എൽഎൽബി. - പുതുക്കിയ പരീക്ഷാകേന്ദ്രത്തിന് അപേക്ഷിക്കാം
സെപ്റ്റംബർ രണ്ടിന് ആരംഭിക്കുന്ന എട്ടാം സെമസ്റ്റർ ഇന്റഗ്രേറ്റഡ് എൽഎൽബി പരീക്ഷകൾക്കും, സെപ്റ്റംബർ മൂന്നിന് ആരംഭിക്കുന്ന നാലാം സെമസ്റ്റർ യൂണിറ്ററി എൽഎൽബി പരീക്ഷകൾക്കും വാടക്കൽ ആലപ്പുഴ യുഐഎം സബ്സെന്ററായി അനുവദിച്ചു. താൽപര്യമുളള വിദ്യാർഥികൾ 31 ന് ഉച്ചയ്ക്ക് 12 മണിക്ക് മുൻപായി അതാത് കോളജ് പ്രിൻസിപ്പലിന് അപേക്ഷ സമർപ്പിക്കണം.
പുതുക്കിയ പരീക്ഷാസമയം
സെപ്റ്റംബർ ഒന്നു മുതൽ ആരംഭിക്കുന്ന ഒന്നും രണ്ടും സെമസ്റ്റർ ബിഎ/ബികോം/ബിഎസ്സി മാത്സ്/കന്പ്യൂട്ടർസയൻസ്/ബിസിഎ/ബിബിഎ. (വിദൂരവിദ്യാഭ്യാസം എസ്ഡിഇ) പരീക്ഷകൾ പ്രസിദ്ധീകരിച്ചിരിക്കുന്ന ടൈംടേബിൾ പ്രകാരം പരീക്ഷാസമയം രാവിലെ 9.30 മുതൽ 12.30 വരെ ആയിരുന്നത് ഉച്ചയ്ക്ക് 1.30 മുതൽ 4.30 വരെയായി പുനഃക്രമീകരിച്ചിരിക്കുന്നു.
എംബിഎ പ്രവേശനം തീയതി നീട്ടി
ഐഎംകെ, യുഐഎം എന്നിവിടങ്ങളിലെ എംബിഎ. പ്രവേശനത്തിനുളള ഓണ്ലൈൻ അപേക്ഷകൾ സ്വീകരിക്കുന്ന അവസാന തീയതി നീട്ടി. ഐഎംകെ പ്രവേശനത്തിന് സെപ്റ്റംബർ 13 വരെയും യുഐഎം പ്രവേശനത്തിന് സെപ്റ്റംബർ 20 വരെയും അഡ്മിഷൻ പോർട്ടൽ വഴി അപേക്ഷിക്കാം.