പിജി പ്രവേശനം ഒന്നാം അലോട്ട്‌മെന്‍റ്
കോഴിക്കോട്: 202122 അധ്യയനവര്‍ഷത്തെ പിജി പ്രവേശനം ഒന്നാം അലോട്ട്‌മെന്‍റ് പ്രവേശന വിഭാഗത്തിന്‍റെ വെബ്‌സൈറ്റില്‍ (https://admission.uoc.ac.in) പ്രസിദ്ധീകരിച്ചു. അലോട്ട്‌മെന്‍റ് ലഭിച്ച എസ്‌സി, എസ്ടി, ഒഇസി വിഭാഗക്കാര്‍ 115 രൂപയും ജനറല്‍ വിഭാഗക്കാര്‍ 480 രൂപയും 18ന് വൈകീട്ട് അഞ്ചിന് മുമ്പായി മാന്‍റേറ്ററി ഫീസടച്ച് അലോട്ട്‌മെന്‍റ് ഉറപ്പുവരുത്തണം. സമയപരിധിക്കുള്ളില്‍ മാൻഡേറ്ററി ഫീസടയ്ക്കാത്തവര്‍ അലോട്ട്‌മെന്‍റ് പ്രക്രിയയില്‍ നിന്നു പുറത്താകുന്നതാണ്. ലഭിച്ച ഓപ്ഷനില്‍ തൃപ്തരായവര്‍ ഹയര്‍ ഓപ്ഷനുകള്‍ നിര്‍ബന്ധമായും റദ്ദാക്കേണ്ടതാണ്. അല്ലാത്തപക്ഷം തുടര്‍ അലോട്ട്‌മെന്‍റില്‍ പരിഗണിക്കപ്പെട്ടാല്‍ നിര്‍ബന്ധമായും സ്വീകരിക്കേണ്ടതും നിലവിലുള്ളത് നഷ്ടപ്പെടുന്നതുമാണ്. ഹയര്‍ ഓപ്ഷന്‍ റദ്ദാക്കുന്നവര്‍ പുതുക്കിയ അപേക്ഷയുടെ പ്രിന്‍റൗട്ട് സൂക്ഷിക്കേണ്ടതാണ്. രണ്ടാം അലോട്ട്‌മെന്‍റിനു ശേഷം മാത്രമേ കോളജുകളില്‍ പ്രവേശനമെടുക്കേണ്ടതുള്ളൂ.
വാക്ഇന്‍ഇന്‍റര്‍വ്യു
കാലിക്കട്ട് സര്‍വകലാശാലാ എൻജിനിയറിംഗ് കോളജില്‍ പ്രിന്‍റിംഗ് ടെക്‌നോളജി വകുപ്പില്‍ ഒഴിവുള്ള ലക്ചറര്‍ തസ്തികയിലേക്കും ഇലക്ട്രോണിക്സ് ആൻഡ് കമ്യൂണിക്കേഷന്‍ എൻജിനിയറിംഗ് മെക്കാനിക്കല്‍ എൻജിനിയറിംഗ് വകുപ്പുകളിലെ ഇന്‍സ്ട്രക്ടര്‍ തസ്തികകളിലേക്കും ദിവസവേതനാടിസ്ഥാനത്തില്‍ നിയമനം നടത്തുന്നതിനായി 24, 25 തീയതികളില്‍ വാക്ക്ഇന്‍ ഇന്‍റര്‍വ്യൂ നടത്തുന്നു. വിശദവിവരങ്ങള്‍ക്ക് www.cuiet.info .
പരീക്ഷാ അപേക്ഷ
ആറാം സെമസ്റ്റര്‍ മൂന്ന് വര്‍ഷ എല്‍എല്‍ബി യൂണിറ്ററി ഡിഗ്രി നവംബര്‍ 2021 റഗുലര്‍, സപ്ലിമെന്ററി പരീക്ഷകള്‍ക്കും ഏഴാം സെമസ്റ്റര്‍ ബിബിഎ എല്‍എല്‍ബി (ഓണേഴ്‌സ്) ഏപ്രില്‍ 2021 റഗുലര്‍, സപ്ലിമെന്ററി പരീക്ഷകള്‍ക്കും പത്താം സെമസ്റ്റര്‍ നവംബര്‍ 2021 റഗുലര്‍, സപ്ലിമെന്ററി പരീക്ഷകള്‍ക്കും പിഴ കൂടാതെ 25 വരെയും 170 രൂപ പിഴയോടെ 27 വരെയും ഫീസടച്ച് 29 വരെ ഓണ്‍ലൈനായി രജിസ്റ്റര്‍ ചെയ്യാം. ഒന്നാം സെമസ്റ്റര്‍ എംഫില്‍. നവംബര്‍ 2020 റഗുലര്‍, സപ്ലിമെന്ററി പരീക്ഷകള്‍ക്കും, ഒക്‌ടോബര്‍ 2020 സപ്ലിമെന്ററി പരീക്ഷയ്ക്കും പിഴ കൂടാതെ 24 വരെയും 170 രൂപ പിഴയോടെ 26 വരെയും ഫീസടച്ച് 27 വരെ ഓണ്‍ലൈനായി രജിസ്റ്റര്‍ ചെയ്യാം. സര്‍വകലാശാലാ പഠന വിഭാഗങ്ങളിലെ സിസിഎസ്എസ് രണ്ടാം സെമസ്റ്റര്‍ പിജി ഏപ്രില്‍ 2021 റഗുലര്‍, സപ്ലിമെന്ററി, ഇംപ്രൂവ്‌മെന്‍റ് 170 രൂപ പിഴയോടെ 17 വരെ ഫീസടച്ച് 19 വരെ ഓണ്‍ലൈനായി രജിസ്റ്റര്‍ ചെയ്യാം.
പരീക്ഷാ ഫലം
ഒന്നാം വര്‍ഷ ബിഎഫ്എ, ബിഎഫ്എ ഇന്‍ ആര്‍ട്ട് ഹിസ്റ്ററി ആൻഡ് വിഷ്വല്‍ സ്റ്റഡീസ് ഏപ്രില്‍ 2020 റഗുലര്‍ പരീക്ഷയുടെ ഫലം പ്രസിദ്ധീകരിച്ചു. പുനര്‍മൂല്യനിര്‍ണയത്തിന് 26 വരെ അപേക്ഷിക്കാം.
ഫാബ്രിക് പെയിന്‍റിംഗില്‍ സൗജന്യ പരിശീലനം
കാലിക്കട്ട് സര്‍വകലാശാലാ ലൈഫ്‌ലോംഗ് ലേണിംഗ് ആൻഡ് എക്സ്റ്റന്‍ഷന്‍ വകുപ്പ് ഫാബ്രിക് പെയിന്‍റിംഗ് ആൻഡ് സാരി ഡിസൈനിംഗില്‍ സൗജന്യ പരിശീലനം നല്‍കുന്നു. 22ന് തുടങ്ങുന്ന പരിശീലനത്തിന് താത്പര്യമുള്ളവര്‍ സെന്‍ററില്‍ നേരിട്ട് വന്ന് പേര് രജിസ്റ്റര്‍ ചെയ്യണം. സ്ത്രീകള്‍ക്കും പുരുഷന്‍മാര്‍ക്കും പ്രവേശനം ലഭിക്കും. പരിശീലനം പൂര്‍ത്തീകരിക്കുന്നവര്‍ക്ക് സര്‍ട്ടിഫിക്കറ്റ് നല്‍കുന്നതാണ്. പരിശീലനത്തിനാവശ്യമായ സാമഗ്രികളുടെ ചെലവ് സ്വയം വഹിക്കണം. ഫോണ്‍ 9846149276, 8547684683.