ബിരുദാനന്തര ബിരുദം, ബിഎഡ് പ്രവേശനം: ഓണ്ലൈൻ രജിസ്ട്രേഷൻ സെപ്റ്റംബർ ആറിന് ആരംഭിക്കും
സർക്കാർ, എയ്ഡഡ്, സ്വാശ്രയ കോളേജുകൾ/സെന്ററുകൾ എന്നിവിടങ്ങളിലെ ഒന്നാം വർഷ ബിരുദാനന്തരബിരുദ, ബിഎഡ് പ്രവേശനത്തിനു ഓണ്ലൈൻ രജിസ്ട്രേഷൻ സെപ്റ്റംബർ ആറിന് ആരംഭിക്കും.
ഒന്നാം വർഷ ബിരുദപ്രവേശനം ക്രിസ്ത്യൻ നാടാർ സംവരണത്തിൽ മാറ്റം
യുജി പ്രോഗ്രാമിന് രജിസ്റ്റർ ചെയ്തിട്ടുള്ള ക്രിസ്ത്യൻ നാടാർ വിഭാഗത്തിലെ വിദ്യാർഥികളെ ഹൈക്കോടതിയുടെ ഉത്തരവിൻ പ്രകാരം OBX കാറ്റഗറിയിൽ നിന്നു ജനറൽ വിഭാഗത്തിലേക്ക് മാറ്റിയിട്ടുണ്ട്. ഈ വിദ്യാർഥികൾക്ക് EWS സംവരണത്തിനു അർഹതയുണ്ടെ ങ്കിൽ അത് തങ്ങളുടെ പ്രൊഫൈലിൽ 30ന് മുൻപ് അപ്ഡേറ്റ് ചെയ്തു പുതിയ പ്രിന്റൗട്ട് എടുത്തു സൂക്ഷിക്കണം.
ബിപിഎ പ്രവേശനം: അപേക്ഷ 31 വരെ
സ്വാതിതിരുനാൾ ഗവ. സംഗീത കോളജിൽ ഒന്നാംവർഷ ബിപിഎ കോഴ്സിലേക്ക് 31 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
പരീക്ഷാഫലം
മാർച്ചിൽ നടത്തിയ എംഫിൽ മാത്തമാറ്റിക്സ് (2019 20 ബാച്ച്) തിരുവനന്തപുരം യൂണിവേഴ്സിറ്റി കോളജിലെ വിദ്യാർഥികളുടെ പരീക്ഷാഫലം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
പ്രാക്ടിക്കൽ
യൂണിവേഴ്സിറ്റി കോളജ് ഓഫ് എൻജിനിയറിംഗ് കാര്യവട്ടത്തെ 2013 സ്കീമിലെ 2017 അഡ്മിഷൻ വിദ്യാർഥികളുടെ ആറാം സെമസ്റ്റർ ഇംപ്രൂവ്മെന്റ്/സപ്ലിമെന്ററി ബിടെക് ഡിഗ്രി പരീക്ഷ ജൂലൈ 2021 ന്റെ ഭാഗമായുളള പ്രാക്ടിക്കൽ പരീക്ഷകൾ 31 ന് പ്രസ്തുത കോളജിൽ നടത്തും. യൂണിവേഴ്സിറ്റി കോളജ് ഓഫ് എൻജിനിയറിംഗ് കാര്യവട്ടത്തെ 2013 സ്കീമിലെ 2017 അഡ്മിഷൻ വിദ്യാർഥികളുടെ എട്ടാം സെമസ്റ്റർ ബിടെക് ഡിഗ്രി റെഗുലർ ജൂലൈ 2021 പരീക്ഷയുടെ ഭാഗമായുളള പ്രാക്ടിക്കൽ പരീക്ഷകൾ കന്പ്യൂട്ടർ സയൻസ് വിഭാഗത്തിന് സെപ്റ്റംബർ ഒന്നു മുതൽ മൂന്നു വരെയും ഇലക്ട്രോണിക്സ്, ഇൻഫർമേഷൻ ടെക്നോളജി വിഭാഗങ്ങൾക്ക് സെപ്റ്റംബർ 2, 3 തീയതികളിലും പ്രസ്തുത കോളജിൽ നടത്തും.
ടൈംടേബിൾ
മൂന്നാം സെമസ്റ്റർ എംവിഎ (പെയിന്റിംഗ് ആന്ഡ് ആർട്ട് ഹിസ്റ്ററി) പരീക്ഷകൾ സെപ്റ്റംബർ ഒന്നിന് ആരംഭിക്കും. സെപ്റ്റംബർ ആറിന് ആരംഭിക്കുന്ന ഒന്നാം സെമസ്റ്റർ ഡിപ്ലോമ ഇൻ ട്രാൻസ്ലേഷൻ സ്റ്റഡീസ് (ഡിടിഎസ്) പരീക്ഷയുടെ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.
സെപ്റ്റംബർ ആറിന് ആരംഭിക്കുന്ന നാലാം സെമസ്റ്റർ ബാച്ചിലർ ഓഫ് ഫിസിക്കൽ എഡ്യൂക്കേഷൻ (ദ്വിവത്സര കോഴ്സ് 2018 സ്കീം) റെഗുലർ ആന്ഡ് സപ്ലിമെന്ററി പരീക്ഷയുടെ ടൈംടേബിൾ വെബ്സൈറ്റിൽ ലഭ്യമാണ്.
സെപ്റ്റംബർ ആറിന് ആരംഭിക്കുന്ന രണ്ടാം സെമസ്റ്റർ എംപിഇ (2020 സ്കീം) റെഗുലർ പരീക്ഷയുടെ ടൈംടേബിൾ വെബ്സൈറ്റിൽ.