അഫിലിയേറ്റ് ചെയ്തിട്ടുള്ള ഗവണ്‍മെന്‍റ്/ എയ്ഡഡ്/ സ്വാശ്രയ/ യുഐടി/ ഐഎച്ച്ആർഡി കോളജുകളിൽ ഒന്നാം വർഷ ബിരുദ കോഴ്സുകളിലെ ഒഴിവുള്ള സീറ്റുകളിലേയ്ക്ക് ജനറൽ/ സംവരണ വിഭാഗങ്ങൾക്ക് മേഖല തലത്തിൽ സ്പോട്ട് അലോട്ട്മെന്റ് നടത്തുന്നു. ആലപ്പുഴ മേഖലയിലുള്ള കോളജുകളുടെ സ്പോട്ട് അലോട്ട്മെന്റ് ഡിസംബർ 2,3 തീയതികളിൽ എസ്ഡി കോളജ് ആലപ്പുഴയിൽ നടത്തും. വിശദമായ ഷെഡ്യൂൾ ചുവടെ ചേർക്കുന്നു
December 2 BSc, BCom, BBA, BCA, BSW, BMS Hotel Management, B Voc
December 3 All BA courses
വിദ്യാർഥികൾ ഓപ്ഷൻ സമർപ്പിച്ച അപേക്ഷയുടെ പ്രിന്‍റൗട്ട് സഹിതം എസ്ഡി കോളജ് ആലപ്പുഴയിൽ രാവിലെ 10 നു മുൻപായി റിപ്പോർട്ട് ചെയ്യണം. രജിസ്ട്രേഷൻ സമയം എട്ടു മുതൽ 10 വരെ. സമയം കഴിഞ്ഞു വരുന്നവരെ ഒരു കാരണവശാലും പരിഗണിക്കുന്നതല്ല. അലോട്ട്മെന്റ് സെന്‍ററുകളിൽ വിദ്യാർഥികൾക്ക് മാത്രമേ പ്രവേശനം അനുവദിക്കുകയുള്ളു.
നിലവിൽ കോളജുകളിൽ പഠിച്ചുകൊണ്ടിരിക്കുന്ന വിദ്യാർഥികൾ സ്പോട്ട് അലോട്ട്മെന്റിൽ പ്രവേശനം ഉറപ്പായാൽ മാത്രമേ ടി.സി.വാങ്ങുവാൻ പാടുള്ളൂ. സ്പോട്ട് അലോട്ട്മെന്റിൽ പങ്കെടുക്കാൻ വരുന്ന വിദ്യാർഥികളുടെ കൈവശം യോഗ്യതയും ജാതിയും (Noncreamy Layer, SCST, EWS) തെളിയിക്കുന്ന സർട്ടിഫിക്കറ്റുകളുടെ പകർപ്പുകൾ ഉണ്ടായിരിക്കണം. കോളജും കോഴ്സും അലോട്ട് ചെയ്തു കഴിഞ്ഞാൽ യാതൊരു കാരണവശാലും മാറ്റം അനുവദിക്കുകയില്ല. ഇത് വരെ അഡ്മിഷൻ ലഭിക്കാത്ത വിദ്യാർഥികൾക്ക് സ്പോട്ട് അലോട്ട്മെന്റിൽ അഡ്മിഷൻ ലഭിക്കുകയാണെങ്കിൽ യൂണിവേഴ്സിറ്റി അഡ്മിഷൻ ഫീസിനത്തിൽ (എസ്ടി/എസ്‌സി വിഭാഗങ്ങൾക്ക് 930 രൂപ, ജനറൽ/ മറ്റ് സംവരണ വിഭാഗങ്ങൾക്ക് 1850 രൂപ) അടയ്ക്കണം. ഇതിനായി പ്രത്യേക സമയം അനുവദിക്കുന്നതല്ല. മുന്പ് യൂണിവേഴ്സിറ്റി അഡ്മിഷൻ ഫീസ് അടച്ചവർ പേയ്മെന്‍റ് രസീതിന്‍റെ കോപ്പി കൈയിൽ കരുതണം.
ആലപ്പുഴ മേഖലയിൽ ഉൾപ്പെടുത്തിയിരിക്കുന്ന കോളജുകളുടെ വിവരം, ഒഴിവുള്ള സീറ്റുകളുടെ വിവരം എന്നിവ സർവകലാശാല വെബ്സൈറ്റിൽ Â (http://admissions.keralauniversity.ac.in) പ്രസിദ്ധീകരിച്ചിട്ടുണ്ട്.
ഒന്നാം വർഷ ബിരുദ പ്രവേശനം 2021: ജനറൽ/ സംവരണ വിഭാഗങ്ങൾക്ക് സ്പോട്ട് അലോട്ട്മെന്റ് തിരുവനന്തപുരം, കൊല്ലം മേഖല നവംബർ 30 നും ഡിസംബർഒന്നിനും അഫിലിയേറ്റ് ചെയ്തിട്ടുള്ള ഗവണ്‍മെന്‍റ്/ എയ്ഡഡ്/ സ്വാശ്രയ/ യുഐടി/ ഐഎച്ച്ആർഡി കോളജുകളിൽ ഒന്നാം വർഷ ബിരുദ കോഴ്സുകളിലെ ഒഴിവുള്ള സീറ്റുകളിലേയ്ക്ക് ജനറൽ/സംവരണ വിഭാഗങ്ങൾക്ക് മേഖല തലത്തിൽ സ്പോട്ട് അലോട്ട്മെന്റ് നടത്തുന്നു. തിരുവനന്തപുരം, കൊല്ലം മേഖലയിലുള്ള കോളജുകളുടെ സ്പോട്ട് അലോട്ട്മെന്റ് നവംബർ 30 നും ഡിസംബർ ഒന്നിനും നടത്തും. വിശദമായ ഷെഡ്യൂൾ ചുവടെ ചേർക്കുന്നു
November 30 BSc, BCom, BBA, BCA, BSW, BMS Hotel Management, B Voc
December 1 All BA courses
വിദ്യാർഥികൾ ഓപ്ഷൻ സമർപ്പിച്ച അപേക്ഷയുടെ പ്രിന്‍റൗട്ട് സഹിതം താഴെ പറയുന്ന സെന്‍ററിൽ രാവിലെ 10ന് മുൻപായി റിപ്പോർട്ട് ചെയ്യണം. രജിസ്ട്രേഷൻ സമയം എട്ടു മുതൽ 10 വരെ. ഈ സമയം കഴിഞ്ഞു വരുന്നവരെ ഒരു കാരണവശാലും പരിഗണിക്കുന്നതല്ല. അലോട്ട്മെന്റ് സെന്‍ററുകളിൽ വിദ്യാർഥികൾക്ക് മാത്രമേ പ്രവേശനം അനുവദിക്കുകയുള്ളു. മേഖലാടിസ്ഥാനത്തിലുള്ള സെന്‍ററുകൾ താഴെ പറയുന്നവയാണ്
· തിരുവനന്തപുരം യൂണിവേഴ്സിറ്റി കോളജ് ഓഫ് എൻജിനിയറിംഗ്, കാര്യവട്ടം
· കൊല്ലം എസ്എൻ കോളജ്, കൊല്ലം
നിലവിൽ കോളജുകളിൽ പഠിച്ചുകൊണ്ടിരിക്കുന്ന വിദ്യാർഥികൾ സ്പോട്ട് അലോട്ട്മെന്റിൽ പ്രവേശനം ഉറപ്പായാൽ മാത്രമേ ടിസി വാങ്ങുവാൻ പാടുള്ളൂ. സ്പോട്ട് അലോട്ട്മെന്റിൽ പങ്കെടുക്കാൻ വരുന്ന വിദ്യാർഥികളുടെ കൈവശം യോഗ്യതയും ജാതിയും (Noncreamy Layer, SCST, EWS) തെളിയിക്കുന്ന സർട്ടിഫിക്കറ്റുകളുടെ പകർപ്പുകൾ ഉണ്ടായിരിക്കണം. കോളജും കോഴ്സും അലോട്ട് ചെയ്തു കഴിഞ്ഞാൽ യാതൊരു കാരണവശാലും മാറ്റം അനുവദിക്കുകയില്ല. ഇത് വരെ അഡ്മിഷൻ ലഭിക്കാത്ത വിദ്യാർഥികൾക്ക് സ്പോട്ട് അലോട്ട്മെന്റിൽ അഡ്മിഷൻ ലഭിക്കുകയാണെങ്കിൽ യൂണിവേഴ്സിറ്റി അഡ്മിഷൻ ഫീസിനത്തിൽ (എസ്ടി/എസ്‌സി വിഭാഗങ്ങൾക്ക് 930 രൂപ, ജനറൽ/ മറ്റ് സംവരണ വിഭാഗങ്ങൾക്ക് 1850 രൂപ) അടയ്ക്കണം. ഇതിനായി പ്രത്യേക സമയം അനുവദിക്കുന്നതല്ല. മുന്പ് യൂണിവേഴ്സിറ്റി അഡ്മിഷൻ ഫീസ് അടച്ചവർ പേയ്മെന്‍റ് രസീതിന്‍റെ കോപ്പി കൈയിൽ കരുതണം.
തിരുവനന്തപുരം, കൊല്ലം മേഖലകളിൽ ഉൾപ്പെടുത്തിയിരിക്കുന്ന കോളജുകളുടെ വിവരം, ഒഴിവുള്ള സീറ്റുകളുടെ വിവരം എന്നിവ സർവകലാശാല വെബ്സൈറ്റിൽ (http://admissions.keralauniversity.ac.in) പ്രസിദ്ധീകരിച്ചിട്ടുണ്ട്.
ഒന്നാം വർഷ ബിഎഡ് പ്രവേശനം 2021: സ്പോർട്സ് /ജനറൽ/ സംവരണ വിഭാഗങ്ങൾക്ക് സ്പോട്ട് അലോട്ട്മെന്റ് ഇന്നും നാളെയും അഫിലിയേറ്റ് ചെയ്തിട്ടുള്ള ഗവണ്‍മെന്‍റ്, എയ്ഡഡ്, സ്വാശ്രയ, കെയുസിടിഇ കോളജുകളിലെ ഒന്നാം വർഷ ബിഎഡ് കോഴ്സുകളിലെ ഒഴിവുള്ള സീറ്റുകളിലേക്ക് ജനറൽ / സംവരണ വിഭാഗക്കാർക്ക് സ്പോട്ട് അലോട്ട്മെന്റ് 26, 27 തീയതികളിൽ യൂണിവേഴ്സിറ്റി കോളജ് ഓഫ് എൻജിനിയറിംഗ് കാര്യവട്ടത്തെ ഓഡിറ്റോറിയത്തിൽ നടത്തും.
ബിഎഡ് ഫിസിക്കൽ സയൻസ്, സോഷ്യൽ സയൻസ്, ജിയോഗ്രാഫി, നാച്ചുറൽ സയൻസ്, മാത്തമാറ്റിക്സ്, കോമേഴ്സ് എന്നിവ 26ന് നടത്തും. ബിഎഡ് ഇംഗ്ലീഷ്, മലയാളം, ഹിന്ദി, തമിഴ്, അറബിക്, സംസ്കൃതം, എന്നിവ 27 ന് നടത്തും.
സ്പോർട്സ് കൗണ്‍സിൽ അംഗീകരിച്ച ലിസ്റ്റ് പ്രകാരം 27നു സ്പോർട്സ് ക്വാട്ട അലോട്ട്മെന്റ് മേൽ പറഞ്ഞ വേദിയിൽ തന്നെ സർവകലാശാല നടത്തും. അർഹരായ വിദ്യാർഥികൾ മതിയായ രേഖകളുമായി അന്നേ ദിവസം 10നുമുന്പായി ഹാജാരാകണം .
സ്പോട്ട് അലോട്ട്മെന്റിൽ പങ്കെടുക്കുന്ന എല്ലാ വിദ്യാർഥികളും ഓണ്‍ലൈൻ അപേക്ഷയുടെ ഏറ്റവും പുതിയ പ്രിന്‍റൗട്ട് സഹിതം രാവിലെ 10നു മുൻപായി റിപ്പോർട്ട് ചെയ്യണം. രജിസ്ട്രേഷൻ സമയം എട്ടു മുതൽ 10വരെ. ടി സമയം കഴിഞ്ഞു വരുന്നവരെ ഒരു കാരണവശാലും പരിഗണിക്കുന്നതല്ല. അലോട്ട്മെന്റ് സെന്‍ററുകളിൽ വിദ്യാർഥികൾക്ക് മാത്രമേ പ്രവേശനം അനുവദിക്കുകയുള്ളു. മറ്റെന്തെങ്കിലും കാരണത്താൽ ഹാജാരാകാൻ സാധിക്കാത്ത വിദ്യാർഥികൾ സാക്ഷ്യ പത്രം (authorization letter) നൽകി രക്ഷകർത്താവിനെ അയക്കാം.
നിലവിൽ കോളജുകളിൽ പഠിച്ചുകൊണ്ടിരിക്കുന്ന വിദ്യാർഥികൾ സ്പോട്ട് അലോട്ട്മെന്റിൽ പ്രവേശനം ഉറപ്പായാൽ മാത്രമേ ടിസി വാങ്ങുവാൻ പാടുള്ളൂ. സ്പോട്ട് അലോട്ട്മെന്റിൽ പങ്കെടുക്കാൻ വരുന്ന വിദ്യാർഥികളുടെ കൈവശം യോഗ്യതയും ജാതിയും (Noncreamy Layer, SCST, EWS) തെളിയിക്കുന്ന സർട്ടിഫിക്കറ്റുകളുടെ പകർപ്പുകൾ ഉണ്ടായിരിക്കണം. കോളജും കോഴ്സും അലോട്ട് ചെയ്തു കഴിഞ്ഞാൽ യാതൊരു കാരണവശാലും മാറ്റം അനുവദിക്കുകയില്ല. ഇത് വരെ അഡ്മിഷൻ ലഭിക്കാത്ത വിദ്യാർഥികൾക്ക് സ്പോട്ട് അലോട്ട്മെന്റിൽ അഡ്മിഷൻ ലഭിക്കുകയാണെങ്കിൽ യൂണിവേഴ്സിറ്റി അഡ്മിഷൻ ഫീസിനത്തിൽ (എസ്ടി/എസ്‌സി വിഭാഗങ്ങൾക്ക് 230 രൂപ, ജനറൽ/ മറ്റ് സംവരണ വിഭാഗങ്ങൾക്ക് 1130 രൂപ) അടയ്ക്കണം. ഇതിനായി പ്രത്യേക സമയം അനുവദിക്കുന്നതല്ല. മുന്പ് യൂണിവേഴ്സിറ്റി അഡ്മിഷൻ ഫീസ് അടച്ചവർ പേയ്മെന്‍റ് രസീതിന്‍റെ കോപ്പി കൈയിൽ കരുതണം.
വിശദ വിവരങ്ങൾക്ക് (http://admissions.keralauniversity.ac.in) അഡ്മിഷൻ വെബ്സൈറ്റ് കാണുക.
സ്പോട്ട് അഡ്മിഷൻ പഠനവഗവേഷണ വകുപ്പുകളിൽ എംഎസ്‌സി കെമിസ്ട്രി വിത്ത് സ്പെഷലൈസേഷൻ ഇൻ റിന്യൂവബിൾ എനർജി പ്രോഗ്രാമിന് 2021 23 ബാച്ച് അഡ്മിഷനു SC സീറ്റ് ഒഴിവുണ്ട്. പ്രവേശനം ആഗ്രഹിക്കുന്ന വിദ്യാർഥികൾ 26ന് രാവിലെ 10നു മുൻപായി അസൽ സർട്ടിഫിക്കറ്റുകളുമായി വകുപ്പിൽ നേരിട്ട് ഹാജരാകണം.
കൊമേഴ്സ് പഠനവകുപ്പിൽ 2021 22 വർഷം പുതുതായി ആരംഭിക്കുന്ന എംകോം ബ്ലൂ ഇക്കണോമി ആൻഡ് മാരിടൈം ലോ പ്രോഗ്രാമിന്റെ പ്രവേശന പരീക്ഷ 27ന് നടത്തും. ഹാൾടിക്കറ്റ് വെബ്സൈറ്റിൽ..(admissions.keralauniversity.acin)
സ്പെഷൽ പരീക്ഷ 2021 മാർച്ചിൽ നടത്തിയ ബിസിഎ/ബിബിഎ (SDE) മൂന്ന്,നാല് സെമസ്റ്റർ (ഒക്ടോബർ 2020) ജൂലൈ, ഓഗസ്റ്റ് മാസങ്ങളിൽ നടത്തിയ അഞ്ച്, ആറ് സെമസ്റ്റർ പരീക്ഷകൾ കോവിഡ് പോസിറ്റീവ്, ഹോം ക്വാറന്‍റൈൻ കാരണം എഴുതാൻ കഴിയാത്ത വിദ്യാർഥികൾക്ക് സ്പെഷൽ എക്സാം നടത്താൻ തീരുമാനമായി. സ്പെഷൽ പരീക്ഷ എഴുതേണ്ട വിദ്യാർഥികൾ ആരോഗ്യ വകുപ്പിന്റെയോ തദ്ദേശസ്വയംഭരണവകുപ്പിന്റെയോ സർട്ടിഫിക്കറ്റ് സഹിതം അപേക്ഷ ഡിസംബർ നാലിന് മുന്പായി പരീക്ഷാ കണ്ട്രോളർക്ക് സമർപ്പിക്കണം. നേരത്തെ അപേക്ഷിച്ച സമർപ്പിച്ചവർ വീണ്ടും അപേക്ഷിക്കേണ്ട തില്ല.
വിദൂരവിദ്യാഭ്യാസപഠനകേന്ദ്രം നടത്തിയ എംഎ/എംഎസ്‌സി/എംകോം ഡിഗ്രി പരീക്ഷകളിൽ ജൂലൈ 23 മുതൽ ഓഗസ്റ്റ് 18 വരെ നടത്തിയ ഒന്നും രണ്ടും സെമസ്റ്റർ (2019 അഡ്മിഷൻ റെഗുലർ, 2018 അഡ്മിഷൻ ഇംപ്രൂവ്മെന്‍റ്, 2017, 2018 അഡ്മിഷൻ സപ്ലിമെന്‍ററി) മേയ് 2021, ഫെബ്രുവരി രണ്ടു മുതൽ മാർച്ച് 16 വരെ നടത്തിയ മൂന്നും നാലും സെമസ്റ്റർ 2018 അഡ്മിഷൻ റെഗുലർ, 2017 അഡ്മിഷൻ സപ്ലിമെന്‍ററി) നവംബർ, ഡിസംബർ 2020 പരീക്ഷകൾക്ക് രജിസ്റ്റർ ചെയ്ത് കോവിഡ് കാരണം പരീക്ഷയ്ക്ക് ഹാജരാകാൻ സാധിക്കാത്ത വിദ്യാർഥികൾക്ക് സ്പെഷൽ പരീക്ഷയ്ക്കായി അപേക്ഷിക്കാം. ഇതിനായി ഇമെയിൽ മുഖേന (
[email protected]) പി.ജി. നോണ് സെമസ്റ്റർ അസിസ്റ്റന്‍റ് രജിസ്ട്രാർക്ക് സമർപ്പിക്കാം. അപേക്ഷയോടൊപ്പം ആരോഗ്യവകുപ്പിന്റെയോ ബന്ധപ്പെട്ട തദ്ദേശസ്വയംഭരണവകുപ്പിന്റെയോ സർട്ടിഫിക്കറ്റ് കൂടി ഹാജരാക്കണം. അപേക്ഷകൾ സ്വീകരിക്കുന്ന അവസാന തീയതി ഡിസംബർ ആറ്. പരീക്ഷാതീയതി പിന്നീട് പ്രസിദ്ധീകരിക്കും.
പരീക്ഷാത്തീയതി 29 മുതൽ നടത്താൻ നിശ്ചയിച്ചിരുന്ന യൂണിവേഴ്സിറ്റി കോളജ് ഓഫ് എൻജിനിയറിംഗ് കാര്യവട്ടത്തെ 2020 സ്കീം വിദ്യാർഥികളുടെ ഒന്നാം സെമസ്റ്റർ റെഗുലർ ബിടെക് ഡിഗ്രി പരീക്ഷകൾ ഡിസംബർ ഒന്നുമുതൽ പുനഃക്രമീകരിച്ചിരിക്കുന്നു. വിശദമായ ടൈംടേബിൾ വെബ്സൈറ്റിൽ.
2020 ഫെബ്രുവരിയിൽ നടത്തിയ ഒന്നാം സെമസ്റ്റർ മേഴ്സിചാൻസ് ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ (2006 സ്കീം) എംഎസ്‌സി മാത്തമാറ്റിക്സ് (2013 സ്കീം) പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് അപേക്ഷിക്കേണ്ട അവസാന തീയതി ഡിസംബർ ആറ്. വിശദവിവരങ്ങൾ വെബ്സൈറ്റിൽ.
പരീക്ഷാഫീസ് ഡിസംബറിൽ നടത്തുന്ന രണ്ട് (2020 അഡ്മിഷൻ റെഗുലർ, 2019 അഡ്മിഷൻ ഇംപ്രൂവ്മെന്‍റ് & 2014 2018 അഡ്മിഷൻ സപ്ലിമെന്‍ററി, 2013 അഡ്മിഷൻ സപ്ലിമെന്‍ററി, 2011 അഡ്മിഷൻ മേഴ്സിചാൻസ്), നാല് (2019 അഡ്മിഷൻ റെഗുലർ, 2018 അഡ്മിഷൻ ഇംപ്രൂവ്മെന്‍റ് & 2014 2017 അഡ്മിഷൻ സപ്ലിമെന്‍ററി, 2013 അഡ്മിഷൻ സപ്ലിമെന്‍ററി & 2011 അഡ്മിഷൻ മേഴ്സിചാൻസ്), ആറ് (2018 അഡ്മിഷൻ റെഗുലർ, 2014 2017 അഡ്മിഷൻ സപ്ലിമെന്‍ററി, 2013 അഡ്മിഷൻ സപ്ലിമെന്‍ററി, 2011 അഡ്മിഷൻ മേഴ്സിചാൻസ്), എട്ട് (2017 അഡ്മിഷൻ റെഗുലർ, 2014 2016 അഡ്മിഷൻ സപ്ലിമെന്‍ററി, 2013 അഡ്മിഷൻ സപ്ലിമെന്‍ററി, 2011 അഡ്മിഷൻ മേഴ്സിചാൻസ്) സെമസ്റ്റർ ബാച്ചിലർ ഓഫ് ഹോട്ടൽ മാനേജ്മെന്‍റ് ആൻഡ് കാറ്ററിംഗ് ടെക്നോളജി ബിഎച്ച്എം/ബിഎച്ച്എംസിടി പരീക്ഷകൾക്കുള്ള അപേക്ഷകൾ ക്ഷണിച്ചു. പിഴകൂടാതെ 30 വരെയും 150 രൂപ പിഴയോടെ ഡിസംബർ മൂന്നുവരെയും 400 രൂപ പിഴയോടെ ഡിസംബർ ആറുവരെയും അപേക്ഷിക്കാം. 2014, 2018 സ്കീം വിദ്യാർഥികൾ ഓണ്‍ലൈനായും മറ്റു വിദ്യാർഥികൾ പൂരിപ്പിച്ച അപേക്ഷയും നൽകണം. വിശദവിവരങ്ങൾ വെബ്സൈറ്റിൽ
റഷ്യൻ സർട്ടിഫിക്കറ്റ്, ഇന്‍റഗ്രേറ്റഡ് ഡിപ്ലോമ കോഴ്സുകൾക്ക് അപേക്ഷ ക്ഷണിച്ചു റഷ്യൻ പഠനവകുപ്പ് 2022 ന് നടത്തുന്ന റഷ്യൻ സർട്ടിഫിക്കറ്റ്, ഇന്‍റഗ്രേറ്റഡ് ഡിപ്ലോമ (ഒരു വർഷം) കോഴ്സുകൾക്ക് അപേക്ഷ ക്ഷണിച്ചു. യോഗ്യത: പ്ലസ്ടു/പ്രീഡിഗ്രി. അപേക്ഷകൾ റഷ്യൻ പഠനവകുപ്പിലും സർവകലാശാല വെബ്സൈറ്റിലും ലഭ്യമാണ്. അപേക്ഷാഫീസ് 105 രൂപയും രജിസ്ട്രേഷൻ ഫീസ് 110 രൂപയുമാണ്. പൂരിപ്പിച്ച അപേക്ഷകൾ ഡിസംബർ 20 വരെ പാളയം സെനറ്റ് ഹൗസ് കാന്പസിലുളള റഷ്യൻ പഠനവകുപ്പ് ഓഫീസിൽ സ്വീകരിക്കും.