ബിരുദ പ്രവേശനം 2021 : ഒന്നാം സ്പെഷൽ സപ്ലിമെന്ററി അലോട്ട്മെന്റ് പ്രസിദ്ധീകരിച്ചു, പ്രവേശനം ഇന്നു മുതൽ 28 വരെ
ഒന്നാം വർഷ ബിരുദ പ്രവേശനത്തിനായുള്ള ഒന്നാം സ്പെഷൽ സപ്ലിമെന്ററി അലോട്ട്മെന്റ് പ്രസിദ്ധീകരിച്ചു. വിദ്യാർഥിയുടെ പ്രൊഫൈലിൽ ലോഗിൻ ചെയ്ത് അലോട്ട്മെന്റ് പരിശോധിക്കാം. പുതിയതായി അലോട്ട്മെന്റ് ലഭിച്ചവർ ഓണ്ലൈനായി ഫീസ് അടച്ച് അലോട്ട്മെന്റ് മെമ്മോ ഡൗണ്ലോഡ് ചെയ്യുക. നിലവിൽ ഏതെങ്കിലും കോളജിൽ അഡ്മിഷൻ എടുത്ത് സപ്ലിമെന്ററി അലോട്ട്മെന്റ് ഓപ്ഷൻ നൽകിയവർ പുതിയ അലോട്ട്മെന്റ് ലഭിക്കുകയാണെങ്കിൽ പ്രൊഫൈലിൽ നിന്നും അലോട്ട്മെന്റ് മെമ്മോ ഡൗണ്ലോഡ് ചെയ്യണം.
ഇന്നു മുതൽ 28 വരെയാണ് അഡ്മിഷൻ എടുക്കേണ്ടത്. കോളജിൽ പോയി അഡ്മിഷൻ എടുക്കേണ്ട തീയതിയും സമയവും അലോട്ട്മെന്റ് മെമ്മോയിൽ നൽകിയിട്ടുണ്ട്. അലോട്ട്മെന്റ് ലഭിച്ചവർ മെമ്മോയിൽ പറഞ്ഞിരിക്കുന്ന സമയത്ത് തന്നെ ആവശ്യമായ രേഖകളുടെ ഒറിജിനൽ സഹിതം കോളജിൽ ഹാജരായി അഡ്മിഷൻ എടുക്കണം. ഏതെങ്കിലും കാരണത്താൽ നിശ്ചിത തീയതിയിലോ സമയത്തോ അഡ്മിഷൻ എടുക്കാൻ സാധിക്കാത്തവർ അതതു കോളജിലെ പ്രിൻസിപ്പാളുമായി ബന്ധപ്പെട്ട് 28 നുള്ളിൽ അഡ്മിഷൻ എടുക്കണം.
നിലവിൽ ഏതെങ്കിലും കോളജിൽ അഡ്മിഷൻ എടുത്ത് സപ്ലിമെന്ററി അലോട്ട്മെന്റ് ഓപ്ഷൻ നൽകിയവർ പുതിയ അലോട്ട്മെന്റ് ലഭിക്കുകയാണെങ്കിൽ, നിലവിൽ അഡ്മിഷൻ ലഭിച്ച കോളജിൽ നിന്നും ടിസിയും മറ്റു സർട്ടിഫിക്കറ്റുകളും വാങ്ങി പുതിയതായി അലോട്ട്മെന്റ് ലഭിച്ച കോളജിൽ നിർബന്ധമായും അഡ്മിഷൻ എടുക്കണം. അവർക്ക്, മുൻപ് എടുത്ത ഓപ്ഷനിൽ തുടരാൻ സാധിക്കില്ല. 28 ന് മുൻപ് പുതിയ അലോട്ട്മെന്റിൽ അഡ്മിഷൻ നേടിയില്ലെങ്കിൽ അലോട്ട്മെന്റ് ക്യാൻസൽ ആകുന്നതും അലോട്ട്മെന്റ് നടപടിയിൽ നിന്നും പുറത്താകുന്നതുമാണ്.
പുതിയതായി അലോട്ട്മെന്റ് ലഭിക്കുന്നവർ കോളജിലെ നിശ്ചിത ഫീസ് അടച്ച് നിർബന്ധമായും Permanent Admission എടുക്കണം. എല്ലാ സർട്ടിഫിക്കറ്റുകളുടേയും അസൽ (including T.C.) കോളജിൽ സമർപ്പിക്കണം. Permanent അഡ്മിഷൻ എടുക്കുന്നതിന് വിദ്യാർഥികൾ നേരിട്ട് കോളജിൽ ഹാജരാകേണ്ടതാണ് എന്ന കാര്യം ശ്രദ്ധിക്കുക.
കൂടുതൽ വിവരങ്ങൾക്ക് എന്ന വെബ്സൈറ്റ് സന്ദർശിക്കുക
പരീക്ഷാഫലം
2021 ജൂണിൽ നടത്തിയ എംബിഎ (ജനറൽ), എംബിഎ (ടൂറിസം) 2019 2021 ബാച്ച് (സിഎസ്എസ്) പരീക്ഷാഫലം പ്രസിദ്ധീകരിച്ചു.
വിദൂരവിദ്യാഭ്യാസകേന്ദ്രം 2021 ഫെബ്രുവരിയിൽ നടത്തിയ മൂന്നും നാലും സെമസ്റ്റർ എംഎസ്സി മാത്തമാറ്റിക്സ് പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനും നവംബർ 11 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
വിദൂരവിദ്യാഭ്യാസപഠനകേന്ദ്രം 2021 ജനുവരിയിൽ നടത്തിയ മൂന്നും നാലും സെമസ്റ്റർ എംഎ ഹിന്ദി (2018 അഡ്മിഷൻ/സപ്ലിമെന്ററി 2017 അഡ്മിഷൻ) പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനും നവംബർ 11 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
പുതുക്കിയ പരീക്ഷാത്തീയതി
27 ന് നടത്താനിരുന്ന അഞ്ചാം സെമസ്റ്റർ ഇന്റഗ്രേറ്റഡ് പഞ്ചവത്സര ബിഎ എൽഎൽബി/ ബികോം എൽഎൽബി/ ബിബിഎ എൽഎൽബി പരീക്ഷകൾ നവംബർ മൂന്നിലേക്ക് പുനഃക്രമീകരിച്ചിരിക്കുന്നു. വിശദമായ ടൈംടേബിൾ വെബ്സൈറ്റിൽ.
സർവകലാശാല മെറിറ്റ് സ്കോളർഷിപ്പ് സാധ്യതാലിസ്റ്റ് പ്രസിദ്ധീകരിച്ചു
2018 19 വർഷത്തെ വിവിധ ബിരുദാനന്തരബിരുദ കോഴ്സുകളിൽ സർവകലാശാല മെറിറ്റ് സ്കോളർഷിപ്പിന് അർഹരായ വിദ്യാർഥികളുടെ സാധ്യാതാലിസ്റ്റ് സർവകലാശാല വെബ്സൈറ്റിൽ പ്രസിദ്ധീകരിച്ചു. പരാതികളുള്ളവർ നവംബർ 30 നകം പ്രിൻസിപ്പൽ മുഖാന്തരം സർവകലാശാലയിൽ അറിയിക്കണം. നവംബർ 30 നു ശേഷം ലഭിക്കുന്ന പരാതികൾ പരിഗണിക്കുന്നതല്ല. സാധ്യതാലിസ്റ്റിൽ ഉൾപ്പെട്ടതുകൊണ്ടു മാത്രം സ്കോളർഷിപ്പ് ലഭിക്കുന്നതിന് അർഹത ഉണ്ടായിരിക്കുന്നതല്ല.
സ്പോർട്സ് സ്കോളർഷിപ്പ്
സൗത്ത് സോണ്/ ഓൾ ഇന്ത്യാ അന്തർ സർവകലാശാല മത്സരങ്ങളിൽ കേരള സർവകലാശാലയെ പ്രതിനിധീകരിച്ചു പങ്കെടുത്ത് മെഡൽ കരസ്ഥമാക്കിയ കായികതാരങ്ങൾക്കുള്ള 2017 18, 2018 19 & 2019 20 അധ്യയന വർഷങ്ങളിലെ കേരളസർവകലാശാല സ്പോർട്സ് സ്കോളർഷിപ്പ് തുക കൈപ്പറ്റാൻ കഴിയാത്ത സ്പോർട്സ് സ്കോളർഷിപ്പിന് അർഹരായിട്ടുള്ളവർ 25നകം ഡിപ്പാർട്ട്മെന്റ് ഓഫ് ഫിസിക്കൽ എഡ്യുക്കേഷൻ ഓഫീസിൽ നേരിട്ട് ഹാജരായി സ്കോളർഷിപ്പ് തുക കൈപ്പറ്റണമെന്ന് അറിയിച്ചിരുന്നു.
ഇനിയും സ്കോളർഷിപ്പ് തുക കൈപ്പറ്റാൻ കഴിയാത്ത സ്പോർട്സ് സ്കോളർഷിപ്പിന് അർഹരായിട്ടുളളവർ നവംബർ ഏഴിനകം നിർബന്ധമായും ഒറിജിനൽ ആധാർ കാർഡ്, ഗസറ്റഡ് ഉദ്യോഗസ്ഥൻ സാക്ഷ്യപ്പെടുത്തിയ ആധാറിന്റെ പകർപ്പ്, സ്പോർട്സ് സർട്ടിഫിക്കറ്റിന്റെ പകർപ്പ് ഇവ സഹിതം ജി.വി.രാജാ പവലിയനിൽ സ്ഥിതിചെയ്യുന്ന ഡിപ്പാർട്ടമെന്റ് ഓഫ് ഫിസിക്കൽ എഡ്യൂക്കേഷൻ ഓഫീസിൽ നേരിട്ട് ഹാജരായി സ്കോളർഷിപ്പ് തുക കൈപ്പറ്റണം. നേരിട്ട് ഹാജരാകാൻ കഴിയാത്തവർ അധികാരപ്പെടുത്തിയ വ്യക്തിയുടെ ഒറിജിനൽ ആധാർ കാർഡും, ഗസറ്റഡ് ഉദ്യോഗസ്ഥൻ സാക്ഷ്യപ്പെടുത്തിയ ആധാർ കാർഡിന്റെ പകർപ്പും, കായികതാരത്തിന്റെ ഗസറ്റഡ് ഉദ്യോഗസ്ഥൻ സാക്ഷ്യപ്പെടുത്തിയ ആധാറിന്റെ പകർപ്പ്, സ്പോർട്സ് സർട്ടിഫിക്കറ്റിന്റെ ഒറിജിനൽ അഥവാ പ്രിൻസിപ്പൽ സാക്ഷ്യപ്പെടുത്തിയ സ്പോർട്സ് സർട്ടിഫിക്കറ്റിന്റെ പകർപ്പും, അധികാരപ്പെടുത്തിയ രേഖ എന്നിവ സമർപ്പിച്ച് തുക കൈപ്പറ്റാം. നിശ്ചിത തീയതിക്കുള്ളിൽ കൈപ്പറ്റാത്ത സ്കോളർഷിപ്പ് തുക സർവകലാശാല ഫണ്ടിലേക്ക് തിരിച്ചടയ്ക്കും. അതിനുശേഷം കുട്ടികൾക്ക് മേൽ സൂചിപ്പിച്ച കാലയളവിൽ സ്കോളർഷിപ്പിന് യാതൊരുവിധ ക്ലെയിം ഉണ്ടായിരിക്കുന്നതല്ല.