കണ്ണൂർ സർവകലാശാലയുടെ ഗവ./എയ്ഡഡ്/സ്വാശ്രയ അഫിലിയേറ്റഡ് കോളജുകളിലെ യുജി കോഴ്സുകളിലേക്ക് 202122 അധ്യയനവർഷത്തെ ഏകജാലക സംവിധാനം വഴിയുള്ള പ്രവേശനത്തിന് അപേക്ഷ ക്ഷണിച്ചു. ജനറൽ/റിസർവേഷൻ /കമ്മ്യൂണിറ്റി/മാനേജ്മെന്റ് /സ്പോർട്സ് ക്വാട്ട ഉൾപ്പെടെയുള്ള സീറ്റുകളിലേക്ക് പ്രവേശനം ആഗ്രഹിക്കുന്ന എല്ലാവരും ഏകജാലക സംവിധാനം വഴി അപേക്ഷ സമര്പ്പിക്കേണ്ടതാണ്. ഓണ്ലൈൻ രജിസ്ട്രേഷൻ ആരംഭിച്ചു. ഈമാസം 31ന് അവസാനിക്കും. രജിസ്ട്രേഷ൯ സംബന്ധമായ വിവരങ്ങൾ www.admission.kannuruniversity.ac.in എന്ന വെബ്സൈറ്റിൽ ലഭ്യമാണ്.
കമ്മ്യൂണിറ്റി, മാനേജ്മെന്റ്, സ്പോര്ട്സ് എന്നീ ക്വാട്ടകളില് പ്രവേശനം ആഗ്രഹിക്കുന്നവര് ഓണ്ലൈൻ അപേക്ഷയുടെ പ്രിന്റൗട്ടും ആവശ്യമായ രേഖകളും സഹിതം പ്രവേശനം ആഗ്രഹിക്കുന്ന കോളജുകളില് പ്രത്യേകം അപേക്ഷ സമര്പ്പിക്കേണ്ടതാണ്. സ്വാശ്രയ കോളജുകളുടെ ഫീസ് നിരക്ക് സര്ക്കാർ/എയ്ഡഡ് കോളജുകളെ അപേക്ഷിച്ച് കൂടുതലാണ്.
വെയ്റ്റേജ്/ സംവരണാനുകൂല്യം ആവശ്യമുള്ള വിദ്യാർഥികൾ പ്രസ്തുത വിവരങ്ങൾ ഓണ്ലൈൻ രജിസ്ട്രേഷനുള്ള അപേക്ഷയിൽ വ്യക്തമായി രേഖപ്പെടുത്തേണ്ടതാണ്. അല്ലാത്തപക്ഷം അഡ്മിഷൻ സമയത്ത് പ്രസ്തുത രേഖകൾ ഹാജരാക്കിയാലും ആനുകൂല്യങ്ങൾ ലഭിക്കുന്നതല്ല.
വിദ്യാർഥികള്ക്ക് 20 ഓപ്ഷൻ വരെ സെലക്ട് ചെയ്യാം. കോളജുകളെ സംബന്ധിക്കുന്ന വിവരങ്ങൾ (ദൂരം, ഹോസ്റ്റല് സൗകര്യം ) അതത് കോളജുകളുടെ വെബ്സൈറ്റിൽ ലഭ്യമാണ്. അതു പരിശോധിച്ചതിനുശേഷം മാത്രം കോളജുകള് തെരഞ്ഞെടുക്കേണ്ടതാണ്.
ഓപ്ഷന് കൊടുത്ത കോളജുകളിലേക്ക് അലോട്ട്മെന്റ് ലഭിക്കുകയാണെങ്കിൽ നിര്ബന്ധമായും പ്രവേശനം നേടേണ്ടതാണ്. അല്ലാത്തപക്ഷം തുടര്ന്നുവരുന്ന അലോട്ട്മെന്റിൽ പരിഗണിക്കുന്നതല്ല. പ്രവേശനം ആഗ്രഹിക്കുന്ന കോളജുകളും കോഴ്സുകളും മാത്രം തെരഞ്ഞെടുക്കാന് പ്രത്യേകം ശ്രദ്ധിക്കേണ്ടതാണ്. ഓണ്ലൈൻ രജിസ്ട്രേഷൻ ചെയ്തതിനുശേഷം അപേക്ഷയുടെ പ്രിന്റൗട്ട് കോളജുകളിലേക്കോ സര്വകലാശാലയിലേക്കോ അയക്കേണ്ടതില്ല. അപേക്ഷയുടെ പ്രിന്റൗട്ടും ഫീസടച്ചതിന്റെ രസീതും പ്രവേശനസമയത്ത് അതത് കോളജുകളിൽ ഹാജരാക്കേണ്ടതാണ്. ഓണ്ലൈൻ രജിസ്ട്രേഷൻ ഫീസ് 420 രൂപയാണ്. (എസ്സി, എസ്ടി വിഭാഗത്തിന് 250).
ഏകജാലക സംവിധാനത്തിലുള്ള എല്ലാ ഫീസുകളും എസ്ബിഐ ഇപേ മുഖേന അടക്കേണ്ടതാണ്. ഇതുസംബന്ധിച്ചുള്ള വിവരങ്ങള് www.admission.kannuruniversity.ac.in എന്ന വെബ്സൈറ്റില് ലഭ്യമാണ്. ഡിഡി, ചെക്ക്, മറ്റു ചലാനുകള് തുടങ്ങിയവ സ്വീകരിക്കുന്നതല്ല. ഫീസടച്ച ചലാൻ നിർബന്ധമായും സൂക്ഷിക്കേണ്ടതാണ്. അന്വേഷണങ്ങൾ ഫോൺ/ഇമെയില് മുഖേന മാത്രം. ഹെല്പ്പ് ലൈൻ നമ്പർ : 04972715261, 735694823 വെബ്സൈറ്റ് www.admission.kannuruniversity.ac.in. ഇമെയിൽ
[email protected]. പ്രവൃത്തിദിവസങ്ങളില് ഓഫീസ് സമയത്ത് മാത്രം ബന്ധപ്പെടുക.
ഹ്രസ്വകാല കോഴ്സുകൾ കണ്ണൂർ സർവകലാശാല യുജിസിഎച്ച്ആർഡിസി 202122 വർഷത്തിൽ യുജിസി അനുവദിച്ച കോഴ്സുകളിൽ താഴെപ്പറയുന്ന ഹ്രസ്വകാല കോഴ്സുകൾക്ക് സർവകലാശാലകോളജ് അധ്യാപകരിൽനിന്ന് അപേക്ഷകൾ ക്ഷണിച്ചു.
ഫാക്കൽറ്റി ഇൻഡക്ഷൻ പ്രോഗ്രാം സെപ്റ്റംബർ ഒന്നിന് തുടങ്ങി 30ന് അവസാനിക്കും. ഈ കോഴ്സിനുള്ള അപേക്ഷകൾ ഈമാസം 24ന് വൈകുന്നേരം അഞ്ചുവരെ സ്വീകരിക്കും.
റിഫ്രഷർ കോഴ്സ് ഇൻ ഇന്ത്യൻ ലാംഗ്വാജസ് ആൻഡ് ലിറ്ററേച്ചർ സെപ്റ്റംബർ രണ്ടിന് തുടങ്ങി 15ന് അവസാനിക്കും. ഈ കോഴ്സിനുള്ള അപേക്ഷകൾ ഈമാസം 24ന് വൈകുന്നേരം അഞ്ചുവരെ സ്വീകരിക്കും.
റിഫ്രഷർ കോഴ്സ് (ഇന്റർ ഡിസിപ്ലിനറി) ഇൻ ഡെവലപ്മെന്റ് ഇക്കണോമിക്സ്, ഹിസ്റ്ററി ആൻഡ് ഫിലോസഫി സെപ്റ്റംബർ16ന് തുടങ്ങി 29ന് അവസാനിക്കും. ഈ കോഴ്സിനുള്ള അപേക്ഷകൾ സെപ്റ്റംബർ നാലിന് വൈകുന്നേരം അഞ്ചുവരെ സ്വീകരിക്കും.
ലീഡർഷിപ്പ് ഡെവലപ്മെന്റ് പ്രോഗ്രാം ഫോർ അക്കാദമീഷ്യൻസ് ഏകദിന കോഴ്സ് സെപ്റ്റംബർ എട്ടിന് നടത്തും. ഈ കോഴ്സിനുള്ള അപേക്ഷകൾ ഈമാസം 31ന് വൈകുന്നേരം അഞ്ചുവരെ സ്വീകരിക്കും. വെബ്സൈറ്റിൽ നൽകിയിരിക്കുന്ന കോഴ്സുകൾക്ക് നേരെയുള്ള ഗൂഗിൾ ഫോം ലിങ്കിൽ ക്ലിക്ക് ചെയ്തു അപേക്ഷ സമർപ്പിക്കാം.
ഓൺലൈൻ ലൈവ് സെഷൻ മുഖേനയാണ് ക്ലാസ് നടത്തുന്നത്. പരിമിതമായ സീറ്റുകളിലേക്ക് തെരഞ്ഞെടുക്കപ്പെടുന്നവർക്ക് ഫീസടച്ച രസീതിന്റെ വിവരങ്ങൾ നൽകുന്നതിനുള്ള ലിങ്ക് അപേക്ഷകർ നൽകിയ ഈമെയിലിലേക്ക് അയച്ചുകൊടുക്കും. വിശദവിവരങ്ങൾ സർവകലാശാല വെബ്സൈറ്റിൽ (www.kannuruniversity.ac.in) ലഭ്യമാണ്. തെരഞ്ഞെടുക്കപ്പെടുന്നവർക്ക് അപേക്ഷാഫോമിൽ നൽകിയിരിക്കുന്ന ഇമെയിലിൽ അറിയിപ്പ് ലഭിച്ചതിനുശേഷം മാത്രം രജിസ്ട്രേഷൻ ഫീസ് അടച്ചാൽ മതി. ഒരിക്കൽ നൽകിയ ഫീസ് ഒരുകാരണവശാലും തിരികെ നൽകുന്നതല്ല.
ഹാൾടിക്കറ്റുകൾ 13ന് ആരംഭിക്കുന്ന ഒന്നാം സെമസ്റ്റർ പിജിഡി എൽഡി നവംബർ 2020 (ആർ/എസ്) പരീക്ഷയുടെ ഹാൾ ടിക്കറ്റുകൾ സർവകലാശാല വെബ്സൈറ്റിൽ ലഭ്യമാണ്. ഓഫ്ലൈനായി സപ്ലിമെന്ററി പരീക്ഷയ്ക്കു രജിസ്റ്റർ ചെയ്ത വിദ്യാർഥികൾ പരീക്ഷാകേന്ദ്രത്തിൽനിന്ന് ഹാൾടിക്കറ്റ് കൈപ്പറ്റേണ്ടതാണ്.
വിദൂര വിദ്യഭ്യാസം പ്രോജക്ട് മൂല്യനിർണയം അവസാനവർഷ ബിസിഎ ഡിഗ്രി (വിദൂരവിദ്യഭ്യാസംസപ്ലിമെന്ററി) മാർച്ച് 2021, അവസാന വർഷ ബി സിഎ ഡിഗ്രി (വിദൂരവിദ്യഭ്യാസംസപ്ലിമെന്ററി), മാർച്ച് 2020 പരീക്ഷകളുടെ ഭാഗമായ പ്രോജക്ട് മൂല്യനിർണയം കോവിഡ് മാനദണ്ഡപ്രകാരം 13ന് ചാല ചിന്മയ ആർട്സ് ആൻഡ് സയൻസ് കോളജിൽ ആരംഭിക്കും. താഴെപ്പറയുന്ന കോളജുകളിൽ രജിസ്റ്റർ ചെയ്ത വിദ്യാർഥികൾ മേൽ സൂചിപ്പിച്ച പരീക്ഷാ കേന്ദ്രത്തിൽ പരീക്ഷയ്ക്കു ഹാജരാക്കേണ്ടതാണ്. കൃഷ്ണമേനോൻ ഗവ. വനിതാ കോളജ് കണ്ണൂർ, എസ്എൻ കോളജ്തോട്ടട, ഗവ. ബ്രണ്ണൻ കോളജ് തലശേരി, നിർമലഗിരി കോളജ് കൂത്തുപറമ്പ്.
വിശദമായ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.