ഗ്രേഡ് കാർഡുകളുടെ വിതരണം
കണ്ണൂർ സർവകലാശാല വിദൂരവിദ്യാഭ്യാസ വിഭാഗത്തിന് കീഴിൽ മാനന്തവാടി ഗവ. കോളജ് പരീക്ഷാകേന്ദ്രമായി തെരഞ്ഞെടുത്ത് 2021 മാർച്ച് മൂന്നാം വർഷ ബിഎ/ബിബിഎ/ ബികോം (റഗുലർ, സപ്ലിമെന്ററി, ഇംപ്രൂവ്മെന്റ്), ബിഎസ് സി (സപ്ലിമെന്ററി) പരീക്ഷ എഴുതിയ വിദ്യാർഥികളുടെ ഗ്രേഡ് കാർഡുകൾ താഴെ പറയുന്ന തീയതികളിൽ മാനന്തവാടി മേരിമാതാ ആർട്സ് ആൻഡ് സയൻസ് കോളജിൽവച്ച് രാവിലെ 10.30 മുതൽ ഉച്ചകഴിഞ്ഞ് 2.30 വരെ വിതരണം ചെയ്യും. 20 ന് (ബികോം), 22ന് (ബിഎ പൊളിറ്റിക്കൽ സയൻസ്, ബിഎ മലയാളം, ബിബിഎ) 23 ന് (ബിഎ ഇക്കണോമിക്സ്/ബിഎ ഇംഗ്ലീഷ്/ ബിഎ ഹിസ്റ്ററി/ബിഎസ്സി) എന്നിങ്ങനെയാണ് വിതരണം. വിദ്യാർഥികൾ നിർബന്ധമായും ഹാൾടിക്കറ്റ്/യൂണിവേഴ്സിറ്റി നൽകിയ തിരിച്ചറിയൽ രേഖ എന്നിവ ഹാജരാക്കേണ്ടതും കോവിഡ് മാനദണ്ഡങ്ങൾ പാലിക്കേണ്ടതുമാണ്.
ലാബ് അസിസ്റ്റന്റ് അഭിമുഖം
കണ്ണൂർ സർവകലാശാലയുടെ മാങ്ങാട്ടുപറമ്പ് കാമ്പസിൽ പ്രവർത്തിക്കുന്ന പരിസ്ഥിതി പഠന വകുപ്പിലുള്ള ലാബ് അസിസ്റ്റന്റിന്റെ ഒരു താത്കാലിക ഒഴിവിലേക്ക് അഭിമുഖം നടത്തുന്നു. ഫിസിക്കൽ സയൻസ്/നാച്വറൽ സയൻസ് വിഷയത്തിൽ ബിരുദമാണ് യോഗ്യത. പരിസ്ഥിതി പഠനത്തിലുള്ള പരിചയം അഭികാമ്യം. ഉദ്യോഗാർഥികൾ 23 ന് രാവിലെ പത്തിന് മുന്പായി യോഗ്യത തെളിയിക്കുന്ന അസൽ രേഖകളുമായി പരിസ്ഥിതിപഠന വകുപ്പിൽ എത്തിച്ചേരേണ്ടതാണ്. ഫോൺ: 9746602652,9946349800, 04972781043.
ഇന്റേണൽ മാർക്ക്
പെരിങ്ങോം ഗവ. കോളജിലെ ഒന്നാം സെമസ്റ്റർ എംഎം ഇംഗ്ലീഷ് (റഗുലർ), നവംബർ 2020 പരീക്ഷകളുടെ ഇന്റേണൽ മാർക്ക് 18,19 തീയതികളിൽ ഓൺലൈനായി സമർപ്പിക്കാം.
ഒന്നാം സെമസ്റ്റർ എംഎസ്സി പ്ലാന്റ് സയൻസ് (നവംബർ 2020) പരീക്ഷകളുടെ ഇന്റേണൽ മാർക്ക് 25, 26 തീയതികളിൽ ഓൺലൈനായി സമർപ്പിക്കാം.
പരീക്ഷാവിജ്ഞാപനം
നെഹ്റു ആർട്സ് ആൻഡ് സയൻസ് കോളജിലെ ഒന്നാം സെമസ്റ്റർ ഇന്റഗ്രേറ്റഡ് എംഎസ്സി (റഗുലർ), ജനുവരി 2021 പരീക്ഷകൾക്ക് 18 മുതൽ 20 വരെ പിഴയില്ലാതെയും 22 ന് പിഴയോടുകൂടെയും ഓൺലൈനായി അപേക്ഷിക്കാം.
പത്ത്, എട്ട്, ആറ് സെമസ്റ്റർ ബിഎ എൽഎൽബി (റഗുലർ/സപ്ലിമെന്ററി), മേയ് 2021 പരീക്ഷകൾക്ക് 20 വരെ പിഴയില്ലാതെയും 23 ന് പിഴയോടുകൂടെയും അപേക്ഷിക്കാം.
പുനർമൂല്യനിർണയഫലം
അഫിലിയേറ്റഡ് കോളജുകളിലെ മൂന്നും അഞ്ചും സെമസ്റ്റർ എംസിഎ/എംസിഎ ലാറ്ററൽ എൻട്രി നവംബർ 2010 പുനർമൂല്യനിർണയ ഫലം സർവകലാശാല വെബ്സൈറ്റിൽ പ്രസിദ്ധീകരിച്ചു.