ബിഎഡ് വെയ്റ്റിംഗ് ലിസ്റ്റ്
202122 അധ്യയന വര്ഷത്തെ ബിഎഡ് പ്രവേശനത്തില് ഒഴിവുള്ള സീറ്റുകളില് പ്രവേശനം നടത്തുന്നതിനായി അതത് ഓപ്ഷനുകളിലേക്ക് അപേക്ഷിച്ചവരുടെ വെയ്റ്റിംഗ് ലിസ്റ്റ് പ്രസിദ്ധീകരിച്ചു. സ്റ്റുഡന്റ്സ് ലോഗിനില് റാങ്ക്നില പരിശോധിക്കാവുന്നതാണ്. മെറിറ്റടിസ്ഥാനത്തില് കോളേജില് നിന്നുള്ള നിര്ദ്ദേശാനുസരണം 21 മുതല് പ്രവേശനം നേടാവുന്നതാണ്. ഇതുവരെ രജിസ്റ്റര് ചെയ്യാത്തവര്ക്ക് ഡിസംബര് രണ്ടുവരെ ലേറ്റ് രജിസ്ട്രേഷനുള്ള സൗകര്യം പ്രവേശനവിഭാഗത്തിന്റെ വെബ്സൈറ്റില് (admission.uoc.ac.in) ലഭ്യമാണ്. ഫോണ് 0494 2407016, 7017
മലയാളം ആൻഡ് കേരള സ്റ്റഡീസ് റിഫ്രഷര് കോഴ്സ്
നരവംശശാസ്ത്രം, ചരിത്രം, മലയാളം, സാമൂഹികശാസ്ത്രം വിഷയങ്ങളില് കോളജ്, യൂണിവേഴ്സിറ്റി അധ്യാപകര്ക്കായി ഹ്യൂമണ് റിസോഴ്സ് ഡവലപ്മെന്റ് സെന്റര് ഡിസംബര് രണ്ടു മുതല് 15 വരെ നടത്തുന്ന മലയാളം ആന്ഡ് കേരള സ്റ്റഡീസ് റിഫ്രഷര് കോഴ്സിലേക്ക് നവംബര് 25 വരെ ഓണ്ലൈനായി അപേക്ഷിക്കാം. ഫോണ് 0494 2407350, 7351, ugchrdc.uoc.ac.in
ഹാള്ടിക്കറ്റ്
നാലാം സെമസ്റ്റര് ബിരുദകോഴ്സുകളുടെ, നവംബര് 29ന് ആരംഭിക്കുന്ന ഏപ്രില് 2021 റഗുലര് പരീക്ഷയുടെ ഹാള്ടിക്കറ്റ് സര്വകലാശാലാ വെബ്സൈറ്റില് ലഭ്യമാണ്.
പരീക്ഷ
നാലാം സെമസ്റ്റര് ബിവോക് ഏപ്രില് 2020 റഗുലര്, സപ്ലിമെന്ററി, ഇംപ്രൂവ്മെന്റ് പരീക്ഷകളും രണ്ടാം സെമസ്റ്റര് ബിഎഡ് (രണ്ട് വര്ഷം) ഏപ്രില് 2021 റഗുലര്, സപ്ലിമെന്ററി പരീക്ഷകളും ഏപ്രില് 2020 കോവിഡ് പ്രത്യേക പരീക്ഷയും ഡിസംബര് ആറിനു തുടങ്ങും.
നവംബര് 15, 17 തീയതികളില് നടത്താന് നിശ്ചയിച്ച് മാറ്റി വച്ച ഒന്നാം സെമസ്റ്റര് പിജി. പരീക്ഷകള് പുതുക്കിയ ടൈംടേബിള് പ്രകാരം 22ന് തുടങ്ങും വിശദമായ സമയക്രമം വെബ്സൈറ്റില്.
പരീക്ഷാഫലം
നാലാം സെമസ്റ്റര് എംഎ ഹിസ്റ്ററി, എംഎസ്സി അപ്ലൈഡ് ജിയോളജി ഏപ്രില് 2021 പരീക്ഷകളുടെ ഫലം പ്രസിദ്ധീകരിച്ചു.
സിന്ഡിക്കറ്റ് യോഗം
സിന്ഡിക്കറ്റ് യോഗം 29ന് രാവിലെ 10 ന് സെനറ്റ് ഹൗസില് ചേരും.