ഒന്നാംവർഷ ബിരുദ പ്രവേശനത്തിനുള്ള ഓണ്ലൈൻ രജിസ്ട്രേഷൻ ഇന്ന് അവസാനിക്കും. പ്രവേശന നടപടികളിൽ പങ്കെടുക്കുവാൻ താത്പര്യമുള്ള വിവിധ വിഭാഗത്തിൽപ്പെട്ട എല്ലാ വിദ്യാർഥികളും മേൽപ്പറഞ്ഞ തീയതിക്ക് മുന്പ് തന്നെ രജിസ്ട്രേഷൻ പൂർത്തിയാക്കണം. ഓണ്ലൈൻ രജിസ്ട്രേഷൻ നടത്താത്ത വിദ്യാർഥികളെ ഒരു കാരണവശാലും അലോട്ട്മെന്റിന് പരിഗണിക്കുന്നതല്ല. ഫോറം വഴിയുള്ള പരാതികൾ ഇന്ന് മൂന്നുവരെ മാത്രമേ സ്വീകരിക്കുകയുള്ളൂ. ഓണ്ലൈൻ രജിസ്ട്രേഷൻ പൂർത്തിയാക്കിയ അപേക്ഷയുടെ ഏറ്റവും പുതിയ പ്രിന്റൗട്ട് തുടർ ആവശ്യത്തിനായി സൂക്ഷിക്കണം.
സ്പോർട്സ്ക്വാട്ട പ്രവേശനത്തിന് താൽപര്യമുള്ള വിദ്യാർഥികൾ സ്പോർട്സ് സർട്ടിഫിക്കറ്റുകൾ സ്കാൻ ചെയ്ത് അപ്ലോഡ് ചെയ്ത ശേഷം പ്രൊഫൈലിൽ ലഭ്യമാകുന്ന പ്രൊഫോമ തങ്ങൾ ഓപ്ഷൻ നൽകിയിട്ടുള്ള കോളജുകളിൽ (സ്പോർട്സ്ക്വാട്ട പ്രവേശനത്തിന് താത്പര്യമുള്ള കോളജുകളിൽ മാത്രം) നേരിട്ടോ ഇമെയിൽ മുഖാന്തിരമോ ഇന്ന് വൈകുന്നേരം അഞ്ചിന് മുന്പായി സമർപ്പിക്കണം. കോളജുകളുടെ ഇമെയിൽ ഐഡി അഡ്മിഷൻ വെബ്സൈറ്റിൽ നൽകിയിട്ടുണ്ട്.
ഓണ്ലൈൻ രജിസ്ട്രേഷൻ സംബന്ധിച്ച സംശയനിവാരണങ്ങൾക്ക് 8281883052, 82281883053, 9188524610 (whatsapp) എന്നീ ഫോണ് നന്പരുകളിലോ
[email protected]എന്ന ഇമെയിൽ ഐഡിയിലോ സർവകലാശാലയുമായി ബന്ധപ്പെടാം. വിശദവിവരങ്ങൾക്കും രജിസ്ട്രേഷനും www.admissions.keralauniversity.ac.in എന്ന പേജ് സന്ദർശിക്കുക.
പരീക്ഷാഫലം 2020 ഒക്ടോബറിൽ നടത്തിയ അവസാനവർഷ ബിഡിഎസ് പാർട്ട് രണ്ട് (സപ്ലിമെന്ററി 2008 സ്കീം) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും സെപ്റ്റംബർ 10വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
2020 ഡിസംബറിൽ നടത്തിയ അവസാനവർഷ ബിഫാം (സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും സെപ്റ്റംബർ 10വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
പ്രാക്ടിക്കൽ/പ്രോജക്ട്റിപ്പോർട്ട്/വൈവാവോസി ആറാം സെമസ്റ്റർ (2008 സ്കീം) സെപ്റ്റംബർ 2020 ബിടെക് ഡിഗ്രി പ്രാക്ടിക്കൽ പരീക്ഷ മെക്കാനിക്കൽ സ്ട്രീം ഓട്ടോമൊബൈൽ എൻജിനിയറിംഗ് ബ്രാഞ്ചിന്റെ 08607 Machines Shop II , 08608 þ CAD Modelling & Analysis Lab എന്നീ വിഷയങ്ങളുടെ പ്രാക്ടിക്കൽ പരീക്ഷകൾ 31ന് തിരുവനന്തപുരം എസ്സിടി കോളജ് ഓഫ് എൻജിനിയറിംഗിൽ നടത്തും. വിശദവിവരങ്ങൾ വെബ്സൈറ്റിൽ.
2021 ജൂലൈയിൽ നടത്തിയ ആറാം സെമസ്റ്റർ ബിഎസ്സി കന്പ്യൂട്ടർസയൻസ്/ബിസിഎ (എസ്ഡിഇ) വിദ്യാർഥികളുടെ മേജർ പ്രോജക്ട് റിപ്പോർട്ട് സെപ്റ്റംബർ ഒന്നിനു മുൻപ് വിദൂരവിദ്യാഭ്യാസകേന്ദ്രത്തിൽ സമർപ്പിക്കണം.
വിദൂരവിദ്യാഭ്യാസകേന്ദ്രം 2021 ജൂലൈയിൽ നടത്തിയ ആറാം സെമസ്റ്റർ സോഷ്യോളജി (2018 അഡ്മിഷൻ റെഗുലർ, 2017 അഡ്മിഷൻ സപ്ലിമെന്ററി) പരീക്ഷകളുടെ വൈവാ വോസി 31, സെപ്റ്റംബർ ഒന്ന്, രണ്ട് തീയതികളിൽ കാര്യവട്ടം കാന്പസിലെ വിദൂരവിദ്യാഭ്യാകേന്ദ്രത്തിൽ നടത്തും. വിശദമായ ടൈംടേബിൾ സർവകലാശാല വെബ്സൈറ്റിൽ.
ആറാം സെമസ്റ്റർ സ്പെഷൽ പരീക്ഷ ടൈംടേബിൾ സെപ്റ്റംബർ ഒന്നിന് ആരംഭിക്കുന്ന സിബിസിഎസ് ബിഎ/ ബിഎസ്സി/ ബികോം കോഴ്സുകളുടേയും സിആർസിബിസിഎസ്എസ് കരിയർ റിലേറ്റഡ് കോഴ്സുകളുടേയും ആറാം സെമസ്റ്റർ സ്പെഷൽ പരീക്ഷകളുടെ ടൈംടേബിൾ വെബ്സൈറ്റിൽ.