കണ്ണൂർ സർവകലാശാലയ്ക്കു കീഴിലുള്ള ആർട്സ് ആൻഡ് സയൻസ് കോളജുകളിൽ ബിരുദ, ബിരുദാനന്തര സീറ്റുകളുടെ എണ്ണത്തിൽ വർധനവ് ആവശ്യമുള്ള കോളജുകൾ അതിനുള്ള അപേക്ഷ പ്രിൻസിപ്പൽ മുഖേന പത്തിന് വൈകുന്നേരം അഞ്ചിനുമുന്പ് സർവകലാശാലയിൽ ലഭ്യമാകുന്ന വിധത്തിൽ
[email protected] എന്ന വിലാസത്തിൽ മെയിൽ ചെയ്യേണ്ടതാണ്.
പ്രസ്തുത സമയപരിധിക്കുശേഷം ലഭിക്കുന്ന അപേക്ഷകൾ യാതൊരു കാരണവശാലും സ്വീകരിക്കുന്നതല്ല. 2021 2022 അധ്യയനവർഷം മാർജിനൽ ഇൻക്രീസിന് നേരത്തേ അപേക്ഷിച്ചിരുന്ന വിഷയങ്ങൾക്ക് വീണ്ടും വർധനവ് ആവശ്യമാണെങ്കിൽ ഫീസ് അടയ്ക്കേണ്ടതില്ല. എയ്ഡഡ് /അൺ എയ്ഡഡ് കോളജുകൾ പുതുതായി മാർജിനൽ ഇൻക്രീസിന് അപേക്ഷിക്കുന്ന വിഷയങ്ങൾക്ക് കോഴ്സ് ഒന്നിന് 5000 രൂപവീതം ഫിനാൻസ് ഓഫീസർ, കണ്ണൂർയൂണിവേഴ്സിറ്റിഎന്നപേരിൽ (കണ്ണൂരിൽ മാറാവുന്ന) ഡിമാൻഡ് ഡ്രാഫ്റ്റായി ഫീസടച്ച് അപേക്ഷിക്കേണ്ടതാണ്.
ഗ്രേഡ് കാർഡ് വിതരണം കണ്ണൂർ സർവകലാശാല വിദൂര വിദ്യാഭ്യാസ വിഭാഗത്തിനു കീഴിൽ 2020 ഏപ്രിൽ രണ്ടാം വർഷ അഫ്സൽഉൽഉലമ പ്രിലിമിനറി (റഗുലർ/സപ്ലിമെന്ററി/ഇംപ്രൂവ്മെന്റ്) പരീക്ഷയെഴുതിയ വിദ്യാർഥികളുടെ ഗ്രേഡ് കാർഡുകൾ വിവിധ കേന്ദ്രങ്ങളിൽ വിതരണം ചെയ്യും.
ഹാൾടിക്കറ്റ് പത്തിന് ആരംഭിക്കുന്ന മൂന്നാം സെമസ്റ്റർ ബിഎ എൽഎൽബി റഗുലർ (നവംബർ 2020) പരീക്ഷകളുടെ ഹാൾടിക്കറ്റ് സർവകലാശാല വെബ്സൈറ്റിൽ ലഭ്യമാണ്. സപ്ലിമെന്ററി പരീക്ഷാർഥികൾ പഠനവകുപ്പിൽനിന്ന് ഹാൾടിക്കറ്റ് കൈപ്പറ്റേണ്ടതാണ്. ഹാൾടിക്കറ്റ് ലഭിക്കാത്തവർ ഇന്ന് സർവകലാശാലയുമായി ബന്ധപ്പെടണം.
പരീക്ഷാവിജ്ഞാപനം സർവകലാശാല പഠനവകുപ്പുകളിലെ എംഎ ട്രൈബൽ ആൻഡ് റൂറൽ സ്റ്റഡീസ് ഒഴികെയുള്ള ഒന്നാം സെമസ്റ്റർ പിജി നവംബർ 2020 റഗുലർ പരീക്ഷകൾക്ക് നാളെ മുതൽ 13 വരെ പിഴയില്ലാതെയും 15വരെ പിഴയോടുകൂടെയും അപേക്ഷിക്കാം. പരീക്ഷാവിജ്ഞാപനം സർവകലാശാല വെബ്സൈറ്റിൽ ലഭ്യമാണ്.
സ്വയം സാക്ഷ്യപ്പെടുത്താം ഒന്നാം സെമസ്റ്റർ ബിരുദ (നവംബർ 2020) പരീക്ഷകളുടെ ഹാൾടിക്കറ്റിൽ ഫോട്ടോ പതിച്ച് സ്വയം സാക്ഷ്യപ്പെടുത്താം. സ്വയം സാക്ഷ്യപ്പെടുത്തിയ ഹാൾടിക്കറ്റ് ഉപയോഗിക്കുന്നവർ ഫോട്ടോ പതിപ്പിച്ച സർക്കാർ അംഗീകൃത തിരിച്ചറിയൽ രേഖയുടെ അസൽ (ആധാർ/വോട്ടേഴ്സ് ഐഡി/ഡ്രൈവിംഗ് ലൈസൻസ്/പാൻ കാർഡ്) കരുതണം.
ഇന്റേണൽ മാർക്ക് ഒന്നാം സെമസ്റ്റർ ബിരുദ (നവംബർ 2020) പരീക്ഷകളുടെ ഇന്റേണൽ മാർക്ക് സമർപ്പിക്കുന്നതിനുള്ള ലിങ്ക് പത്തുമുതൽ 18 വരെ വെബ്സൈറ്റിൽ ലഭ്യമാകും.
പരീക്ഷാഫലം ഒന്നാം വർഷ എംഎ പൊളിറ്റിക്കൽ സയൻസ് സപ്ലിമെന്ററി (ജൂൺ 2020) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും 22ന് വൈകുന്നേരം അഞ്ചു വരെ ഓൺലൈനായി അപേക്ഷിക്കാം. മാർക്ക് ലിസ്റ്റുകൾ വിതരണം ചെയ്യുന്ന തീയതി പിന്നീട് അറിയിക്കും.
സർവകലാശാല പഠനവകുപ്പുകളിലെ നാലാം സെമസ്റ്റർ എംഎസ്സി ഫിസിക്സ്/കെമിസ്ട്രി/ജോഗ്രഫി, എംഎ ഹിസ്റ്ററി റഗുലർ/സപ്ലിമെന്ററി (മേയ് 2021) പരീക്ഷാഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും 20ന് വൈകുന്നേരം അഞ്ചുവരെ അപേക്ഷിക്കാം.
സെനറ്റ് യോഗം കണ്ണൂർ സർവകലാശാല സെനറ്റിന്റെ ഈ വർഷത്തെ രണ്ടാമത്തെ യോഗം ചൊവ്വാഴ്ച രാവിലെ പത്തിന് ഓൺലൈനായി നടക്കും.