ബിരുദപ്രവേശനം രണ്ടാം അലോട്ട്‌മെന്‍റ് പ്രസിധീകരിച്ചു
202122 വര്‍ഷത്തെ ബിരുദപ്രവേശനം രണ്ടാം അലോട്ട്‌മെന്‍റ് പ്രസിധീകരിച്ചു. അലോട്ട്‌മെന്‍റ് ലഭിച്ച എസ്‌സി, എസ്ടി വിഭാഗത്തില്‍പ്പെട്ടവര്‍ 115 രൂപയും മറ്റുള്ളവര്‍ 480 രൂപയും 17ന് വൈകുന്നേരം അഞ്ചിനകം മാന്‍റേറ്ററി ഫീസ് അടച്ച് കോളജില്‍ റിപ്പോര്‍ട്ട് ചെയ്ത് അലോട്ട്‌മെന്‍റ് ഉറപ്പാക്കണം. ഒന്നും രണ്ടും അലോട്ട്‌മെന്‍റ് ലഭിച്ച് മാന്‍റേറ്ററി ഫീസടച്ചവര്‍ നിര്‍ബന്ധമായും സ്ഥിരം/താത്കാലിക പ്രവേശനം നേടേണ്ടതാണ്.
ലഭിച്ച ഓപ്ഷനില്‍ തൃപ്തരായവര്‍ ഹയര്‍ഓപ്ഷന്‍ റദ്ദാക്കണം. നിലനിര്‍ത്തുന്ന പക്ഷം പിന്നീട് വരുന്ന അലോട്ട്‌മെന്‍റ് നിര്‍ബന്ധമായും സ്വീകരിക്കേണ്ടതും നിലവിലുള്ളഅലോട്ട്‌മെന്‍റ് നഷ്ടപ്പെടുന്നതുമാണ്. താത്ക്കാലിക പ്രവേശനം നേടുന്നവര്‍ കോളജുകളില്‍ ഫീസടയ്‌ക്കേണ്ടതില്ല. അപേക്ഷയില്‍ തിരുത്തലിന് 15 മുതല്‍ 16ന് വൈകുന്നേരം അഞ്ച് വരെ അവസരമുണ്ട്. വിശദവിവരങ്ങള്‍ വെബ്‌സൈറ്റില്‍ (admission.uoc.a c.in).
ഹയര്‍ എഡ്യുക്കേഷന്‍ ഡീന്‍ (ലക്ഷദ്വീപ്) അപേക്ഷ ക്ഷണിച്ചു
കാലിക്കട്ട് സര്‍വകലാശാലാ ഹയര്‍ എഡ്യുക്കേഷന്‍ ഡീന്‍ (ലക്ഷദ്വീപ്) തസ്തികയിലേക്ക് കരാര്‍ നിയമനത്തിനായി പാനല്‍ തയാറാക്കുന്നതിന് യോഗ്യരായവരില്‍ നിന്നും അപേക്ഷ ക്ഷണിച്ചു. ഓണ്‍ലൈന്‍ അപേക്ഷ സമര്‍പ്പിക്കേണ്ട അവസാനതീയതി 25 ആണ്. 55 ശതമനം മാര്‍ക്കില്‍ കുറയാത്ത പിജിയോ തത്തുല്യയോഗ്യതയോടൊപ്പം, 15 വര്‍ഷത്തെ ലക്ചറർ, സീനിയര്‍ സ്‌കെയില്‍ ലക്ചറര്‍ തത്തുല്യയോഗ്യതയും അല്ലെങ്കില്‍ എട്ട് വര്‍ഷത്തെ റീഡർ/തത്തുല്യ യോഗ്യതയും എഡ്യുക്കേഷന്‍ അഡ്മിനിസ്‌ട്രേഷനില്‍ അഞ്ചു വര്‍ഷത്തെ പ്രവൃത്തി പരിചയവുമുള്ളവര്‍ക്ക് അപേക്ഷിക്കാം. സര്‍വീസില്‍ നിന്ന് വിരമിച്ചവര്‍ക്കും അപേക്ഷിക്കാം. മുഴുവന്‍ സമയവും കവറത്തിയില്‍ ക്യാമ്പ് ചെയ്യണം. 85470 രൂപയാണ് പ്രതിമാസ ശമ്പളം. പ്രായപരിധി 65 വയസ്. വിശദവിവരങ്ങള്‍ സര്‍വകലാശാലാ വെബ്‌സൈറ്റില്‍.