ, 2018 & 2017 അഡ്മിഷൻ ഇംപ്രൂവ്മെന്റ്/സപ്ലിമെന്ററി) പരീക്ഷകളുടെ വിശദമായ ടൈംടേബിൾ വെബ്സൈറ്റിൽ ലഭ്യമാണ്.
ബികോം. ആന്വൽ സ്കീം (പ്രൈവറ്റ് ആന്ഡ് സപ്ലിമെന്ററി) ഏപ്രിൽ 2021 ഒന്നും രണ്ടും മൂന്നും വർഷ പാർട്ട് മൂന്ന് പരീക്ഷകൾ ഓഗസ്റ്റ് 12 ന് ആരംഭിക്കും. പരീക്ഷാസമയം രാവിലെ 9.30 മുതൽ 12.30 വരെ. പരീക്ഷാകേന്ദ്രങ്ങളെക്കുറിച്ചുളള വിശദവിവരങ്ങൾ പിന്നീട് .
പ്രാക്ടിക്കൽ/വൈവ
മാർച്ചിൽ നടത്തിയ നാലാം സെമസ്റ്റർ എംഎസ്സി ഹോം സയൻസ് പരീക്ഷയുടെ പ്രാക്ടിക്കൽ, വൈവ പരീക്ഷകൾ അഞ്ചിന് ആരംഭിക്കും.
ഏഴാം സെമസ്റ്റർ (സെപ്റ്റംബർ 2020) 2013 സ്കീം മെക്കാനിക്കൽ സ്ട്രീം ഓട്ടോമൊബൈൽ എൻജിനിയറിംഗ് ബ്രാഞ്ചിന്റെ വെഹിക്കിൾ റീകണ്ടീഷനിംഗ് ലാബ്’ പ്രാക്ടിക്കൽ പരീക്ഷ ആറിന് പാപ്പനംകോട് ശ്രീചിത്രതിരുനാൾ കോളജ് ഓഫ് എൻജിനിയറിംഗിൽ നടത്തും. വിശദവിവരങ്ങൾ വെബ്സൈറ്റിൽ.
ആറാം സെമസ്റ്റർ ബിടെക്. (2008 സ്കീം) സെപ്റ്റംബർ 2020 പരീക്ഷയുടെ ഇന്റർനെറ്റ് ടെക്നോളജി ബ്രാഞ്ചിന്റെ 08607 ഇന്റർനെറ്റ് ലാബ് പ്രാക്ടിക്കൽ പരീക്ഷ നാലിന് ഗവണ്മെന്റ് എൻജിനിയറിംഗ് കോളജ്, ബാർട്ടണ്ഹിൽ നടക്കും..
മാർച്ചിൽ നടത്തിയ നാലാം സെമസ്റ്റർ എംഎ അറബിക് പരീക്ഷയുടെ വൈവ പരീക്ഷ 10 ന് ആരംഭിക്കുന്നതാണ്. വിശദമായ ടൈംടേബിൾ വെബ്സൈറ്റിൽ ലഭ്യമാണ്.
ഹാൾടിക്കറ്റ്
വിദൂരവിദ്യാഭ്യാസകേന്ദ്രം 2021 നാലി ന് ആരംഭിക്കുന്ന ഒന്ന്, രണ്ട് സെമസ്റ്റർ ബിഎ ഡിഗ്രി പരീക്ഷയ്ക്ക് വിദ്യാർഥികൾ അവരുടെ ഹാൾടിക്കറ്റുകളിൽ രേഖപ്പെടുത്തിയിരിക്കുന്ന സെന്ററുകളിൽ പരീക്ഷ എഴുതണം.
രണ്ടാം സെമസ്റ്റർ ബിപിഎഡ് പരീക്ഷയുടെ ഫലം പ്രസിദ്ധീകരിച്ചു.
പരീക്ഷാഫലം
മാർച്ചിൽ നടത്തിയ രണ്ടാം സെമസ്റ്റർ പോസ്റ്റ് ഗ്രാജുവേറ്റ് ഡിപ്ലോമ ഇൻ ജിയോ ഇൻഫർമേഷൻ സയൻസ് ആന്ഡ് ടെക്നോളജി പരീക്ഷയുടെ ഫലം പ്രസിദ്ധീകരിച്ചു.