കണ്ണൂർ സർവകലാശാലയുടെ കീഴിലുള്ള വിവിധ പഠനവകുപ്പുകളിലും അംഗീകൃത ഗവേഷണ കേന്ദ്രങ്ങളിലും 202122 വർഷത്തിലെ പിഎച്ച്ഡി പ്രവേശനത്തിനായി അർഹരായവരിൽനിന്ന് അപേക്ഷ ക്ഷണിച്ചു. ഒക്ടോബർ 11 വരെ സർവകലാശാല വെബ്സൈറ്റിൽ
(www.kannuruniversity.ac.in) ഓൺലൈനായി രജിസ്റ്റർ ചെയ്യാം. ഓൺലൈൻ അപേക്ഷയുടെ പ്രിന്റൗട്ടും അനുബന്ധ രേഖകളും ഡയറക്ടർ, റിസർച്ച് ഡയറക്ടറേറ്റ്, കണ്ണൂർ സർവകലാശാല, താവക്കര കാന്പസ്, കണ്ണൂർ, 670002 എന്ന വിലാസത്തിൽ 15ന് വൈകുന്നേരം അഞ്ചിനുമുന്പ് ലഭിക്കണം. കൂടുതൽ വിവരങ്ങൾക്ക് സർവകലാശാല വെബ്സൈറ്റ് സന്ദർശിക്കുക.
പിജി പ്രവേശനം : ട്രയൽ അലോട്ട്മെന്റ് പ്രസിദ്ധീകരിച്ചു കണ്ണൂർ സർവകലാശാലയുടെ കീഴിലുള്ള അഫിലിയേറ്റഡ് കോളജുകളിലേക്കുള്ള 202122 അധ്യയന വർഷത്തെ പിജി പ്രവേശനത്തിന്റെ ട്രയൽ അലോട്ട്മെന്റ് പ്രസിദ്ധീകരിച്ചു. അപേക്ഷകർക്ക് ലോഗിൻ ചെയ്തു അലോട്ട്മെന്റ് വിവരങ്ങൾ അറിയാനാകും. അപേക്ഷയിലെ പിഴവുകൾ തിരുത്താനും ഓപ്ഷൻ മാറ്റാനും 29ന് വൈകുന്നേരം അഞ്ചുവരെ അവസരമുണ്ട്. അപേക്ഷയിലെ പേര്, ജനനതീയതി എന്നിവയിലെ പിഴവുകൾ തിരുത്താൻ ആപ്ലിക്കേഷൻ നമ്പറും ആവശ്യമായ രേഖകളും സഹിതം
[email protected] എന്ന ഇമെയിലിലേക്കു അപേക്ഷ സമർപ്പിക്കണം. 29ന് വൈകുന്നേരം അഞ്ചിനുശേഷം ലഭിക്കുന്ന അപേക്ഷകൾ യാതൊരുകാരണവശാലും പരിഗണിക്കുന്നതല്ല. ഹെൽപ്പ് ലൈൻ നമ്പറുകൾ : 04972715261,7356948230 email Id:
[email protected]
സീറ്റൊഴിവ് കണ്ണൂർ സർവകലാശാല താവക്കര കാമ്പസിൽ പ്രവർത്തിക്കുന്ന ലൈബ്രറി ആൻഡ് ഇൻഫർമേഷൻ സയൻസ് പഠനവകുപ്പിൽ മാസ്റ്റർ ഓഫ് ലൈബ്രറി ആൻഡ് ഇൻഫർമേഷൻ സയൻസ് കോഴ്സിന് പട്ടിക വർഗ വിഭാഗത്തിനായി സംവരണം ചെയ്ത ഒരു സീറ്റ് ഒഴിവുണ്ട്. ഏതെങ്കിലും വിഷയത്തിലുള്ള ബിരുദമാണ് യോഗ്യത. താത്പര്യമുള്ളവർ യോഗ്യത, ജാതി എന്നിവ തെളിയിക്കുന്ന അസൽ സർട്ടിഫിക്കറ്റുകളുമായി 28ന് രാവിലെ 10.30 ന് വകുപ്പ് മേധാവിക്ക് മുന്പാകെ ഹാജരാകണം. ഫോൺ: 9895649188.
കണ്ണൂർ സർവകലാശാലയുടെ നീലേശ്വരം പാലാത്തടം ഡോ.പി.കെ.രാജൻ മെമ്മോറിയൽ കാമ്പസിലെ എംഎസ്സി മോളിക്യുലർ ബയോളജി കോഴ്സിലേക്ക് പട്ടികവർഗ വിഭാഗത്തിനായി സംവരണം ചെയ്തിട്ടുള്ള ഒരു സീറ്റ് ഒഴിവുണ്ട്. യോഗ്യരായ വിദ്യാർഥികൾ 28 ന് ഉച്ചയ്ക്ക് 12 ന് അസൽ സർട്ടിഫിക്കറ്റുകൾ സഹിതം ഡിപ്പാർട്ട്മെന്റിൽ ഹാജരാകണം. ഫോൺ: 9663749475, 04672284256.
എൻആർഐ സീറ്റൊഴിവ് മാങ്ങാട്ടുപറമ്പ് കാമ്പസിലെ ഡിപ്പാർട്ട്മെന്റ് ഓഫ് എൻവയോൺമെന്റൽ സ്റ്റഡീസിൽ എംഎസ്സി എൻവയോൺമെന്റ് പ്രോഗ്രാമിന് മൂന്ന് എൻആർഐ സീറ്റുകൾ ഒഴിവുണ്ട്. താത്പര്യമുള്ളവർ 29ന് മുന്പായി ഓഫീസിൽ അപേക്ഷ സമർപ്പിക്കണം. ഫോൺ:8301862652,9847081677.
ഇന്റേണൽ മാർക്ക് സമർപ്പണം അഫിലിയേറ്റഡ് കോളജുകളിലെ ഒന്നാം സെമസ്റ്റർ പിജി (ഒക്ടോബർ 2020) പരീക്ഷകളുടെ ഇന്റേണൽ അസസ്മെന്റ് മാർക്ക് 29മുതൽ ഒക്ടോബർ എട്ടുവരെ (വൈകുന്നേരം അഞ്ചുവരെ) സമർപ്പിക്കാം.