യുജി ഒന്നാം അലോട്ട്മെന്റ് നിർദേശങ്ങൾ
കണ്ണൂർ സർവകലാശാലയുടെ 202122 അധ്യയനവർഷത്തെ ബിരുദ പ്രവേശനത്തിനുള്ള ഒന്നാം അലോട്ട്മെന്റ് www.admis sion.kannuruniversity.ac.in എന്ന വെബ്സൈറ്റിൽ പ്രസിദ്ധീകരിച്ചു. അപേക്ഷകർ ആപ്ലിക്കേഷൻ നമ്പറും പാസ്വേഡും ഉപയോഗിച്ച് ലോഗിൻ ചെയ്ത് തങ്ങളുടെ അലോട്ട്മെന്റ് പരിശോധിക്കേണ്ടതാണ്. അലോട്ട്മെന്റ് ലഭിച്ച വിദ്യാർഥികൾ 14 ന് വൈകുന്നേരം അഞ്ചിനകം അഡ്മിഷന് ഫീസ് ഓണ്ലൈനായി (എസ്ബിഐ ഇപേ) നിർബന്ധമായും അടയ്ക്കേണ്ടതാണ്. മറ്റുരീതികളിൽ ഫീസ് അടച്ചാൽ ഒരു കാരണവശാലും പരിഗണിക്കുന്നതല്ല. ഫീസടയ്ക്കാത്തവർക്ക് ലഭിച്ച അലോട്ട്മെന്റ് നഷ്ടമാകുകയും തുടർന്നുള്ള അലോട്ട്മെന്റ് പ്രക്രിയയിൽനിന്ന് പുറത്താകുകയും ചെയ്യും. അഡ്മിഷൻ ഫീസ് ജനറൽ വിഭാഗത്തിന് 830 രൂപയും എസ്സി എസ്ടി വിഭാഗത്തിന് 770 രൂപയുമാണ്.
അലോട്ട്മെന്റ് ലഭിച്ച വിദ്യാർഥികൾ പേ ഫീസ് ബട്ടണില് ക്ലിക്ക് ചെയ്താണ് ഫീസടയ്ക്കേണ്ടത്. വിദ്യാർഥികൾ ലോഗിന് ചെയ്ത് അഡ്മിഷന് ഫീസ് വിവരങ്ങള് അവരുടെ പ്രൊഫൈലില് വന്നിട്ടുണ്ടോയെന്ന് ഉറപ്പുവരുത്തേണ്ടതാണ്. അഡ്മിഷൻ ഫീസ് അടയ്ക്കാത്ത അപേക്ഷകരുടെ അലോട്ട്മെന്റ് റദ്ദാക്കുന്നതാണ്. ഇങ്ങനെയുള്ള വിദ്യാർഥികളെ യാതൊരുകാരണവശാലും അടുത്ത അലോട്ട്മെന്റിൽ പരിഗണിക്കുന്നതല്ല. അലോട്ട്മെന്റ് ലഭിച്ച വിദ്യാർഥികൾ തങ്ങൾക്കു ലഭിച്ച സീറ്റിൽ സംതൃപ്തരല്ലെങ്കിലും തുടർന്നുള്ള അലോട്ട്മെന്റുകളിൽ പരിഗണിക്കപ്പെടണമെന്നുണ്ടെങ്കിൽ അതിനായി അഡ്മിഷൻ ഫീസ് യഥാസമയം അടയ്ക്കേണ്ടതാണ്.
അലോട്ട്മെന്റ് ലഭിച്ച അപേക്ഷകർ തങ്ങൾക്കു ലഭിച്ച സീറ്റിൽ സംതൃപ്തരാണെങ്കിൽ അഡ്മിഷൻ ഫീസ് അടച്ചശേഷം അവരുടെ ഹയർ ഓപ്ഷനുകൾ 14ന് വൈകുന്നേരം അഞ്ചിനുള്ളിൽ നീക്കം ചെയ്യേണ്ടതാണ്. ഇപ്രകാരം സ്വന്തം ഇഷ്ടത്തിനനുസരിച്ച് റദ്ദ് ചെയ്ത ഹയർ ഓപ്ഷനുകൾ ഒരുകാരണവശാലും പുനഃസ്ഥാപിച്ചു കൊടുക്കുന്നതല്ല. ഹയർ ഓപ്ഷനുകൾ നിലനിർത്തുന്ന അപേക്ഷകരെ അടുത്ത അലോട്ട്മെന്റിൽ ആ ഓപ്ഷനുകളിലേക്ക് പരിഗണിക്കുന്നതും അവർ പുതിയ അലോട്ട്മെന്റ് നിർബന്ധമായും സ്വീകരിക്കേണ്ടതുമാണ്. രണ്ടും മൂന്നും അലോട്ട്മെന്റുകൾ 15, 20 തീയതികളിൽ നടക്കും.
കോളജ് പ്രവേശനം
ഒന്നാം അലോട്ട്മെന്റിനുശേഷം ഒഴിവുവരുന്ന സീറ്റുകളിലേക്ക് രണ്ടും മൂന്നും നാലും അലോട്ട്മെന്റുകൾ നടത്തുന്നതാണ്. ഒന്ന്, രണ്ട്, മൂന്ന്, നാല് അലോട്ട്മെന്റുകളിൽ അലോട്ട്മെന്റ് ലഭിക്കുന്ന വിദ്യാർഥികൾ നാലാം അലോട്ട്മെന്റിനുശേഷം മാത്രം അതത് കോളജുകളിൽ അഡ്മിഷനുവേണ്ടി ഹാജരാകേണ്ടതാണ്. (അഡ്മിഷൻ ഷെഡ്യൂൾ വെബ്സൈറ്റിൽ ലഭ്യമാണ്). അഡ്മിഷൻ ലഭിച്ചവർക്ക് കോളജുകളിൽ ഹാജരാക്കുന്നതിനുള്ള അലോട്ട്മെന്റ് മെമ്മോ നാലാം അലോട്ട്മെന്റിനുശേഷം മാത്രം വെബ്സൈറ്റിൽനിന്നു ലഭ്യമാകുന്നതാണ്. അലോട്ട്മെന്റ് മെമ്മോയോടൊപ്പം താഴെക്കൊടുത്തിരിക്കുന്ന രേഖകളും പ്രവേശനസമയത്ത് അതത് കോളജുകളിൽ ഹാജരാക്കേണ്ടതാണ്.
1 ഓൺലൈൻ അപേക്ഷയുടെ പ്രിന്റൗട്ട് 2. രജിസ്ട്രേഷൻ ഫീസ്, സർവകലാശാല ഫീസ് എന്നിവ ഓൺലൈനായി അടച്ച രസീതിന്റെ പ്രിന്റൗട്ട്, 3.യോഗ്യതാ പരീക്ഷയുടെ അസൽ മാർക്ക് ലിസ്റ്റ് 4.ജനനതീയതി തെളിയിക്കുന്നസർട്ടിഫിക്കറ്റ് 5.വിടുതൽ സർട്ടിഫിക്കറ്റ് 6.കോഴ്സ് ആൻഡ് കോണ്ടക്ട് സർട്ടിഫിക്കറ്റ്. 7. അസൽ കമ്യൂണിറ്റി/Caste/E WS വിഭാഗങ്ങളിലുള്ളവർക്കുള്ള സർട്ടിഫിക്കറ്റ് 8. അസൽ നോൺ ക്രീമിലെയർ സർട്ടിഫിക്കറ്റ് (SEBC വിഭാഗങ്ങൾക്ക്) 9. ഗ്രേസ് മാർക്ക് ലഭിക്കുന്നതിനാവശ്യമായ അസൽ സർട്ടിഫിക്കറ്റ് 10. HSE,VHSE,T HSE,CB SE,CISCE,NIOS, കേരള പ്ലസ് ടു തുല്യതാ പരീക്ഷ എന്നിവയൊഴികെ മറ്റു ബോർഡുകളിൽനിന്ന് യോഗ്യതാ പരീക്ഷ പാസായവർ കണ്ണൂർ സർവകലാശാലയുടെ Recognition Certificate ഹാജരാക്കേണ്ടതാണ്. 11.നേറ്റിവിറ്റി തെളിയിക്കുന്നതിനാവശ്യമായ ഏതെങ്കിലും രേഖ. 12.അപേക്ഷയിൽ കൊടുത്തിരിക്കുന്ന മറ്റ് ആനുകൂല്യങ്ങൾ തെളിയിക്കുന്നതിനുള്ള സർട്ടിഫിക്കറ്റ്.
ഫീസടച്ച വിവരങ്ങൾ അടങ്ങിയ പ്രിന്റൗട്ട്
ഓൺലൈൻ രജിസ്റ്റർ ചെയ്ത എല്ലാ വിദ്യാർഥികളും ഫീസടച്ചതിന്റെ വിവരങ്ങൾ അടങ്ങിയ പ്രിന്റൗട്ട് കൈവശം സൂക്ഷിക്കേണ്ടതാണ്. ഈ പ്രിന്റൗട്ട് അഡ്മിഷൻ സമയത്ത് നിർബന്ധമായും കോളജിൽ ഹാജരാക്കേണ്ടതാണ്. കൂടുതല് വിവരങ്ങള്ക്ക് www.admission.kannuruniversity.ac.in എന്ന വെബ് സൈറ്റ് സന്ദര്ശിക്കുക. ഹെൽപ്പ്ലൈൻ നമ്പറുകൾ:04972715261, 73569482 30. email id: ugsws@kannurun iv.ac.in
എംസിഎ ടൈംടേബിൾ
ഈ മാസം16ന് ആരംഭിക്കുന്ന സർവകലാശാല പഠനവകുപ്പുകളിലെ നാലാം സെമസ്റ്റർ എംസിഎ (റെഗുലർ/സപ്ലിമെന്ററി) മേയ് 2021 പരീക്ഷകളുടെ ടൈംടേബിൾ സർവകലാശാല വെബ്സൈറ്റിൽ പ്രസിദ്ധീകരിച്ചു.
28ന് ആരംഭിക്കുന്ന ഒന്നാംവർഷ അഫ്സൽ ഉൽ ഉലമ പ്രിലിമിനറി പ്രോഗ്രാമിന്റെ അഫിലിയേറ്റഡ് കോളജുകളിലെ റെഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷകളുടെയും വിദൂരവിദ്യാഭ്യാസ വിഭാഗം സപ്ലിമെന്ററി/ഇംപ്രൂവ്മെന്റ് പരീക്ഷകളുടെയും (ഏപ്രിൽ 2021) ടൈംടേബിൾ സർവകലാശാല വെബ്സൈറ്റിൽ പ്രസിദ്ധീകരിച്ചു.
ബിരുദ പരീക്ഷ പുനഃക്രമീകരിച്ചു
ഈ മാസം പത്തിനു നടത്താൻ നിശ്ചയിച്ചിരുന്ന ഒന്നാം സെമസ്റ്റർ ബിരുദ (റെഗുലർ/സപ്ലിമെന്ററി/ഇംപ്രൂവ്മെന്റ്നവംബർ 2020) പരീക്ഷകൾ 18ന് നടക്കുന്ന രീതിയിൽ പുനഃക്രമീകരിച്ചു. പരീക്ഷാസമയം രാവിലെ 11 മുതൽ ഉച്ചകഴിഞ്ഞ് രണ്ടുവരെ.
പുനർമൂല്യനിർണയഫലം
രണ്ടാം സെമസ്റ്റർ എംകോം (ഏപ്രിൽ 2020) പരീക്ഷയുടെ പുനർമൂല്യനിർണയ ഫലം സർവകലാശാല വെബ്സൈറ്റിൽ പ്രസിദ്ധീകരിച്ചു.
പ്രോജക്ട് മൂല്യനിർണയം/ ജനറൽ വൈവ
ആറാം സെമസ്റ്റർ എംസിഎ /എംസിഎ ലാറ്ററൽ എൻട്രി ഡിഗ്രി (സിബിഎസ്എസ്റഗുലർ /സപ്ലിമെന്ററി /ഇംപ്രൂവ്മെന്റ്മേയ് 2021 ) യുടെ പ്രോജക്ട് മൂല്യ നിർണയം /ജനറൽ വൈവ എന്നിവ ചുവടെ യഥാക്രമം സൂചിപ്പിക്കുന്ന തീയതികളിൽ രാവിലെ പത്തുമുതൽ ഓൺലൈനായി നടത്തും. രജിസ്റ്റർ ചെയ്ത വിദ്യാർഥികൾ അതത് കേന്ദ്രവുമായി ബന്ധപ്പെടേണ്ടതാണ്. പരീക്ഷാ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്. 1.ചിന്മയ ഇൻസ്റ്റിറ്റ്യൂട്ട് ഓഫ് ടെക്നോളജി, ചാല13, 15. 2. ഡോൺ ബോസ്കോ കോളജ്, അങ്ങാടിക്കടവ്13,15. 3.ഐടി എഡ്യൂക്കേഷൻ സെന്റർ, പാലയാട്14,