ഒന്നാം വർഷ ബിഎഡ് പ്രവേശനം 2021: ട്രയൽ അലോട്ട്മെന്റ് പ്രസിദ്ധീകരിച്ചു
202122 അധ്യയന വർഷത്തിലെ ബിഎഡ് കോഴ്സുകളിലേയ്ക്ക് പ്രവേശനത്തിനുള്ള ട്രയൽ അലോട്ട്മെന്റ് വെബ്സൈറ്റിൽ (http://admissions.keralauniversity.ac.in) പ്രസിദ്ധപ്പെടുത്തി.
ട്രയൽ അലോട്ട്മെന്റ് പരിശോധിച്ചതിനുശേഷം വിദ്യാർഥികൾക്ക് ഓപ്ഷനുകൾ ചേർക്കുന്നതിനും പുനഃക്രമീകരിക്കുന്നതിനും 30 വരെ സമയം ഉണ്ട്. മാറ്റങ്ങൾ വരുത്തുന്നവർ പുതിയ പ്രിന്റൗട്ടെടുത്ത് തുടർ ആവശ്യങ്ങൾക്കായി സൂക്ഷിക്കണം.
ട്രയൽ അലോട്ട്മെന്റ് കഴിഞ്ഞ് വിദ്യാർഥികൾ ഓപ്ഷനുകളിൽ മാറ്റങ്ങൾ വരുത്തുന്നതിനാൽ ട്രയൽ അലോട്ട്മെന്റിൽ ലഭിച്ച കോളജുകൾക്കും കോഴ്സുകൾക്കും മാറ്റം വരുവാൻ സാധ്യതയുണ്ട്. ഓണ്ലൈൻ അപേക്ഷയുടെ പ്രിന്റൗട്ട് സർവകലാശാലയിലേക്ക് അയയ്ക്കേണ്ടതില്ല.
പ്രാക്ടിക്കൽ പുതുക്കിയ പരീക്ഷാത്തീയതി
2021 ഒക്ടോബർ 18 മുതൽ നടത്താൻ നിശ്ചയിച്ചിരുന്ന മൂന്നാം സെമസ്റ്റർ ബാച്ചിലർ ഓഫ് ഹോട്ടൽ മാനേജ്മെന്റ് ആൻഡ് കാറ്ററിംഗ് ടെക്നോളജിയുടെ പ്രാക്ടിക്കൽ പരീക്ഷ 29 ലേക്ക് പുനഃക്രമീകരിച്ചു. പരീക്ഷാകേന്ദ്രത്തിനും സമയത്തിനും മാറ്റമില്ല.
2021 മേയിൽ നടത്തിയ നാലാം സെമസ്റ്റർ കരിയർ റിലേറ്റഡ് സിബിസിഎസ് ബിഎസ്സി എൻവയോണ്മെന്റൽ സയൻസ് ആൻഡ് എൻവയോണ്മെന്റ് ആൻഡ് വാട്ടർ മാനേജ്മെന്റ് പ്രോഗ്രാമിന്റെ 20, 21, 22 തീയതികളിൽ നടത്താൻ നിശ്ചയിച്ചിരുന്ന പ്രാക്ടിക്കൽ പരീക്ഷ യഥാക്രമം 28, നവംബർ ഒന്ന്, മൂന്ന് തീയതികളിൽ ബന്ധപ്പെട്ട പരീക്ഷാകേന്ദ്രത്തിൽ നടത്തും. വിശദവിവരങ്ങൾ വെബ്സൈറ്റിൽ.
പ്രാക്ടിക്കൽ
ഒക്ടോബർ 21, 22 തീയതികളിൽ നടത്താൻ നിശ്ചയിച്ചിരുന്ന നാലാം സെമസ്റ്റർ ബികോം കൊമേഴ്സ് ആൻഡ് ഹോട്ടൽ മാനേജ്മെന്റ് ആൻഡ് കാറ്ററിംഗ് പ്രാക്ടിക്കൽ പരീക്ഷകൾ യഥാക്രമം 28, 29 തീയതികളിൽ നടത്തും.
ഒക്ടോബർ 21, 22 തീയതികളിൽ നടത്താനിരുന്ന മൂന്നാം സെമസ്റ്റർ സിബിസിഎസ് ബികോം കന്പ്യൂട്ടർ പ്രാക്ടിക്കൽ (എഫ്ഡിപി) (റെഗുലർ 2019 അഡ്മിഷൻ, ഇംപ്രൂവ്മെന്റ് 2018 അഡ്മിഷൻ, സപ്ലിമെന്ററി 2015, 2016 & 2017 അഡ്മിഷൻ, മേഴ്സിചാൻസ് 2013 അഡ്മിഷൻ) പരീക്ഷകൾ യഥാക്രമം 28, 29 തീയതികളിൽ നടത്തും. ഇതിൽ ഉൾപ്പെട്ട പനച്ചമൂട് വൈറ്റ് മെമ്മോറിയൽ കോളജിലെ പ്രാക്ടിക്കൽ പരീക്ഷ 28നും കാട്ടാക്കട ക്രിസ്റ്റ്യൻ കോളജിലെ പ്രാക്ടിക്കൽ പരീക്ഷ നവംബർ ഒന്നിനും നടത്തും.
പരീക്ഷാഫീസ്
നവംബർ 15 ന് ആരംഭിക്കുന്ന എട്ടാം സെമസ്റ്റർ നവംബർ 29 ന് ആരംഭിക്കുന്ന ആറാം സെമസ്റ്റർ ബികോം (ഹിയറിംഗ് ഇംപയേർഡ്) & ബി.എസ്സി. (ഹിയറിംഗ് ഇംപയേർഡ്) പരീക്ഷകൾക്ക് ഓണ്ലൈനായി അപേക്ഷിക്കാം. പിഴകൂടാതെ നവംബർ ഒന്നു വരെയും 150 രൂപ പിഴയോടെ നവംബർ അഞ്ച് വരെയും 400 രൂപ പിഴയോടെ നവംബർ ഒന്പതുവരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
നവംബറിൽ നടത്തുന്ന രണ്ടാം സെമസ്റ്റർ എംഎ/ എംഎസ്സി/ എംകോം/ എംപിഎ/ എംഎംസിജെ (റെഗുലർ, സപ്ലിമെന്ററി) പരീക്ഷകളുടെ രജിസ്ട്രേഷൻ തീയതി നീട്ടി. പിഴകൂടാതെ 28 വരെയും 150 രൂപ പിഴയോടെ 30 വരെയും 400 രൂപ പിഴയോടെ നവംബർ രണ്ടുവരെയും അപേക്ഷിക്കാം.
സൂക്ഷ്മപരിശോധന
2020 ഡിസംബറിൽ നടത്തിയ ഇന്റഗ്രേറ്റഡ് ബിഎ/ ബികോം/ ബിബിഎ എൽഎൽബി ആറാം സെമസ്റ്റർ പരീക്ഷയുടെ സൂക്ഷ്മപരിശോധനയ്ക്ക് അപേക്ഷ സമർപ്പിച്ചിട്ടുള്ള വിദ്യാർഥികൾ ഫോട്ടോ പതിച്ച തിരിച്ചറിയൽ കാർഡും പ്രസ്തുത പരീക്ഷയുടെ ഹാൾടിക്കറ്റുമായി 27, 28, 29 തീയതികളിൽ (ഇ.ജെ. പത്ത്) സെക്ഷനിൽ എത്തിച്ചേരണം.
ഒന്നാം സെമസ്റ്റർ ബിഎസ്സി (സിബിസിഎസ്എസ്) നവംബർ 2019, രണ്ടാം സെമസ്റ്റർ ബിഎസ്സി (സിബിസിഎസ്എസ്) മെയ് 2020 എന്നീ പരീക്ഷകളുടെ സൂക്ഷ്മപരിശോധനയ്ക്ക് അപേക്ഷ സമർപ്പിച്ചിട്ടുള്ള വിദ്യാർഥികൾ ഫോട്ടോ പതിച്ച ഐഡി കാർഡും ഹാൾടിക്കറ്റുമായി റീവാല്യുവേഷൻ സെക്ഷനിൽ (ഇ.ജെ രണ്ട്) സെക്ഷനിൽ 27 മുതൽ നവംബർ ഒന്നുവരെയുളഅള പ്രവൃത്തി ദിനങ്ങളിൽ ഹാജരാകണം.
മാർക്ക് ലിസ്റ്റ് കൈപ്പറ്റാം
2021 ഫെബ്രുവരിയിൽ നടത്തിയ ഒന്നും രണ്ടും വർഷ എംഎ ഹിന്ദി, മ്യൂസിക്, രണ്ടാം വർഷ എംഎ ഫിലോസഫി, അറബിക് (വിദൂരവിദ്യാഭ്യാസം) സപ്ലിമെന്ററി ഡിഗ്രി പരീക്ഷകളുടെ മാർക്ക് ലിസ്റ്റുകൾ പരീക്ഷാർഥികൾ പാളയം സർവകലാശാല ഓഫീസിലെ (ഇ.ജി. പത്ത്) സെക്ഷനിൽ നിന്നും കൈപ്പറ്റണം.
വിദൂരവിദ്യാഭ്യാസം സ്റ്റഡി മെറ്റീരിയൽസ് കൈപ്പറ്റാം
മൂന്നും നാലും സെമസ്റ്റർ പി.ജി. പ്രോഗ്രാമുകളുടെ 2019 അഡ്മിഷൻ സ്റ്റഡി മെറ്റീരിയലുകൾ 27, 28 തീയതികളിൽ കാര്യവട്ടം കാന്പസിലെ വിദൂര വിദ്യാഭ്യാസ വിഭാഗം ഓഫീസിൽ നിന്ന് നേരിട്ട് കൈപ്പറ്റാം.
സിഎസിഇഇ വിവിധ കോഴ്സുകൾക്ക് അപേക്ഷിക്കാനുള്ള തീയതി നീട്ടി
തുടർവിദ്യാഭ്യാസവ്യാപനകേന്ദ്രം നടത്തുന്ന സർട്ടിഫിക്കറ്റ് ഇൻ കന്പ്യൂട്ടറൈസ്ഡ് അക്കൗണ്ടിംഗ് കോഴ്സ്, സർട്ടിഫിക്കറ്റ് ഇൻ കമ്മ്യൂണിക്കേറ്റീവ് ഇംഗ്ലീഷ് ആൻഡ് പബ്ലിക് സ്പീക്കിംഗ് കോഴ്സ്, യോഗ്യത: പ്ലസ്ടു/പ്രീഡിഗ്രി, കോഴ്സ് കാലാവധി: നാലു മാസം, കോഴ്സ്ഫീസ്: 5,000/, അപേക്ഷാഫീസ്: 100/, ടീച്ചേഴ്സ് ട്രെയിനിംഗ് കോഴ്സ് ഇൻ യോഗാ ആൻഡ് മെഡിറ്റേഷൻ കോഴ്സ്, യോഗ്യത: പ്ലസ്ടു/പ്രീഡിഗ്രി, കോഴ്സ് കാലാവധി: ആറ് മാസം, കോഴ്സ്ഫീസ്: 15,000/, അപേക്ഷാഫീസ്: 100/, ക്ലാസുകൾ: തിങ്കൾ മുതൽ വെള്ളിവരെ (വൈകുന്നേരം അഞ്ച് മുതൽ ഏഴ്വരെ).
കോഴ്സുകൾക്ക് നവംബർ 15 വരെ അപേക്ഷിക്കാം. ഉയർന്ന പ്രായപരിധി ഇല്ല. വിശദവിവരങ്ങൾക്ക് സിഎസിഇഇ ഓഫീസുമായി ബന്ധപ്പെടുക. ഫോണ്: 0471 2302523